- خطوات تقليل الاغتراب والتحويل لطلاب الثانوية العامة 2022  " هيفتح من يوم السبت لحد يوم الاربعاء " احفظ البوست دا عندك 

لو تعرف طالب فى ثانوية عامة لازم تساعده يشوف الكلام دا 

--------------------------------------------------------------------------

لازم تاخد بالك من كذا نقطه قبل ما اقولك على خطوات تقليل الاغتراب:

1- موقع تقليل الاغتراب والتحويل واحد بس تقليل الاغتراب اسمه "تحويل مناظر" والتحويل أسمه غير مناظر 

2- لازم تاخد بالك ان لما الموقع يفتح متاح ليك تعمل حاجه واحده بس إما تحويل أو تقليل اغتراب " ركز حاجه واحــــــــــــــــــــــــــــــــــــدة بس 

3- شرط التحويل الغير مناظر "التحويل" 

-------------------------------------------------------------------------

أ- ان تكون جايب مجموع الكلية اللي تحول لها انتظام او انتساب 

ب- ان تكون الكلية دي واقعة داخل نطاق "أ" فقط 

* مثال جالك تجارة المنصورة وانت عايز تحول حقوق المنصورة بما ان المنصورة نطاق "أ" بالنسبة لك وكمان جايب مجموع حقوق يبقى التحويل هيقبل 

* مثال تاني جالك تجارة المنصورة وأنت عايز تحول حقوق عين شمس وانت نطاقك المنصورة وبرغم انك جايب حقوق عين شمس كدا التحويل مش هيقبل لان عين شمس خارج توزيعك الجغرافي

--------------------------------------------------------------------------

4- شرط التحويل المناظر "تقليل الاغتراب" 

أ- تحويل من كلية خارج نطاقك الجغرافي إلى نفس الكلية داخل نطاقك الجغرافي ولا يشترط الحصول على مجموع الكلية 

* مثال جالك كلية تجارة عين شمس وعايز تحول تجارة المنصورة على الرغم ان مجموعك مش جايب تجارة المنصورة تقدر تحول عادي وكل مايكون الفرق بينك وبين تجارة المنصورة بسيط كل مايكون نسبه قبولك في تقليل الاغتراب اكبر 

ب- في حالة ترشيح الطالب إلى كلية ما "انتظام" ويرغب في التحويل إلى كلية مناظرة لتقليل الاغتراب فيكون التحويل في هذه الحالة وفقاً لما يلي:

- إذا كان الطالب حاصل على مجموع درجات يفوق الحد الأدنى لمجموع درجات "الانتساب الموجه" الذي قبل بالكلية التي يرغب في التحويل إليها فيتم قيده حال الموافقة على تحويله وفق نظام "الانتظام"

- إذا كان الطالب حاصل على مجموع درجات يساوي أو أقل من الحد الأدنى لمجموع درجات "الانتساب الموجه" الذي قبل بالكلية التي يرغب في التحويل إليها فيتم قيده حال الموافقة على تحويله وفق نظام "الانتساب الموجه"

- يتم قبول تحويلات في حدود نسبة مئوية يحددها المجلس الأعلى للجامعات بنسبة 10% من الاماكن المقررة لكل كلية وطبقا للإمكانيات الاستيعابية للكليات

--------------------------------------------------------------------------

5- خطوات تقليل الاغتراب :

- لما موقع التحويل يفتح هتدخل عليه عادي زي خطوه الرغبات بالظبط وهتضغط على تسجيل رغباتك " صوره رقم 1 

- هتكتب البيانات بتاعتك عادى زى خطوات كتابة الرغبات " صوره رقم 2 

- هتضعط على كلمة جديد علشان تكتب رغبات من أول وجديد صورة رقم 3

- هتراجع البيانات بتاعتك عادى جدا وتضغط على الخطوه التالية صورة رقم 4 

- هتختار نوع التحويل اللي عايزه تقليل اغتراب "تحويل مناظر" التحويل من كلية لكلية تانية "تحويل غير مناظر" وبعدين هتلاقي قائمة كليات تقدر تضيف منها كلية او كتر وبعد كدا هتضغط التالي "صورة رقم 5" 

- بعد مانتيجة تقليل الاغتراب والتحويل تظهر هتلاقي لنفسك بطاقه ترشيح جديده ويعتبر بطاقه الترشيح اللي قبل التحويل لاغية والبطاقة اللي بعد تقليل الاغتراب او التحويل هي اللي هتقدم بيها في الكلية