مذكرات تعليمية مذكرات تعليمية
recent

آخر الأخبار

recent
random
جاري التحميل ...
random

عرفني كليتي | جميع المعلومات عن جميع الكليات #ثانوية_عامة شرح بالتفصيل لكل كلية والمنح الداخلية والخارجية وكيفية التنسيق

عرفني كليتي | جميع المعلومات عن جميع الكليات #ثانوية_عامة شرح بالتفصيل لكل كلية والمنح الداخلية والخارجية وكيفية التنسيق



#كليه_الاثار😍

 وان شاء الله يبقى بوست خفيف ولذيذ كده
(ادعيلى داخل 3ث😭) 
نقول بسم الله ونبدأ......(سبحان الله)
كليتنا انهارده موجوده ف 3 جامعات ف مصر(القاهره والفيوم وقنا )😃
الكليه من كليات القمه ف الادبى وبتاخد من 94.6% لكن علمى كمان بيدخلها بس بمجموع اقل..خوالى 1 او 1.5 % بالكتير😃
كليه الاثار فيها 3 اقسام : (الحمد لله)
1_ قسم الاثار المصريه (وده قسم بيدرس الاثار الفرعونيه واللغه الهيروغليفيه والهيراطيقيه )😃
2_قسم الاثار الاسلاميه (وده قسم بيدرس الاثار الاسلاميه والقبطيه واليونانيه والرومانيه )😃
3_قسم ترميم الاثار (والقسم ده بيكون فيه رسم ونحت وشغل عملى بجانب دراسه الكيميا والفيزيا والطبيعه ودراسه هندسه بسيطه كده وبتتخرج بلقب مهندس ترميم )😃
(لا اله الا الله)
الكليه فى جامعه القاهره بتشتغل بنظام الساعات المعتمده والتخصص فيها بيكون بعد اول تيرم ف سنه اولى😃
ـــــــــــــــ نقول بقى شروط كل قسم ــــــــــــــــــــــــ
1_قسم مصرى :لازم تكون جايب ف الانجليزى ف الثانوي فوق 42 درجه لان شروطه هى اللغه..وتنجح في مادة تاريخ مصر القديم.وماده الآثار والحضارة المصرية القديمة😃
2- قسم اسلامى..ملهوش شروط يعتبر لكن لازم تكون ناجح في مادة تاريخ مصر الإسلامية. وماده الآثار والحضارة الإسلامية.وماده الآثار وحضارة مصر في العصرين اليوناني والرومانى😃(استغفرك ربي و اتوب اليك)
3- قسم الترميم بقى جواه شعبتين (ترميم معمارى و ترميم عضوى وغير عضوى)😃
ترميم معمارى لازم تعدى من امتحان قدرات في الرسم الحر للأشكال والمجسمات المعمارية+ امتحان قدرات في مادة رياضة 2(الميكانيكا) بتاعت الثانوية العامة شعبة علمي رياضة😃....الشعبه ديه بتاخد علمى بس والافضليه والاولويه لرياضه اكتر من علوم لكن بتقبل الاتنين عادى😃(الله اكبر)
بالنسبة لشعبه الترميم العضوي وغير العضوي:تعدى امتحان تحريري في مادة مبادئ ترميم الآثار+ امتحان قدرات في الرسم+ امتحان قدرات في استنساخ صورة ملونة.😃
...................................
كل الاقسام بقى من ضمن شروطها ان فى مقابله مع الدكتور ودى عايزه ثقه ف النفس😆 وشياكه👔 وزاكره كويسه جدا💤 وكل ده الطلاب الاكبر بيساعدوك انك تعديه لانهم بيدوك زى محاضره صغنونه كده تعلمك كل حاجه😃(اللهم صل وسلم وبارك على سيدنا محمد)
ـــ>فى بقى حاجه اسمها الزيارات😉 (او الفسح والخروجات زى ما الطلبه بيسموها)😃
الكليه بتديك اعمال السنه ع الزيارات دى... بتكون زيارات للمتحف او الاهرمات او منطقه سقاره او مساجد وكنائس اثريه او الاقصر واسوان😍
بس ديه مش رحله ولا رايحين تجرو ورا بعض لا😂 بيكون معاك معيد او دكتور بيشرح المكان اللى هتزوره وماعليك الا انك تكتب او تنتبه ف كل كلمه بيقولها وبعد ما بتروح بيتك بتعمل حاجه اسمها تقرير زياره 😃او حتى بحث عن المكان اللى رحته وبتاخد الدرجات ع البحث او التقرير ده😃
ــــــــــــــــــــــــــــــــــــــــ بس كده ــــــــــــــــــــــــــــــــــــــ
المصدر : Hema F. Elbarbary‎Thnwy's Society - مجتمع الثانويه
-------------------------------------------------------------------------------------------------------------

