كل ما تود معرفتة عن تقليل الاغتراب (التحويلات) قواعد تقليل الاغتراب والتحويلات المناظرة وغير المناظرة
نعرض عليكم فيما يلي قواعد تقليل الاغتراب، من خلال موقع التنسيق الحكومي، قواعد وشروط تقليل الاغتراب بعد فتح باب التسجيل الإلكتروني له، وذلك للطلاب الراغبين في التحويلات فيما بين الكليات الحكومية، مع الالتزام بالشروط والقواعد المنظّمة للتحويل، والذي يتم جميعه من خلال الدخول والتسجيل عبر موقع التنسيق الحكومي، وكذلك عرض نتائج تقليل الاغتراب.
ويتطلع الطالب، الذي يرغب في الانتقال من كلي إلى أخرى مناظرة أو غير مناظرة، للتعرف على إمكانية الانتقال وشروطه، وكذلك القواعد المنظّمة لتلك التحويلات، ويقوم بمراجعتها، وفي حال انطبقت عليه تلك الشروط يمكنه توقع قبول طلبات تقليل الاغتراب التي قام بتسجيلها عبر بوابة الحكومة المصرية للتنسيق.
 |
| كل ما تود معرفتة عن تقليل الاغتراب (التحويلات) قواعد تقليل الاغتراب والتحويلات المناظرة وغير المناظرة |
 |
| كل ما تود معرفتة عن تقليل الاغتراب (التحويلات) قواعد تقليل الاغتراب والتحويلات المناظرة وغير المناظرة |
الغرض الأساسي من تحويل الطالب، بعد ترشيحه عن طريق مكتب التنسيق، هو تقليل اغتراب الطالب بحيث يلتحق بكلية في المنطقة (أ)، وليس الغرض من التحويل تغيير رأى الطالب وإعادة ترشيحه في موقع أخر، وتنقسم عملية التحويل إلى نوعين:
أولا: تحويل إلى كلية غير مناظرة:
· يسمح للطالب الذي تم ترشيحه في عملية التنسيق في كلية ما خارج أو داخل منطقته الجغرافية (أ)، بالتقدم للتحويل إلى كلية غير مناظرة في منطقته الجغرافية (أ) فقط، بشرط ضرورة توافر مايالى :
1. حصول الطالب على الحد الأدنى لمجموع الدرجات الذي قبلته الكلية المطلوب التحويل إليها ( انتظام / انتساب )
2. وبشرط استيفاء باقي قواعد القبول بالكلية مثل النجاح في اختبارات القدرات إن وجدت. ومثال لذلك طالب قبل بكلية الهندسة جامعة أسيوط وهو من محافظة الغربية يمكنه التقدم للتحويل إلى كلية غير كلية الهندسة (العلوم {رياضة} - الآداب – التجارة ... الخ) في جامعة طنطا حيث تقع جامعة طنطا في النطاق الجغرافي (أ)، وبشرط أن يكون مجموعه مستوفى للحد الأدنى للكلية المراد التحويل إليها.
ثانيا : تحويل إلى كلية مناظرة:
· يسمح للطالب الذي رشح في كلية ما خارج منطقته الجغرافية (أ)، بالتقدم للتحويل إلى كلية مناظرة في منطقته الجغرافية (أ) فقط .وفقاً لما يلي:-
· يسمح للطالب الذى رشح لكلية خارج النطاق الجغرافى (أ) ، بابداء رغبته فى التحويل لأحد الكليات المناظرة داخل النطاق الجغرافى (أ) فقط بغض النظر عن الحد الادنى لمجموع الدرجات التى قبلته الكلية المراد التحويل اليها مثلا لذلك : طالب قبل بكلية الهندسة جامعة اسيوط وهو من محافظة الغربية يمكنه التحويل لكلية الهندسة جامعة طنطا حيث تقع فى نطاق الجغرافى ( أ ) وذلك طبقا لترتيب الطالب بين الطلاب الراغبين فى التحويل .فى حالة وجود اكثر من كلية مناظرة فى النطاق الجغرافى ( أ ) يسمح للطالب الذى رشح لكلية ما خارج النطاق الجغرافى ( أ ) بالتحويل للكلية المناظرة ذات الحد الادنى الاقل فى منطقته الجغرافيه ( أ ) ومثال الى ذلك بالقاهرة الكبرى خمس كليات للهندسة ( القاهرة – عين شمس – حلوان – المطرية - شبرا ) والحد الادنى للقبول بها مثلا هو ( 392 ، 391 ، 390 ، 388 ،387 ) يسمح فقط بالتحويل المناظر للكلية الاقل للحد الادنى وذلك طبقا لترتيب الطالب بين الطلاب الراغبين فى التحويل .
