كل المعلومات عن كلية علوم اقسامها وموادها وتخصصات والشغل بعد التخرج

أهلًا يا رفاق💙
حابة أكلمكم عن كلية علوم القاهرة وخاصةً عن قسم كرييتڤ شوية ومبيدخلوش ناس كتيرة، قسم فيزياء/فلك. *لو أنت مش بتفكر في القسم دا بس عايز تدخل علوم كمل قراية بردو هتلاقي أسئلة بتسألها لنفسك متجاوبة في البوست دا*

هقسم البوست على هيئة أسئلة وإجابات عشان يكون منظم، وقبل ما أكلمكم عن القسم دا لازم أتكلم عن أكتر اسئلة بتسئلها من الناس اللي بتفكر في كلية علوم بشكل عام.

س/ علوم صعبة؟

ج/ هجاوب على حسب تجربتي مع ترم واحد في الكلية😂
-منهج الكيميا عبارة عن ملزمتين كل ملزمة 20 صفحة والمنهج كله فهم ما عدا القوانين الرياضية اللي فيه.
-منهج الفيزيا كله أصغر من أول باب في 3 ث وأسهل منه.
-منهج علم الحيوان ميجيش 1/3 منهج الأحياء بتاع 3 ث بالعملي بتاعه.
-نظري منهج الفلك لميته في يوم واحد يعتبر وجبت امتياز.
-منهج الأنجلش 19 صفحة.
-نظري منهج الكمبيوتر 23 صفحة والأمتحان كله أختر.
-عشان أوضح لكم الصورة كاملة فمنهج الرياضة صعب مش سهل.
فأنا هسيبكم تحكموا علوم صعبة ولا سهلة من المعلومات دي، من وجهة نظري إننا بنسمع إن علوم صعبة من كتر الامتحانات اللي فيها مش عشان مناهجها، ولإن الحضور في سكاشنها مهم عشان هي كلية عملي.

س/ ازاي بختار تخصص؟

ج/ علوم 4 سنين، أول سنة بتبقى چينيرال يعني لسه متخصصتش ولا دخلت قسم، بتدرس فيها مواد مختلفة منها مواد إجبارية زي الكيميا والفيزيا والرياضة، ومنها مواد إختيارية أنت اللي بتختار منها مادتين عشان تفتح لك أقسام أنت عايزها فيما بعد لو أنت علمي رياضة تقدر تختار ما بين مادة الجبر والإحصاء والچيوفيزيا والچيولوچيا والفلك ولو أنت علمي علوم تقدر تختار ما بين مادة علم الحيوان وعلم النبات والبيوفيزيا والچيولوچيا والحشرات والچيوفيزيا والفلك، ومواد تانية اسمها مواد المتطلبات ودي بتاخدها في أي ترم في الكلية قبل ما تتخرج بس يستحسن تاخدها في أول سنة وبتكون مواد تكميلية ملهاش علاقة بالكلية غالبًا زي الإنجلش والحقوق والكمبيوتر.. إلخ
بعد أول سنة بيكون فيه زي تنسيق للأقسام حسب ال GPA أو المعدل التراكمي + بيكون لكل قسم شروطه سواء عايزك تنجح في المواد اللي بيحتاجها بس أو عايزك تجيب جيد وايه أدنى عدد من الأشخاص القسم محتاجه عشان يفتح وحاجات من هذا القبيل، هسيب لك صور في الكومنتات فيها شروط كل الأقسام.

س/ ايه أكتر الأقسام اللي ليها شغل ومطلوبة؟

ج/ كيميا/كيميا حيوي
كيميا/كيميا ميكروبيولوجي
كيميا/حيوان
كيميا منفرد
أو أي قسم فيه كيميا عمومًا.😂

من أول هنا نبتدي نتكلم عن قسم فيزيا/فلك

س/ بندرس ايه في القسم؟

ج/ بندرس نص المواد فيزيا ونصها فلك.
الفلك بندرس فيه النجوم وازاي بتتولد ومرورها بعدة مراحل حتى انفجارها وكيفية تسميتها وبنعرف كل حاجة تخص كواكب المجموعة الشمسية من تركيب التربة والغلاف الجوي الخاص بكل كوكب والأقمار اللي بتدور حوالين كل كوكب، وبنعرف أنواع كل التلسكوبات وازاي بنستخدمها في الرصد الفلكي بأنواعه، وبنعرف الأقمار الصناعية وكيفية دورانها في مدارات حوالين الشيء اللي أطلقت من أجله.
الهندسة السماوية بندرس فيها الأنظمة المختلفة اللي منها بنعرف مواقع النجوم والكواكب بالنسبة للكرة الأرضية وازاي فصول السنة بتحصل، وبندرس فيه التقويم وازاي بنحسبه، ميكانيكا الفضاء بتدرس أنواع المدارات اللي بتدور فيها الأقمار الصناعية وخواصها وازاي القمر الصناعي بيدور فيها وامتى يكون في الفضاء.
الفلك الفيزيائي بندرس فيه الفلك من الإتجاه الفيزيائي يعني ازاي النجوم بتتولد وبتعيش فترة شباب إلى أن تنتهي بالانفجار، وبندرس حركة الكواكب والمجرات.

س/ ايه مواد القسم؟

ج/ سنة تانية الترم الأول:
فيزياء عملية
كھرومغناطيسية
فيزياء رياضية
معمل أرصاد شمســية وحسابات
فيزياء فلكية
فلك كروي
ميكانيكا سماوية

سنة تانية الترم التاني:
فيزياء عملية
ميكانيكا كلاسيكية
كھرومغناطيسية
ديناميكا حرارية
معمل أرصاد نجمية وحسابات
فيزياء فلكية
فلك كروي
أجھزة فلكية ومعالجة ارصاد

سنة تالتة الترم الأول:
بصريات فيزيائية
علوم الكمبيوتر
فيزياء حديثة
فيزياء عملية
حسابات فلكية
فيزياء شمســية
انتقــال الاشعاع
ميكانيكا سماوية

سنة تالتة الترم التاني:
فيزياء عملية
فيزياء إحصائية
ميكانيكا الكم
فيزياء الليزر وتطبيقاتها
معمل تحليل البيانات الفلكية
معمل فلك فيزيائي
تركيب وتطور النجوم
فيزياء الكواكب
وتختار مادة من دول:
مادة ما بين النجوم
ديناميكا النجوم
النسبية العامة وتطبيقاتھا
فلك إحصائي

سنة رابعة الترم الأول:
فيزياء الجوامد
فيزياء نووية
فيزياء عملية (نووية)
وتختار مادة من دول:
تطبيقات فلكية على الحاسب
تدريبات فلكية
فلك فيزيائي
وتختار 4 مواد من دول:
معمل رصد بالمرصد
تركيب وديناميكا المجرة
فيزياء فلكية متقدمة
الفلك الراديوى
النظم الديناميكية
ديناميكا الحشود النجمية
نظريات المجال
النجوم الكثيفة

سنة رابعة الترم التاني:
فيزياء عملية (جوامد)
وتختار 4 مواد من دول:
فيزياء الجوامد
مقدمة فى فيزياء الحالة المكثفة
مبادئ وتكنولوجيا الأغشية الرقيقة
فيزياء نووية
فيزياء الجسيمات الأولية
فيزياء البلازما
أنظمة الاتصلات البصرية
مبادئ الهوائيات
وتختار 5 مواد من دول:
تطبيقات فلكية على الحاسب
معمل رصد (بحلوان والقطامية)
أجواء النجوم
طرق الإقلاق
تأثيرات شمس أرضية
كيمياء فلكية
إشعاع وانھيار تثاقلي
علم الكون

أنت لو بتفكر في القسم دا عشان النظريات الكونية زي النسبية والكم هتُحبط من أسماء المواد😂، بس متقلقش فيه مواد كتيرة تابعة لمادة النسبية العامة ومادة ميكانيكا الكم اللي في سنة تالتة ومبنية عليهم.

