الديدان الدبوسية كيفية علاجها واعراضها وكيفية العدوى 

 ⭕معلومه كدا فالسريع عشان حد طلبها منى على الصفحه....

👈فى نوع من الديدان اسمها الديدان الدبوسيه بتستوطن جسم الانسان ووبتيجى للاطفال و الكبار عادى

الديدان دى بتبقا دورة حياتها انها بتعيش فالجهاز الهضمى بتاعك و بليل ووانت نايم بتطلع من فتحة الشرج بتحط البيض بتاعها داير ميدور فتحة الشرج بالظبط ودا بيعمل حكه و شعور انك عايز تهرش فالمنطقه دى و كبعا البويضات دى كمان بتنزل فالبراز

ييجى الشخص البالغ او الطفل الصغير اثناء النوم بليل يهرش لا اراديا فالبويضات دى تدخل تحت ضوافره وولما ييجى ياكل تانى يوم يبلعها مع الاكل من غير ما ياخد باله و يدخل فى حلقه مفرغه و ياخد مهما ياخد من ادويه ميخفش... لانه بيعدى نفسه بنفسه

👈طبعا لو الموضوع دا جه للشخص اللى بيحضر الاكل للاسره كلها فهو بكدا هيعدى الاسره كلها

طبعا الموضوع بيعمل

١- الم فالبطن و اعياء بشكل دائم

٢- قلة التركيز عشان الديدان دى بتاكل اكلك فالبتالى انت مش بتستفيد من اللى اكلته

٣- فقدان فالوزن

طب ايه الحل و نتخلص منها ازاى؟؟!!

١- الاهم من العلاج هو النضافه الشخصيه و قص الضوافر اول باول و تنضيف ما تحت الاظافر اول باول و غسيل الايدى كويس جدااااا بالميه و الصابون

٢- لازم تغسل الخضار بتاعك و الورقيات كويس جداااا و تشطفه كذا مره ووتنقعه شويه و تشطفه كويس جدااا تحت المياه الجاريه

٣- تجنب اكل المحلات ووالعربيات... لان اكيد مش هيهتمو بغسيل ايديهم او الاهتمام بغسيل الخضار و الورقيات اللى بيبقو فالسلطه

٤- الاطفال بتعدى بعد لما بتلعب مع بعض فضرورى جدااا ننبه عليهم يغسلو ايديهم بعد اللعب وومياكلوش حاجه من ايد حد ولا ياكلو حاجه قبل ما يغسلو ايديهم

٥- تجنب الاكل المكشوف و وقوف الذباب على الطعام لان البويضات دى بتلزق فرجل الدبان و بتنقله من مكان لمكان

👈 و دى اهم نقط و اللى من غيرها لو اخدت علاج الدنيا و لو روحت عند اشطر الدكاتره فالعالم مش هتخف

معلش لو الموضوع مقرف شويه و لكن ناس كتييييير بتعانى من الموضوع دا و زهقت من الادويه وومش عارفه العلاج

و ادينى قولتلكم على العلاج 😊😊😊

منقول