· بالنسبة للتحويل المناظر لتقليل الاغتراب في الكليات التي تطبق نظامي القبول (الانتظام – الانتساب الموجه): فيتم مراعاة الاتى :- اولا :- الحالة الاولى فى حالة ترشيح الطالب الى كلية ما ( انتظام ) ويرغب فى التحويل الى كلية مناظرة لتقليل الاغتراب فيكون التحويل فى هذه الحالة وفقا لما يالى الحد الأدنى للقبول في كل نظام من النظامين عند التحويل بين هذه الكليات وذلك على النحو التالي طبقاً لقرار المجلس الأعلي للجامعات:
· في حالة ترشيح الطالب إلى كلية ما (انتظام) ويرغب في التحويل إلى كلية مناظرة لتقليل الاغتراب فيكون التحويل في هذه الحالة وفقاً لما يلي:
- إذا كان الطالب حاصل على مجموع درجات يفوق الحد الأدنى لمجموع درجات (الانتساب الموجه) الذي قبل بالكلية التي يرغب في التحويل إليها فيتم قيده حال الموافقة على تحويله وفق نظام (الانتظام).
- إذا كان الطالب حاصل على مجموع درجات يساوي أو أقل من الحد الأدنى لمجموع درجات (الانتساب الموجه) الذي قبل بالكلية التي يرغب في التحويل إليها فيتم قيده حال الموافقة على تحويله وفق نظام (الانتساب الموجه).
· يتم قبول تحويلات في حدود نسبة مئوية يحددها المجلس الأعلى للجامعات بنسبة 10% من الاماكن المقررة لكل كلية وطبقا للإمكانيات الاستيعابية للكليات
ملحوظة هامة:
تعتبركليات التخطيط العمرانى بالقاهرة وكلية اللغات والترجمة جامعة اسوان والكلية التكنولوجيا والتنمية شعبة علوم مالية / شعبة علوم زراعية من الكليات الفريدة وليس لها مناظر، والتحويل منها أو إليها يخضع لنظام التحويل لكليات غير مناظرة .
اعتبار كليات الهندسة الالكترونية بمنوف جامعة المنوفية وهندسة البترول والتعدين بالسويس جامعة السويس وهندسة الطاقة باسوان جامعة اسوان مناظره لباقى كليات الهندسة للجامعات المصرية الاخرى فقط للطلاب المستجدين والمرشحين للفرقة الاعدادية ويتم القبول بها خارج التوزيع الجغرافى والاقليمى ويتم التحويل منها او العكس طبقا لقواعد التحويل المناظر .
اعتبار كلية الطب بالاسماعيلية جامعة قناة السويس مناظرة لباقى كليات الطب بالجامعات المصرية ويتم القبول بها فقا لقواعد التوزيع الجغرافى ويتم التحويل منها او اليها لكليات الطب بالجامعات .
كل ما تود معرفتة عن تقليل الاغتراب (التحويلات)
قواعد تقليل الاغتراب والتحويلات المناظرة وغير المناظرة
الغرض الأساسي من تحويل الطالب، بعد ترشيحه عن طريق مكتب التنسيق، هو تقليل اغتراب الطالب بحيث يلتحق بكلية في المنطقة (أ)، وليس الغرض من التحويل تغيير رأى الطالب وإعادة ترشيحه في موقع أخر، وتنقسم عملية التحويل إلى نوعين:
أولا: تحويل إلى كلية غير مناظرة:
1. يسمح للطالب الذي تم ترشيحه في عملية التنسيق في كلية ما خارج أو داخل منطقته الجغرافية (أ)، بالتقدم للتحويل إلى كلية غير مناظرة في منطقته الجغرافية (أ) فقط، بشرط ضرورة توافر مايالى :
2. حصول الطالب على الحد الأدنى لمجموع الدرجات الذي قبلته الكلية المطلوب التحويل إليها ( انتظام / انتساب )
3. شرط استيفاء باقي قواعد القبول بالكلية مثل النجاح في اختبارات القدرات إن وجدت. ومثال لذلك طالب قبل بكلية الهندسة جامعة أسيوط وهو من محافظة الغربية يمكنه التقدم للتحويل إلى كلية غير كلية الهندسة (العلوم - العلوم {رياضة} - الآداب – التجارة ... الخ) في جامعة طنطا حيث تقع جامعة طنطا في النطاق الجغرافي (أ)، وبشرط أن يكون مجموعه مستوفى للحد الأدنى للكلية المراد التحويل إليها.