س/ ايه شغل القسم؟

ج/ وكالة الفضاء المصرية، برنامج الفضاء المصري، باحث في هيئة الاستشعار عن بعد، مراكز البحوث بما فيهم المعهد القومي للبحوث، مرصد حلوان، مرصد القطامية، هيئة الطاقة الشمسية، هيئة الطاقة النووية، المركز القومي للفلزات، والشغل الأكاديمي طبعًا.
بعد الحاجات اللي رصيتها دي هيفضل شغله قليل ودا اللي بيخلي اعداده قليلة وبالتالي فرص الشغل بتبقى متناسبة مع عدد الخريجين.

س/ ايه الفرق في الدراسة ما بين القسم دا وكلية ملاحة وتكنولوجيا الفضاء؟
ج/ ملاحة بتركز على الفضاء مش الفلك وعشان تبقى عارف ايه الفرق بين الفلك والفضاء، الفلك بيدرس الكون وظواهره ككل فهو قسم نظري أكتر، الفضاء بيدرس ال nearby astronomy يعني الأرض والشمس والمجموعة الشمسية مش بيركز على الفضاء اللي براها، الفضاء بيدرس الملاحة الجوية *ازاي تطلع الأقمار الصناعية والمركبات* اللي قسم الفلك مش بيركز عليها.

كدا خلصنا بس حابة اقول لك شوية نصايح
1- ما فاتك لم يُخلق لك وما خُلق لك لن يفوتك، لو مجبتش الكلية اللي كنت عايزها أوعى تفتكر إن مجهودك ضاع، يمكن ربنا بحكمته وعلمه كان مخططلك طريق أحسن من الطريق اللي أنت خططته لنفسك.
2- ذاكر أول بأول في الكلية ونظم وقتك هتلاقي نفسك جبت تقدير من غير مجهود، أنا عارفة إنك سمعت الجملة دي كتير بس مفيش طريقة تانية تخليك راضي عن نتيجتك آخر السنة غير كدا.
3- لو نويت على علوم، فاسمع للي يقول لك إنها صعبة وملهاش شغل، وخرج كلامه من الودن التانية.
4- ساعد كل الناس متبقاش ساذج، محدش بياخد رزق حد.
5- لو عايز تدخل قسم فيزيا/فلك وحد قال لك إنك بتضيع مستقبلك والشغف لوحده مبيأكلش عيش فهو عنده حق مش هنضحك على بعض، الشغف من غير سعي فعلًا مبيأكلش عيش، إلا لو مستعد تشتغل على نفسك وتتعب في الكلية.
6- لو حد ادالك ايده تقرأ له الكف لما عرف إنك داخل القسم دا متتفاجئش. *حصلت معايا😂😂😂*
7- لو لسه مفيش في دماغك قسم معين فحط في دماغك إنك هتختار الحاجة اللي هتقضي طول عمرك تدرس فيها وتشتغلها، متبصش للفلوس بس.
8- اختار صحابك صح في الكلية متصاحبش حد عشان اسمه قبل اسمك في الكشوفات.

بس كدا، دمتم بخير.💁🏻‍♀️🌸

البوست الشامل عن كلية العلوم لجميع جامعات الجمهورية مش القاهرة بس

كل ما تريد ن تعرفه عن أقسام كلية العلوم وموادها ومجالات شغلها

البوست يتم تحديثه باستمرار واللى عنده سؤال يبعته فى رسائل الصفحة وهنرد عليه إن شاء الله

لو عجبك البوست شيره وانفع غيرك

****************************

كلية العلوم 4 سنوات دراسية والدراسة فيها بالانجلش وهى تتبع نقابة المهن العلمية ، الحد الادنى من علوم 93.7%، ومن رياضة 79.5% لهذا العام

تنسيق كلية العلوم بجميع جامعات الجمهورية:

تنسيق كلية العلوم بجميع جامعات الجمهورية لهذا العام

****************************

هشتغل ايه لما اتخرج من الكلية دى؟ شوف ده

****************************

ازاى بتخصص فى القسم اللى انا عايزه؟ شوف طريقة التخصص والاقسام المتاحة بجميع جامعات الجمهورية اخر البوست

****************************

ايه نظام الساعات المعتمده وايه نظام التحويلات؟ شوف

( مجالات العمل لخريجي أقسام كلية العلوم )

اخر تحديث بتاريخ 15/8/2016

اولا: اى قسم فى الكلية ممكن تشتغل منه: مديكال ريب *مندوب ادوية طبية* ، فى مراكز البحوث المختلفة ، فى المجال الاكاديمي ، معيد بالكلية سواء فى جامعة حكومية او خاصة ، مدرس فى اى مدرسة حكومية او خاصة بس لازم تاخد سنة تربية.

ثانيا: كل اقسام الكيمياء سواء منفرد او مزدوج تعمل فى مجال: توكيد ومراقبة الجودة ، السلامة والصحة المهنية ، المصانع والكيمياء الشرعية (كيمياء منفرد الافضل فيهم) ، شركات الادوية (حيوي وميكرو الافضل فيها) ، فى التحاليل الطبية داخل مصر كاخصائيين او دكاترة ، وحيوي وميكرو فقط اللى يعتبروا اخصائين او دكاترة تحاليل خارج مصر (زى السعودية) بعد ما يعملوا الماجستير او الدكتوراة وخريج اى قسم كيمياء تانى يعمل كفنى ، وكل خريجي المزدوج يعرفوا يشتغلوا شغل خريج كيمياء منفرد بس المنفرد بيفضل فى بعض الاماكن ،

أقسام كلية العلوم

1- عندك فى مجاﻻت علوم الدنيا مفتوحه جدا فيها .. طب ليه ؟

ما فيش شركه أو مصنع إﻻ ما تلاقى خريج علوم فيها ودا لأن أى شركه عايزه تاخد الجوده ﻻزم يكون عندها معمل ، فى المعمل ده بيحللوا المنتج وبيشوفوه مطابق للمواصفات الدوليه وﻻ لأ ، ودا شغل بيسموه Quality Control والشركات هنا بتفضل إما خريج Chemist أو Microbiology أو اﻻتنين مع بعض ومعظم الشركات دى أدويه يعنى ممكن تبدأ بميديكال ريب وبعلاقاتك تشتغل فى مصنع الشركه نفسه. (العلاقات مبتعملش غير بالسعي و الشطارة)

2- عندك كمان أخصائى تغذيه Nutrition Specialist و بردو بيفضلو كمياء وميكرو وحيوان ونبات وشركات اﻻغذيه كتيييير جدا زى طيبه وأطياب البدر وجهينه والمراعى وباندا وشركات كتيييييير فى منطقه العبور والعاشر من رمضان

3- السلامه والصحه المهنيه

بس دا ﻻزم تاخد شهاده فى السلامه والصحه المهنيه وهنا بتوع مايكرو دورهم قوى جدااا ! وطبعا كمياء

4- Microbiology Analyst

هنا العمل فى شركه اﻻدويه كتييييير جداااا (شغلهم فى معمل الميكروبيولوجى داخل الشركه .. عندك فاركو وماكرو وفايزر ...الخ )

5 - R&D research and development

دا بيفضلو صيدله وعلوم طبعا بيولوجى وكمياء .. ودا دوره تطوير فى منتجات الشركه واجراء ابحاث وغيره للحصول على نتايج أفضل

