اشارة هامة لمديري المدارس بسرعة الانتهاء من اجراءات الترقية للمعلمين وتحديد اخر موعد لاستلام الاوراق

1- ملف الانجاز حسب تخصصه ( يتعمل فورا مفيش حد يقولي آخر ميعاد امتي ..اعمله وخلاص )

2- تقديم اقرار ورقي الي المدرسة بقضاء خمس سنوات بالمدة البينية في الفترة :

من 30/4/2014 الي 31/12/2019 قرار 9 و 10 .. ازاي تتحسب ..الفترة دي 5 سنين و 9 شهور شوف انت اخدت اجازة كام شهر او سنة و احذفها من الفترة دي و شوف الباقي كام لو كملت 5 سنين اعمل الاقرار لو ما كملتش ما تعملش الاقرار لانه مسئولية عليك و ممكن يعملك مشكلة لو انت عامل اقرار المدة البينية و كنت فعلا ما كملتش 5 سنوات لان قانون الكادر بيشترط قضاء خمس سنوات من العمل الفعلي بين الدرجة و الدرجة الاعلي ... الاقرار يقدم ورقي للمدرسة و موقع عليه من المعلم نفسه و تقوم المدرسة برفعه للادارة ( مرفق صورة من صيغة الاقرار )

- بالنسبة للقرارات التانية احسب المدة من تاريخ التعيين الفعلي الي 31/12/2019 و طلع منها مدة الاجازات اللي انت اخدتها

- ضم المدة سواء كانت حصة أو خدمة عسكرية أو خدمة عامة لا يضاف لمدة التعيين ..

اجازة الوضع و المرضي و النصف أجر(65%) و الاعتيادي لا تؤثر علي المدة البينية

مرفق صورة من صفحة كل معلم علي الاكادمية ..الناس دخلت لقت الوضع اتغير بعد ما كان ملف الانجاز 25% اصبح 20% ..ايه السبب.. تم اضافة مستوي اخر لملف الترقية الخاص بكل معلم ليصبح – 20 % ملف الانجاز – 20% تقييم المدير – 20% تقييم الموجه – 20% لجنة الادارة – 20 % اقرار المدةالبينية ..

محضر فتح وغلق الموقع الخاص بترقيات المعلمين وذلك
لتقييم أداء (المعلم / الاخصائي ) من قبل مدير المدرسة والموجة
يمكنك التحميل من ميديا فاير من هنا
https://bit.ly/3cw5gFq
يمكنك التحميل أيضاً من جوجل درايف هنا
https://drive.google.com/file/d/1q3MZLLcX-GWkYImtOu7O64aNi7WDrLnX/view
اقرار المدة البينية اللازمة للترقي من جروب ثورة معلمى أسيوط
يمكنك التحميل من ميديا فاير من هنا
https://bit.ly/2YifTI7
يمكنك التحميل أيضاً من جوجل درايف هنا
https://drive.google.com/file/d/1CU_CKyqEv9FSFdZ-TK6IxSvXWPpYjLJj/view

1- عمل تقييم مدير المدرسة

2- عمل تقييم الموجه

3- التاكد من تسليم المعلم لاقرار المدة البينية ورقيا بعد توقيعه ثم تسجيل تسليم الاقرار علي بيانات المدرسة بصفحة الاكادمية كي يظهر عند المعلم خلال بياناته علي صفحته بالاكادمية ...

1- جميع الاختبارات مؤجلة ولا يوجد جديد

2- المدرسة التي سجلت المدة البينية دون اقرار من المعلم – تعمل لكل معلم اقرار

3- لازم تكمل المدة البينية خمس سنوات لانك هاتعمل اقرار و هيتراجع من الاجازات في الادارة

4- كل واحد يحسب مدتة البينية بنفسه حسب تاريخ التعيين الي 31/12/2019 و يخصم الاجازات منها زي ما قولنا قبل كده

5- نقدم ايه خلاف الاقرار الورقي ؟ مفيش حاجة تاني بتتقدم

6- الاقرار هايتعمل في المدرسة و توقيع المعلم و هايتختم في الادارة انت ممكن تختمه من الادارة او المدرسة تجمع الاقرارات كلها و تختمه هي

7- ملف الانحاز مش مطلوب تسليمه مطبوع الادارة

8- دفع الفلوس رسوم الاختبار .. اللي دفع يحتفظ بالايصال و اللي ما دفعش يستني لما نشوف الدنيا هاترسي علي ايه

9- مفيس ميعاد محدد للانتهاء من الكلام ده

10- عملت اجازة سنة و قطعتها بعد 6 شهور .. طالما قضيت 5 سنين يبقي مش هاتاثر

11- المطلوب من المعلم – ملف الانجاز + الاقرار الورقي فقط

12- حسب مدة الاجازة اللي انت اخدتها احذفها من مجموع المدة و شوف كملت 5 سنين ولا لا

13- سنين الضم بالخدمة و الحصة لا تضاف للدرجة

14- تعيين 2014 و اخد سنة رعاية طفل – كده ما كملش خمس سنين ما ينفع يعمل الاقرار

15- 4 شهور رعايو طفل لا تؤثر علي الترقية

 9 شهور رعاية طفل  لا تؤثر المهم يكمل خمس سنوات مكتملة عمل فعلى 

16 اجازة الوضع لا تؤثر علي الترقية

17 المدير و الموجه ازاي يدخل يقيم ؟ مسئول الاحصا المفروض عارف و بيدخل بيانات المدرسة يقيم

18-المنتدب خارج المحافظة يتم تقييمه حسب ملف الانجاز مكتوب اسم المدرسة يه فيه

19- الاجازة المرضي بأجر كامل لا تؤثر علي الترقية

استكمالا للإجراءات اللازمة  لترقى المعلمين للعام  2019-2020  ، فقد تم إتاحة التطبيق الإلكترونى الخاص  بقيام السادة  مديرى المدارس والموجهين بتقييم المعلمين إلكترونيا ، كما يتاح  تقييم ملف الانجاز لجميع المعلمين المرشحين للترقى عن طريق اللجان المكلفة بذلك في كل إدارة تعليمية من خلال 

http://academy.emis.gov.eg/evaluation/       

بالنسبة للمرشحين للترقي بالمدارس : يكون مسؤل المعلومات بالمدرسة المسؤل عن التسجيل الإلكتروني لتقييم مدير المدرسة  و موجه المادة لكل معلم .

و بالنسبة للمرشحين للترقي بدواوين الإدارات والمديريات : : يكون مسؤلى أقسام و مديرى الإحصاء بالإدارات والمديريات التعليمية مسؤلين عن التسجيل الإلكتروني لتقييم الرئيس المباشر والموجه للمرشحين للترقي