كل ما تود معرفتة عن تقليل الاغتراب (التحويلات) قواعد تقليل الاغتراب والتحويلات المناظرة وغير المناظرة
ثانيا : تحويل إلى كلية مناظرة:
- يسمح للطالب الذي تم ترشيحه في عملية التنسيق في كلية ما خارج منطقته الجغرافية (أ) بالتقدم للتحويل إلى كلية مناظرة في منطقته الجغرافية (أ) فقط وبغض النظر عن الحد الأدنى لمجموع الدرجات الذي قبلته الكلية المطلوب التحويل إليها، ومثال لذلك طالب قبل بكلية الهندسة جامعة أسيوط وهو من محافظة الغربية يمكنه التقدم للتحويل إلى كلية الهندسة جامعة طنطا حيث تقع جامعة طنطا في النطاق الجغرافي (أ) وذلك طبقاً لترتيب الطالب بين الطلاب الراغبين في التحويل.
- في حالة وجود أكثر من كلية مناظرة في النطاق الجغرافي (أ) يسمح للطالب الذي رشح لكلية ما خارج النطاق الجغرافي (أ) بالتحويل للكلية المناظرة ذات الحد الأدنى الأقل في منطقته الجغرافية (أ) ، ومثال لذلك في القاهرة الكبرى خمسة كليات للهندسة (القاهرة – عين شمس – حلوان – المطرية – شبرا) والحد الأدنى للقبول (392 و 391 و 390 و 388 و 387) درجة فيسمح فقط بالتحويل المناظر للكلية الأقل في الحد الأدنى (387 درجة)، وذلك طبقاً لترتيب الطالب بين الطلاب الراغبين في التحويل.
- بالنسبة للتحويل المناظر لتقليل الاغتراب في الكليات التي تطبق نظامي القبول (الانتظام – الانتساب الموجه): فيتم مراعاة ما يلي:
الحالة الأولى:
في حالة ترشيح الطالب إلى كلية ما (انتظام) ويرغب في التحويل إلى كلية مناظرة لتقليل الاغتراب فيكون التحويل في هذه الحالة وفقاً لما يلي:
* إذا كان الطالب حاصل على مجموع درجات يفوق أعلى مجموع درجات قبلته الكلية التي يرغب في التحويل إليها طبقاً لنظام الانتساب الموجه فيتم قيده حال الموافقة على تحويله وفقاً لنظام (الانتظام).
* إذا كان الطالب حاصل على مجموع درجات يساوي أو أقل من أعلى مجموع درجات قبلته الكلية التي يرغب في التحويل إليها طبقاً لنظام الانتساب الموجه فيتم قيده حال الموافقة على تحويله وفقاً لنظام (الانتساب الموجه).
الحالة الثانية: في حالة ترشيح الطالب إلى كلية ما (انتساب موجه) ويرغب في التحويل إلى كلية مناظرة لتقليل الاغتراب فيكون التحويل في هذه الحالة وفقاً لنظام (الانتساب الموجه) فقط ولا يجوز قيده وفقاً لنظام الانتظام.
- يتم التحويل للبرامج الجديدة بكليات الجامعات المصرية عن طريق الجامعات مباشرة وفى حدود الحد الأدنى للقطاع.
- يكون التحويل بسبب النقل الإداري عن طريق الجامعة مباشرة وبشرط موافقة الجامعة والكلية المعنية بالتحويل إليها.
- يكون التحويل بسبب الحالات المرضية عن طريق الجامعات مباشرة تطبيقاً للمادة (86) من اللائحة التنفيذية لقانون تنظيم الجامعات.