6- كميائى مراقب جوده ، وهنا شغل كمياء بيكتر او بيولوجى كمياء ، ودوره دراسه المنتجات الكميائيه

7- Analytical Biochemist

وهنا بيكتر شغل البحث العلمى (مستشفى 57 ومعهد اﻻورام والمركز القومى للبحوث ...الخ) كمياء ، ومايكرو ، وكميا حيوى

8- كميائى إنتاج .. ودا بيشرف على إنتاج المنتجات الكميائيه زى إنتاج حمض الاسيتيك مثلا (كمياء ، ميكرو ، نبات ، حيوان ، ودبل كورس)

كميائى مستحضرات تجميل (ودا شغله واضح اهو)

اللى بيشتغل هنا كل اقسام بيولوجى وكمياء ، ممكن تشتغل هنا

الشركه المصريه للمستحضرات والتجميل

9- Chemical Engineer

أى حد معاه كمياء هنا بيدوس فيها زى العفريت

#ملحوظه 90 % من الشركات والمصانع بتاعتنا فى منطقه العاشر من رمضان ، 6 اكتوبر ، العبور

الاماكن دى مش كلها بتعلن على السوشيال ميديا إنها عايزه وظايف ، حاول تظبط ال Relationship بتاعتك داخل اﻻماكن دى

#شغل_المراكز_البحثيه

زى

المركز القومى للبحوث .. الدقى

مركز البحوث الزراعيه .. جامعه القاهره -كليه الزراعه

مستشفى 57 .. السيده زينب

المعهد القومى للاورام

معد بحوث البترول .. انبى

هيئه الطاقه الذريه بعد انبى وانت رايح العاشر على يمينك

مدينه زويل .. 6 أكتوبر

هيئه المصل واللقاح .. امبابه

اﻻماكن دى بقى محتاجه حاجتين تقدير جيد جدا على الاقل ، وعلاقات داخل المكان او علاقات متعلقه بالمجال ده

منقول

******************************

( نيجي بقى للشغل الخاص بكل قسم )

******************************

1. ( كيمياء منفرد ) : شركات الاسمده ومستحضرات التجميل والسكر والمياة والكهرباء ومصانع الزيوت والدهون والصابون والمنظفات الصناعية والدهانات وصناعة البطاريات والسبائك والحديد والصلب ،

( قسم كيمياء منفرد & قسم الكيمياء الصناعية والتطبيقية )

( الدراسة )

بتدرس الكيمياء بكل فروعها عضويه وغير عضوية وحراريه وكهربيه وتحليليه وفيزيائية وحيوية وثيرمو والكترو واروماتيك وستريو وبروتين وكربوهيدرات وكوانتم وغيرها

( شروط القسم )

بتختلف من جامعة لاخرى ومن سنة لاخرى ، فى القاهرة اجيب جيد في كيمياء 1 & 2 و تقدير عام جيد لعام 2015

( مواده فى جامعة القاهرة ):

( مجالات العمل )

- كميائيين في مصانع الادويه والكيماويات

- شركات مستحضرات التجميل

- شركات اصباغ وبلاستك وحديد وصلب

- معامل وشركات التحاليل الطبية

- شركات الادوية والاسمدة ومستحضرات التجميل والسكر والمياة والكهرباء

- بيفضل فى شغل المصانع وفى الكيمياء الشرعية عن اى قسم اخر

مصانع الزيوت والدهون والصابون والمنظفات الصناعية والصناعات المتعلقة بها – المواد الوسيطة والأصباغ العضوية – المذيبات ومشتقاتها – مواد الصباغة – صناعة الجلود – المواد العطرية – الزيوت الطبيعية أو البترولية – مواد مستحضرات التجميل – تكرير البترول ومشتقاته والصناعات البتروكيماوية – الراتنجات والكاوتشوك والبلاستيك واللدائن – المبيدات – المواد الغذائية والجيلاتين – عمليات التبييض والصباغة والطباعة والتجهيز للألياف الطبيعة والصناعية – صناعة الألياف الصناعية كالحرير الصناعي والنايلون – الأسمدة العضوية – عمليات التخمير – تكرير السكر والصناعات المتفرعة منه – حفظ الأغذية والمشروبات – استخلاص السليلوز- وصناعة الورق – تقطير الفحم والقطران و صناعة الكوك – الجلود الصناعية – كيميائيات التصوير الفوتوغرافي - الكيماويات المعملية وغيرها من الصناعات التي تدخل في أي فرع من الفروع السابقة وتطبيقاتها – الكيمياء التخليقية التي تدخل في مجال صناعة الأدوية أو الصناعات الأخرى التي لم يرد ذكرها عاليه أو ما يستحدث في علوم الكيمياء.

صناعه البطاريات الجافة والسائلة وبطاريات و خلايا الوقود - الطلاء الكهربي بأنواعه المختلفة – استخلاص المعادن بالطرق الكهربائية – صناعات التحليل الكهربي لتحضير العناصر المختلفة مثل الكلور والصوديوم والألمنيوم – تحضير الغازات الصناعية المختلفة – المعالجة الأنودية والتلوين – تنقية المياه وصرف المصانع بالطرق الكيميائية والكهروكيميائية في الأمن الصناعي - تنقية الهواء – تكنولوجيا المساحيق واستخدام العوامل الحفازة – مراقبة و تأكيد الجودة وتطبيق الجودة الشاملة - التعرف على التآكل ومسبباته فى الأجواء المختلفة خاصة فى المنشآت والتجهيزات المعدنية الصناعية والبترولية والبحرية – تحضير مثبطات التآكل واستخدامها فى الصناعات المختلفة مثل الصناعات البترولية والمراجل البخارية والمبادلات الحرارية والصناعات المعدنية مثل صناعات الحديد والصلب بأنواعه المختلفة – السبائك وأنواعها المختلفة وصناعة النحاس والألمنيوم – متابعة سرعة التفاعلات الكيميائية وآلياتها.

صناعة الأحماض والقلويات، الأملاح بجميع أنواعها – نواتج تفحيم الخشب وتثبيت النتروجين والصناعات المتعلقة به – الأسمدة الكيميائية بأنواعها المختلفة – مواد الطلاء المعدنية والبويات – صناعة الزجاج والخزف والصيني والحراريات ومواد البناء (اسمنت، جبس .. الخ) – صناعة الحديد والصلب واستخلاص المعادن بالطرق المختلفة – صناعة المطروقات – صناعة السبائك – صناعة الوقود الصلب والسائل والغازي وكذلك صناعة المواد غير العضوية المختلفة التي تدخل تحت أي فرع من الفروع السابقة أو تطبيقاتها – العمليات الكيميائية في الصناعات التي لا تدخل تحت بند الصناعات الكيميائية

تحليل الخامات والمواد الأولية والوسيطة والمنتجات النهائية في الصناعات السابق ذكرها – مطابقة مواصفات المنتجات للمواصفات القياسية – التعرف على المكونات الرئيسية للمواد الكيميائية بالطرق التحليلية الكيميائية والفيزيائية المختلفة – تحديد نسب الشوائب والملونات في النواتج الكيميائية الصناعية – تحلية وتحليل المياه ومعالجتها المستخدمة في الصناعة والتعرف على انسبها للعمليات الصناعية التي تدخل فيها – تدوير النفايات الكيميائية – تحليل عينات من الهواء والماء والتربة في البيئة – التحليل الكمي للمواد الغذائية ومواد التلوين والإضافات الكيميائية في نطاق المواصفات القياسية المعمول بها – الإسهام في تقدير الجودة للمنتجات الكيميائية في نطاق المواصفات القياسية المعمول بها – الإسهام في تقدير الجودة للمنتجات الكيميائية المختلفة وتقرير مدي مطابقتها للمواصفات المقررة ومدي مناسبتها للاستخدام في الأغراض المختلفة – متابعة سرعة التفاعلات الكيميائية أو آلياتها عن طريق تحليل النواتج المناسبة أثناء حدوث التفاعل في مفاعلات الإنتاج (تحليل السوائل تحليل الغازات) أو عن طريق اخذ عينات دورية من نفايات الإنتاج – التحليل الكيميائي والبكتريولوجي للمواد الكيميائية والأدوية والمحاليل والبول والدم والمصل وفقا للشروط المتطلبة في القائمين بهذه التحاليل – التحليل الدوري للآثار والمقتنيات الفنية للتعرف على مقدار ما قد يكون قد أصابها من تلف تحت الظروف التي توجد فيها والإسهام في صيانتها وترميمها والمحافظة عليها – تحليل السموم والمخدرات وآثار الجرائم المختلفة وأعمال التزوير والتزييف في نطاق الأدلة الجنائية والنظم القانونية والشرعية.

