توقعات الصف الأول الإعدادي في اللغة العربية ترم ثان 2022
منقول
توقعات_الصف_الأول الإعدادي
أولا التعبير :
#أولا التعبير الوظيفي
البرقية٧٠%
لافتة٩٥%
...........
.#ثانيا / التعبير الإبداعي🤌
من وجهة نظري المراحل الاعدادية كلها بتبقى مركزة ع مواضيع تعبير خارج المنهج.
وأهم مواضيع الصف الأول الإعدادي هي👇👇
١/ التواضع 👉
٢/ بر الوالدين👉
٣/ الرياضة ونركز بالأخص التعصب الكروي بها.👉
٤/ العلم والعمل.
.........
#ثانيا / القراءة:
١/ هيا نشجع بأخلاق كريمة
٢/ من قصص القرأن الكريم
٣/ نور والجغرافيا
...............
#ثالثا / المحفوظات
١/ حق الآخر ٨٠٪
٢/ من أعمال الخير٧٠٪
.........
#رابعا/ النصوص الاختيارية
١/ تواضع عمر ( جاي في الامتحان)✌️
٢/ التعاون( ٨٠٪
٣/ كن بلسما ( قراءة كده قبل دخول الامتحان)
.........
أهم أسئلة القراءة
س١/ ما مكانة كرة القدم عالميا
س٢/ لماذا قدمت منظمة الصحة العالمية مجموعة نصائح؟
س٣/ ما هي الأضرار الصحية للتعصب الكروي؟
س٤/ ما هي الأضرار الاجتماعية ؟
س٥/ كيف يتم علاج التعصب الكروي؟
.....
س١/ لماذا تحدثت المدرسة كلها عن نور؟
س٢/ ما السؤال الذي جاء في الامتحان؟ وكيف أجابت عليه؟ولماذا؟
س٣/ كيف أثبتت وجهة نظرها؟
س٤/ ماذا قالت المعلمة لنور ؟ وكيف تخيلت الوطن ؟
......
س١/ إلى أي قرية أرسل الله يونس ؟ ولماذا.؟
س٢/ لماذا ترك يونس قريته؟ وإلى اين ذهب؟
س٣/ ما الاستغفار الذي كان يردده يونس؟
س٤/ ما الدرس الذي تعلمه يونس؟
س٥/ كيف كان خال يونس عندما خرج من الحوت؟ وبم أمر الله الأرض؟
........
س١/ لماذا يعد رفاعة الطهطاوي رائد التنوير؟
س٢/ كم عاما ظل رفاعة الطهطاوي في فرنسا؟ وكيف استغلها؟
س٣/ ما جهوده في الصحافة؟ وفي الآثار ؟
............
خامسا_النحوووووووو
ملحوظة_يجب_قراءة_هذه_الملحوظات_جيدا😍
١/ لو قالك استخرج أسلوب شرط ....
الأول تكون حافظ أدوات الشرط وهي( إن/ من/ ما/ مهما/ متى/ أينما/ كيفما )
👈وخليك ناصح لازم يكون بعد أداة الشرط ال عليك في منهجك فعل مضارع والجواب ال هو النتيجة لازم برضه فعل مضارع فاهم🧐
مثل: إن تذاكر تنجح ( لو ملاحظ تذاكر فعل وبنسميه فعل الشرط وهو ال بيجي بعد الأداة ع طول
والنتيجة لازم برضه فعل مضارع ( تنجح)
خلي بالك علامات إعراب الفعل المضارع في أسلوب الشرط تلاتة
١/ حذف حرف العلة ( لو كان آخره حرف علة)( واي) y😉
مثل ( متى ترمي الصنارة يأتي السمك) طبعا هنا لازم نشيل الياء من ترمي ( فعل الشرط) ، و يأتي( جواب
٢/ حذف النون( لو كان من الأفعال الخمسة)
يعني آخره ( واو الجماعة, ٢/ ألف الاثنين/ ٣/ ياء المخاطبة.
مثل / متى تشربون، تستمتعون)
طبعا هنا لازم تشيل النون وتقوله ( فعل مضارع مجزوم بحذف النون.
