لاى معلم لغة انجليزية يريد تطوير وتنمية ذاته 

 البوست دا لأى مٌدرس لغة انجليزية حابب التطوير ومش عارف يبدأ منين وايه الماتريال اللي يذاكرها عشان يطلع فى الاخر بمحتوي شهادات دولية زي الـ CELTA وما يعادلها:

لينك واحد بس هتلاقي فيه ما لذَّ وطاب كمان هبسط المحتوي الموجود وتبدأ تذاكره ازاي، رجاءً دعوة بظهر الغيب بالصلاح والفلاح:

محتوي البوست ماشي بالتدريج، يعني اول كتاب هيكون رقم 1 تبدأ بيه، لانه الاقوي وهيسهل عليك اللى بعده:

انا مبدأي فى الحياة ان مفيش كتاب واحد هتطلع منه بمعلومة كامله، اقل حاجه كتابين تلاته متعلقين بنفس الحاجه، عشان كدا هتلاقيني حاطط نفس المحتوي بس الكتب مختلفة، وعشان تبقي مدرس شاطر عندك معلومة كويسه، لازم تمشي بالمبدأ دا .....

ـــــــــــــــــــــــــــــــــــــــــــــــــــــــــــــــــــ

- اول كتاب معانا، Teach EFL وانت بتقرأ الكتاب دا خليك عارف ان المعلومات دي هي كورس السيلتا، يعني انت ماسك سيلتا مش كتاب فى ايدك.

- تاني كتاب How to teach English للعلَّامه Jeremy Harmer همشي معاك واحده واحده فى كل مهارة، ازاي تدرسها ولما تعمل كذا او تطبق كذا النتيجة هتكون ايه وطلابك هيستفادوا ايه.

- تالت كتاب Learning teaching لكبير المدرسين Jim Scrivener الكتاب دا من حبي فيه، لخصته، عربي وانجلش! تلخيصه هتلاقيه، اقرأه وادعيلي. ابدأ بالملخص وبعدين الكتاب عشان يكون سهل عليك حبتين وتفهمه كله! 

- رابع كتاب Grammar for English language teachers مهم اوي الكتاب دلمدرسين اللغة الانجليزية، لان شرح القواعد فيه ليك كمدرس لغة، فلازم تفهمه كويس عشان تقدر توصل وتشرح القواعد Grammar لطلابك بكل سهوله

*هقترح عليك اقتراح هنا: قبل ما تشرح اي درس قواعد، ذاكر الدرس من الكتاب دا، وروح اقرأ ازاي تدرس القواعد من الـ 3 كتب اللى فوق، وابدأ تدريس. بعد ما تخلص شرح قيم نفسك وشوف طبقت قد ايه من اللى قرأته!  

- لما تلاقي نفسك فاضي او زهقان افتح ELT terminology واقرأ كدا وتمعن فى المصطلحات عشان معرفتهم هتساعدك جدا دلوقتي وفيما هو قادم!

- هتلاقي folder اسمه how to teach جواه عظمة حرفيا، هتلاقي كل مهارة او piece of language ليها كتاب منفرد بيها عن ازاي تدرسها:

How to teach pronunciation

How to teach writing

How to teach vocabulary 

How to teach grammar

افتح كل كتاب من دول وتعمق فى تدريس كل منهم. (10 كتب)

- الكتاب السادس عشر (16)، An A-Z of ELT by Scott Thornbury 

الكتاب دا هينفعك جدا وهيوسع مداركك للغة والتدريس، كمان هينفعك قدام اوي لما تفكر فى حاجه زي الديلتا.

- الكتاب السابع عشر، About language للعلامه Scott Thornbury من اسمه تعرف انه متعلق باللغة، هيشرحلك جوانب اللغة، كل ما هو متعلق باللغة واكتسابها هتلاقيه!

- اخيرا، هتلاقي فولدر اسمه Links+videos+pieces of advice هتلاقي جواه ملف pdf انا كاتبه، لازم تقرأه كويس جدا، هتلاقي فيه لينكات لمدرسين بيشرحوا، مطلوب من حضرتك تتفرج عليهم وتاخد ملاحظات عليهم وهما بيدرسوا، والفيديوز هتوضحلك هما بيعملوا ايه!

الويب سايت اللى فى الملف، اوعي تقفله وذاكر كورس السيلتا اللى عليه مع الكتب. 

ـــــــــــــــــــــــــــــــــــــــــــــــــــــــــــــــــــــــــــــــ

لحد هنا انت معاك 99% من اللى هتحتاجه فى مسيرتك لتدريس اللغة الانجليزية، لازم تعدي على كل الكتب اللى ذكرتها واللى موجوده معاك حاليا، تبقي مجتهد جدا ومش بتهزر لو روحت طبعت الكتب دي وبدأت فيها مذاكرة وتطبيق فعلي داخل الفصل بتاعك.

اي مدرسة/ مدرس لغة انجليزية تعرفه، ابعتله البوست دا وخليه يقرأ الكلام دا كويس.

البوست دا محطوط فى ملف pdf عشان تنزله على موبايلك وتقرأه لما تحتاج، عشان اسهل عليك بدل ما تفتح فيس وتدخل على البروفايل بتاعي، ويبقي مرجع ليك فى اي وقت. دمتم خير أمة اخرجت للناس، تأمر بالمعروف وتنهي عن المنكر.

اللينك من هنا