منشن لاي حد تعرفه ثانوية عامة عشان مستقبله ازاي تتعامل مع ورقة الامتحان ونصائح للامتحان عامة

منشن لاي حد تعرفه ثانوية عامة عشان مستقبله  ازاي تتعامل مع ورقة الامتحان ونصائح للامتحان عامة

    منشن لاي حد تعرفه ثانوية عامة عشان مستقبله  ازاي تتعامل مع ورقة الامتحان ونصائح للامتحان عامة 

    منشن لاي حد تعرفه ثانوية عامة عشان مستقبله
    ازاي تتعامل مع ورقة الامتحان

    أولاً : قبل الامتحان :
    ===========
    ** قبل اى حاجه طبعا واهم حاجه لازم صلاة ركعتين قيام ليل كده تدعى ربنا فيهم انه يوفقك ويسهل عليك الامتحان .. وركعتين زيهم الصبح قبل ما تنزل من البيت


    1- متحاولش تسهر ليلة الامتحان اكتر من الساعه 2 عشان التركيز هيضيع حتى لو مذاكر كويس 
    2- لما تصحى الصبح ممكن تراجع بسرعه الحاجات البسيطة اللى انت ضعيف فيها او اتلغبط فيها وانت بتراجع ليلة الامتحان 
    3- من اول ما تنزل من البيت الاحسن بكتير انك تفصل نفسك خالص عن المراجعه وتسيب كل حاجه من ايدك وتبطل تفكير فى الامتحان
    4- حاول تكون هادى واضحك وهزر مع صحابكقبل ما تدخل الامتحان عشان العقل يهدأ ويساعدك فى استرجاع المعلومات 
    5- حاول تكون رايح بدرى شوية يعنى توصل بالكتير على 8:45 ص

    ثانيا : لما تدخل اللجنه
    =============
    1- قبل ما تستلم كراس الاجابه او تحل غمض عينك وقول الحاجات دى ( الفاتحة - اية الكرسى - اول 10 ايات من الكهف - الاخلاص - الفلق - الناس - " سبحانك لا علم لنا الا ما علمتنا انك انت العليم الحكيم " 3 مرات - اللهم لا سهل الا ما جعلته سهلا فأنت ان شئت يارب جعلت الصعب سهلا - اللهم انى اسألك ان تذكرنى بكل ماحفظت وفهمت ) 
    2- اوعى تفتح ورقة الاسئلة الا لما تقول الحاجات دى .. بعد كده اكتب بياناتك وسطر كويس وبعد كده سمى الله وافتح ورقة الاسئلة 
    3- شوف الامتحان كام سؤال وقسمهم على الوقت الا ربع ساعه بمعنى لو الامتحان مثلا 5 اسئلة والوقت 120 دقيقة يعنى تقريبا كل سؤال 20 دقيقة وسيب ال 20 دقيقة الباقى دول احتياطىلاى ظرف 
    4- اوعى تاخد وقت فى اى سؤال اكتر من الوقت المحدد ليه 
    5- عادى جدا انك تكون فيه اسئلة عارفها بس ناسى اجابتها او سؤال انت مش عارفه .. اوعى ساعتها تتوتر واعصابك تبوظ 
    6- اول سؤال دايما فى الامتحان بيكون محطوط تقيل او شكله غريب عشان يوترك اول ما تمسك الورقة بس بيكون السؤال سهل لما تفكر فيه .. فاوعى تتوتر اديك عرفت اللى فيها 
    7- السؤال اللى انت مش عارفه سيبه وادخل على بعده 
    8- حل كل الاسئلة اللى انت تعرفها ومتأكد منها الاول بسرعه وبعدين شوف الباقى 
    9- حل بخط نضيف على قد ما تقدر وخليك منظم و الاسئلة بالترتيب عشان متقرفش اللى بيصحح 
    10- راجع كذا مره على اجاباتك عشان لو ناسى حاجه او لو استعجلت وحليت غلط تلحق نفسك بسرعه

    ثالثا : بعد ما تخلص الامتحان
    ================
    1- اوعى تراجع مع صحابك سواء حليت وحش او حلو
    2- سواء الامتحان صعب او سهل فانت تروح على البيت علطوول صل ركعتين شكر ومتفكرش فى حاجه فاتت
    3- ارجع نام ساعتين واصحى ذاكر للماده اللى بعدها 
    4- اوعى تضيع اليوم ده وتقول هريح انهاردة وابدأ بكره

    رابعا : نصائح عامة
    ============
    1- اكتب كل اللى انت تعرفه عن السؤال واتكلم براحتك بس فى حدود الموضوع فقط .. اوعى تخرج عن السؤال
    2- اوعى تكتب اجابتين جنب بعض على اساس انو هيختار الاصح .. سيبك من الهبل ده :P اتعملت فى كذا فلم :D 
    3- هتلاقى فى اللجنه دوشة وناس بتعيط وناس بترغى بصوت عالى .. ملكش دعوه بيهم وافصل نفسك خالص عشان تعرف تركز 
    4- اوعى تتوتر خالص جوه اللجنه لو لاقيت نفسك مش عارف سؤال عشان ده مش هيخليك تكمل الامتحان .. اهدى وانت هتفتكره
    5- لو المراقبين بيتكلموا بكل ادب اطلب منهم يسكتو عشان تركز لان ده مستقبل 
    6- على قد ما كنت هادى ومطمن على قد ما كان سهل انك تسترجع المعلومات اللى ذاكرتها 
    7- خلى عندك ثقه فى ربنا كبيره جدا انك هتحل كل الامتحان وان ربنا هيوفقك عشان تفرح اهلك 
    8- من الوارد جدا ان الامتحان يجى تقيل شوية خصوصا اول يوم عشان يخلوك تفقد حماسك وثقتك .. فانت اول ما تخرج بره اللجنه سواء ان صعب او سهل اخرج انسى اى حاجه وفكر فى الامتحان اللى جى لانك لو فضلت زعلان على الدرجتين اللى ضاعو فى الامتحان هتخسر درجات الامتحانات اللى جايه كلها فبلاش

    و متقلقوش والله الامتحانات بتيجى اسهل مما تتخيلوا والايام اللى قبل الامتحان كفاية انكوا تلمو كل حاجه .. استعينوا بربنا وتوكلوا عليه فى كل حاجه و خليك فاكر دايما انك مهما عملت من مجهود عمرك ما هتشوف نتيجته الا لو ربنا راضى عنك :]

    ربنا يحققلكوا ل احلامكو ونفرح بيكوا ويوفقكوا فى الامتحانات وارفعو راسنا يا اجمل اخوات فى الدنيا


    إرسال تعليق