حل مشكلة اسماء المعلمين الذين لم يستطيعوا الدخول على منصة التدريب

السلام عليكم ورحمة الله وبركاته 

بناء على طلب الزملاء واسألتهم بخصوص الاسماء الغير موجودة في كشوف المستهدفين للتدريب الموضوع ده كله راجع لمسئول الحكومة الاليكترونية بالمدرسة هو سجل مين في الصفوف الأولى وحدد مين مدرس لغة عربية ومين مدرس رياضيات صفوف اولى 

وبعض المسئولين بيقولوا أن مافيش تعديل على الموقع وطبعا الكلام ده مش صح والتعديل موجود وشغال حتى لو مش بيسمع في الحال لكن بيسمع والاسم بينزل ولهذا السبب فكرت انزل خطوات الدخول لتعديل المعلمين على صفحة بيانات تلميذ واليكم  خطوات تعديل توزيع المعلمين على الفصول بالتفاصيل والصور . 

بعد الدخول على موقع بيانات تلميذ يتم الضغط على بدء التسجيل موجودة مباشرة تحت تسجيل الغياب صورة رقم 1

2. هيفتح شاشة كما في الصورة رقم 2 زي ما احنا شايفين قدامنا الصفوف من الصف الاول للصف السادس بنختار الصف اللي عايزين نعدل فيه وليكن الصف الثاني .

3 من نفس الشاشة نضغط على المعلمين تحت الفصل وليكن 2/2 هتظهر الشاشة كما في الصورة رقم 3 فيها اسم المادة وأمامها اسم المعلم واسم المعلم بجواره علامة × ودي بستخدمها للحذف لو عايز احذف المعلم من المادة طيب لو محتاجة اضيف بفتح القائمة التي بجوار المادة هتظهرلي اسماء المعلمين الذين تم تسجيلهم من قبل أنهم بيدرسوا هذه المادة بختار اسم المعلم ثم حفظ . 

فرضا لم أجد اسم المعلم في القائمة بجوار الرياضيات مثلا ده معناه أن هذا المعلم لم يتم تحديد له مادة الرياضيات من ضمن المواد التي يدرسها  طب والحل يتم الضغط على المعلمين (تحديد مواد المعلمين) في اليمين كما في الصورة رقم 4 .

هيفتح شاشه بها اسماء جميع المعلمين بالمدرسة وأمام كل معلم المواد التي يقوم بتدريسها صورة رقم 5 وبجوار تلك المواد صورة قلم صغير  اضغط عليه لإضافة أو حذف مادة 

هتظهر الصورة رقم 6 نفتح قائمة المواد ونختار منها اسم المادة بالنقر عليها لإضافتها ووضع علامة ✓او حذفها والغاء علامة✓

ثم يتم الضغط على زر تعديل كما في الصورة رقم 7 ثم الرجوع مره اخرى الفصول الدراسية وتحديد المعلمين على الفصول صورة رقم 2 وتختار الصف ثم المعلمين ونحدد اسم المادة أمام المعلم . 

معاكم في اي ستفسار فى التعليقات