#كليه_التمريض😍

اكملاً لمسيرتنا المعرفيه داخل الجامعات وبناءاً على اختياركم بوستنا انهارده عن #كليه_التمريض😍 عشان نبقى متفقين من الاول كده خريج كليه التمريض مدرسش 5 سنين عشان يتعلم يدى حقن بس✋..هو ليه اهميه متقلش عن الدكتور فى المؤسسات الطبيه.. وهنوضح مع بعض ان شاء الله الفرق بين الكليه والمعهد😃
نسمى الله ونبدأ...(بسم الله الرحمن الرحيم)
الكليه لعلمى علوم فقط وبتدى درجه البكالوريوس بعد دراسه 4سنين+سنه امتياز وبتشتغل بنظام الساعات المعتمده(credit hours)... وبتاخد من 93ل96%😃
وفى حاجات تانى بتعملها بتغير من شغلك كتير زى الدبلومات والزمالات.....etc😃 (الحمد لله)
بتتخرج من الكليه اخصائى تمريض..مش ممرض مش بقلل من الممرض ولا حاجه بس ده اولى الفروق بين الكليه والمعهد(بيبقى سنتين بس)😃 ومن ضمن الفروق ديه انك ممكن تبقى مشرف عليه ف المكان اللى بتشتغلو فيه وتمسك اشراف كامل كمان لو المكان محتاج وكمان تقدر تشتغل وانت طالب لسه بس هيكون مرتبك صغير شويه لكن بعد التخرج مرتبك بيزيد جامد😉..وفرصك ف السفر اكبر بكتيير وف البلدان الكبيره كمان😉 زى المانيا والكويت والسعوديه....etc (الله اكبر)
ــــــــــــــ نتكلم بقى عن نظام الدراسه ف الكليه ـــــــــــــــــ
اول سنه بتبقى جينيرال كده ف الدراسه..مواد من طب على صيدله على علاج دا بالاضافه لمواد التمريض نفسها واللى طبعا كل دراستها بالانجلش😍...(استغفر الله العظيم)
تانى سنه بقى بيبدأ فيها التخصص وكمان نزول مستشفى الجامعه والتعامل والاحتكاك بالمرضى..نقول الاقسام ونقول هتدرسهم ازاى على مدار ال3 سنين..
اقسام الكليه 😃(لا اله الا الله)
قسم تمريض الاطفال pediatric nursing 
قسم تمريض المسنين geriatric nursing
قسم تمريض النسا والولاده obs. & gyna. nursing
قسم التمريض النفسى psychiatric nursing
قسم تمريض الباطنه والجراحه medical& surgical nursing
قسم تمريض صحه مجتمع community nursing
قسم اداره تمريض nursing administration 😃
..............................
سنه تانيه بتدرس قسم الباطنه والجراحه ومعاهم اداره التمريض (اللهم صل وسلم وبارك على سيدنا محمد)😃
سنه تالته بتدرس نسا واطفال وطوارئ
سنه رابعه والاخيره بتدرس نفسيه ومسنين ومجتمع 
السنه بتبقى عباره عن ترمين..وبتتقسم عليهم دراسه الاقسام *زى عندنا ف ثانوى كده (ترم كميا واحياء وترم فزيا وميكا) و الجروبين بيبدلو مع بعض ف الترم التانى*😃
وبعدهم بقى سنه الامتياز..بتبقى زى اى كليه طبيه ليها امتياز(زى طب وصيدله واسنان وعلاج طبيعى)
خلال الامتياز ده بتقبض حوالى 250ج تحت مسمى "مكافئة"🐸😑
وفى بعدهم بقى حاجه اسمها تكليف..ده بيبقى حوالى سنتين (بتحتاج تاخده عشان حاجات هشرحها قدام شويه)😃
وبعدهم بقى بتبقى اخصائى تمريض وممكن توصل لدرجه الاستشارى زى بتاع طب بالظبط😃
....................................
نقول بقى حاجات كده عن الكليه اللى اولهم واهمهم ان مهنه التمريض لازم تبقى من جواك بتحب تخدم الناس والمجتمع وعندك ضمير وصبر ورحمه ع الناس..❤❤
كمان لازم تعرف ان التمريض هو المهنه اللى بتقوم عليها اى مؤسسه طبيه..يعنى ستاف التمريض اهم من فريق الاطباء نفسه لان التمريض بيمثل 60% من المنشأت الطبيه (ده كلام وزير الصحه)😉😍
العمليات الجراحيه بتعتمد على دورك بشكل اساسى قبل واثناء وبعد العمليه ولو الدكتور مسؤول عن المريض ساعه انت مسؤول عنه 23 ساعه ❤
برا مصر ممكن توصل منصب وزير الصحه لو معاك بكالوريوس تمريض (زى ف السودان واسكتلندا)😍
ــــــــــــــ اوبشنز جميله جدااا ممكن تستغلها لو انت خريج الكليه ديه وده مش متوفر لخريج المعهد ــــــــــــــــــ
اولا:اكاديميه الشرطه عباره عن 6 شهور بعد الامتياز سواء بقى حربيه او شرطه وبتبقى ملازم اول اخصائى تمريض بتشتغل ف المستشفيات العسكريه ومستشفيات الشرطه وطبعا مكلمكش عن البرستيج😆 والمرتب 😍والبوزيشن😉 ووووو حاجه فخمه اووى الصراحه❤
ثانيا: الماجيستير..وده برضو بعد الامتياز بيبقى ف قسم من اقسام الكليه اللى درستها بشرط متكونش جايب ف ماده من القسم اقل من جيد مدته 3 سنين وبعدها تقدر تقدم ف الجامعه وتشتغل ف التدريس😍
ثالثا: الزمالات بقى زى زماله القلب الصناعى وزماله التخدير وزماله التحكم بالعدوى وزماله الاطفال وزماله المعلوماتيه الصحيه وزماله الارواء القلبى..😃
رابعا: الدبلومات زى دبلومه الجوده ودبلومه الادارهودبلومه مكافحه العدوى..😃
.......................................
ديه كانت الحاجات اللى لازم تكليف عشان تقدر تعملها..😃
وبكده نكون خلصنا كلامنا عن الكليه العظيمه ديه..

