امتحان الصف الاول الثانوي لغة عربية اليوم 19مايو 2019 و ردود فعل الجميع على الامتحان موقع مذكرات تعليمية

Koko Gohar 

كفايه حراااام كدة

كفايه بهدله واستخفاف بعقولنا

التطوير يعنى بنيه أساسية

يعنى مدارس محترمه ومجهزة

يعني مدرسين كفؤ ومدربين

يعنى مناهج تعليميه مفيدة مش حشو وحفظ

مش تابلت مالوش أى لازمه في دوله النت بتاعها السلحفاه أسرع منه

كفايه حراااام حسبي الله ونعم الوكيل.....

استياء أولياء أمور طلاب أولى ثانوي بالإسكندرية بسبب تعطل السيستم

#########

سادت حالة من الغضب والاستياء، أولياء أمور طلاب الصف الأول الثانوى العام بمحافظة الإسكندرية، اليوم الأحد، من أمام مدرسة الفواطم الثانوية الرسمية بنات، من توقف السيستم الخاص بوزارة التربية والتعليم، خلال أداء أبنائهم امتحان اللغة العربية إلكترونيا على التابلت.

وأكدت مرزوقة المصرى، إحدى أولياء الأمور، أن الطلاب فوجئوا بتوقف السيستم الخاص بوزارة التربية والتعليم، مما أدى إلى اللجوء إلى النسخة الورقية بعد مرور أكثر من 20 دقيقة من وقت الامتحان.

وأضافت نعمة أحمد، إحدى أولياء الأمور، أن العمل بنظام التابلت من خلال استخدامه بشكل جيد من قبل الوزارة يحد من ظاهرة انتشار الدروس الخصوصية بشكل كبير، مطالبة بضرورة النظر من قبل مسئولى التعليم لأبنائهم وتوفير حلول للخروج من أزمة تعطل السيستم بالامتحانات المقبلة.

وتعقد الامتحانات على فترتين، الفترة الصباحية وتضم طلاب المدارس الحكومية والذين يؤدون الامتحان إلكترونيا وورقيا، إضافة إلى الفترة الثانية لطلاب المدارس الخاصة في المحافظة.

--------------------------------------------------------------------------------------

مش وقت الندم كل واحد كان قدامه الوقت بس عشان محسش الاحساس الى اكل واحد حاسه اول ميصحى من النوم وعشان كده ساب مستقبله
لو كان كل واحد خاف ع مصلحته خاف ع نفسه مكناش هنقول ع امتحان زفت ولا اى حاجه من ديه
بس ده مش وقت الندم خلاص بس مندعيش ربنا انو يدينا ع قد مجهودنا عشان مفيش حد فينا يستاهل احنا ندعى لرحمته بس ربنا معانا
كل واحد كان بيبص للتانى بيعمل ايه بيلعب نازل قهوه بلاى استيشن نازله نخرج رايحه لفلانه نازله سموحه مش عارف ايه محدش كان بيفكر فنفسه او مع اهله واهلها الى بيطفحو الدم عشانكو هما عايزين يفرحو بينا وماذوناش وفلوس الدروس والاكل واللبس وال وال وال وال ومحدش حتى فكر فعدل ربنا اها الناس الى ذاكرت الترم الاول وطحنت نفسها وفالاخر جه الامتحان فضهر كل كتااب فحسو انهم مظلوميين بس مش ديه الحقيقه هل يتساوى الذين يعملوون مع الذين لا يعملوون نسيتو ربنا ربنا ظالم مثلا حاشى لله والله الى ذاكر خمس دقايق اكتر من التانى الى ذاكر ٤ دقايق والله هيشوفها ومش كل حاجه فالسنه يجماعه حطو نفسكو ان فيه ربنا والله العادل ومش لازم يظهر فسنه اولى ولا تانيه ولا تالته لا خالص ده علم والله هيفيدك هيفيدك والله بصو هقولكم قصه وحصلت فعلا تلاته كانو فتلته ثانوى والواحد ده كان بيشهد ان الاتنين التنين اشطر منه وبيجدهتو اكتر منه بس فالاخر جاب هو ٩٤ % والتانى جاب ٧٩ % والتالت جاب ٦٤ % والى بيحكى انو كان اقل واحد بيذاكر هو اعلى واحد هتقولى انهم اتظلمو اتقلو وحياتك عندى ربنا مبيضيع حق حد ابو ٦٤ دخل تجاره وطلع معييد فالكليه وأبو ٧٩ دخل حقوق طلع مستشار نااو وأبو ٩٤ طلع مدرس هتقولى ازاى هقولك مجهوده عند ربنا مضعش بصو يشباب متخلوش حد يحبطكم يعنى انا كلو عيزنى أدخل ادبى وبيقلولى انت فاشل ومش نافع بس انا اقسم بربى مداخل غير علمى حاسس انى هطلع حاجه منها ورايا طموح واهداف متخليش حد يسيطر عليك وشوفو وافتكرو نفسكو بتعملو ايه فنفسكو بس بالله عليكم تعالو فكرونى يوم نتيجه الثانويه العامه ايه ماما هتتصدم وابنى فطب فهندسه فالسن فبتاع ولا هتخلى وشها فالارض وتعيط وتجرحها ورهن ع حياتى لو عرفت تنساه فيوم فعمرك اذا كان حلو او وحش فخليك ورا حلمك ومتخليش حد يوقفك مهما كاان ويارب حد يستفاد انتو اخواتى بس فكرونى بيوم النتيجه وذاكرو والله هتشفوه مش لازم فمجال المنهج وهتفتكرو كلامى مش هطول عليكو بقا وع فكره انا مبعملش اى حاجه من ديه بس كلامى داخل العقل بس انا مبعملش بيه ع فكره بس المحاوله عمرها مكانت عيب او حرام والى يقولك كده قوله عمرك مهتكبر او تتغير الى يياس ده بيضيع نفسه بحبكو ياخواتى