- يكون التحويل بعد ذلك عن طريق الجامعات مباشرة بعد نهاية الفرقة الأولى تطبيقاً للمادة (86) من اللائحة التنفيذية لقانون تنظيم الجامعات.
· تعتبركلية التخطيط العمرانى بالقاهرة من الكليات الفريدة وليس لها مناظر، والتحويل منها أو إليها يخضع لنظام التحويل لكليات غير مناظرة .
· تعتبركليةعلوم البتول والتعدين فرع مطروح جامعة الاسكندرية من الكليات الفريدة وليس لها مناظر، والتحويل منها أو إليها يخضع لنظام التحويل لكليات غير مناظرة
· اعتبار كليات الهندسة الالكترونية بمنوف جامعة المنوفية وهندسة البترول والتعدين بالسويس جامعة السويس وهندسة الطاقة باسوان جامعة اسوان مناظره لباقى كليات الهندسة للجامعات المصرية الاخرى فقط للطلاب المستجدين والمرشحين للفرقة الاعدادية ويتم القبول بها خارج التوزيع الجغرافىوالاقليمى ويتم التحويل منها او العكس طبقا لقواعد التحويل المناظر .
· اعتبار كلية الطب بالاسماعيلية جامعة قناة السويس مناظرة لباقى كليات الطب بالجامعات المصرية ويتم القبول بها فقا لقواعد التوزيع الجغرافى ويتم التحويل منها او اليها لكليات الطب بالجامعات .
· طلاب مركز ميت غمر التابع لمحافظة الدقهلية يتم تحويلهم إلي كليات جامعة الزقازيق كمنطقة جغرافية (أ) بالنسبة لهم.
⚠#تقليل_الاغتراب (التحويلات)
يعني ايه تقليل اغتراب وعباره عن ايه
اقرأ البوست للأخر وهتفهم كل دا 😉
ف البدايه لازم تعرف ان الجامعات متقسمه مناطق عشان الاغتراب منقطه (أ،ب،ج) وهنتفق ان الكليات التلاته (القاهره -عين شمس -حلوان) كليات في نطاق جغرافي واحد"أ"✋🏻
تقليل الاغتراب او #التحويل عباره عن حاجتين ملهاش تالت!
🔘- تحويل ل كليه غير مناظره
🔘-تحويل ل كليه مناظره
الغير مناظره يعني عايز تحول لكليه غير الكليه اللي جاتلك
المناظرة يعني عايز تحول لنفس الكليه اللي جاتلك بس في جامعه تانيه
..
..
♻اولا-التحويل الغير مناظر
يسمح للطالب الذي تم ترشيحه في عملية التنسيق في كليه ما خارج او داخل منطقة الجغرافيه (أ) بالتقدم للتحويل الي كليه غير مناظرة في منطقته الجغرافيه (أ) فقط بشرط حصوله علي الحد الادني للكليه المطلوب التحويل اليها واستيفاء باقس قواعد القبول…
عارف هتقول ايه مفهمتش 🤷🏻♂😅 تعالي واحده واحده وهتفهم 😈
ببساطه شديده عمو الراجل بيقول خارج او داخل منطقته الجغرافيه ركزو في دي كويس يعني ايه مثلا جالي في التنسيق اداب بني سويف وانا مقيم في القاهرة وعايزه تجارة عين شمس ينفع احول ولا لا
اه ينفع بس بشرط تكون جايب مجموع #تجاره عين شمس في حاله خارج النطاق #الجغرافي
🔘الحاله التانيه وهي داخل النطاق الجغرافي فمثلا جالي تجارة حلوان وانا عايز اداب عين شمس ينفع احول
اه ينفع بس بردو بشرط تكون جايب مجموع #اداب_عين_شمس
وبكدا اكون خلصت الجزء الاول
عارف البوست طول معلش استحمل ما انت استحملت الثانويه العامه🔪😂😂
ندخل ع الجزء اللي فيه اسئله وكلام كتير 🌚
قوم هات لب وهاتلي معاك🤨😂
♻ثانيا التحويل ل كليه مناظرة
يسمح للطالب الذي رشح في كلية ما خارج منطقته الجغرافيه (أ) بالتقدم للتحويل الي كلية مناظرة في منطقته الجغرافيه( أ) فقط