=====================================================

#كليه_دار_العلوم❤️

( لو اخر كليه ع الكوكب مش هدخلها😂)
نقول نبذه عنها..الكليه اصلا لأدبى بس طبعا علمى راشق ف اى حاجه😄 الكليه بتدرس اللغه العربيه(عشان كده مش هدخلها😄) والعلوم الاسلاميه والشرعيه..*اعتقد الطلاب المسيحيين مش بيدخلوها عشان لازم الطلبه بيعربو القران الكريم كاملاً خلال سنوات الدراسه بس مش متأكد الصراحه*
نخش ف الموضوع علطول..الكليه موجوده ف 3 جامعات بس😞(القاهره,الفيوم,المنيا) وفى واحده ف جامعه اسوان المفروض تكون اشتغلت السنادى حسب قرار مجلس الوزرا..بس ماعلينا..
----------------------------------
الكليه مجموعها قليل وفيها نظام الانتساب(حاجه زى المنازل عندنا كده ف المدارس..بس بيحضرو محاضرات وكل حاجه) السنه اللى قبل اللى فاتت واخده 61.8% انتظام و56.5% انتساب والسنه اللى فاتت واخده 72.9% انتظام و68.9% انتساب (ده بالنسبه لجامعه القاهره)..كمان بتقبل طلبه الازهر بحد ادنى 75% والطلبه المكفوفين بحد ادنى 50%...(ومفيش توزيع جغرافى) (كل ده للعلمى..الادبى بيبقى اقل كمان)😃
.........................................
الكليه بتدى درجه الليسانس فى اللغه العربيه وادابها والعلوم الاسلاميه بعد دراسه 4 سنين (كل كليات اللغات بتدى ليسانس)
ملهاش تخصصات لكن فيها اقسام عادى..يعنى انت بتدرس كل الاقسام ومبتتخصصش ف قسم معين..الاقسام اللى فيها 7:
1- قسم النحو والصرف والعروض..
2- قسم الدراسات الأدبية..
3- قسم البلاغة والنقد الأدبى والأدب المقارن..
4- قسم علم اللغة والدراسات السامية والشرقية..
5- قسم الشريعة الإسلامية..
6- قسم الفلسفة (العقيدة) الإسلامية..
7- قسم التاريخ الإسلامى والحضارة الإسلامية..
ــــــــــــــــــــــــــــــــــــــــــــــــــ
المواد بقى اللى بتتدرس ف الكليه:
سنه اولى الترم الاول النحو، وقرآن كريم وعبادات، وترجمة تخصصية في اللغة، وفلسفة عامة وأخلاق، وانجلش، وتاريخ أدب جاهلي، ومقدمة بلاغة ونقد...
الترم التانى صرف وعروض، ومدخل إلى اللغة وعلومها، وتاريخ التشريع، ونصوص أدب جاهلي، وترجمة تخصصية في علم النحو، والبلاغة العربية، والتاريخ الإسلامي😃

