ماذا تعرف عن برنامج المعلمون اولا ولماذا مطلوب من كل معلم التسجيل والدخول واجتياز البرنامج التمهدي ؟ المعلمون اولا سؤال وجواب
المعلمون اولا ( س و ج )هل تعلم انه كى تترقى او تتثبت وجب عليك التسجيل في المعلمين اولا وتجتاز البرنامج التمهيدى ؟
س : هو ايه موضوع معلم و افتخر ده ؟ و ايه موضوع الشارة دة ؟ و اخدها ازاي ؟
انا اقولك .
ج - " معلم و افتخر" دي مبادرة علي منتدي البرنامج التمهيدي للمعلمون اولا .
س - و هو ايه البرنامج التمهيدي دا اصلا ؟
ج- البرنامج التمهيدي دا دورة تدريبية علي النت تؤهلك للمشاركة في موقع المعلمون اولا .
س - طيب مين يشترك ؟ و يشترك ازاي ؟
ج - يشترك في الدورة التدريبية " البرنامج التمهيدي للمعلمون اولا " كل من يعطي حصص داخل المدرسة يعني كل المعلمين . , اما الاداريين و الاخصائيين (لأ).
يمكنك الاشتراك عن طريق الرابط التالي :
https://tftoolkit.com/ar?tab=register
بتسجل بياناتك و بتملي البيانات المطلوبة . بعد التسجيل بتدخل علي الدورة التدريبية . بعد كدا بتسجل دخول ( ملحوظة: لو حد من مدرستك مسجلك خد منه اسم المستخدم و الباسوورد
س : وبعدين؟
ج : و بعدين يا سيدي بتسجل دخول من الصفحة دي
https://tftoolkit.com/ar?tab=signin
و تبدا في الدورة و دي حاجة بسيطة .
س: بسيطة ازاي ؟
ج : الدورة مجموعة من الصفحات ( فيديوهات و شرح) و شريط التقدم علي اليمين فوق بتتفرج علي الفيديوهات و ضغط علي التالي و تقرا الصفحات و تضغط علي التالي شريط التقدم هيبدا يتملي اخضر معاك . هتفضل تضغط علي التالي لحد ما يسألك الاسئلة بتجاوب عليها و برضه تضغط علي التالي . في النهاية هيظهر معاك رابط المنتديات تضغط عليه و تدخل علي منتدي البرنامج التمهيدي اللي في اللينك دا
http://community.tftoolkit.com/
علي الشمال فوق هتلاقي 3 ايقونات (ايقونة اسمك و الاشعارات - ايقونة القائمة - ايقونة البحث)
س: تمام و بعدين ؟
ج: عيش بقي شارك في المنتدي اعمل موضوعات و اعجابات و ردود - تفاعل في المنتدي يعني و جمع الشارات علشان تبقي من الاعضاء المتميزين و المشهورين . (ملحوظة): الشارات و شروطها هتلاقيها في القائمة او في اللينك دا
http://community.tftoolkit.com/badges 1
س: أمال ايه موضوع معلم و افتخر دا . دي فكرة و مبادرة من احد الاعضاء لتنمية روح الانتماء للمهنة و زيادة التفاعل و التواصل بين السادة المعلمون , و عملوا ليها " شارة معلم و افتخر" و هتلاقيها في الشارات في اللينك اللي فات
س: طب احصل علي شارة معلم و افتخر دي ازاي
ج: انت بعد ما تعمل تسجيل دخول للمنتدي بتدخل علي لينك مبادة معلم و افتخر اللي هتلاقيه في اللينك دا
مبادرة " معلم وأفتخر "
بس. بتتفاعل مع الموضوع يعني تعمل لايكات و تعمل ردود تعرض فيها جانب من شغلك و تميزك بعد ما توصل لحد معين من التفاعل هتحصل علي شارة معلم و افتخر . و كلنا هنقولك مبروك .
خليك فاكر ان دا مجرد البرنامج التمهيدي للمعلمون اولا يعني لما تخلص هتاخد كارت و تدخل علي موقع المعلمون اولا و تشارك مع مجتمع الممارسة
س: ايه موقع المعلمون اولا ؟ و ايه ممجتمع الممارسة ؟ و ايه خطة العمل ؟ و اجمع نقط ازاي ؟؟؟؟
ج: دي اسئلة هجاوبك عليها في بوست تاني بس بعد ما تخلص تسجيل البرنامج التمهيدي اولا
شاركوا البوست عشان الكل يستفيد
#المعلمون_أولا
#البرنامج_التمهيدى
Copied
جيد
ردحذف