تظلمات الثانوية العامة ارشادات فحص كراسة الاجابة عند اجراء التظلم من الدرجة المعطاه لك

هام لطلبة الثانوية العامة ارشادات فحص كراسة الاجابة عند اجراء التظلم من الدرجة المعطاه لك 

ارشادات فحص كراسة الاجابة عند اجراء التظلم من الدرجة المعطاه لك
١- الذهاب الى الكنترول في الميعاد المحدد لك ومعك ولى الامر وليس مدرسك الخصوصى
٢- اصطحب معك نموذج الاجابة ويباع احيانا على باب الكنترول
٣- ستحصل على استمارة تسجل فيها ملاحظاتك بالاضافة الى صورة من كراسة اجابتك وليست الكراسة الاصلية
٤- تاكد اولا ان الكراسة تخصك .. ثم تاكد من جمع الدرجات على غلاف الكراسة ومطابقتها بالدرجة المدونة في شهادة النجاح
٥- تاكد من جمع جزئيات كل مجموعة من الاسئلة ومطابقتها مع الدرجة المسجلة على غلاف الكراسة
٦- قم بمطابقة اجابتك مع اجابة النموذج وتاكد انك حصلت على درجة كل سؤال كاملة .. واذا وجدت نقص في تقدير اى سؤال .. سجل ملاحظاتك مستفسرا عن عدم احتساب الدرجة كاملة اذا كانت اجابتك مطابقة لاجابة النموذج
٧- تاكد ان جميع الاسئلة مقدرة حتى لو كانت الاجابة في المسودة
٨- تاكد ان في حالة اعادة اجابة السؤال مرة اخرى انه تم تقديرها واحتساب الدرجة الاعلى
٩- سجل كل ملاحظاتك .. واعلم جيدا ان الدرجات تكون بالقلم الاحمر وبالتالى قد تكون الصورة ضعيفة فتعتقد خطأ انها غير مقدرة وهذا ستتاكد منه بمجرد ان تجمع جزيئات السؤال وتطابقه مع الدرجة المعطاه لك
١٠ - لا تستمع للشائعات المتعلقة بان لا احد يحصل على درجاته المستحقه له .. فمن يقوم بالرد على ملاحظاتك هم ممن مشهود لهم بالكفائة العلمية والخلقية .


.

هام لطلبة الثانوية العامة ارشادات فحص كراسة الاجابة عند اجراء التظلم من الدرجة المعطاه لك 

١١- يمكنك معرفة نتيجة التظلم بعد اسبوع من فحص كراسة اجابتك .. في حالة ان يكون لك درجات مستحقة تضاف لك وتعدل الدرجة الكلية وتطبع لك استمترة نجاح جديدة ويتم مخاطبة التنسيق لتعديل تنسيقك للكلية التى توافق مجموعك بعد التعديل
١٢- في حالة عدم استحقاقك لاى تعديل في الدرجات يمكنك رفع قضية مستعجلة ويتم اعادة فحص الكراسة من جانب ٣ خبراء ليس من بينهم من قام بفحصها من قبل وكتابة تقريرا مفصلا عن الاخطاء التى وقع فيها الطالب وعدم استحقاقة اى درجات او اضافة درجات له اذا رأت اللجنة الثلاثية ان له الحق في تعديل درجته
١٣ - لا يضار الشاكى من شكواه .. فاذا وجد عند فحص الكراسة ان الطالب قد حصل على درجات لا يستحقها لا تحذف هذه الدرجات ويظل المجموع كما هو مالم يكن له درجات اضيفت له في اسئلة اخرى ولا يعاقب الطالب على درجات حصل عليها بغير حق
اتمنى لكل طالب شعر انه مظلوم ان يوفقه الله ويحصل على حقه كاملا ..
ولا داعى لتعليقات محبطة لان الله لا يرضى بالظلم ابدا فالله ينصر المظلوم دائما ويقتص له من الظالم .. توكلوا على الله .. متمنيا لكم وجميع اعضاء الجروب الحصول على درجاتكم وتحقيق رغباتكم.
أ/ حسن محرم.


معلومات عن التظلم ركز علي الكلامه ده هو طويل شويه بس مفيد 💔هااااااااااااااام💔
مهم للغاية لمقدمي التظلمات
نصائح هاااااامة للثا نوية
تخليك_تاخد_درجتك_فى_التظلم ؟ باذن الله .

انت بيبقى معاك 3 حجات هناك ..
_ نموزج الإجابة 📋
_ صورة ورقتك 📄
_ ورقة الملاحظات 📝

↩ كل المطلوب منك عشان تاخد درجاتك .. انك تكتب دي الملاحظات صح ✔
■■ ازاى ؟؟
المستشار لما بيراجع .. بيبص على الملاحظات 📝
وبعدها ممكن يفتح الورقة أو لا ..

■■ يبقى انت عايز تعرف تكتب ايه يخليه #يفتح الورقة ؟؟
هو بيفتحها فى #حالتين .. لو شاف فى الكلام :
_ غلطة تجميع
_ سؤال مش متصحح

#ولكن :
⚠( اى كلام تانى :
زى كلمة "الدرجة صفر" أو المدرس غلطان أو أنك مظلوم أو ..انا كتبت إجابة قريبة .. مش هيبص على ورقتك وهيكتب تحت فى الرد [تقدير مصحح] وخلاص .. )

====================================
🌸🍀 فأنت قدام 3 احتمالات هناك ؟؟

↩ #اول_احتمال : 💡

■ لو غلطة فى تجميع الدرجات ( الرصد ) ..
فدى غالباً بتيجى الحمد لله علطول .. اطمن 👍

هتكتب انه يوجد غلطة " تجميع درجات " فى السؤال كذا
وكان الصح _مثلا_ 13 من 15 ..
عند الجمع كما فى درجة السؤال الرابع ..
لكن فى المراية ( اول ورقة من برا ) كتبت 12
وله درجة فى ذلك السؤال ..