إجراء البحوث ورصد الملوثات المختلفة وقياس نسبها ومقارنتها بالمعايير القياسية المحددة لها ، ووضع المعايير للمكونات المختلفة للهواء والماء والتربة والمخلفات الصناعية ومعالجتها ، وتقدير مدي الأضرار على البيئة المحيطة والكائنات الحية الموجودة بها (إنسان ، حيوان ، نبات) وكذلك الاشتراك في وضع المعايير المشار إليها وتحليلها ومقارنتها بالمعايير القياسية عن طريق التحاليل الكيميائية المشار إليها تحت بند الكيمياء.

2. ( كيمياء / كيمياء حيوي )

: نفس شغل قسم الكيمياء + مصانع الادوية ، والمستحضرات الطبية ، ومعاهد الاورام ، ومعاهد السرطان ومصانع وشركات البتروكيماويات ومصانع الخميرة والادله الجنائيه والبحث الجنائي ، للتفاصيل:

( كل حاجة عن قسم كيمياء / كيمياء حيوي )

( الدراسة )

بيدرس العمليات الحيويه في جسم الانسان زي البروتين والفيتامينات والكربوهيدرات وبيدرس الاحماض النوويه (DNA) وعلم المناعة وعلم الوراثة وعلم الهرومونات والانزيمان والاورام والبيولوجي وتدرس فيها جميع التفاعلات الكميائيه الخاصه بالكائن الحى وجسم الانسان وتدرس فيها الكيمياء العلاجيه زى المسكنات وخافضات الحرارة ومضادات البكتيريا والفطريات والفيروسات والطفيليات وهى من اقوى الفروع فى الكيمياء وتتخصه من بيولوجى ، بيدرس كيميات كتير (كيمياء عضوية وغير عضوية وتحليلة وفيزيائية وكيمياء العقاقير وكيميا الفيتامينات وكيميا إكلينيكية) ، كمان بيدرس الهندسة الوراثية والعلاج الجيني والاحصاء الحيوي

يتم فيه دراسه الكيمياء الحيوية وخواص الكيمياء الحيويه والاكلينيكه ، تخصص الكمياء الحيويه الاكلينيكه (السريريه) وهو علم الكيمياء المسئول عن تشخيص الامراض

مثل: وظائف الجسم المختلفه من كلى وكبد وقلب ودهون ومعادن ودلالات الاورام السرطانيه وبيولوجيا السرطان وكل التحاليل الكيمائيه الموجودة في جسم الانسان.

بيتخصص في التحاليل الطبيه وهو العلم الخاص ببيولوجيا السرطان ودلالات الاورام وانزيمات الكبد وانزيمات الكلي وانزيمات القلب والهرمونات والامراض الخاصه بيهم والتحاليل الخاصه بيهم بالاضافه الي كل التحاليل الكميائيه في كل سوائل الجسم ، وممكن تتخص في الماجستر في فرع منهم في في السرطان ودلالات الاورام و بيولوجيا السرطان ودلالات الاورام يوجد كشعبه من شعب الكيماء الحيويه في الماجستير والدكتوراه ، واثناء الماجستير بتنزل مستشفيات وتتعامل مع مرضي وتسحب منهم عينات دم او بول او ايا من سوائل الجسم ،ممكن بعدها تفتح معمل تحاليل طبيه خاص بتحاليل الكيمياء الاكلينيكه ، وممكن تحضر ماجستر ودكتوراه في التحاليل الطبيه في تخصص الكيمياء الاكلينيكه وممكن تبقي دكتور في في كليات العلوم او الطب سواء المصريه او الاجنبيه.

( شروط القسم ):

بيختلف من جامعة لاخرى ومن سنة لسنة ، فى القاهرة انك تجيب جيد في كيمياء 1 & 2 وتقدير عام جيد لعام 2015

( مواده فى جامعة القاهرة )

( مجالات العمل )

المجال الطبي والصحي والصناعات الدوائية - المختبرات الطبية والتشخيص الوراثي (للأمراض المعدية و الوراثية والسرطان).

- مندوب ادوية طبية

- معامل وشركات التحاليل الطبية

- شركات ومصانع الادوية

- معاهد الاورام

- معاهد السرطان

- مصانع وشركات المستحضرات الطبية

- ومصانع كتير جدا زي البتروكيماويات ومصانع الخميرة

- بحوث وعمليات استنبات الأنسجة .

- صناعة وإنتاج الأدوية والمستحضرات الطبية بوسائط بيولوجية:

- صناعة المضادات الحيوية.

- صناعة الأدوية المضادة للسرطان .

- صناعة الأمصال واللقاحات والأجسام المضادة.

- إنتاج الهرمونات وعوامل النمو.

الصناعات الغذائية :

- صناعة الألبان ومشتقاتها .

- صناعة اللحوم والمعلبات .

- صناعة الخمائر الغذائية .

- صناعة الزيوت الغذائية .

- الصناعات الغذائية المرتبطة بإنتاج الحبوب .

- صناعة المثلجات والمشروبات الخفيفة . مجال الصناعات الكيميائية ( التخليق الحيوي للمنتجات الكيميائية ):

- إنتاج بعض الغازات الصناعية والطبية

- إنتاج الأحماض

العضوية المختلفة مثل حمض الاستيك وحمض الستريك.

- إنتاج البلاستيك الحيوي

وهي مرحلة متقدمة من التخليق الحيوي للمنتجات .

الوزارات والجهات الرسمية :

- وزارة الصحة (التشخيص الوراثي, استزراع الخلايا و الأنسجة, مختبرات

التحليل الغذائي).

- وزارة الزراعة .

- وزارة الصناعة.

- سلطة البيئة.

- وزارة التربية والتعليم

- وزارة العدل (إثبات الأبوة و البنوة)

- وزارة الداخلية (المعمل الجنائي)

- مختبرات التشخيص الوراثي.

