سؤال وجواب عن كل ما يدور في بالك عن ترقيات المعلمين والاكاديمية 

سيظهر النص الذي تقوم بنسخه هنا تلقائيًا#ترقيات_المعلمين  #أعرف_أفهم

قبل ما نتكلم عن قرار الأكاديمية المهنية للمعلمين بخصوص بدء إجراءات الترقية للدفعة الجديدة👍

هنجاوب عن السؤال اللي شاغل بال ناس كتير وهو🫣

أيه مصير دفعة ٢٠١٥ اللي لسه مطلعش ليهم قرار الترقية؟ وأزاي الأكاديمية تعلن عن بدء إجراءات ترقية دفعة جديدة والدفعة اللي قبلها لسه مطلعش ليهم قرار؟🤔

والإجابة هي إن دور الأكاديمية بينتهي بإنتهاء اختبارات المعلمين ومراجعة الأسماء ... أما صدور القرار فبيكون بعد إعتماد القرار من الوزير ثم قرار المحافظ بالإعتماد ... ودا اللي بيخلي كل محافظة مختلفة عن الثانية في تاريخ تطبيق القرار .. لأن في محافظ بيمضي القرار سريعاً وفي محافظ بيتأخر في إعتماد القرار👌

وإن شاء الله سيصدر قريباً القرار للخاص بترقية دفعة ٢٠١٥🤲

وبالتالي قرار بدء إجراءات ترقيات الدفعة الجديدة لا يتعارض مع تأخر صدور قرار دفعة ٢٠١٥ ومش هيضيع أقدميتهم لأن إجراءات الترقيات عموماً من أولها لصدور القرار بتاخد وقت يقارب من السنة🤦 وساعات أكثر من كده كمان حسب الظروف اللي بتمر بيها البلد في تلك الفترة

ودلوقتي هنتكلم عن قرار الترقية للدفعة الجديدة 👇👇

📝 مين الدفعة المستحقة للترقية؟

✅ كل من كانت آخر ترقية له عام ٢٠١٦ أو ٢٠١٧ وما قبلهما (تخلفات الدفعات السابقة) بشرط البقاء علي رأس العمل وإكمال مدة ال ٥ سنوات عمل فعلي

والحاصلين علي الماجستير والدكتوراة ولم يستفيدوا بتخفيض المدة من قبل حيث يتم تخفيض المدة سنة للماجستير وسنتين للدكتوراة

📝طيب أتأكد أزاي إن أنا مستهدف للترقية وأيه الملف الورقي المطلوب مني علشان أجهز الأوراق؟

✅في البداية لازم تعرف إن إجراءات الترقية دلوقتي بقيت إلكترونية ومفيش حاجة أسمها ملف ورقي ومتخليش أي حد يستغلك ويقولك أشتري ملف الترقية

ثانياً: إجراءات الترقية بتكون علي كذا مرحلة

👈المرحلة الأولى:

اللي هي الفترة دي ... في حالياً تعليمات للمدارس بتحديث بيانات العاملين فيها وبداية من يوم ٧/٣ لغاية ٢٠٢٢/٨/٤ هتلاقي أسمك نزل علي موقع إحصاء المدرسة لو أنت مستهدف من الترقية وهيبلغك مسئول الإحصاء في مدرستك

وساعتها مطلوب منك تجيب صورة طبق الأصل من آخر تقريرين أداء (ويكونوا كفء أو فوق متوسط) وتسلمهم لمسئول الإحصاء علشان يسجلهم

وبالنسبة للحاصلين علي الماجستير والدكتوراة فحضرتك بتاخد صورة من شهادة الماجستير أو الدكتوراة طبق الأصل وصورة من صحيفة الحالة وبتروح قسم الإحصاء بالإدارة التعليمية وتملئ أستمارة عدم الإستفادة من التخفيض من قبل (في المرفقات) .. ومسؤول الإحصاء هيسجلك في الموقع علشان تبدء إجراءات الترقية

👈المرحلة الثانية:

📝 طب وبعد كده أيه اللي هيحصل؟

✅ بعد إنتهاء مدة المرحلة الأولى هتعلن الأكاديمية عن بداية المرحلة الثانية واللي بتكون عبارة عن ملف الترقية الإلكتروني للمعلم

وهو عبارة عن ٥ بنود كل بند عليه ٢٠ ٪ ... لازم تتأكد في النهاية أنه بقي ١٠٠ ٪

#الأول: بيانات بسيطة عن المعلم هتكتبها علي صفحتك علي موقع الأكاديمية سهلة تكتبها أنت أو تخلي أي حد يكتبهالك 

#الثاني: تقييم مدير المدرسة للمعلم .. ودا بيسجله المدير .. أنت كمعلم ملكش دعوة بيه .. أنت بس بتتابع هو أتسجل ولا لا

#الثالث: تقييم الموجه للمعلم .. ودا بيسجله الموجه مع المدير .. أنت كمعلم ملكش دعوة بيه .. أنت بس بتتابع هو أتسجل ولا لا

#الرابع: تقييم الإدارة التعليمية .. ودا بتسجله الإدارة.. أنت كمعلم ملكش دعوة بيه .. أنت بس بتتابع هو أتسجل ولا لا

#الخامس: إقرار المدة البينية ال ٥ سنوات ودي إفادة بتجيبها من الإدارة التعليمية إنك كملت ٥ سنين عمل فعلي وبتسلمها لمسوؤل الإحصاء بالمدرسة وتتابع هو سجلها ولا لا

خلي بالك في استمارات تقييم منتشرة علي الفيس خاصة بالمدير والموجه على إنها مطلوبة منك ضمن الأوراق المطلوبة ودا غلط .. أنت كمدرس مش مطلوب منك الأستمارات دي وزي ما قولنا المدير والموجه بيقيموك إلكتروني

المهم بعد ال ٥ بنود ما يتسجلوا هيظهرلك نسبة إنجاز الملف ١٠٠٪ زي الصورة المرفقة

👈المرحلة الثالثة:

📝 طب وبعد كده أيه اللي هيحصل؟

✅ بعد إنتهاء مدة المرحلة الثانية هتعلن الأكاديمية عن بداية المرحلة الثالثة والأخيرة والأهم .. وهي الاختبار الإلكتروني ... وفيها بيحجز المعلم ميعاد محدد للاختبار برسوم تقترب من ٧٠ جنيه ... وهو عبارة عن اختبار مكون من ١٠ محاور كل محور ليه مادة علمية وعليها ٤ أسئلة أختيار من متعدد بزمن محدد وللمعلم ٣ محاولات للنجاح في الاختبار حيث تظهر على الشاشة في النهاية إفادة إجتياز الاختبار

وبنهاية الاختبار تنتهي رحلة كفاح المعلم من أجل الترقية في أنتظار ور قرار الوزير ثم قرار المحافظ🙃😭😭

في النهاية أتمنى أن نكون قد أوضحنا كل ما يخص الترقية من إجراءات ومراحل

مع التأكيد علي التالي

👈كل مرحلة بيتم تحديد مواعيدها بعد نهاية المرحلة السابقة ليها وغالباً ما يتم تمديد المواعيد الخاصة بكل مرحلة لمصلحة المعلمين المتأخرين في إنهاء المطلوب منهم

👈المطلوب من المعلمين المستهدفين للترقية فقط مايلي:

⬅️آخر تقريرين أداء وتُسلم لمسؤول الإحصاء بالمدرسة.

⬅️إقرار المدة البينية ال ٥ سنين وتُسلم لمسؤول الإحصاء بالمدرسة.