سنه تانيه الترم الاول فيها صرف وعروض (2)، وعلم اللغة عند العرب، وترجمة تخصصية في الأدب، ونقد أدبي قديم، وتاريخ إسلامي، ومنطق وعلم الكلام، وتاريخ أدب إسلامي وأموي...
الترم التانى بقى فيه النحو، والقرآن الكريم، وترجمة تخصصية في النقد، ونصوص أدب أموي، وبلاغة حديثة، وانجلش، وعبرى وفارسى.😃

اما سنه تالته الترم الاول هتدرس النقد الأدبي الحديث، وترجمة تخصصية في التاريخ الإسلامي، وتاريخ مصر الإسلامية، وتاريخ أدب عباسي وأندلسي، وصرف، وعلم الدلالة...
لكن الترم التانى هتلاقى النحو، والتفسير، والترجمة التخصصية في الشريعة الإسلامية، ونصوص أدب عباسي وأندلسي، وفلسفة إسلامية، وعبرى وفارسى.😃

واخييييراااا سنه رابعه😍 الترم الاول الصرف، والحضارة الإسلامية والتاريخ الإسلامي، وتاريخ أدب حديث، ودراسات سامية وشرقية، وعلم الحديث...
اما الترم التانى والاخييير هتاخد النحو، وتصوف وفكر إسلامي، وأدب مقارن، ونصوص أدب، وعلم اللغة الحديث.😃

*اسامى المواد ممكن تتغير من جامعه لجامعه لكن يظل نفس المحتوى والمضمون😉*
ــــــــــــــــــــــــــــــــــــــــــــــــــــــــــــــــــ
مجالات العمل بقى ياسيدى حاجات كتير..اهمهاا هى التدريس..اكتريه مدرسين اللغه العربيه خريجين دار علوم عشان كده بيخلوهم يدولنا دين كمان😃 وتقدر بعد كده تعمل دراسات عليا ف اللغه وتدرسها لغير الناطقين بها..وبتسافر تشتغل برا بقى ف اى دوله اجنبيه سواء اوروبيه او اسيويه بالذات الدول الاسلاميه (زى باكستان فى اسيا وارمينيا وتركيا ف اوروبا).😉😃.مش بس كده كتير من خريجين الكليه بيتجهوو للاذاعه والتلفزيون بيشتغل مراجع ومصحح ومدقق لغوى فى الجرايد والمجلات والبرامج التلفزيزنيه وبتاعت الراديو وكده😃..وكمان بيشتغلو ف وزاره الثقافه😉😃 
ــــــــــــــــــــــــــــــــــــــــــ
حاجه اخيره بقى..المكتبه بتاعت الكليه ف جامعه القاهره ضخمه جداا فوق ماتتخيل😍 وتقدر تدخلها عادى جداا وبيهتمو بيها جداا وكل سنه بيزودوها ب 10.000 كتاب ع الاقل😃 ومليانه مراجع عربيه قديمه ونسخ كتب نادره وابحاث ومحاضرات قديمه على ورق و MP3 تقدر ترجعلهم ف اى وقت عادى جداا وتستعين بيهم ف اى وقت.😍.
والدكاتره فيها متعاونين جدا مع طلبه الكليه وغيرهم وتقدر تستعين بيهم ف اى حاجه سواء دراستك ليها علاقه بالعربى ولا لا😉 كمان اغلبيه اعلامنا المصريه ف اللغه العربيه خريجين الكليه ديه زى (حسن البنا, وفاروق شوشه, وفاروق جويده,.........الخ) وبيعملو ندوات ومؤتمرات كتيير جدا ف الكليه لالقاء الشعر وغيره من النشاطات😃 
ـــــــــــــــــــــــــــــــــــــــــــــــــــــــــــ
======================================================