٣/ السكون( لو مكانش آخره ولا حرف علة، ولا كان من الأفعال الخمسة ( مثل: متى تذاكر تنجح)
خلي بالك عشان خاطري 👇مممممهمممممم
لو كان الفعل المضارع مجزوم بالسكون وقبله ع طول ها ع طول حرف مد( فيحذف حرف المد ) ليه بقى عشان ياض اللغة العربية بتتقمص ومش بتحب اتنين سكون ورا بعض يجوا ( أصل بيني وبينك كده حروف المد كلها ساكنة🤨
مثل( متى تفوز بالمباراة تنال الجائزة)
شايف هنا لازم نشيل الواو من تفوز، والألف من تنال✌️
...............
#ثانيا 👈 لو قالك استخرج فعل لازم ، وفعل متعدي
بص ياصديقي (طبعا هو لازم يسألك السؤال ده( يبقى نصيحتي وأنت بتقرأ القطعة ( تحط خط تحت كل الأفعال فاااهم🤨
نيجي بقى ونشوف يعني أيه لازم أصلا( لازم يعني مش بيحب المفعول به، فاهم مش بيحب
وأحب اقولك حاجة لو الفعل ال أنت شايفه جملته صعبة هاته أنت في جملة سهلة واحكم عليه
مثل( انتصر) نحطه في جملة
انتصر محمد في المعركة ( شايف مفيش مفعول به أهو يبقى لازم.
#خلي_بالك
الأفعال دي( يجب/ يلزم / ينبغي/ يمكن/ ) دائما لأزمة ودائما مش بتحب المفعول به.،،، والاسم ال بعدها يعرب فااااعل
مثل: يجب احترام الكبير
احترام هنا فاعل.
لو قالك استخرج فعل متعدي طبعا عارف الطريقة خلاص
وطبعا متعدي يعني بيحب❤️المفعول به🤗
مثل : شرب محمد اللبن
طبعا شرب هنا فعل متعدي عشان معاه مفعول به
..............
لو طلب منك استخرج فعل مبني للمجهول
اجري دور على أي فعل ماضي مضموم أوله. ، ومكسور ما قبل آخره( شُرِب)
أو مضارع مضموم اوله وفتح ما قبل آخره
يُشرَب.
ولو قالك ابن للمجهول خلي بالك عشان خاطري ال بيجي بعد المبني للمجهول بيتعرب نائب فاعل يعني بيترفع
قرأ الولدان الكتابين ( ابن الفعل للمجهول
تبقى ( قُرأ الكتابان) طبعا عشان الكتابان بقت نائب فاعل.
#خلي_بالك_من_قاعدة_كتك_نيل😂
نال👈نيل، قال👈قيل
خلي بالك, يبيع تبقى يباع، يصوم تبقى يصام
خلي بالك كافيء تبقى كوفئ
............
ظن وأخواتها وهي( أفعال تنصب مفعولين أصلهما المبتدأ والخبر
١ أفعال الشك ( ظن/ حسب/ زعم/ خال)
اليقين( علم،وحد/ رأى
التحويل ( جعل
مثل:ظن الطالب الامتحان سهلا( هنا هنستخدم مفتاحين ( أيه ؟؟ وماله ؟
ظن مين ال ظن ال طالب تبقى فاعل.
ظن أيه ؟ الامتحان 👈 مفعول به أول.
سهلا 👈 مفعول به ثان.
خلي بالك من الفعل الخبيث ( رأى)😧🙃🙄😟
١/ اذا جاء بمعنى حاجة شوفتها بعنيا فينصب مفعولا به واحد والكلمة المنصوبة الثانية تعرب حااااااااااااااال
مثل ، رأيت الولد باكيا
هنا ( شوفت بعنيا) يبقى الولد مفعول به ، وباكيا( حال
٢/ اما لو جه بمعنى حاجة مش بشوفها بعنيا، فينصب مفعولين مفعووووولين ها ياض مفعولين
مثل: رأيت العلم نورا(
هنا طبعا العلم مش بيتشاف نوره🤨
يبقى ينصب مفعولين ياعم😎
العلم مفعول به أول ، ونورا مفعول به ثان
آخيرا الأفعال التي تنصب مفعولين ليس أصلهما المبتدأ والخبر
وهي
( منح/ وهب/ أعطى/منع/ كسا/ ألبس)
منح المعلم الطالب شهادة
الطالب مفعول به أول
شهادة مفعول به ٢
تعليقات: 0
إرسال تعليق