بردو مفهمتش ما انت مركز في اللب اللي كلته لوحدك 🔪😒😂
لو خدت بالك "في كليه خارج منطقته " مفيش داخل المرادي 😅
تعالوا نفهم ليه وازاي
وهذا مما يعني مثلا انا جالي اداب الزقازيق وعايز اداب عين شمس هتنفع تحول وكل حاجه و مش شرط تكون جايب المجموع بالظبط ممكن يكون في فرق 1%
⚠في حاجه لازم تاخد بالك منها المجلس الاعلي للجامعات بيحدد نسبه 10% من الاماكن لكل كليه ومنها بيتم القبول من المجموع الاعلي للحد الادني لحد ما الاماكن دي تخلص
🔘الحاله التانيه ودي مشكله عند ناس كتير
جالي اداب #حلوان وعايز اداب #عين_شمس او #القاهرة مش هينفع ومتتعبش نفسك لان الكليات التلاته زي ما قولت نطاق جغرافي واحد
نصحيتي ليك لو جاتلك كليه في حلوان مثلا وحلوان بعيدة عليك حول لكليه تانيه لعين شمس او القاهر ويبقي تحويل غير مناظر
♻اخر حاجه بقي وهنقفل
في حاجه اسمها #التماس في نتيجه التنسيق ودا في الغالب ملوش لازمه ولكن انت خلاص مش عايز تحول لكليه تانيه ممكن تعمل الالتماس ويمكن يتقبل
⚠ملحوظة اخيرة تقليل الاغتراب او التحويل بيتعمل مرة واحده بس بمعني مينفعش تجرب
التقديم في الكليات لسه مش دلوقتي علي نص شهر 8
تقليل #الاغتراب هيفتح بعد نتيجه المرحلة التانيه
يعني ايه تقليل اغتراب؟
بعد ما المرحله الأولي والتانية تخلص هتلاحظ حاجة واضحة جدا
ان لنفس الكلية كل جامعة بتاخد من تنسيق مختلف
يعني مثلا مثلا طب اسكندرية من ٩٨.٥٪ وطب اسيوط من ٩٨.٤٪ وطب اسوان من ٩٨.١٪
فتلاقي طلبة كتير من اسكندرية راحت اسيوط. وطلبة كتير من اسيوط راحت اسوان
فتلاقي العيال كلها هتتغرب وكل واحد في كلية طب او هندسة او تجاره او او فبلده اصلا طب ليه يروح بعيد.
طب ايه الحل؟
الحل كان في تقليل الاغتراب
ببساطة كل كلية تخصص ١٠٪ من الاماكن اللي عندها لتقليل الاغتراب
اول ما تقليل الاغتراب يفتح بعد المرحله التانيه ويفتح تاني بعد المرحلة التالته كل طالب مغترب يقدر يقدم طلب يروح لاقرب جامعة ليه اللي هي النطاق أ حتي لو مكانش جايب مجموعه المهم انه اتقبل فكلية من نفس النوع فاي مكان فمصر
طب لو انا عندي مش جامعه واحده قريبه مني. لا عندي جامعتين او ٣ هعمل تقليل اغتراب ع انهو فيهم؟
متقدرش تعمل تقليل اغتراب غير علي الاقل فيهم فالمجموع بس
طب يعني انا هتقبل ١٠٠٪ ؟
لا للأسف مش ١٠٠٪ .. احنا قلنا ١٠٪ من الاماكن الفاضيه فالكلية جاهزه لاستقبالك. بس افرض في ناس كتير من نفس البلد بتاعتك عملوا تقليل اغتراب لنفس الكلية. وقتها هياخدوا اعلي ناس فالمجموع لحد ما الاماكن تتعبي. ولو لسه في ناس عايزه تقليل اغتراب للاسف هيترفض ويفضلوا بعيد.
اللي قلناه فوق ده اول نوع من تقليل الاغتراب. اسمه تقليل الاغتراب المناظر. يعني من طب اسوان لطب حلوان مثلا. من اداب اسيوط لاداب اسكندريه. مناظر. وهكذا
في نوع تاني اسمه تقليل الاغتراب غير المناظر. اراهن انك خمنت ده بيعمل ايه. ده بقي لو عايز تحول من اي كلية للكلية اللي تناسب مجموعك فبلدك بس. يعني شرط تكون جايب مجموعها. مش زي المناظر مش لازم. وممكن يترفض بردو لو مفيش مكان. بس بنسبه كبيره جدا بيتقبل زي ما قلنا.