#كليه_الاعلام

الحب الحب😍..الشوق الشوق😘..ادبى ادبى❤..اعلام اعلام💝
يعنى الموزيعاه😄 ..يعنى الصحفى😃 ..يعنى المراسلين فى بلاد الخواجات..يعنى الدولاااراااهاااات😃😃 واليوروهااااهاااات😃...يعنى الصحفيين الالكترونين اللى بيخربو البلد ويقومو الثورات😂👊...يعنى الناس اللى علوضعها اللى ممكن تشتغل كل ده بالانجليزى كمان😃
*اعتقد انا كده خلصت اول جزء وهو اقسام الكليه ف بوئين الهزار دول*😉
...................
الكليه اربع سنين بتدى درجه البكالوريوس لخريجها...😃
اول سنه بتبقى جينيرال وبتتخصص فى سنه تانيه😃
فيها قسم صحافه اللى هو بتاع الجرايد والمجلات ووالحاجات ديه..😃
وقسم اذاعه وتليفويون ده بتاع النشرات والبرامج وكده..😃
وقسم العلاقات العامه والاعلان.😃.ده بيكون زى مدير التسويق ف شركه مثلا😃.. هو المسؤل عن توصيل المنتج للجمهور هو اللى بيعرف يوصل منتجه لفئه معينه من الجمهور والمستهلكين..... زى الشركات اللى بتساهم ف الاعمال الخيريه..هى بتخصص جزء من الميزانيه وتديه لمسؤل العلاقات العامه وهو اللى يتصرف بعد كده..ب اختصار..هو اللى بيربط اى مؤسسه بالجمهور بتاعها والتسويق جزء من العلاقات العامه
وفى قسم الاعلام باللغه الانجليزيه ده اللى اغلب شغله بيكون مراسل وعلى حسب قوه اللغه عنده ممكن يسافر برا يشتغل مراسل صحفى😉😉😉😉
وفى برنامج صحافه الكترونيه ...زى الجرايد الالكترونيه زى اليوم السابع كده والمدونات والبوابات زى فيتو لكن القسم واقف حاليا مفيهوش دراسه...😞
وفى برنامج الاعلام للتعليم المفتوح ده ممكن تدخله بس يعدى على اخر شهاده خدتها 5 سنين...ف ممكن لو انت خلصت كليه مثلا ومش عاوز تستنى ممكن تقدم بشهاده الثانويه العامه...ب اعتبار ان ديه اول كليه ليك لانه معمول اصلا للناس اللى مكملتش تعليم بعد ثانوى عام وعاوزين شهاده وخلاص للشغل...بس القسم موجود فجامعه القاهره بس ومتعطل حاليا برضو...بس بيفتح ويقفل كل فتره😃
الدراسه بتشتغل بنظام الساعات المعتمده ..بتبقى محاضره نظريه لمده ساعه كل اسبوع والترم 16 اسبوع وقصادها بتاخد ساعتين عملى فى الورش والمختبرات وكده السنه ترمين عادى جدا وف النص فى اجازه اسبوعين ممكن تاخد فيهم ترم مكثف 6 ساعات معتمده وعشان تاخد البكالوريوس لازم ع الاقل تكون واحد 33 ساعه فى السنه يعنى تدرس 132 ساعه فى الاربع سنين 3 ساعات فى كل ماده..اللى هما حوالى ٤٤ ماده ...فى اول كل ترم الطالب بيسجل عدد المواد اللى عاوز ياخدها بحد اقصى 6 مواد ف الترم يعنى 18 ساعه ف الاسبوع وممكن لو انت كنت ماجل مواد فى السنين الاولى تاخد 21 ساعه ف الاسبوع فى كل ترم بحد اقصى فى اخر سنه عشان تتخرج...😃
المواد بقى بتتاخد ازاى؟؟😃
اول سنه بتاخد مواد عامه عن كل التخصصات التلاته
من اول سنه تانيه بتختار قسم تخشه(صحافه, اذاعه,علاقات)
ال 132 ساعه بتاخدهم ازاى؟؟؟😃
فى سنه اولى 8 مواد عامه كل واحده 3 ساعات😃
وبعد كده 14 ماده كل واحده 3 ساعات😃
وفى مواد اجباريه تبع القسم 15 ماده كل واحده3 ساعات 😃
ومواد اختيارية تبع القسم برضو 5 كل واحده 3 ساعات😃
وفى مواد حره بتاخدها طول فتره الدراسه 2 كل واحده 3 ساعات
كده 44 ماده كل واحد 3 ساعات يبقى 132 ساعه
ازاى بتحسب المعدل التراكمى والتقدير؟؟؟😃
فى الصور اللى تحت👇👇👇
...............
*مرتبه الشرف الاولى بياخدها اللى نفذ جميع الشروط وجاب فى التراكمى اعلى من 3.6 والتانيه للى جاب من 3.4 ل 3.6 بشرط مايكونش شال اى ماده طول مده الدراسه*