من غرفة عمليات امتحان اولي ثانوي: تم حل مشكلة عدم وقوع السيستم ولكن الكود لم يعمل في معظم المدارس وتم الامتحان الورقي في الغالبية

مهات مصر": طلاب أولى ثانوي " كعب داير" بين الإلكتروني والورقي 

---------------------------

الأحد 19/مايو/2019 - 01:47 م 

كشكول نورهان عبدالرحمن

قالت عبير أحمد مؤسس اتحاد أمهات مصر للنهوض بالتعليم، إن طلاب الصف الأول الثانوي تعرضوا لحالة من التشتت والتوتر والقلق خلال أداء أول أيام الامتحانات الإلكترونية بنظام الثانوية الجديد.

وأضافت عبير في تصريحات صحفية، أن الامتحانات شهدت وقوع السيستم، الأمر الذي تسبب في عدم قدرة الطلاب علي أداء الإمتحانات علي التاب، وإجراء الإمتحانات ورقيا، مشيرة إلي أنه عقب بدء الطلاب الإجابة علي أسئلة الامتحان بأكثر من نصف الوقت، وطلبوا منهم تسليم الامتحان وأداؤه علي التابلت بعد كتابة الأكواد الصحيحة، مستطردة: " المفاجاة إن السيستم وقع مرة أخري عند عدد كبير من الطلاب".

وتابعت: "الطلاب كانوا واخدينها كعب داير بين الامتحانات الإلكترونية والورقية"، لافتة إلى أن عدداً من الطلاب وأولياء أمورهم اشتكوا من صعوبة بعض أسئلة الامتحانات الورقية، خاصة فيما يتعلق بالاختياري والنحو والبلاغة.

مستر محمد ثروت

فشل السيستيم 

فبدأت الإمتحانات الورقية

ثم قرار بوقف الإمتحانات الورقية والرجوع إليكترونى لأن السيستيم إشتغل!!

لا تعليق

عبدالرحمن صقر
بص يا سيدي انا ليه مبسوط أن طلاب اولي ثانوي هذه الدفعه فرض عليهم التابلت والتكنولوجيا ، خد عندك لما حاولت حكومات مبارك في بداية الالفيه دمج جهاز الكمبيوتر داخل المصالح الحكومية كانت بتجد صعوبة فى ذلك لان اغلب موظفين الحكومة كان معاهم ابتدائيه واعدادية وفي محو اميه وعدد قليل ثانوية ودبلومات او بكالوريوس والله اللى اشتغل في مشروع التعداد السكاني عارف انا بقول ايه وجهاز الاحصاء كمان ، طبعا دي بلوي كبيره جدا لان اغلب هؤلاء لا يجيدون التعامل مع الجهاز الجديد المسمي بالكمبيوتر ، تدارك الموقف تم ادخل حصة الحاسب الالي على مدارس الاعداديه ولكن خوف المدرسين على العهد من التلف كانت الحصص نظري وليس عملي إلا من رحم ربي كذالك خرج جيل عارف اسم الجهاز بالكمبيوتر لكن معيرفش يستعمله إلا في البدايات ، وخريج كليات الحاسبات والبرمجيات او كليات هندسة البرمجيات في مصر كانت معدوده جدا واغلبها كانت معاهد خاصة واصبحت الان كليات يعني فئه معينة بس هي اللي تدخل بفلوسهم بفلوسهم بفلوسهم اكرر بفلوسهم بفلوسهم، طبعا اغلب الفئه المذكوره الوظائف الحكوميه بالنسبه لهم مش طموح ، طيب انت حاليا العالم من حولك بيتعامل بالتكنولوجيا في كل شئ حتي في الحروب ولما اقوال حروب يعني مجندين بالجيش فئه الفقراء اغلبهم بالاضافه انك داخل على تعامل كامل الفترة دي اسمها ادارة دولة تكنولوجيا يعني تقدم لاي مكان في اي شيء هيكون عبر الانترنت وظيفه رخصه قرض شهادة ميلاد شهادة تادية الخدمة العسكرية وهكذااااا .

يبقي التجربة دي المفروض نكون مبسوطين بيها ولا لاء نتائج التجربة اي كانت سلبية او ايجابية مش هتاثر على طلاب اولي ثانوي لان السنه تحصيل حاصل ، لو انت شايف اليابان والامارات واوروبا وامريكا وكل تلك الدول على انها دول تكنولوجيا قوية فعليك معرفة أن هؤلاء قاموا باجراء التجارب اكثر من مرة وفشلوا ثم عالجوا القصور ثم نجاح نسبي وهكذا حتي وصلوا الى ما هم فيه الان ، وهناك خسائر بنسبه معينة تلاشت مع الاستمرار في البحث والتطور .

ليس دفاع عن وزير التربيه والتعليم وانما دفاع عن تجربة تستحق الشكر والتقدير والاحترام لمن قاموا بها في محاولة لانتاج أجيال قادرة على مواكبة التقدم والتطور التكنولوجي والعلمي في العالم .