مثال.. من طب اسوان لصيدله اسكندرية
علشان كدا ضروري لو عايز كلية معينه تكتبها فكل المحافظات. لانه اكيد هتلاقي محافظه منهم مجموعها اقل ومناسب ليك. وممكن تتصرف فتقليل اغتراب مناظر. اما لو وصلت لمرحلة تقليل الاغتراب غير المناظر يبقي هتلتزم بمجموع كلية بلدك بس. لانك متقدرش تحول لغيرها.
بسم الله الرحمن الرحيم
الفترة الجاية هنبدأ نتكلم عن التنسيق والرغبات وايه اللي هيحصل لحد ما توصل لباب الكلية
في كذا مصطلح اولا لازم نتعرف عليهم
*المرحلة الأولي والمرحلة التانية والمرحلة التالته*
بص بقي ياكبير علشان نعرف المراحل دي لازم نفهم معني التنسيق صح
يعني ايه تنسيق؟ ببساطة التنسيق يعني اني اوزع الطلبة بتوعي علي الكليات المتاحة..طيب وهوزعهم ازاي؟ عشوائيا كدا؟ لأ طبعا حسب رغبتهم هم
جميل يعني كل واحد عايز يدخل كليه ما هيدخلها؟ لأ للأسف انا مش جني علاء الدين مش هقدر احقق للكل رغباتهم
طب هتعمل ايه بقي؟ انا بقي هسأل كل الطلبة ايه رغباتكم *واخد بالك من الجمع؟* رغبات مش رغبة واحدة
ستين رغبة بالتحديد..
جميل بعد ما عرفت رغبات الطلبة هتعمل ايه بقي؟ هبدأ اشوف كلية كلية مثلا كلية هندسة القاهرة في كم واحد كتبها اول رغبة عنده؟ وفي كم واحد اول رغبتين اترفضوا عنده وكاتب هندسة القاهرة الرغبة التالته مثلا؟
علي بعض عشرين الف واحد مثلا؟ طب هي فيها كام مكان متاح؟ الفين ونص؟ هاتلي اعلي الفين ونص من العشرين الف دولا ودخلهم الكلية يبني
طب والناس اللي اترفضوا دولا ايه هيحصلهم؟ هيتبص علي رغبتهم التانيه في كم واحد عايز يدخل الكلية دي؟ هم من اعلي الناس وفي اماكن هتقضيهم؟ يبقي هيتقبلوا لو مش من اعلي الناس اللي كاتبينها في الرغبات ومفيش مكان ليهم يبقي هيترفضوا ويتبص علي الرغبة التالته
وهكذا لحد الرغبة الستين
طبعا كل ده بيتم علي الكمبيوتر مفيش تدخل بشري في الموضوع برنامج بياخد كل الداتا دي ويحللها فدقايق وخلصنا
طيب سؤال مهم.. لو انا كتتب 60 رغبة وكلهم طلعوا اعلي من مجموعي..مفيش مكان ليا...وقتها يا شبح ده اسمه استنفاذ رغبات
يعني انت كتبت كل الرغبات ومجموعك مقدرش يوصلك لاي واحدة فيهم
مثلا واحد جايب خمسة وتسعين في المية علمي علوم وكاتب اول 20 رغبة كليات الطب في جميع المحافظات والعشرين اللي بعدهم اسنان وصيدلة والعشرين الاخرانين بيطري في جميع المحافظات
وقتها احتمال كبير يحصله استنفاذ رغبات او مش احتمال هو شئ شبه مؤكد
طيب نرجع لموضوعنا الاساسي...*ايه نسيته! اتمني مكنش دوختك* موضوعنا الاساسي هو المراحل الاولي والتانية والتالتة
دلوقتي انا كوزارة هل من المنطقي اني اسأل ال500 الف طالب في نفس الوقت عن رغباتهم؟ ولا اخد جزء جزء؟
ببساطة لو سألت ال500 الف مرة واحدة اكيد معظمهم هيقول طب وصيدلة والكليات المشهورة في الاول لان هدف كل الطلاب هو نفس الكليات غالبا ووقتها احتمال كبير يحصل استنفاذ لمعظمهم
فالحل المنطقي ايه؟ اني اخدهم علي اجزاء
اعلي ناس فالمجموع مثلا اول 40الف فرياضة واول 60الف فعلوم واول 80الف فادبي مثلا مثلا دي ارقام وهمية دول هيدخلوا المرحلة الأولي
يختاروا كل اللي عايزينه فالرغبات وبعد 3 او 4 ايام نقلهم شكرا عالرغبات ناخدها نعمل العملية اللي قلنا عليها فوق وبعدين نعلن ان كلية كذا وكذا وكذا خلاص اتعبت..مش هينفع حد يكتبها فالرغبات بعد كدا..شكرا
