معلومات جمعتها عن مدارس ستيم للعلوم والتكنولوجيا STEM

#تم_اضافة لينكات الإجابة عن أى استفسار بخصوص الدراسة والتقديم والقبول بالمدرسة ⚘🌷⚘

💗اولاً:- الشروط الحصول على مجموع ٩٨ فى المية

و تقفلى مادة من ٣ مواد (علوم او رياضة او انجليزى )

او الحصول على مجموع ٩٥ فى المية وتقفلى مادتين من الثلاث مواد السابقة

💓ثانيا :- لو انطبقت الشروط دى عليكى بيكون إمتحان للقبول فى ٤ مواد

(علوم ، انجليزى، ورياضة ، واختبار ذكاء I q )

لازم نذاكر الثلاث مواد دول من أول رابعة ابتدائي لحد منهج ثالثة اعدادى

بالنسبة لاختبار الذكاء بتعملى سيرش على النت للنوعية دى من الاختبارات وبيتم شرح كيفية حل الأسئلة

💓ثالثاً :- بالنسبة للدراسة بتدرس

math, mechanics, physics, biology, technology, chemistry, geology, French/German , English, عربي و دراسات

.

علمى علوم بيدرس مناهج الثانوية العامة ومناهج من كلية الطب

بالنسبة لعلمى رياضة بيدرس مواد علمى رياضة بجانب مواد من كلية الهندسة

🌺 أما تدخل المدرسة هيسلموك لابتوب عليه المناهج والكتب والمراجع و انترنت

الدراسة من مراجع ومفيش مدرسين بيشرحوا المدرس بيدخل يقولك موضوع الدرس و الطالب بيعتمد على نفسه فى المذاكرة

🌺 انت بقى تاخد اللابتوب تبحث وتدور عن الشرح وتفهم و تيجي تاني يوم تشرح للمستر اللي أنت فهمته و بتشرح قدام زمايلك.

ويعمل الطالب لنفسة ملخص للمذاكرة زى الكتاب الخارجى كدة الطالب بيعمله بنفسه الدراسة مش سهلة لكن تقييم النجاح بيتقسم ٦٠ فى المية على المشروع العلمى اللى الطالب بينجزه و٢٠ فى المية على إمتحان المواد الدراسية و ٢٠ فى المية على الحضور والإلتزام والسلوك فى اولى وثانية اماسنة ثالثة المشروع علية ٢٠ فى المية فقط

مصروفات طالب المدرسة الحكومة ١٠٠٠ جنية و٢٠٠٠ جنية تأمين اللابتوب وبتسترد ٢٠٠٠ جنية عند تسليمه للمدرسة فى نهاية العام الدراسى

أما طالب المدارس الخاصة بيدفع المصاريف اللى دفعها فى ثالثة اعدادى بالاضافة ٢٠٠٠ تأمين اللابتوب

💓 بالنسبة للمميزات بالرغم من صعوبة الدراسة لاعتماد الطلبة على نفسهم فى المذاكر إلا أن الدفعة كلها بتدخل كليات قمة

بالنسبة لعلمى علوم متاح ليهم كليات الطب والصيدلة واقل حاجة كلية العلوم

بالنسبة لعلمى رياضة متاح ليه فقط كلية الهندسة وحاسبات ومعلومات

الدراسة إقامة داخلية والاجازة من يوم الخميس ليوم السبت عصرا وباقى الأسبوع فى المدرسة

#ملحوظة

الشروط دي من السنوات اللي فاتت وممكن تتغير 💗

بالتوفيق للجميع إن شاء ألله