كلية الاعلام تعرف على كليتك منهنا معلومات عنها وشروطه واوراقها وكل شئ عن كلية االاعلام حتى اختبار القدرات

كلية الاعلام تعرف على كليتك منهنا معلومات عنها وشروطه واوراقها وكل شئ عن كلية الاعلام حتى اختبار القدرات

عشان الناس ال متشحططه على أى معلومه عن قدرات إعلام

1: بتدخل على لينك موقع الجامعات وبتختار امتحان القدرات وتختار إعلام وبعدها هدخل رقم جلوسم ورقم بطاقتك القومى هيطلعلك مكان الامتحان والميعاد بالساعه وعلى الاغلب هيكون 9 الصبح

2: هتطبع الاستماره دى ال فيها الميعاد بتاعك .. وتصور بطاقتك صوره واحده وصور الاستماره برده صوره واحده وخد معاك 400 ج

3: هتروح قبل معادك بساعه يعنى الساعه 8 مثلا .. الخزنه بتفتح الساعه 8 او 8 ونص .. هتدخل تدفع 400 ج بالبطاقه وتاخد وصل

4: هتاخد الوصل وصوره البطاقه وصوره الاستماره وتروح شئون الطلبه .. هياخدوا منك الورق دا ويخيروك بين كذا يوم تختار انت اليوم ال يناسبك تمتحن فيه .. بعدين هتقف حوالى 10 دقايق وهم هينادوا اسمك يدوك الاستماره مختومه خد بالك من دى لانها اللى هتدخل بيها يوم الامتحان من البوابه

كلية الاعلام تعرف على كليتك منهنا معلومات عنها وشروطه واوراقها وكل شئ عن كلية الاعلام حتى اختبار القدرات

5: إزاى تستعد ل الإمتحان ؟
_ راجع العواصم بتاعت الدول
_ أسماء الصحف ورؤساء التحرير وإختصاصات كل جريده
_ درس تميز العدد جه منه حوالى 5 أسئله
_ جالنا 4 جمل وزن
_ كلمه ترجمه واحده وكانت العولمه
_ كمان جه عدد الكواكب وعدد دول حوض النيل وعدد لعيبه كره اليد
_ وجمل الانجليزى أغلبها جه ف صح وغلط ووبعتمد ع الجرامر .. يعنى يجبلك جمله ف زمن وفيها كلمه داله على زمن تانى .. هنا هتبقى غلط
_جه نقطتين على محمد على انه ال بنى مصر الحديثه واول جيش حديث
_ نيجى بقى يوم الامتحان .. بيبقى الساعه 11 ... لازم تكونوا هناك 10 ب الكتير .. على باب الكليه بيشوفوا الاستماره المختومه عشان تدخل .
_ الساعه 10 وتلت بيبدأ الدخول ل القاعات .. بيدخلوا حوالى 20 ب 20 .. بتسيب الفون تحت معاهم ممنوع تخش بيه القاعه .. بعد كده بتشوف اسمك ورقم المقعد .. بتدخل تقعد مكانك ولو فى شنط بتسيبها بره وبتاخد الاستماره والبطاقه والقلم بس .
_ هم هيفهموكم كل تفاصيل ورقه الامتحان جوا بيكون فى دكتور ومعيد غير المراقبين .
الامتحان من 11 ل 12 ونص وبيلموا الورق بالضبط

& دا اللى انا فكراه ف الامتحان عشان الارقام وعشان من المنهج ال درسته
& الامتحان ف المجمل سهل ومعلومات عامه مش محتاج
&كل قاعه ليها امتحان مختلف وحتى جوا القاعه ترتيب الأسئله مختلف
& اللجنه شاده ومفيش نفس فيها ومحدش يحاوول يغش 😀
&الاهالى ممكن تدخل وممكن لا .. اخويا دخل معايا اول يوم ومردوش يدخلوا تانى يوم
& الكلام دا على جامعه القاهره .
& دعواتكم بالتوفيق ف الامتحان
& اللى يعدى يعمل up عشان البوست يوصل لكل ال محتاجه😀💛💛
والسلام عليكم ورحمه الله وبركاته.
دي طالبة امتحنت النهارده

إعلاميين المستقبل ✌🏻😎 والكلمتين دول للي حابين يدخلو كلية الاعلام 🌸

* كلية أعلام ممكن تدخلها من أدبي وعلمي رياضه وعلوم ، المهم انها كليه شيك وبنت ناس وكل حاجة 😂 طب موجودة فين ؟🌚

* إعلام موجودة ف أربع جامعات حكومية ف مصر 

" جامعه القاهره ودي ف 'الجيزة ' ، وجامعه جنوب الوادي 'قنا' ، وجامعه بني سويف ، جامعه السويس ، ده غير أعلام الأزهر طبعا ✌🏻 يعني ليها اكتر من فرع مش جامعه القاهره بس 🌚

* التنسيق للادبي بيكون الحد الادني ف حدود 95% والعلمي بيكون قريب منه او أقل منه بحاجة بسيطة