- كميائي طبي اكلينكى (دكتور تحاليل) (اخصائي تحاليل طبيه)

- له الافضليه هو وميكرو فى شغل شركات الادوية عن باقى اقسام الكيمياء وفى شغل التحاليل الطبية داخل مصر وهما الوحيدين المعترف بهم فى التحاليل خارج مصر (السعودية) بعد عمل الماجستير

- هيشتغل شغل الكيميا

شوف باقى أقسام كلية العلوم هنا: https://goo.gl/FyfWbb

http://cutt.us/GNhAQ

3. ( كيمياء / ميكروبيولوجي ) : نفس شغل قسم الكيمياء + مصانع الادويه ، فى المستشفيات ومعامل الميكروبيولوجي لانه بيدرس الكائنات اللي بتنتج المضادات الحيويه ، والمزارع البكتريه ، وفى تحليل الفيروسات والطحالب والفطريات ، شركات الكيماويات ، تنقيه المياه فى شركات المياة ، و شركات الاغذية ، و شركات الالبان ، للتفاصيل: http://cutt.us/SLaKx

4. ( كيمياء / حيوان ) : نفس شغل قسم الكيمياء + الحقن المجهري ، بنوك الدم ، اطفال الانابيب ، المراكز الطبية لعلم الاجنة ، لمعلومات اكتر: https://goo.gl/HJdgqW

5. ( بيوتكنولوجى ) : نفس شغل اقسام كيمياء حيوي وميكروبيولوجى وكيمياء حيوان و (بره مصر) بيشتغل فى المستشفيات لعلاج الامراض الوراثيه باستخدام تطبيقات البيوتكنولوجى فى الصناعة والزراعة وغيرها

6. ( كيمياء / نبات ) : نفس شغل قسم الكيمياء + معامل تطوير الزراعة وشركات الاسمدة والكيماويات والمجالات البيئية ومنظمات حماية البيئة وغيرهم.

7. ( كيمياء / حشرات ) : نفس شغل قسم الكيمياء + معامل البحوث الزراعيه ، وفى وزارة الزراعة ، ومصانع المبيدات الحشرية ، ومراكز مكافحة الحشرات وغيرها.

8. ( كيمياء / جيولوجيا ) : نفس شغل قسمى الكيمياء والجيولوجيا.

9. ( كيمياء / فيزياء ) : نفس شغل قسمى الكيمياء والفيزياء.

10. ( بيوفيزياء منفرد ) : المستشفيات والمعاهد الطبيه زي الاورام والليزر والقصر العينى و57357 ، البحوث النوويه ، بحوث الاشعاع والاشعاعات واثرها علي الخلايا ، المركز القومى للبحوث ، معهد بحوث امراض العيون ، التصوير الاشعاعى والعلاج الاشعاعى ، الطاقة النووية والذرية زى مركز البحوث النووية وشركات الاجهزة الطبية والمناظير ، لتفاصيل اكتر: https://goo.gl/tk2COs

11. ( فيزياء منفرد ) : معيد في اي جامعة خاصة وباحثين في مراكز البحوث ، في هيئة الطاقة النووية او في مصانع الاجهزه الكهربيه ومصانع الحديد والفحم ، في مدينة زويل او اعضاء هيئة تدريس فالجامعات او باحث في الجامعات الاجنبية وسيرن ووكالات الفضاء والمفاعلات النووية بس كل دة خارج مصر ، كفيزيائى طبى فى معاهد الاورام بره وجوه مصر وغيرها

12. ( فلك منفرد - فيزياء / فلك - *فيزياء / علوم جويه* ) : مرصد حلوان والقطامية وبمركز الاستشعار عن بعد وبالمركز القومي للبحوث الفلكية وهيئة الطاقة الشمسية والمركز القومي للفلزات ، *في برج المراقبه في المطار* وغيرها

13. ( جيولوجيا منفرد - بترول - جيوفيزياء منفرد ) : شركات البترول ، التعدين ، المياة ، المعادن ، المناجم ، الابار ، الاثار واى حاجة من تحت الارض ، الهيئة القومية للاستشعار عن بعد ، المراصد الجيولوجية والجيوفيزيقية.

14. ( حاسب منفرد - رياضة / علوم حاسب) : فى وحدات تكنولوجيا المعلومات ، مطور برامج ، مصمم او مطور شبكات ، مطور تطبيقات الموبايل ، مطور جافا ، مصمم قواعد بيانات وغيرها.

15. ( رياضة / فيزياء - رياضة / احصاء - رياضة منفرد ) : مدرس ، معيد ، باحث.

معلومات اكتر عن شغل خريجي علوم | https://goo.gl/Wmsxka See Less

https://goo.gl/J6y8wG

****************************

نظام التقديرات ايه ؟ النجاح من 60 ، مقبول 60 - 64 ، جيد 65 - 74 ، جيد جدا 75 - 84 ، امتياز 85 – 100

****************************

أقسام كلية العلوم جامعة القاهرة والموجودة بمعظم جامعات الجمهورية 24 قسم:

7 اقسام متاحة لطلبة علمى علوم فقط

8 اقسام متاحة لطلبة علمى رياضة فقط

9 اقسام مشتركة لطلبة علمى علوم وعلمى رياضة

المواد الاتية خاصة بجامعة القاهرة اما الدراسة والشغل فلجميع جامعات الجمهورية

****************************

اولا: 7 اقسام لطلبة علمي علوم فقط

****************************

1. ( كيمياء / كيمياء حيوي ): بيدرس العمليات الحيويه في جسم الانسان زي البروتين والفيتامينات والكربوهيدرات وبيدرس الاحماض النوويه (DNA) وعلم المناعة وعلم الوراثة وعلم الهرومونات والانزيمان والاورام والبيولوجي وتدرس فيها جميع التفاعلات الكميائيه الخاصه بالكائن الحى وجسم الانسان وتدرس فيها الكيمياء العلاجيه زى المسكنات وخافضات الحرارة ومضادات البكتيريا والفطريات والفيروسات والطفيليات وهى من اقوى الفروع فى الكيمياء وتتخصه من بيولوجى ، بيدرس كيميات كتير (كيمياء عضوية وغير عضوية وتحليلة وفيزيائية وكيمياء العقاقير وكيميا الفيتامينات وكيميا إكلينيكية) ، كمان بيدرس الهندسة الوراثية والعلاج الجيني والاحصاء الحيوي ، ( مجالات العمل ) : في معامل وشركات التحاليل الطبية وشركات ومصانع الادوية ، ومعاهد الاورام ، ومعاهد السرطان ، ومصانع وشركات المستحضرات الطبية ، ومصانع كتير جدا زي البتروكيماويات ومصانع الخميرة وغيرها ويستحسن تاخد دبلومه التحاليل الطبيه او دبلومة الكيميا الحيوية ، لمعلومات اكتر: https://goo.gl/ryiwkC ، مواده: http://goo.gl/jcwZQT

****************************

2. ( كيمياء / كيمياء ميكروبيولوجي ): الميكروبيولوجى هى علم الاحياء الدقيقة وتدرس فيها كل فروع الميكروبيولوجى (البكتريا والفطريات والطحالب والفيروسات) وحياتها وكل حاجة عنهم ، بتدرس تأثير الميكروبيولوجي على الانسان والامراض اللي بيسببها والانزيمات ، والسموم الميكروبية ، الهرمونات النباتية ، علم المناعة ، علم الوراثة ، علم الاحماض النووية (DNA) ، ميكروبيولجي طبية ، ميكروبيولوجي الاغذية ، الاحصاء الاحيوي وتدرس نص مقرراته كيمياء زي (كيمياء حيويه وعضويه وتحليله وفيزيائيه) ، ( مجالات العمل ) : فى معامل وشركات التحاليل الطبية ، وشركات الادويه ، وفى المستشفيات ، وفى معامل المكيروبيولوجي ، وتنقية المياة فى محطات وشركات المياة ، وشركات الاغذية ، شركات الالبان ، شركات الكيماويات ، وله الافضلية فى الشغل هو وقسم الكيمياء الحيوية فى بعض شركات الادوية داخل مصر وهما الوحيدين المعترف بهم كاخصائيين بعد الماجستير فى التحاليل خارج مصر (السعودية) ، للتفاصيل: https://goo.gl/Ycst8F ، مواده: http://goo.gl/bwj2UO