================================================

كلية طب 


بعتذرلكم عن الاطاله ف البوست ده..بس هى اللى كليه رخمه😃...وحبيت نعرف كل حاجه عنها بالتفصيل...(محدش يعمل saveويجرى عشان مش هترجعله تانى)😃...نقول بسم الله ونبتدى
.........................
موضوعنا انهارده عن (كوليت التب)..اللى اسمها بالعربى "كليه الطب"😃
حلم ابونا و اومنا يااجدعااااان..ابنى الدكتور راح ابنى الدكتور جه 😄
نسيبنا بقى من جو الصعبانيات ده..ونخوووووش فالموضوع علطوول..😄
طب نعرف نظام الكليه بقى والمواد اللى هنضيع سبع سنين من عمرنا عشانهم دوول ..😃
بص يا اوستاز بصى يا مدام..
انسه لو سمحت..😒
حقك عليا يا ابله😃
مبدأيا كده الطب ست سنين..هارش!!😃
-اول تلات سنين دراسة اكاديمية ..
-تانى تلات سنين دراسة اكلينيكية ..
مش فاهمين..
اصتبرو بس وهتفهمو كل حاجه..😃
(اكاديميه=مواد عامه بتتاخد فى الطب+ممكن تلاقيها ف كليه تانيه)هارش!!
(اكلينيكيه=الطب اللى بجد بقى..مواد طبيه بحته يعنى)
هنفهم الكلام ده اكتر واحنا ماشيين ان شاء الله..
طب نصلى ع النبى كده ونعرف هندرس ايه ف الكليه السوده ديه..😃
بص احبيب ئلبى..
فى سنه اولى ان شاء الله فى اربع مواد بس كلها مواد سهله وحلوه وجميله وهتحبها ان شاء الله..شوف يامؤمن..اربع مواد بس..واحنا اللى مرعوبين من طب..😃
ماتقول ياعم ايه المواد متخنقناش
طب نسمى الله ونعرف ايه المواد ديه بقى..
-الماده الاولى...تشريح ( Anatomy ) مادة جميلة و عليها 250 درجة ..
-الماده التانيه...علم وظائف الاعضاء ( Physiology ) مادة اجمل عليها 250 درجة ..
-الماده التالته..الكيمياء الحيوية ( Biochemistry ) مادة لذيذة عليها 150 درجة ..
-الماده الرابعه...علم الانسجة ( Histology ) مادة رخمة وسهلة عليها 150 درجة ..
وخلصت سنه اولى يابرنس وامك طايره من الفرحه عشان ابنها بقى ضاكتور اد الدينيا
قولها اتقلى ياحاجه اما نعرف هناخد ايه فسنه تانيه الاول..
2) فى تانية هتاخد نفس المواد ، بس مواضيع مختلفه..+علم النفس وده عليه 50درجه بس
وخلصت سنه تانيه ياكبير..وابوك هو اللى طاير بيك..قوله اهدى ياحاج الله يكرمك اما نشوف الكليه ديه مخبيالنا ايه فسنه تالته
3) سنة تالتة اللى بيقولوا عليها " سنة الكفاح " ...
هتدرس فيها 4 مواد بس برضو..
(والله شكلها كليه بنت حلال واحنا اللى ظالمينها)
-الماده الاولى... علم الامراض ( pathology ) عليها 300 درجة ..
-الماده التانيه ...علم الادوية ( pharmacology ) عليها 300 درجة ..
-الماده التالته... علم الاحياء المجهرية ( Microbiology ) عليها 200 درجة ..
-الماده الرابعه ...علم الطفيليات ( Parasitology ) عليه 150 درجة ..
وخلصت سنه تالته يا سيد المعلمين..وطول النهار بتغنى والله وعملوها الرجاله..وخلصو الدراسه الاكاديميه..الله علييييييييييك ياحبيب والديك..(بس برضو لسه مبقيتش ضوكتور)
