انا فى حلم ولا فى علم حتى الأن القرارات تصب فى مصلحة طلاب الدبلومات والمعاهد الفنية
***********************************************************************
انا مش عارف حاسس انى فى حلم ولا فى علم مبقتش قادر احدد الصراحة ومش مصدق نفسى ! ! ! !
1-) تحويل المعهد الفنى الصناعى إلى كلية تكنولوجية "اربع سنين" وربطة بالجامعات التكنولوجية الجديده - وبعد كده هيدى مؤهلات مختلفة فوق متوسطة وبكالوريوس ودراسات عليا كمان.
2-) افتتاح 9 جامعات تكنولوجية بواقع 6 جامعات جديدة السنادى فقط إلى جانب 3 جامعات موجودين بالفعل.
3-) الطالب بعد كده هياخد 3 سنين فى الدبلوم فقط والباقى مش محسوب فى السنوات التأهيلية للجماعات والكليات
يعنى سنه رابعه او سنه خامسة دبلوم وكذلك سنه اولى وسنه تانية معهد هيعادلوا او هيتساوى مع سنه اولى وتانية كلية يعنى الطالب بعد كده هيكمل فى سنه تالته كلية وليس اولى او تانية.
4-) صلاحية شهادة الدبلومات الفنية بقت 10 سنين يعنى خريج السنادى سنه 2022 هينفع يقدم لحد سنه 2032 - ده احسن خبر انا سمعته فى حياتى اساساً ! ! !
5-) انخفاض النسب المئوية بشكل عام فى اغلب محافظات الجمهورية ده دليل على انخفاض التنسيق بشكل كبير السنادى - لإن التنسيق بيتحدد بناءً على عامل النسب المئوية وعامل الفرص المتاحة وطبعاً مفيش فرص متاحة اكبر من السنادى لإن السنادى عدد الجامعات التكنولوجية الحكومية اصبح 9 جامعات.
6-) السماحية لطلابى الدبلومات الفنية بالدراسة فى جامعات اوروبا الشرقية وتركيا وشهادات معتمدة بس برده الطالب لازم قبل ميسافر يروح يسأل فى المجلس الاعلى للجامعات على إسم الجامعه الى بره مصر ويسأل اذا كانت معتمدة ولا لا.
7-) نزول مسارات جديدة من الثانوية العامة فى تنسيق الدبلومات السنادى امر اصبح حتمى و اكيد ان شاء الله.
🤓 طالب الدبلوم الفنى السنادى هيقدر يكمل فى هندسة خاصة من مجموع 80 فيما فوق مش 90% زى السنين الى فاتت او 85 والنسب العالية دى لا من 80% السنادى ان شاء الله.
9-) لأول مره منذ عشرات السنين طالب الدبلوم الفنى هياخد مسميات وظيفية وهينضم لنقابات عمالية وهى نقابة التكنولوجيين وهياخد مسمى وظيفى "تكنولوجى" بعد حرب دامت سنين لإرجاع حقوق الطالب ليه من جديد.
10-) لأول مره طالب الدبلوم الفنى هياخد البكالوريوس بعد 4 سنين المعتمد الحكومى كمان وفى نفس الوقت 6 سنين دراسة فقط هيحصل على درجة الماجستير فى التكنولوجيا وبعد 8 سنين فقط درجة الدكتوراه ! الواحد حاسس إنه بيحلم ومش عايز يصحى من النوم علشان ده حلم ولا كل الأحلام !
11-) زيادة نسبة المقبولين فى الكليات الحكومية إلى 12% وإتاحة كليات ومسارات حكومية جديدة لطلابى الدبلومات الفنية زى "كلية الخدمة الإجتماعية و غيرها من عشرات الكليات الأخرى"
12-) نسبة قبول طلابى الدبلومات والمعاهد الفنية فى الحكومى بالتحديد هتزيد بشكل غير مسبوق ده لإن الكليات المتاحة هتكون اكتر بكتير من اى سنه فاتت - انا بتكلم عن الحكومى العام فقط.
13-) قبول طلابى الدبلومات نظام الثلاث سنوات لأول مره فى كليات الهندسة والتربية النوعية وغيرهم - انا بتكلم عن نظام الثلاث سنوات دلوقتى يا شباب....إنتا متخيل معايه إن تنسيقك السنادى هيبقى متاحلك نفس الكليات المتاحة للدبلومات بنظام الخمس سنوات + كليات تانية جديدة.
14-) إتاحة جامعات تكنولوجية خاصة ده غير التسع الجامعات التكنولوجية الحكومية - جامعه معتمدة من الهند والإمارات.
15-) إتاحة الفرصة الكبيرة لطلابى الدبلومات والمعاهد الفنية للإلتحاق فى الجامعات الأهلية وده فى كليات تكنولوجيا الصناعه وكليات الهندسة.....ده خبر لوحدة هيفرح الكثير من الطلبة.
16-) افتتاح الكلية العسكرية التكنولوجية خلال شهور إن شاء الله الى هتكون مخصصة فقط لطلابى الدبلومات الصناعية والتعليم الفنى والتكنولوجى وقام السيد رئيس الجمهورية بالتصديق عليها.
17-) 16-) طلاب الدبلومات الصناعية هيحصلوا لأول مره على شهادات دبلوم + شهادة جدارات + شهادة إعتماد دولى.....يعنى سواء مدراس او جامعات....عبارة عن مؤسسات 3X1 يعنى بتديك تلت شهادات.
بس طبعاً لو توجهت للدراسة او العمل فى الخارج اوعى تنسى فضل بلدك عليك ❤ ❤ ❤
عليه العوض في الثانوى العام تعب وبهدله ومصاريف ع الفاضي
ردحذف