عاجل تداول أسئلة واجابات امتحان التربية  الدينية على جروبات الغش والتعليم تحقق

أوقفوا التلجرام ...السنة اللي فاتت كانت مهزلة علي جروبات التلجرام وطالبنا بوقف التلجرام أثناء فترة الامتحان ..طالب واحد كفيل أن يسرب الامتحان للجمهوريه كلها و يضيع مجهود طلبة بتذاكر من أول السنه بس تأكدوا ربنا مش هيضيع تعب حد مهما حصل

= كل طالب صور ونشر أجزاء من امتحان مادة التربية الدينية للثانوية العامة النهاردة، اتعرف اسمه ولجنته ورقم جلوسه وأكيد اتمسك وهو جوه اللجنة، لأن الورق المتداول على مواقع التواصل الاجتماعي عليه الكود السري الخاص ببوكليت الأسئلة بتاع الطالب.. للأسف فيه طلبة صورت ورقة واحدة، واتصور معاها الكود السري لأنه لازم بيظهر في الصورة.. حتى لو تم إخفاء الكود السري، فيه وسائل تانية (مش هقولها) بيتعرف منها دي ورقة مين.. عايز أقول للطلبة دي حرام عليكم يضيع مجهودكم ومجهود أهاليكم، لأنكم ببساطة، أقل عقوبة هتصدر ضدكم الرسوب هذا العام في كل الامتحانات ده لو مطبقتش عليكم مواد قانون مكافحة الغش بحذافيرها، وتتحرموا من الامتحانات سنتين علشان عايزين تسرقوا مجهود غيركم.. وفي إيه؟.. في مادة الدين؟!.

= لا تلوموا إلا أنفسكم

الصحفى 

احمد حافظ

كلمة واحدة:

= أي حد يقولك امتحان الثانوية العامة، أي امتحان بقى، اتسرب قبل معاده الرسمي، قوله وانت مغمض وبقلب جامد: انت كذاب.

= إجراءات التأمين الخاصة بورقة أسئلة امتحانات الثانوية العامة، لا يمكن حد يتخيلها، ولا يتوقعها.. الورقة دي وراها أكبر الجهات الأمنية والسيادية في الدولة، من ساعة ما تتحط الأسئلة، لحد ما توصل في إيد الطالب.. كل خطوة محسوبة بمنتهى الدقة والتأمين من جهات ومؤسسات (هي اللي حامية البلد دي بعد ربنا).. ممكن تقول كلامي مبالغ فيه، لكن أقسم بالله دي الحقيقة اللي غايبة عن ناس كتير جدا.. علشان كده بقولك وواثق تماما في اللي بقوله: من رابع المستحيلات خروج كلمة واحدة قبل معاد الامتحان وأي حد يقولك الامتحان معايا ادفع وخده، ولا يقولك ادخل الجروب ده هتلاقي الامتحان، ولا يقولك الامتحان اتسرب قبل معاده، ولا يقولك الامتحان منشور من بالليل، قوله انت كذاب، لأن المؤسسات الأمنية والجهات السيادية اللي قادرة تحمي بلد كاملة، قادرة تحمي وتأمن ورقة أسئلة.

تداول إجابات التربية الدينية للثانوية العامة على جروبات الغش بعد بدء اللجنة

وبحسب جدول امتحانات الثانوية العامة 2022، تبدأ الامتحانات فى المواد الدراسية الأساسية الأحد 26 يونيو بامتحان اللغة العربية والثلاثاء 28 يونيو اللغة الأجنبية الثانية والأحد 3 يوليو 2022، اختبار مواد الكيمياء للشعبة العلمية والجغرافيا للشعبة الأدبية والثلاثاء 5 يوليو الديناميكا والخميس 7 يوليو اللغة الأجنبية الأولى ويحصل الطلاب على إجازة بمناسبة عيد الأضحى من 9 حتى 12 يوليو 2022، ويتم استئناف الاختبارات يوم الخميس 14 يوليو بمادتى الفيزياء والتاريخ والأحد 17 يوليو يؤدى الطلاب امتحان مواد الجيولوجيا والعلوم البيئية والتفاضل والتكامل وعلم النفس والاجتماع، كما يؤدى الطلاب يوم 19 يوليو امتحان الجبر والهندسة الفراغية و21 يوليو الأحياء والرياضيات التطبيقية" الاستاتيكا" والفلسفة والمنطق.

ومن موقع قدوة