صرف رصيد الاجازات كاملا أصدرت وزارة المالية الكتاب الدوري رقم 37 لسنة 2020 بخصوص ضوابط صرف رصيد الاجازات المتكون قبل قانون الخدمة المدنية

صرف رصيد الاجازات كاملا أصدرت وزارة المالية الكتاب الدوري رقم 37 لسنة 2020  بخصوص ضوابط صرف رصيد الاجازات المتكون قبل قانون الخدمة المدنية

للزملاء اللي بيسالو ايه حكاية الكتاب الدوري 37 لسنه 2020
الموضوع أن المالية أعطت تعليماتها بالتنفيذ الفوري
لفتوى مجلس الدولة لجميع العاملين بالدولة بصرف رصيد الاجازات كاملا
-------------------------------------
أصدرت وزارة المالية الكتاب الدوري رقم 37 لسنة 2020
بخصوص ضوابط صرف رصيد الاجازات المتكون قبل قانون الخدمة المدنية
ودة شرح للكتاب الدوري بطريقة مبسطة وتتمثل في الاتي :
تعالوا نعرف إيه حكاية الكتاب الدوري لوزارة المالية رقم 37 لسنة 2020
وعشان تعرف حكايته لازم تكون قريت فتاوى الجمعية العمومية لقسمي الفتوى والتشريع رقم 1439 لسنة 2019 و 1444 لسنه 2019.

صرف رصيد الاجازات كاملا أصدرت وزارة المالية الكتاب الدوري رقم 37 لسنة 2020  بخصوص ضوابط صرف رصيد الاجازات المتكون قبل قانون الخدمة المدنية

وتكون كمان اطلعت على قرار وزير المالية رقم 199 لسنة 2017
وعشان نريحك من كل الأمور دي نقول لك ايه هي الحكاية
في 2017 قام السيد وزير المالية واصدر قرار بخصوص تعليمات صرف رصيد الإجازات بعد ما تطلع معاش وقال فيه ...
- ما فيش حد يصرف رصيد اجازات سابق فوق الـ 789 يوما كرصيد ونراعي بتوع المناطق النائية
- وقال لو المبلغ اللي نصرفه لك فوق ال 10 آلاف نقسم لك المبلغ نصين تصرف نصه وبعد 6 شهور تصرف نصه الثاني ...
ودي حكاية قرار وزير المالية رقم 199 لسنة 2017
قامت الجمعية العمومية لقسمي الفتوى والتشريع قالت له لا يا فندم ما تعملش كدا ... لأن حضرتك خالفت نص القانون .... وسلطتك إنك تحط قرار أو لايحة بس ما تخالفش صريح نص القانون
وقالت له احنا أفتينا إن البندين دوول مش هينفعوا وهنلغيهم
والموظف من حقه ياخد أيامه اللي تكونت قبل العمل بقانون الخدمة المدنية كامله
وما ينفعش حضرتك تقول ما حدش يزيد عن 789 يوما
وكمان ما ينفعش حضرتك تقسم له المبلغ نصين
ده حقه ويصرفه مرة واحدة يطلع 10 آلاف يطلع أكتر يطلع أقل ده حقه
وانت كده بتعمل تفرقة بين الموظفين ودي كانت الفتوى رقم 1439 لسنة 2019
والفتوى رقم 1444 لسنه 2019 واللي افتت بعدم مشروعية البنود ارقام 3 و 5 من قرار وزير المالية رقم 199 لسنه 2017
قام السيد وزير المالية مشكورا راح مطلع كتاب دوري وقال
واحنا مع الفتوى
وهامتثل ليها زي ما أفتيتوا
وهنصرف الرصيد زي ما يطلع ومش شرط 789 يوما ع الأكثر
وكمان هنصرف لك مبلغك مرة واحدة حتي لو كان أكتر من 10 آلاف
ونبه على مسئولي المالية في الجهات من خلال هذا الكتاب بتنفيذ الفتوى

صرف رصيد الاجازات كاملا أصدرت وزارة المالية الكتاب الدوري رقم 37 لسنة 2020  بخصوص ضوابط صرف رصيد الاجازات المتكون قبل قانون الخدمة المدنية

صرف رصيد الاجازات كاملا أصدرت وزارة المالية الكتاب الدوري رقم 37 لسنة 2020  بخصوص ضوابط صرف رصيد الاجازات المتكون قبل قانون الخدمة المدنية