#وحط خط تحت كلمة " #رصد_درجات " او " #تجميع_درجات " !!
________________________________

↩ #تانى_احتمال : 💡
■ لو سؤال متصححش اصلا
.. فده الحمد لله غالبا برده بييجى درجته علطول 👍

وبتكتب أن
السؤال رقم كذا ..
■■ ترك " #بدون_تصحيح "
واكتب تفاصيل تانية .. انه مش بس متصححش ..
لا .. ده كمان السؤال اجابته صح .. ولازم تفتح الورقة عشان تصححه ..

ومتنساش تحط خط تحت كلمة #بدون_تصحيح .. عشان تلفت نظره ..

⚠ فى #الاحتمالين دول .. بيشوف المراجع .. كلمة غلطة تجميع أو سؤال متصححش وبيفتح ورقتك وتاخد درجتك بإذن الله ..
___________________________

↩ #تالت_احتمال : ( وده الل عملين البوست عشانه .. #ركز )

■ لو سؤال انت حاله صح✔ .. لكن واخد صفر ❌

#تكتب_ايه_فى_الملاحظاات ؟!

■■ تكتب نفس اللى كنت هتكتبه بالظبط .. فى الاحتمال التانى ..

~ إن السؤال ترك #بدون_تصحيح ..
~ وكتب الطالب الإجابة #صحيحة ..
~ و له كذا درجة ..
وتفاصيل انك حالل صح .. حتى لو هتكتب الإجابة ..

فتقول :
السؤال ترك بدون تصحيح
وقام الطالب(ة) بحل السؤال كما هو مطلوب .. حيث كتب .. [وتكتب الإجابة فى الملاحظات بصورة مختصرة كده]

💡 لو السؤال : اكتب المصطلح او اختيارات :
تقول تم كتابة الإجابة صحيحة وهى كذا وتركت بدون تصحيح ( حتى لو عليها ❌ أو صفر )

💡 ولو السؤال : #مسألة لو رياضة او فيزيا
مثلاً هتكتب :
تم ايجاد المطلوب الاول .. وكتابة القانون والخطوات بطريقة صحيحة .. ثم قام بالتعويض الكامل عن القانون ..
ثم أوجد الناتج وهو قيمة شدة التيار صحيح .. ويساوى 20 امبير ✔ .. وفى المطلوب التانى .. تم كتابة القانون والخطوات والناتج بصورة صحيحة .. وتم ايجاد فرق الجهد ويساوى 10 فولت والناتج صحيح✔ .. _ الأرقام كمثال _
لكن ترك السؤال #بدون_تصحيح .. وله 4 درجات فى هذه المسألة ..
_________________________________
⚠⚠⚠ يعنى اكتب :
■ رقم السؤال ..
■انه متصححش ..
■ #اوعى_تجيب_سيرة_الصفر
■متغلطش المدرس ..
■اكتب بأسلوب يشد .. وانك على حق 👍
■اتكلم بصيغة الغائب .. سواء عنك أو عن المدرس .. زى المثال الل فوق كده ☝

تم حل .. وتم إيجاد ..
ثم ترك السؤال .. وله درجات ✔
من غير ما تغلط فى المصحح ..
او تقول انا مظلوم أو الكلام ده .. ❌
_________________________________

🌸🍀 يعنى لو كان سوء تصحيح ممكن تيجى ؟

- ده بيرجع لضمير المراجع هيعمل ايه .. لما يشوف انك صح وواخد صفر .. او ❌
ممكن يديك درجاتك .. وتاخد حقك ..

- لكن #للصراحة :
برده فى العادى غالبا فى حالة ان السؤال بيكون #مقالى
فده بيتكتب انه "تقدير للمصحح "
يعنى المصحح ليه الحق انه يديك الدرجة اللى هو شايفها مناسبة لاجابتك.
في الحالة دي الدرجة مش بتيجي الا #بقضية ؛ ودي بتاخد وقت كبير شوية واحتمالها اضعف .
______________________

↩ وف الاخر :
مهما كانت النتيجة 👈 انت لازم ترضى بقضاء الله ..
ده ربنا مش بيظلم مثقال ذرة .

( لو جت درجة ففضل من ربنا .. )

⚠⚠ لكن متستناش وتحط املك على حاجة ممكن متجيش ..

💥 #وانت_لازم_تطرق_كل_الابواب

متسيبش باب الا ما تخبط عليه ..

#والتظلم ده باب من ضمن الابواب دي

ف متعلقش املك ع باب واحد ..

وشوف #خطط_بديلة بعد كدة 👍

■■ احتياطات ضرورية :

1) واحد بس الل بيدخل معاك .. والدك أو والدتك
لو اختك مش هيرضوا

2) خدوا معاكوا صور البطاقة .. ونسخة من نموزج الإجابة ..
عشان لو مسلمكوش هناك .. واكيد قلم خطه كويس

3) وراجع الامتحان والنموزج كووويس قبل ما تروح .. عشان مينفعش هناك لسه تعد تفتكر المنهج والأسئلة .
انتوا رايحين تكتبوا الملاحظات .. والورقة صغيرة .. فاعرفوا هتكتبوا ايه بالظبط .
ومتستناش انك تروح هناك وتكتشف .. لا .. حط جميع احتياطاتك من دلوقتي
منقوله للامانة