(انت بعد الانجاز ده لازم تطلع الساحل مع صحابك عشان تنسو اللى حصل فيكو)
وتجولى تانى بقى عشان اقولكو هتدرسو اييه فيما تسمى "الدراسه الاكلينيكيه"بين قوسين(الطب الحقيقى)...
4) سنة رابعة هندرس فيهم اربع مواد برضو..بس طب بجد...
خلص بقى وقول ايه هو الطب اللى بجد متخنقناش معاك
من عنيا حاضر..واليكم انساتى سادتى المواد..
-الماده الاولى...طب المجتمع ( Community ) عليها 300 درجة ..
-الماده التانيه..طب الرمد ( Ophthalmology ) عليها 250 درجة ..(رمد=عيون)
-الماده التاالته...طب شرعى وسموم ( Toxicology & Forensic ) عليها 200 درجة ..(بتاع الافلام والتحقيقات الجنائيه والحاجات الحلوه ديه)
-الماده الرابعه..طب الأنف و الأذن والحنجرة ( ENT ) عليها 200 درجة ..
ونررررررررجع تانى ونغنى والله وعملوها الداكااترااه ودرسو الطب الحااقييققى
(طب مين يابو طب اللى درسته..مش اما تعرف هتاخد ايه فسنه خامسه ولا هتكتفى كده!!)
5) سنة خامسة بقى من السنين التقيلة حبتين ..
برضو هتدرس فيها طب ...
(مادتين بس..لكن بدراستك كللها...انا مش بقلقك..انا بحبطك بس..وربنا يقدرنى على فعل الخير)
-الماده الاولى طب الباطنة ( Internal Medicine ) عليها 900 درجة ..
-الماده التانيه طب اطفال ( Pediatrics ) عليها 500 درجة ..
(وابقى قابلنى لو خلصتهم)..
خلاص ياعم بقى..استحمل كلها سنه وتبقى ضاكتور بجد...
طب خلصنى بقى وقولى هاخد فيها ايه!!
6)سنة ساتة زى خامسه .. هتدرس فيها مادتين برضو...
-الماده الاولى...جراحة ( Surgery ) عليها 900 درجة ..
-الماده التانيه...طب نسا و ولادة ( Obstetrics & Gynecology ) عليها 500 درجة ..
لا لحظه واحده..هو انت مش قولت ان الطب سبع سنين!!
اقولك ان فى بعد الست سنين دراسة ، سنة تدريب ( امتياز ) ..
ما بتدرسش فيها ، لأنها مجرد تدريب ..وديه سنه اجباريه عشان تاخد تصريح مزاوله المهنه من الحكومه وتقدر تشتغل...وهيبقى اسمك "طبيب عاام"ومن غيرها هات الكتب اللى درستها طلع عليها بطاطس محمره..كأن كل ده كان معلومات عامه...
خلاص هاخدها وامرى لله...
بس ايه بقى حوار طبيب عام ده!! انا عاوز اتخصص فحاجه..
هقولك ده مواال تاانى كبييييييييييييير...
وانت ف الامتياز بتختار تخصص وتعمل فيه ماستر(ماجيستير)..
..........طب وده بيقعد اد ايه!!!
هقولك على حسب اجتهادك وتخصصك..
هتقولى اجتهاد ايه بقى هو انا عاد فيا حيل اجتهد!!!..كام سنه ياعم الماستر ده؟؟
من 3ل5سنين ياريس..
لالالا انت اكيد جاى تهزر..بعنى عشان ابقى دكتور..ادرس 12 سنه!!!😳
لا انا هستنى بوست الكليه الجاى بقى يمكن تطلع احلى من الكليه المنتنه ديه...
خلاص ياعم استنى البوست الجاى بكره أن شاء الله الساعه ٦ هيكون عن #هندسه أن شاء الله...
بالتوفيق للجميع ان شاء الله😍
#عرفنى_كليتى
#كلية_الطب
*متنساش تمنشن صحابك عشان كله يستفيد وترفع البوست عشان يوصل لاكبر عدد😉*
01158

