تدريب الصفوف الاولى ومشاكل المنصة والتسجيل والحضور سؤال وجواب 

تدريب الصفوف الاولى

سؤال وجواب 

1.انا معلم رياضيات ومتعدد صف ثاني وظهر ليا تدريب واحد فقط للرياضيات ومظهرش العلوم اعمل ايه ؟؟

ج : ده معناه أن مسئول الحكومة الاليكترونية بمدرستك مسجلك معلم رياضيات صف ثاني وإحصاء الوزارة بترشحك بناء على هذا التسجيل لو تم تعديل التسجيل هيسمع في الوزارة وهينزلك تدريب العلوم ، كل دورك تتابع المنصة ومتستعجلش لأن كل ده بياخد وقت .

2. أنا مش نازلي أي دورة تدريبية .

ج: ده معناه أن حضرتك متسجل محاضر أو موظف وليس متدرب وفي الحالة دي اضغط على تذكرة الدعم الموجودة أسفل الصفحة واكتب بياناتك وابعت مشكلتك وانتظر الحل بس لازم تصبر لان دي مشكلة ناس كتير وفي ناس المشكلة اتحلت عندهم بالفعل يبقى حضرتك تنتظر دورك وتتابع . 

3.انا معلم لغة عربيةللصف الثانى الابتدائي

دخلت تدريب اللغة العربية الأسبوع الماضى ..هل ادخل مرة أخرى مع الصف الثانى .. أم لا؟؟

ج: حضرتك تدخل جميع التدريبات اللي هتظهرلك على صفحتك في المنصة الرقمية للتدريب والتطوير المهنى ويجب متابعتها باستمرار لأنه يتم تحديثها باستمرار ونزول تدريبات جديدة وكل ما يظهر على صفحتك حضرتك مطالب انك تدخله وتجتازه .

س : هو احنا كل شويه هنلاقي تدريب جديد مش كفاية تدريب واحد لغة عربية ؟

ج: حد لاقي يتدرب مجانا ومن بيته وفي الوقت اللي يحبه بدل ما يروح مشاوير ويدفع مواصلات ويعرض نفسك للخطر بسبب الزحام الوزارة بتحاول توفر عليك كل ده وتوصلك التدريب دليفري وبتبذل أقصى جهد لتصل إلى برامج خالية من الثغرات وحضرتك مش مطلوب منك غير الصبر وتحقيق أقصى استفادة ممكنة في ظل التحول الرقمي وكل شيء محتاج وقت .

س: طيب في ناس مبتعرفش تتعامل مع التكنولوجيا الحديثة دي يعملوا ايه ؟؟

ج: اللي ميعرفش لازم يتعلم وفي محاضرات بتشرح كيفية التعامل مع المنصة بالتفاصيل ولينك المحاضرات دي بينزل على الصفحة هنا  والبركة في اللي عارف يوجه اللي مش عارف ويعرفه يعمل ايه . 

اي أسئلة أخرى تحت امركم 

نسالكم الدعاء

بالتوفيق للجميع 🌹🌹