****************************

3. ( كيمياء / حيوان ): بتدرس نص المواد كيمياء ونصها تبع علم الحيوان ، فيدرس الانسان وكل ما يتعلق بالمملكه الحيوانيه فيدرس الفسيولوجى (علم وظائف الاعضاء) ، الهيماتولوجى (علم امراض الدم) ، الامبريولوجى (علم الاجنه) والاناتومى (علم التشريح) والسيريولوجى (علم المناعه) ، الباراسيتولوجى (علم الطفيليات) ، والهستولوجى (علم الانسجه) والجيناتيك (علم الوراثه) ، والبيولوجي بتاع الحيوان ، الفقاريات ، اللافقاريات ، ( مجالات العمل ): نفس شغل قسم كيمياء منفرد + فى اطفال الانابيب ، الحقن المجهرى ، بنوك الدم ، المراكز الطبية لعلم الاجنة ، مراكز البحوث المختلفه ، للتفاصيل: https://goo.gl/HJdgqW ، مواده: http://goo.gl/G08DJJ

****************************

4. ( كيمياء / نبات ): بيدرس نص مواده كيمياء ونصها من علم النبات ، فيدرس كل ما يتعلق بالمملكه النباتيه بداية من تشريح النبات ، علم المناعه ، الفسيولجى (علم وظائف الاعضاء) ، اناتومى (علم التشريح) ، علم التنفس ، علم البيئة ، علم الوراثة ، علم الميكروبيولوجى ، علم الطحالب ، علم النباتات طبية ، الاحياء الدقيقة وتطبيقاتها ، بيوتكنولوجى ، علم الفلورا ، الهندسة الوراثية ، زراعة انسجة ، والمورفولوجى والبيولوجي بتاع النبات وتصنيفاته والعوامل البيئيه اللي بتأثر فيه و التلوث والانزيمات والطحالب ، ( مجالات العمل ): نفس شغل قسم كيمياء منفرد ، مواده: http://goo.gl/TMruKm

****************************

5. ( كيمياء / حشرات ): بتدرس نص المواد من كيمياء ونصها من علم الحشرات ، فيدرس البيولوجي الخاص بالحشرات و تشريح انسجتها و الشكل الخارجى للحشرات و تصنيفاتها و تقسيماتها ، علم بيئه الحشرات ، علم الطفيليات ، الوبائيات و تحاليل الطفيليه ، والفيسيولوجي للحشرات ، ومكافحه الافات والسيطره عليها ، علم المناعه ، علم الميكروبيولوجي ، الباثولوجي للحشرات ، علم السموم ، الشكل الخارجى والداخلى والأداء الوظيفى للحشرة ، أنماط الحياة ، التأثيرات البيئية والدورة الفصلية ، أشكال التأثيرات المتبادلة فى الآهلات الحيوية المجموعات الهامة للحشرات ، الحشرات النافعة ودورها فى تلقيح النباتات ونشر البذور ، المنتجات التجارية المشتقة من الحشرات ، الحشرات المفترسة والمتطفلة ، أهمية الحشرات ككانسات ، الحشرات فى النظام البيئي وغيرها ، ( مجالات العمل ) : نفس شغل الكيمياء + مصانع المبيدات الحشرية ، مراكز مكافحة الحشرات ، معامل البحوث الزراعيه ، وزارة الزراعة وغيرها ، مواده: http://goo.gl/2HoFsU

****************************

6. ( بيوفيزياء منفرد ): البيوفيزياء هي علم قائم بذاته ومختلف عن الفيزياء و الاحياء ، هو يعتبر تطبيق لمباديء الفيزياء وتقنياتها لدراسة تركيب ووظيفة الخلية الحية ودراسة بعض القوانين الفيزيائية التي تؤثر في الجزيئات الحيوية والعمليات الحيوية ندرس بها الكهربية خلال الجسم الحيوى والجهاز العصبى والخلية العصبية ، الجهد الكهربى للأعصاب ، رسم عضلات القلب والمخ والعين ، فيزياء الأشعة السينية التشخيصية ، استخدامات الانويه المشعه فى أجهزه القياس الإشعاعى الأساسية وتطبيقاتها والوقاية من الإشعاع ، وحدات الوقاية الإشعاعية وحدودها فى الطب النووى ، تطبيقات الحرارة والبرودة ، حفظ الدم والأنسجة والجراحه بالتبريد ، وإستخدام الضوء فى الطب فلها تطبيقات في الطب حيث توفر تفسيراً للعلاقات الوظيفية بين أجزاء الجسم وفي دراسة نظام المناعة ضد الامراض وتم اعتماد أربع تخصصات رئيسية وهى: البيوفيزياء الجزيئية و الطبية و النظريه و البيئية والمدرستين المتخصصتين واللى ليهم النصيب الكبير من الاهتمام والتطور هما البيوفيزياء الجزيئية والبيوفيزياء الطبيه ، وشغله: في المستشفيات والمعاهد الطبيه زي الاورام ومعاهد الليزر ومعهد بحوث امراض العيون ، والقصر العيني ، 57357 ، فى مراكز البحوث زي البحوث النووية ، بحوث الاشعاع والاشعاعات واثرها علي الخلايا ، المركز القومى للبحوث ، التصوير الاشعاعى والعلاج الاشعاعي ، شركات الاجهزة الطبية والمناظير وغيرها ، لتفاصيل اكتر: https://goo.gl/tk2COs ، مواده: http://goo.gl/MyiT3v

****************************

7. ( جيولوجيا منفرد ): الجيولوجيا هي علم دراسه الارض وأصلها وطبقاتها ومكوناتها وكيفية تكوينها وتطورها ، هتدرس الميكانيكا اللى بتتكون بيها الظواهر الطبيعية زي الجبال العادية والجليدية والبراكين وتاريخ الارض منذ النشاة وترتيب تكونها ، تقدير عمر الأرض النسبي والمطلق ، الجدول الزمني لتاريخ نشأة الأرض ، الحفريات والتحفر ، التبلور ، الخواص الفيزيائية والكيميائية للمعادن وتقسيماتها وانواعها ، كمان هتدرس جيولوجيا البترول وجيولوجيا المياة ، وجيولوجيا حقلية وغير حقلية ، وجيولوجيا مصر وافريقيا وغيرها ، ( مجالات العمل ) : في شركات البترول ، والمياه ، وجهاز شئون البيئه ، وقطاع الاثار ، والمناجم ، الهيئة القومية للاستشعار عن بعد ، علوم الفضاء ، المراصد الجيولوجية ، شركات التعدين والمحاجر ، مواده: http://goo.gl/wwRusr

****************************

ثانيا: 8 اقسام لطلبة علمى رياضة فقط

****************************

8. ( حاسب منفرد ): بتدرس مبادئ البرمجة من النظم العددية والخوارزميات وهياكل البيانات ونظم التشغيل وقواعد البيانات والذكاء الاصطناعى والتشفير وغيرها ، وشغله واسع اوى فى الكمبيوتر والسوفت وير ، هى شبه قسم علوم حاسب فى كلية حاسبات ومعلومات والفرق ان عندنا الاهتمام بالنظرى والرياضة على حساب التطبيق بس لو قدرت تفهم النظرى كويس هيبقي سهل عليك تتعلم اى تطبيق عليه وهتبقي كويس عن اى حد ولازم تاخد كورسات عشان تطور نفسك ، ولو اتخرجت بتقدير جيد تقدر تقدم فى منحة وزارة الاتصالات (ITI) ، ( مجالات العمل ) : فى وحدات تكنولوجيا المعلومات فى الشركات والمدارس والجامعات ، مطور برامج ، مصمم او مطور شبكات ، مطور تطبيقات الموب ، مطور جافا ، مصمم قواعد بيانات وغيرها ، مواده: http://goo.gl/ng7Jxl

