بعض اسعار الخضروات واللحوم في احدي الصحف الرسميه بالقاهره عام ١٩٥٧ كنا والان .....

 بعض اسعار الخضروات واللحوم في احدي الصحف الرسميه بالقاهره عام ١٩٥٧

من تعليقات الاعضاء على الصورة

Talal Barouma

اهم جاجة في الاعلان ..تعرف انه كان فيه حاجة اسمها تسعيرة جبرية ..الكل لازم يلتزم بيها ..والمخالف كان بيدخل السجن .. دلوقتي يقولك ..عرض وطلب ..فيه بند في قانون الاستثمار يقولك ان الحكومة لا تتدخل في الاسعار .. والحكومة سابت البياعين والناس ياكلوا في بعض وواقفة تتفرج وتقول ماليش دعوة .. والتجار طبعا جشعين وعايزين المكسب الكتير .. وعمالين يزودوا في الاسعار ..وطبعا فيه ناس بتشتري عشان معاهم فلوس .. والغلابة طافحين الدم .. لما اللحمة زادت الحكومة قالت لهم مش لازم تاكلوا لحمة ..ماشي ياعم ..قالوا ناكل فراخ .. الفراخ زادت من 10 و12 جنيه للكيلوا اصبح الكيلو ب 25 جنيه .. ماشي مش حناكل فراخ حيروحوا للسمك .. السمك اصبح دلوقت 20 جنيه في الأحياء الشعبية ..ده للبلطي .. وطبعا حيزيد ..الليمون بقى ب 40 جنيه .. في الأخر .. مش لازم تاكلوا لحمة ولا فراخ ولا سمك .. ايه المشكلة ..اربطوا الحزام شوية ..الحل الوحيد ياحكومة هي عودة التسعيرة الجبرية ويروح في ستين داهية قانون الاستثمار .. مش شايفين منه فايدة .. لكن الحكومة مريحة دماغها .. ومصدرة المشكلة بين البايع والشاري .. وعلى فكرة التسعيرة الجبرية كانت موجودة في مصر حتى الثمانينات ......ولكم الله يافقراء مصر