اول لاعب مصرى عربى افريقى وفى العالم كله يتم عمل تمثال له فى انجلترا

اول لاعب مصرى عربى افريقى وفى العالم كله  يتم عمل تمثال له فى انجلتر 

اول لاعب مصرى _ عربى _ افريقى وفى العالم كله . يتم عمل تمثال له فى انجلتر والتلفزيون المصرى لاحس ولا خبر . محمد صلاح بدون ولا بطولة ، بدون تاريخ سابق ولا سمعة زي الناس اللي بتترشح بالإسم فقط من غير أداء ، بدون نادي يساعده نافس بيه على البطولات

بدون منتخب ولا جنسية يساعدوه بعد كأس عالم مخيب للآمال ، مركز رابع ف البريميرليج وصفر بطولات ..

كسر عين بطل البريميرليج السيتي لما خد الجايزة أفضل لاعب في الموسم من ديبروين في أفضل مواسم البلجيكي ، خد هداف الدوري من الانجليزي هاري كين في أراضي بلاده ،

اترشح على حساب أفضل لاعب في التاريخ صاحب الحذاء الذهبي والأكثر تهديفاً وصناعة للأهداف ومرواغات وكل شيء وصاحب الثلاثية المحلية ، 

انتزعها من جريزمان بطل الدوري الأوربي وكأس العالم ، من ديبروين بطل البريميرليج وثالث المونديال

صلاح لو كان في ريال مدريد أو برشلونه او بيلعب في المنتخب البرازيل أكاد أجزم مليون % إنه كان هيكسبها بس هي صعبة مجرد الترشح ليها إنجاز ومقاومته لكل الظروف دي ومفيش أي عوامل مساعدة 

بص تقولي رونالدو داخل مجاملة مورديتش هياخدها عشان الريال وكأس العالم ميسي مش عارف ايه ميشغلنيش ! خلي صراعتكم دي كلها في جنب وخليني أنا مع ابن بلدي اللي مفيش أي سبب واحد لمجاملته ولا ترشيحه غير انه ادائه كان يستحق عليه الترشيح فعلا

مجرد ان صلاح عمل دا كله يخليني مسرور جدا حتى لو مكسبهاش ، عندي ثقة ان ابو صلاح هيكسر احتكار الريال وبرشلونه ع الجايزة لأول مرة من 10 سنين لو مش الموسم دا يبقى الجاي او اللي بعده