****************************

9. ( رياضيات منفرد ): يعني رياضه باحته وتطبيقية يعنى لو بتعشق الرياضه ادخله ، كل اللى بتتطلبه الرياضيات هو أن الطالب يكون مجتهد ، مش شرط يكون عبقرى علشان يدرس رياضيات أو يستمتع بعلومها ، ما تكتفيش بدراسة الكلية عشان احنا متأخرين أوي في الكلية عن باقي الشعوب اتعلم لوحدك ع النت استفيد بوقتك عليه اليوتيوب مليان كورسات بس ما تقولش كفاية عليا الي باخده في الكلية ، ( مجالات العمل ) : فى المجال الاكاديمي ، معيد سواء فى جامعة حكومية او خاصة، مراكز الاحصاء والمتابعة ، معامل الابحاث ،هيئات الأ رصاد الجوي ، مراكز التعبئة والاحصاء ، مجالات عمل الحاسب الألي ، مدرس ، باحث ، محلل بيانات ، في البنوك ، مسئول قواعد بيانات ، مبرمج في شركات الكمبيوتر ، مواده: http://goo.gl/2Bb8Sc

****************************

10. ( رياضة / حاسب ): نفس الكلام ونفس شغل قسمي رياضة وحاسب لانك بتدرس نص المواد رياضه ونصها حاسب ، مواده: http://goo.gl/jT31xf

****************************

11. ( رياضة / احصاء ): نفس الكلام بس بتاخد نص دراستك رياضه ونصها احصاء ، مواده: http://goo.gl/jT31xf

****************************

12. ( رياضة / فيزياء ): بتدرس نص المواد رياضيات ونصها فيزياء ، بتدرس التجارب والقوانين والعلاقات الرياضيه والدوائر الكهربائيه ، بتدرس فيزياء الليزر وتطبيقاتها وفيزياء علمية وفيزياء حديثة وفيزياء نووية وغيرها ، ( مجالات العمل ): نفس شغل قسمي رياضة منفرد وفيزياء منفرد ، مواده: http://goo.gl/VhzKFs

****************************

13. ( فلك منفرد ): بتدرس تاريخ الفلك ، وأرصاد العين المجردة ، النظام الشمسي ، الظواهر الفلكية، حركات الكواكب والنجوم الظاهرية ، والحشود والنجوم وأنواعهم ، المادة بين النجمية ، والمجرات ، نشأة الكون بصفة عامة ، التعرف علي السماء ليلا ، خرائط النجوم ، الكواكب والكويكبات النجمية وطرق التعرف عليها وغيرها ، ( مجالات العمل ): فى مرصد حلوان ، مرصد القطامية ، باحث بمركز الاستشعار عن بعد او بالمركز القومي للبحوث الفلكية واي مركز في مصر فيه فيزيا ، هيئة الطاقة الشمسية ، المركز القومي للفلزات ، فى وكالة ناسا الفضائية زي عصام حجى ، مواده: http://goo.gl/vXenFe

****************************

14. ( فضاء منفرد ): نفس شروط فلك منفرد ونفس المواد الاختياريه ونفس الشغل فى مصر ، مواده: http://goo.gl/miA8hb

****************************

13. ( رياضة / فلك ): بدرس نص المواد رياضه ونصها فلك وشغله نفس شغل فلك منفرد ورياضة منفرد ، شروطه: انجح جبر وفلك ، مواده: http://goo.gl/sEHINw

***************************

ثالثا: 9 اقسام مشتركه متاحة لطلبة علمي رياضه و علمي علوم

***************************

16. ( كيمياء منفرد ): بتدرس الكيمياء بكل فروعها عضويه وغير عضوية وحراريه وكهربيه وتحليليه وفيزيائية وحيوية وثيرمو والكترو واروماتيك وستريو وبروتين وكربوهيدرات وكوانتم ، ( مجالات العمل ) : فى معامل وشركات التحاليل الطبية ، شركات الادوية والاسمدة ومستحضرات التجميل والسكر والمياة والكهرباء ومصانع الزيوت والدهون والصابون والمنظفات الصناعية والدهانات وصناعة البطاريات والسبائك والحديد والصلب ، بيفضل فى شغل المصانع وفى الكيمياء الشرعية عن اى قسم اخر ، معلومات اكثر: https://goo.gl/ZIbR1B ، مواده: http://goo.gl/kPM9uh

****************************

17. ( كيمياء / جيولوجيا ): يدرس نص مواده جيولوجيا ونصها كيمياء وميزته انه يقدر يشتغل بالاتنين الكيمياء والجيولوجيا يعني ماسك العصاية من النص ، ( مجالات العمل ) : نفس شغل قسمي كيمياء وجيولوجيا منفرد ، مواده: http://goo.gl/gxpfii

****************************

18. ( كيمياء / فيزياء ) : يدرس نص مقرراته كيمياء ونصها فيزياء ، ( مجالات العمل ): نفس شغل قسمي الكيمياء والفيزياء ، مواده: http://goo.gl/bcItTj

****************************

19. ( فيزياء / فلك ) : بيدرس نص المواد فيزياء ونصها فلك ، بندرس فيه النجوم وازاي بتولد ومرورها بعدة مراحل حتى أنفجارها وكيفية تسميتها ، وهانعرف كل حاجة تخص كواكب المجموعة الشمسية من تركيب التربة والغلاف الجوي الخاص بكل كوكب والاقمار التي تدور حول كل كوكب ، وبنعرف انواع كل التلسكوبات وازاي بنستخدمها في الرصد الفلكي بأنواعه ، وبنعرف الاقمار الصناعية وكيفية دورانها في مدارات حول الشئ التي اطلقت من أجله ، هندسة سماوية: بندرس فيها الانظمة المختلفة اللى منها بنعرف مواقع النجوم والكواكب بالنسبة للكرة الأرضية ، وازاي فصول السنة بتحدث وبندرس فيه التقويم وازاي بنحسبه ، ميكانيكا الفضاء: بتدرس انواع المدارات اللي بتدور فيها الاقمار الصناعية وخواصها وازاي القمر الصناعي بيدور فيها و امتى يكون في الفضاء ، الفلك الفيزيائي: بندرس فيها الفلك من الاتجاه الفيزيائي يعني ازاي النجوم بتولد وبتعيش فترة شباب الي ان تنتهي بالانفجار ، وبتدرس حركة الكواكب والمجرات ، ( مجالات العمل ) : نفس شغل قسمي فلك منفرد وفيزياء منفرد اللى قولناها ، مواده: http://goo.gl/6zwt6o

****************************

20. ( فيزياء / علوم جويه ) : كوبي بيست من اللي فوقيه ، بس الفرق هنا انك بتدرس كل حاجة تخص الأرصاد الجوية بس مش انت اللي بتشتغل فى النشرة الجوية بتاعة الساعة تسعه ديه لا انت اللي بتجبلهم الداتا اللي هما بيقولوها وانت بقى بتدرس طبقات الغلاف الجوي و ازاي الرياح بتتحرك وهكذا ، بجانب انك ليك فرصه انك تشتغل في برج المراقبه في المطار علشان تشوف حالة الجو هاتسمح للطائرات تقلع ولا لأ ، وغيرها ، مواده: http://goo.gl/EmY47t

