كلية الطب البيطري اعرف كليتك كل المعلومات والشروط والاوراق والاقسام والوظيفة بعد التخرج من هذة الكلية

كلية الطب البيطري اعرف كليتك  كل المعلومات والشروط والاوراق والاقسام والوظيفة بعد التخرج من هذة الكلية 

دي مش أي كلية، دي كلية الكل حاجة.. انت بتبقى الدكتور بتاع كل حاجة.. باطنة تلاقي اسنان تلاقي عظام اعصاب جراحة تلاقي بتتعامل مع كائنات صغيرة وكبيرة موجود بردو
انت بتاع كل حاجة وبتعرف تعمل كل حاجة .. باشا انت 😎

كلية الطب البيطري 😎💸

اول حاجة الكلية طبعا لعلمي علوم بس.. مدتها 5 سنين.. او 10 لو بيطري مدحرجة يعني انت وحظك 😂😂 .. موجودة في جامعات 👇
القاهرة - أسيوط - الزقازيق - المنصورة - الاسكندرية - السادات - المنيا - بني سويف - بنها - الوادي الجديد - كفر الشيخ - سوهاج - السويس - قنا - أسوان 😎

كلية الطب البيطري اعرف كليتك  كل المعلومات والشروط والاوراق والاقسام والوظيفة بعد التخرج من هذة الكلية 

نظام الدراسة.. بتدرس في اول سنتين مواد عامة مش متخصصة بس ف بيطري.. ومن بعدها بتبقي المواد تخص الطب البيطري.. الكلية مفهاش تخصصات انت بتاخدها ع بعضها كده 😂

بالنسبة للمواد في سنة أولى 

بتاخد الترم الاول " تشريح الحصان 1 - علم الخلايا والانسجة 1 - لغة انجليزية - حاسب آلي - رعاية الحيوان - وبتاخد علم النبات وعلم الحيوان والفيزياء الحيوية ودول من كلية علوم "
الترم التاني " تشريح الحصان 2 - علم الخلايا والانسجة 2 - احصاء حيوي - بيولوجيا جزيئية - وراثة ودي من زراعة - كيمياء ودي من علوم "
وعندك مادتين اختياري كل سنة بتختار واحدة منهم ولازم تتخرج وانت واخد 5 من ال 10 😇

اما عن اقسام الكلية عموما، انت تقدر بعد التخرج تعمل دراسات عليا وتتخصص في احد الاقسام دي التوليد والتناسل والتلقيح الصناعي، الباثولوجيا الإكلينيكية، الفسيولوجيا، وأمراض الباطنة والأمراض المعدية، والأمراض المشتركة، الفيروسات، الرقابة الصحية على الأغذية، التشريح والأجنة، الباثولوجيا بجانب أمراض الأسماك ورعايتها، أمراض الدواجن، الطفيليات، الجراحة والتخدير والأشعة، الميكروبيولوجيا، الأدوية، الصحة والرعاية البيطرية، التغذية، الخلية والأنسجة، الكيمياء الحيوية وكيمياء الأغذية، والسموم والطب الشرعي 😎💸

اما عن مستقبل الكلية ف حدث ولا حرج .. هتبقى باشا😎😎

1- تقدر تفتح عيادة او تشتغل في مستشفى بيطرية
2- تشتغل في معمل تحاليل " بشري او بيطري " 😎
3- تشتغل في شركة ادوية وصيدليات " بشرية وبيطرية "
4- تشتغل في وزارة الصحة ووزارة الزراعة في الرقابة
5-تشتغل في مجال الطب الشرعي
5- مزارع الخيول او الجمال وغيره
6- مزارع الدواجن والاسماك
7- الرقابة على اللحوم - الالبان - الأغذية بشكل عام
8- مراكز الأبحاث
يعني شوف انت حابب تشتغل فين هتلاقيلك مكان 😂

التنسيق بيختلف من سنة للتانية ولكن تنسيق 2018 كان الحد الأدنى 95.9% .. يعني انت متفوق لو شايف انك عاوز كلية بيصنفوها كلية قمة.. يعني انت مش بتاع حيوانات ولا دكتور بهايم.. احنا من غير البيطريين منضمنش لا اكل ولا شرب 😎

حتى لو بتخاف من الحيوانات.. هتعلمك تحبهم ومن اول ترم هتعامل الحصان والبقرة عادي خالص 😂❣️

طب بيطري للرجالة 😎