* أما لعلمي رياضه تقريبا بيكون ف حدود 90% الحد الادني 🌸

* إعلام جامعه القاهره وبني سويف مقسومة لأعلام عربي وأعلام انجلش ، اعلام جنوب الوادي فيها أعلام عربي بس ، لكن فيها قسم جديد ومختلف ومش موجود ف اي جامعه وهو "قسم الإعلام الإلكتروني "

* أقسام وتخصص كليه الإعلام 

فهي واحدة ✌🏻 لو انت عربي او انجلش بيبقي عندك 3 أقسام ( قسم الاذاعه والتليفزيون ، قسم الصحافه ، قسم علاقات عامة واعلان ، والتخصص فيهم بيبدأ من سنة تانية 😌

* مش كل الكليات بتعمل انترفيو عشان تدخل الأقسام بتاعتها " وده مش موضوعنا " * إعلام ماشيه بنظام الساعات المعتمدة وبيبقي عندك 6 مواد كل ترم ، كل مادة ليها تلات ساعات ف الأسبوع ، ف أعلام القاهره انت اللي بتختار المواد اللي بتاخدها كل الترم من وسط المواد المتاحه ليك ومع الدكتور اللي تختاره😌

* إعلام من الحجات الممتعه فيها واللي اتطورت ف آخر كام سنه ، وهي "التدريب " وبالذات لو قسم اذاعه وتليفزيون بيتوفرلك استديو متكامل 🌸

* إعلام بني سويف بتوفر للطلبة تدريب ف ماسبيرو ولطلبة علاقات عامة ليهم تدريب ف شركات 😎

* الغالبية اللي بتقرر تدخل أعلام ، بتحتار ف حاجة تانية اكبر وهي انها تدخل عربي ولا انجليزي ، هو الموضوع بيرجع ليك ف الأول وانت حابب تدرس بأنهي طريقة ، اعلام انجليزي هتطورلك لغتك اكيد ، بس اعلام انجليزي مفيهاش تدريب ومبتتوفرش الامكانيات اللي بتتوفر لعربي 🌚

* بالنسبة لحوار القدرات ، أولا ع حظكم مفيش انترفيو عشان تدخلها ! ليه بقي ؟ لأن الامتحان هيبقي تحريري عباره عن اسئله صح وغلط واختيارات ، الموضوع بسيط جدا وسهل 😌💚

أما عن كل اللي متاح حاليا عن الاختبار ف هتلاقيه هنا

لطلاب الثانوية العامة.. دليل اختبارات القدرات لكلية الإعلام

وضعت كلية الإعلام جامعة القاهرة، دليلًا للطلاب يتضمن إرشادات وضوابط اختبارات القدرات بالكلية، بعد انضمامها للكليات التي تشترط القبول في اختبارات القدرات قبل الالتحاق بها هذا العام لأول مرة.

وأوضحت الكلية، عبر الصفحة الرسمية لاتحاد طلاب الإعلام، طبيعة الاختبار وآلية الاشتراك في الاختبار وضوابط أداء الاختبار ونصائح للطلاب، كالتالي:

طبيعة الاختبار

ويتعلق الاختبار بالمعلومات العامة ويشمل 55 سؤالًا اختيار من متعدد، و45 سؤالًا صواب وخطأ، ومدة الامتحان ساعة ونصف "90 دقيقة"، ويشترط للنجاح في الاختبار حصول الطالب على نسبة 70% من إجمالي درجات الاختبار ليصبح لائق.

آلية الاشتراك في الاختبار

ويدخل الطالب لموقع التنسيق ويختار رابط اختبار القدرات، ثم اختبار القدرات لكليات الإعلام، ليسجل بياناته، ثم طباعة استمارة الاشتراك في الامتحان التي يظهر بها مكان أداء الاختبار.

ويتوجه الطالب لمكان أداء الاختبار ليقوم بسداد رسوم الاختبار قدرها 400 جنيه.

ويقدم الطالب الاستمارة الأصلية وصورة منها وإيصال السداد إلى إدارة شئون الطلاب بالكلية، لتقوم بتحديد موعد أداء الاختبار.

ضوابط أداء الاختبار

ويجرى الاختبار الساعة 11 صباحًا، ويجب على الطالب الحضور لمقر الكلية في اليوم المحدد.

كما يجب إحضار قلم رصاص وغير مسموح باستخدام القلم الجاف، وأستيكة.

ولن يسمح للطالب بأداء الاختبار بدون بطاقة الرقم القومي أو جواز سفر ساري.

وممنوع دخول الامتحان بهاتف محمول أو سماعات، أو التحدث داخل اللجنة، أو الدخول بعد بدأ الاختبار.

ويتم تصحيح أوراق الإجابة إلكترونيا وإدخال نتيجة الطالب على موقع التنسيق خلال 48 ساعة، وتكون النتيجة في صورة تقدير لائق أو غير لائق.


* إعلام مش كلية معقدة ودراستها هتلاقي نصها نظري بس هتلاقي ف المقابل assignment كتيرة عملي هتحببك ف الكلية 🧡