بالصور كيفية اضافة موجه او مدير لتقيم المعلمين للترقي

#ترقي_دفعة_2016_2017 

سؤال متكرر 

لما دخلت اعمل تقييم الموجه ملقتش اسم الموجه اللي انا عايزة من ضمن قائمة الموجهين اعمل ايه ؟

قائمة الموجهين الموجودة عند حضراتكم دي تخص الدفعتين السابقتين واصلا مكنش في اسماء خالص وكل الموجهين دول تم اضافتهم في الدفعة السابقة واللي قبلها 

طيب الموضوع سهل بس احنا اللي بنعقده 

اولا مينفعش اختار اسم اي موجه عشوائي واقيم واحفظ وخلاص لازم اعمل شغلي صح هو هيقبل معايا الحفظ بس لو حبيت اطبع الاستمارة عشان الموجه يعتمدها مش هيوافق دي نقطة وبغض النظر عن النقطة دي حتى لو مش هطبع لازم شغلي يكون صح 

طب الصح ايه ؟؟ لازم اضيف الموجه وذكرنا قبل كده اني هحتاج الرقم القومي بتاعه للاضافة 

والخطوات هنشرحها وهتنطبق على المدير كمان لأن المدير الموجود عندي ممكن يكون طلع معاش أو مشي من المدرسة وفي الحالة دي لازم احذف المدير القديم واضيف المدير الجديد لأن مش هيقبل معايا الا إضافة مدير واحد فقط بعكس الموجهين ممكن اضيف اي عدد 

الخطوات بالصور 

ادخل على اللينك التالي 

من هنا

1.اضغط على تحديد المدير والموجهين 

2.اختار موجه ثم اكتب الرقم القومي الخاص به ثم اضغط عرض البيانات 

3. هتظهرلي البيانات اضغط حفظ 

وبعد كده ادخل على التقييم وأختار الموجه واقيم 

طب فرضا كتبت الرقم القومي وقالي لا يوجد بيانات لعرضها ده معناه أن الموجه غير مسكن على إدارتي وممكن يكون منتدب للتوجيه والندب الكلي متعملش اليكترونيا وقد يكون الندب ندب جزئي يومين او ثلاثة بالتوجيه وبقية الايام بالمدرسة والندب الجزئي لا يتم تسجيله اليكترونيا غالبا 

وفي أي حالة يجب الاتصال بقسم الاحصاء بالإدارة لحل المشكلة اما يسجل الندب اليكترونيا أو يستبدل الموجه بآخر طبعا بالاتفاق مع الموجه الآخر لنفس التخصص ليقوم بالتقييم . 

طب لو تم التقييم لموجه اخر عن طريق الخطأ يتم حذف التقييم وإعادته مره اخرى بنختار من الصفحة الرئيسية أمام تقييم الموجهين اضغط للاطلاع والطباعة وعند ظهور الكشف نختار حذف  .

ارق تحياتي 🌹🌹

اتمنى اكون قدرت أوضح الموضوع وأجيب على كافة الاستفسارات