⬅️متابعة الملف الإلكتروني حتي يصل إلى نسبة ١٠٠٪

⬅️أداء الاختبار الإلكتروني

 مع أرق الأمنيات بالتوفيق للجميع🌹

السلام عليكم ورحمة الله وبركاته

طبقا لما جاء بفاكس الأكاديمية سيتم فتح الموقع لتسجيل الترقي على وظائف الكادر بدءا من يوم الاحد القادم الموافق 3/7/2022 وحتى يوم 4/8/2022

هنبدأ مع بعض أن شاء الله أول خطوة من خطوات الترقية 

والخطوة دي مطلوبة من #مسئولي_الحكومة_الاليكترونية 

حيث ان مسئول الحكومة الالكترونية بكل مدرسة هو المسئول عن التسجيل وهو ليس له أي علاقة بنزول الاسماء هو فقط بيدخل يسجل للأسماء التي قامت الأكاديمية المهنية للمعلمين بترشيحها 

والخطوة الاولى هي معرفة الاسماء وتبليغ المعلمين المرشحين 

 ولمعرفة الاسماء يقوم المسئول بالدخول على اللينك التالي :

من هنا

واتباع الخطوات التالية :

١. يتم اختيار نوع المستخدم "المدرسة" وكتابة البيانات الخاصة بالمدرسة ومازال الموقع لم يتم تحديثه للدخول بالبريد الموحد مثل باقي المواقع ولذلك يجب على المسئول تجهيز البيانات القديمة التي كان يدخل بها مسبقا وهي 

اسم المستخدم ، الرقم المسلسل ، كلمة المرور 

٢.يختار تسجيل التقدم للترقي في وظائف الكادر

٣. يضغط على عرض الكل ستظهر جميع الأسماء المرشحة للترقي .

يقوم بطابعتها وإبلاغ المعلمين المرشحين بتجهيز صورة طبق الأصل من تقارير 

 الكفاية لعامي 2019، 2020 لتسجيلهم على الموقع . 

إذن الخطوة الأولى 

المطلوب من #المسئول الاطلاع على اسماء المرشحين للترقي وابلاغهم لكي يجهزوا التقارير . 

والمطلوب من #المعلمين_المرشحين_للترقي

تسليم صورة طبق الأصل من اخر تقريرين 19،20 معتمدة ومختومة من قسم الملفات بالإدارة  

تابعونا لمعرفة الخطوة الثانية 

مع تمنياتنا بالتوفيق للجميع 🌹🌹

بناء على ما جاء بفاكس الأكاديمية

 سيتم فتح الموقع لتسجيل الترقي على وظائف الكادر بدءا من يوم الاحد القادم الموافق 3/7/2022 وحتى يوم 4/8/2022

 أول خطوة من خطوات الترقية 

يقوم مسئولي الحكومة الاليكترونية 

 بكل مدرسة    بتسجل للأسماء التي قامت الأكاديمية المهنية للمعلمين بترشيحها 

والخطوة الاولى هي معرفة الاسماء وتبليغ المعلمين المرشحين 

 ولمعرفة الاسماء يقوم المسئول بالدخول على اللينك التالي :

http://academy.emis.gov.eg/academy/homer1.aspx

واتباع الخطوات التالية :

١. يتم اختيار نوع المستخدم "المدرسة" وكتابة البيانات الخاصة بالمدرسة ومازال الموقع لم يتم تحديثه للدخول بالبريد الموحد مثل باقي المواقع ولذلك يجب على المسئول تجهيز البيانات القديمة التي كان يدخل بها مسبقا وهي 

اسم المستخدم ، الرقم المسلسل ، كلمة المرور 

٢.يختار تسجيل التقدم للترقي في وظائف الكادر

٣. يضغط على عرض الكل ستظهر جميع الأسماء المرشحة للترقي .

يقوم بطابعتها وإبلاغ المعلمين المرشحين بتجهيز صورة طبق الأصل من تقارير 

 الكفاية لآخر عامين لتسجيلهم على الموقع . 

إذن الخطوة الأولى 

على مسئول  الاحصاء. معرفه  اسماء المرشحين للترقي 

وابلاغهم لكي يجهزوا التقارير . 

وعلى المعلمين المرشحين للترقي

تسليم صورة طبق الأصل من اخر تقريرين  معتمدة ومختومة من قسم الملفات بالإدارة