رابط تسجيل رغبات المرحلة الأولى لطلاب الثانوية العامة متاح والتسجيل فتح الان

رابط تسجيل رغبات المرحلة الأولى لطلاب الثانوية العامة متاح والتسجيل فتح الان 

🔊هاااااااام لطلاب ٣ ثانوي2020  ركزوا كويس في البوست ده

تنبيه اخيرررررررر👌👌

 بكره بدايه التنسيق وكتابه الرغبات لطلاب  " المرحله الاولي " البوست ده بيشرح خطوات كتابه الرغبات 🤝

🔺️🔻ف الاول هتدخلوا  علي اللينك ده وطبعا عشان هيتفتح للمرحله الاولي دلوقتي ف هما الي هيدخلوا من يوم ٢٢ ل ٢٦ 👇

https://tansik.egypt.gov.eg/

او  اكتبوا ع جوجل تنسيق بوابة الحكومة المصرية ك اختصار .

🔺️🔻 لما تفتحوا الموقع  هتختاروا خدمات تنسيق الثانوية العامة هتدوسوا ع (اضغط هنا للدخول للصفحة)

🔺️🔻 بعديها هيظهرلكوا صفحه هتتضغطوا  ع (تسجيل الرغبات) ، وطبعا هتبقي مكتوب جمبها (التسجيل مفتوح) .

بعد كده  هيطلب منكوا تكتبوا الرقم القومي ورقم الجلوس بتاعكوا ورقم تأكيدي ، رقم تأكيدي هيجيبلك مربع فيه ارقام كدة المطلوب منك تكتب الارقام ده ..

🔺️🔻 بعد كده تأكيد لبياناتكوا يعني ومجموعكوا ومجموع اللغات وكدة ..

🔺️🔻 بعد كده هيظهر الاختيار بالجامعة اولا ، هتعلموا عليها زي ماهي موجودة ف الصورة رقم ٥ بس هما معلمين ع التخصص

 بعد كدة المربع اللي تحتيها بتاع اختار التخصص اللي تحت المستطيل بتاع الكلية/ المعهد ..

🔺️🔻 هيظهرلكوا الكليات المتاحة كلها ف المرحلة الاولي ف كل المحافظات ..

 ♦️ ملحوظة :-

#يعني اي #نطاق( أ )ونطاق( ب )ونطاق (ج) ؟

نطاق" أ "يعني المحافظة بتاعتك والمحافظات اللي قريبة منك

يعني مثلا( اسكندرية وكفر الشيخ ودمنهور )دول كدة ف نطاق (أ) عشان دي محافظتك ودي المحافظات القريبة منها

نطاق( ب) دي المحافظات الابعد شوية نطاق (ج )المحافظات الابعد خالص

ومينفعش تكتب محافظة ف نطاق ب وانت اصلا نطاق أ ، يعني مينفعش تكون انت من اسكندرية وتكتب اول رغبة كلية ف القاهرة لان كدة الموقع هيرفضها وهيكتبلك ف الملاحظات ان ده مش هينفع عشان النطاق بعيد

طب اعمل اي ؟

هتبدأ الاول بالمحافظة بتاعتك طبعا ، (عايز تكتب كل الكليات اللي ف محافظتك تحت بعض..بعد كدة تدخل ع كليات المحافظات التانية بس تكون ف نفس النطاق بتاعك يعني مثلااااااا #تجارة #اسكندرية #بعديها #اداب #اسكندرية #بعديها #حقوق اسكتدرية يعني نفس المحافظة بس الكلية تختلف براحتك  عايز تكتب الكلية اللي انت عايزها بالمحافظات بتاعتها كلها بعديها تدخل ع كلية تانية بكل المحافظات بتاعتها برضو براحتك يعني اداب اسكندرية بعديها اداب كفر الشيخ بعديها اداب دمنهور وهكذا ولما تخلص المحافظات تدخل ع كلية تانية مثلا تجارة اسكتدرية تجارة دمنهور وهكذا ... ومن رأيي ده الافضل عشان لو مثلا انت عايز اداب ممكن يجيلك اداب اي محافظة وبعديها تعمل تقليل اغتراب لمحافظتك .

 طب اي الاسهم دي ؟

دي لو عايز تبدل كلية تخليها قبل او بعد كلية تانية ، مثلا عايز تلغي كلية من الرغبات اصلا ، يعني بحيث تقدر تتحكم براحتك ..

🔺️🔻 ملحوظة :-

#الموقع بيفضل فاتح( #لمدة #ساعة) من تسجيل دخولك للصفحة رقم 5 ولو عدت الساعة وانت لسة مخلصتش بيقفل وبتعيد كل ده من اول وجديد فياريت كل واحد يبدا يسستم نفسه هو عايز اي ..

بعد ماتخلص كل ده اضغط ع تاكيد .

🔺️🔻 نتيجة المرحلة الاولي بتظهر بعد 3 او 4 ايام👌 بالكتير ، وبعديها تبدا تفتح المرحلة التانية ، وبيحصل فيها بالظبط نفس الي اتشرح فوق

🔺️🔻الكليات اللي استكفت بالعدد ف المرحلة الاولي طبعا مش هتظهرلك ف المرحلة التانية  يعني كل مرحلة بيظهرلك فيها الكليات المتاحة...

تعالوا بقا نوضحلكم كام نقطه مهمين :-

 ايه هو تقليل الاغتراب؟

تقليل الاغتراب هو يقاس نسبه للتوزيع الجغرافي ويكون في حاله ان الطالب لم يستوفي المجموع المطلوب لدخول الكليه التابعه لسكنه وبيكون الكتروني وبيتم بعد نتيجه التنسيق واذا لما يتم قبوله يمكن التحويل من الكليه الي الكليه القريبه لك جغرافيا حسب المحافظه التابعه لك ويكون بشروط تختلف من عام لأخر وتكون مرتبطه احيانا بالتقدير العام الذي تحصل عليه نهايه العام..

🔺️🔻التحويل؟

 لو حبيت بعد ما اتقبلت ف كليه انك تحول كليه تانيه هيكون ف حاله  لو باب التحويل مازال مفتوح هيتم التحويل الكتروني ولازم المجموع يكون مطابق لشروط الكليه الي هو الحد الادني للقبول ومافيش تحويل بيتم من محافظه لمحافظه لنفس الكليه يعني لو عايز اداب اسكندريه وجاتلك مينفعش تحول اداب القاهره مراعاه للتوزيع الجغرافي الاقرب للسكن ولو باب التحويل اتقفل بيكون الحل بعد ما بتقضي سنه ف الكليه بيتم التحويل اثناء فتح باب التحويل

مع الدفعه القادمه..

ربنا يوفقكم يا ابطال❤️

#منقوووووووول






الآن متاح تسجيل رغبات المرحلة الأولى لطلاب الثانوية العامة
من خلال الرابط التالي

https://tansik.egypt.gov.eg/application/

بالتوفيق للجميع