وكلية كذا وكذا وكذا لسه فيها اماكن الشباب اللي بعدهم تقدروا تكتبوهم فرغباتكم عادي
بعدين بقي تبدأ المرحلة التانية تاخد شوية تانية الوزارة بتقول الموقع هيفتح لكل اللي جايب فوق كذا فالمية هم عارفين عدد الناس دي قد ايه
اما بقي يا برنس لو انت شبح وشايل مادة او مجموعك قليل هتبقي مع المرحلة التالة ودي بتفتح مرتين مرة قبل ومرة بعد نتيجة الدورالتاني بتشمل كل الناجحين
وبتظهر مرة واحدة
ومبروك يا معلم
ملحوظة: لو استنفذت رغباتك هتنزل المرحلة اللي بعدها وممكن يضيع عليك بعض الكليات لو كانت اتملت.
ملحوظة 2: ايام كتابة الرغبات الوزارة بتفتح معامل الكمبيوتر في الجامعات تروح يساعدوك تكتب رغباتك هناك لكن عادي طبعا ممكن تكتبها من اي كمبيوتر عليه نت فبيتك
اي استفاسر انا معاكم في الكومنتات..
المرة الجاية هنكمل مع التوزيع الجغرافي والاقليمي
-----------------
النهاردة ان شاء الله هنتكلم عن تقليل الاغتراب
تقليل الاغتراب ببساطة اسم علي مسمي هدفه انه يجيبك من المكان البعيد ويحولك للمكان القريب
وبينقسم لنوعين:
- تقليل اغتراب مناظر
- وتقليل اغتراب غير مناظر
---------------------
تقليل الاغتراب المناظر بيحولك من كلية في جامعة بعيدة لنفس الكلية في جامعة النطاق أ بتاعك
مثلا اتقبلت في طب اسيوط وعايز ترجع طب القاهرة وانت اصلا امتحنت في القاهرة وقتها بنسبة كبيرة جدا هتتقبل وترجع طب القاهرة
كل كلية بتخصص 10% من المقاعد بتاعتها للطلبة اللي جايين من تقليل الاغتراب بنوعيه.. فمتقلقش
في المناظر مش مطلوب منك تكون جايب مجموع الجامعة اللي عايز تحول لها .. لأ المهم تكون من ضمن اعلي ناس عايزين يحولوا ليها لحد ما الاماكن كلها تتملي فيها
--------------
تقليل الاغتراب غير المناظر بقي
ده لو انت عايز تحول من جامعة بعيدة لجامعة في نطاقك أ بس ما بين كليتين مختلفين مثلا من علوم اسيوط لتجارة القاهرة
وشرط اساسي تكون جايب مجموع الكلية اللي عايز تحول لها في جامعة النطاق أ بتاعك دي
مش لازم تكون مقبول في جامعة بعيدة ممكن تحول بين كليتين مختلفين في نفس جامعتك النطاق أ المهم تكون جايب مجموع الكلية اللي عايز تروحلها
------------------------
في حاجة تالتة اسمها الالتماس
ودي بقي لو عايز تحول من مكان قريب لمكان بعيد وده 99% بيترفض لو مش قدامك غيره قدم عليه وخلاص بس هو بيترفض وخلاص
-----------
يبقي حاليا اهم حاجة في الرغبات تكتب الكلية اللي نفسك فيها بالترتيب في كل حتة فمصر الاول بعدين تدخل علي الكلية اللي بعدها علشان متضيعش عليك لأن ممكن مجموعها فاي محافظة بعيدة يكون اقل من محافظتك ومجموعك مش جايبها فمحافظتك..فتدخلها وتعمل تقليل اغتراب بعد كدا وحتي لو لاقدر الله متقبلتش تبقي تحول بعد اول سنة بس لازم تجيب تقدير كويس في اول سنة وتغير اقامتك في البطاقة
تعرف موعد فتح باب تقليل الاغتراب والتحويلات بين الكليات ..تعرف على موعد التحويلات
تعرف على موعد بدء التحويلات بين الكليات للمرحلتين الأولى والثانية
أعلن الدكتور خالد عبد الغفار، وزير التعليم العالي والبحث العلمي، فتح باب تحويلات تقليل الاغتراب والتحويل بين الكليات بعد إعلان نتيجة تنسيق المرحلة الثانية على أن يتم فتح باب تحويلات تقليل الاغتراب للمرحلتين.