****************************

21. ( فيزياء منفرد ) : قسم عشاق الفيزياء ودراسته فيزياء كهربيه وحراريه وكل انواع الفيزياء والدراسة فالقسم عايزة انك تكون معتمد علي نفسك شوية وانك ما تعتمدش فقط على المنهج الجامعي و تشتغل مع نفسك في البحث الخارجي ، والقسم لازم تتخرج منة على الاقل بتقدير جيد جدا عشان تلاقي شغل محترم معيد في اي جامعة خاصة او شغل في هيئة الطاقة النووية ، وفية شغل في مصانع الاجهزه الكهربيه ومصانع الحديد والفحم بيكون فني بيمسك الالات الكبيرة وبيعملها حسابات زي حسابات الديناميكا الحرارية وهكذا، كفيزيائى طبي ، وشغل اكاديمي اكتر من كونة فني يعني باحثين في مراكز البحوث او في مدينة زويل او اعضاء هيئة تدريس فالجامعات او باحث في الجامعات الخاصة او الاجنبية او سيرن او وكالات الفضاء بتحتاج فزيائين او المفاعلات النووية بس كل دة خارج مصر لازم تدرس ماجيستير ودكتوراه و ايضا لازم تدور علي منحة عشان تدرس ماجيستير ودكتوراه برة لان الفيزياء من العلوم التقيلة اللى محتاجة تدرسها بره وعلي الاقل عشان تاخد منحة للدراسة فالخارج لازم تكون جايب جيد جدا ، ولو الدنيا قفلت فى وشك تعرف تبقي مدرس فيزياء بعد ما تاخد سنة تربوي ، مواده: http://goo.gl/x9oCOQ

****************************

22. ( جيوفيزياء ) : هي تطبيق لقوانين الفيزياء علي الجيولوجيا اللي هي علوم الارض وهو بيدرس الارض من ناحيه الخواص الفزيائيه وهتدرس فى سنة اولى مقدمة عامة للجيوفيزياء ومبادئ أساسية عن Gravity & Magnetic & Electric & Seismic ، والجيوفيزيائى بيشوف الاستجابه الكهربيه او المغناطيسيه للارض باستخدم الموجات زى السزميك والالكترك والجرافيتي والماجنتيك و غيرهم عشان اعرف فين المكان الغريب اللي في استجابه مختلفه عن اللي حوليه وبالتالى اقدر احدد ايه اللى موجود تحت الارض ، وهو ملوش علاقة بالحفر هو فقط بيجمع معلومات ويحللها ويقرأها ويحدد اماكن تواجد البترول او المياة او اى حاجة تحت الارض ، (مجالات العمل) : التنقيب قبل ما احفر عشان اطلع الحاجه سواء فى شركات البترول او المياة او المعادن او الابار او الاثار او اى حاجة تحت الارض، شروطه: اختار جيولوجيا وجيوفيزياء واجيب فيهم جيد والقسم بياخد 20 طالب اللى حطينه رغبه اولى واعلاهم فى التقدير، مواده: http://goo.gl/g6VOMy

****************************

رابعا البرامج الخاصة: برنامج علوم البترول الجيولوجية وبرنامج البيوتكنولوجي ، والتخصص فيهم بيكون من سنة اولى بدون شروط ومفتوحى العدد لاى طالب يدفع 12 الف جنية فى السنة + 10% زيادة سنوية، تفاصيل: https://goo.gl/MwsGPl

****************************

23. ( علوم البترول الجيولوجية ): القسم موجود فى كلية العلوم جامعات القاهرة ، عين شمس ، الاسكندرية ، المنيا ، الاسماعيلية ، بورسعيد ، المنوفية ، المنصورة ، اسيوط ، السويس ، الزقازيق ، وطنطا وغيرهم وفى بعض الجامعات القسم *ببلاش* زي السويس والزقازيق وبورسعيد والمنيا ، وفى البعض الاخر بمصاريف زي اسيوط ب 9 الاف ، وفى القاهرة ب ٢٠ ألف جنية + ١٠% زيادة كل سنة (كان ب١٢ من سنتين و٨ من ٤ سنوات ولكن زودوا المصاريف بدون اى اضافة خدمة للطالب) ، بتدرس فى سنة اولى مواد جنيرال العادية اللى هى كيمياء وفيزياء ورياضة وجيولوجيا وجيوفيزياء ، بتكون جيوفيزيائى او جيولوجي مش مهندس بترول ، مشكلة القسم ان شغله صعب تلاقيه ولدرجة ان ناس تقولك معكش واسطة متدخلوش ، بيدخل القسم اى حد هيدفع فلوسه ومفيهوش اى ميزة عن الاقسام العادية لانك بتدرس مواد جيولوجيا وجيوفيزيا وبتشتغل نفس شغل اقسام جيولوجيا وجيوفيزياء فى الاخر ، وحتى مفيهوش مبنى ولا معامل خاصة بي ، ولا اى حاجة سوا المواد اللى بتدرسها فقط ، وشغله: نفس شغل قسمي جيوفيزيا وجيولوجيا ، فادخل اى قسم منهم ووفر فلوسك من البداية ولو مش ضامن تدخلهم ممكن تحاول فى سنة اولى تجيب تقديرهم وتتخصص فيهم ولو مجبتهوش تقدر تدخل بترول من سنة تانية عادى طالما اخدت مواد جيوفيزيا وجيولوجيا وتبقي وفرت فلوس سنة اولى

مواده: http://goo.gl/rRGsdS ، تفاصيل: https://goo.gl/MwsGPl

****************************

24. ( بيوتكنولوجي ): البرنامج موجود فى كلية علوم جامعات القاهرة ، حلوان ، المنصورة ، الزقازيق ، بنها ، والسويس ، واسوان وغيرهم وفى كليات زراعة جامعات كتيره زي القاهرة والازهر واسوان وغيرها ، وفى زراعة القاهرة بمصاريف ، وفى بعض الجامعات ببلاش سواء من كلية زراعة او كلية العلوم زى علوم جامعة السويس والزقازيق وبورسعيد وغيرهم ، ولكنه فى بعض الجامعات خاص زى حلوان ب ٨ الاف جنية ، والقاهرة ب ٢٠ الف جنيه في السنة + ١٠ % زياده سنويه (كان ب ٩ من ٤ سنين ثم بقي ب ١٢ ودلوقتي زودوا المصاريف بدون اضافة اى خدمة للطالب) ، والبرنامج متاح لطلبة علمي علوم ورياضه ، بتدرس نص مواد كيمياء والنص التانى احياء ، بتدرس فى سنة اولى مواد جنيرال اللى هى كيمياء وفيزياء ورياضة وحيوان ونبات ، وبعد كدا بتدرس كيميات كتير زي الكيمياء العضوية والكيمياء الغير عضوية والكيمياء الفيزيائية والكيمياء التحليلية وغيرها وبتدرس العامل الوراثي في النبات والحيوان والانسان ، وده يعتبر مدخل لعلاج الامراض ولزيادة الانتاج فى الحيوانات والنباتات ، وبيدرس علم الاحماض النووية وتحاليله وعلم المناعة وغيرها ، (مجالات العمل): نفس شغل اقسام كيمياء حيوي وميكروبيولوجى وكيمياء/حيوان اللى قولناها فوق ، وبره مصر بيشتغل فى المستشفيات لعلاج الامراض الوراثية وغيرها ، مواده: http://goo.gl/GmVKh7 ، تفاصيل: https://goo.gl/MwsGPl

****************************

إجابات الاسئلة الشائعة: https://goo.gl/V7ttvd

الدراسات العليا: https://goo.gl/S8x2eY

كل ما يخص شغل التحاليل الطبية: http://goo.gl/6ou3fh

كل ما يخص اخصائى العلوم الطبية: https://goo.gl/HjstwU

كلية العلوم الطبية التطبيقية: http://goo.gl/8lBGwT

مشاكل العلميين: https://goo.gl/JkP2Oi

****************************

القاهرة: https://goo.gl/V3uLlX

اسكندرية: https://goo.gl/yNgbE3

عين شمس: https://goo.gl/v2auTm

بنات عين شمس: https://goo.gl/GLH2BT