التحويلات اسمها تقليل اغتراب
التحويل بيبقي مرة واحده بس سواء اتقبل او اترفض ولو اتقبل ملكش حق ترجع للقديم
بيسمحلك فقط انك تحول لجامعه داخل النطاق الجغرافي (أ) فقط. لمحافظتك يعني
الكلام واضح بالعربي اهو علشان محدش يقولي ينفع احول لحاجه ف اسوان وانا من الشرقيه !!
التحويل نوعين
تحويل مناظر
اما انك تحول لنفسك الكليه اللي جت لك بس هي جتلك بعيده ف انت هتحول لبلدك. حتي لو مش جايب مجموعها في بلدك ( حتي لو مش جايب مجموعها ) المهم انها نفس الاسم مثلا من طب ل طب
تحويل غير مناظر
او انك تحول لكليه مختلفه وبردو تكون داخل النطاق الجغرافي (أ) لازم بردو تكون ف بلدك وبشرط جايب مجموعها في بلدك مش في اي بلد تانيه ( لازم تجيب مجموعها ) مثلا من طب لصيدله
لو انت اصلا جالك كليه داخل نطاق (أ) وانت عندك اكتر من جامعه في النطاق ده زي مثلا اللي من القاهرة وعندهم جامعه القاهرة وعين شمس وحلوان لو جالك واحده منهم وعاوز تحول ع واحده تانيه لازم تغير الكليه يعني النوع التاني فقط
لا يوجد تحويلات من قريب لبعيد
في كل الحالات وقت التحويل الموقع بيكتبهالك صريحه ان كان لك تحويل هيقولك لك تحويل وهيقولك الجامعه المسموح تحول لها وان كان ملكش تحويل هيقولك عفوا
يعني متوجعش دماغك التحويل بيبقي باختيار الوزاره انت مبتختارش حاجه انت بتقول يا اه يا لا
التحويل (تقليل الاغتراب )
سواء كان لنفس الكليه او غيرت الكليه
احتمال قبوله زي بعضه
الكليه بتحدد عدد معين تقبله بيكون 10% من العدد بتاعها
مثلا كليه اسنان في جامعه معينه خدت 200 طالب
بيبقي في 20 واحد هيتقبلو من التحويل لها
اعلي 20واحد في المحولين
افرض ناس من طب جايبين اعلي منها وعاوزين يحولو لها وهما 50 واحد
وكمان اللي يحولو تقليل اغتراب مناظر جايبين اقل منها
هياخدو اعلي 20 منهم والباقي يترفض حتي لو جايب اعلي من مجموعها
واذا كان كل المحولين لها مناظر يعني من اسنان ل اسنان كلهم مش جاييبن درجتها هياخدو اعلي 20 واحد بردو والباقي يترفضله
التحويل بيكون بعد اعلان نتيجه المرحله التانيه
المصدر : موقع الوزارة للتنسيق
السلام عليكم ورحمة الله وبركاته
ردحذفأنا إبني جاتله هندسه الكترونيات منوف لا تخضع لنظام ااتوزيع الجغرافي فهل يجوز لي التحويل لكليه حاسبات ومعلومات القاهرة وهي محافظتي
استدراك
ردحذفمع العلم إنها تخضع لقواعد التحويل المناظر
استدراك
ردحذفمع العلم إنها تخضع لقواعد التحويل المناظر