======================================================

كلية الهندسة


الكليه مده الدراسه فيها 5 سنين...4سنين ف التخصص+1اعدادى
طب نسمى الله ونحش الكليه بقى نشوف فيها ايه من جوا...😃
السنه الاعدادى ديه واضح من اسمها انها سنه جينيرال..بتدرس فيها كل حاجه زى الفيزيا بصوره عامه والرياضيات والكيميا وفروع من الفيزيا زى الفيزيا الكهربيه ومواد هندسيه من تخصصات الكليه بس بتدرسها بصوره مبسطه شويه (اعدادى بقى وكده)😃
يعنى خلاص كده بقينا موهندزين ونشيل مسطره حرف T بقى ونتنطط على خلق الله...🤔
هتتنطط احبيب ئلبى بس انا مش عاوز اقولك ان يادوب انت كنت فى انترودكشن للكليه😈😃..خش ع الدراسه بقى😉
طب انا سمعت ان الكليه ديه تخصصات!! هخش فين واروح فين واجى منين؟؟😞
ياعم هفهمك كل حاجه عشان تعرف تتنطط ع الناس براحتك😉
..........................................
دلوقتى عندك قسم ميكانيكا..تمام؟؟😃
حلو ده هدخله...ياعم اصبر بس واعرف ايه هو القسم ده....😃
ميكانيكا ده بقى..ده اللى تعتبره كليه هندسه بجد...
لازم تعرف انه قسم صعب جدا.. وكتاب فيزيا ثانويه عامه كل فصل هتلاقيه بقى ماده لوحده او اتنين والقسم اغلبه مواد فيزيائيه وتصميم...هارش!!😃
بس لو حبيته هيكون لذيذ جدا معاك..كمان هو افضل قسم ف الهندسه ومطلوب للشغل وسوق العمل كمان ومرتباتها حلوه😉
القسم ده جواه 3 اقسام...(انتاج, صناعيه,ميكاترونيك)تمام!!
انتاج ده..اصعب واحلى شعبه فى هندسه كلها...ومرتباتهم عاليه جدا😈..ولو كنت شاطر وفاهم شغلك كويس هتكون استشارى ف اقرب وقت من تخرجك-يبن المحظوظه-...المواد فيه نفس مواد اعدادى بس بتوسع اكبر...😃
ميكاترونيك بقى..الذ قسم ف الدراسه..بيجمع بين الميكانيكا والالكترونيات😃...بس للاسف..مجال عمله محدود فمصر😞 ياتشتغل ف الميكانيكا يا الالكترونيات مش الاتنين مع بعض زى المفترض😞...بس لو جاتلك فرصه كويسه برا..انت حرفيااا هتعدى..😉
صناعيه معرفش عنها كتير الصراحه😞
كده اللى هيخش ميكانيكا ميكملش البوست عشان هنتكلم عن كهربا...هارش!!😃
............
كهربا مجالها واسع اوى زى ميكانيكا...😉
اغلب المواد كهربيه وفيزيائيه...وقسم صعب جدا برضو...لو حسيت ان كهربيه اعدادى تقيله عليك متخشش كهربا😉😃
اللى ناوى على كهربا ميكملش البوست عشان هنتكلم عن اتصالات😈
............
اتصالات بقى لو معندكش حد يشغلك برا مصر احسن ليك متدخلهوش لان مجال العمل اديق ما يكون وبينحصر فى شركات الاتصالات والبترول بس..وشوف كام الف مهندس بيتخرج من القسم كل سنه...القسم معظم مواده هى مواد كهربا ومواد كمبيوتر..
بتوع اتصالات يخلعو ورا اخواتهم عشان نكمل مع الناس اللى عاوزه طبيه😃
............
طبيه بقى كوتيل لذيذ جدا😃..مواد كهربا على ميكانيكا ومواد طبيه زى الكيميا العضويه والاحياء😃
القسم ده ف القاهره وحلوان بس يعنى عدد الطلبه قليل..وديه ميزه..اللى تجيله وميدخلهاش بجد يبقى عبيط بس مجموعها عالى😈😈
...............
نيجى بقى لحبايبنا بتوع عماره😈.. قسم الحلاوه والدلع كله😃..ده يعتبر قسم البنات والولاد اللى بيحبو يقعدو وسط البنات😜..او المواهب طبعا✋
القسم المذاكره فيه قليله جدا بس المجهود البدنى عالى جدااا..لو عندك حس فنى وروح الابتكار ادخل ومكلمكش عن مستقبلك هيكون عامل ازاى😈😉... لو داخله عشان فرحان بالمسطره اللى اطول منك اخرك هتشتغل مدرس حساب فى حضانه اطفال😞.. الشغل لا يسمح ب انصاف المواهب..ياتكون عندك موهبه بجد ومش هتلاحق ع المرتبات يا اما تشتغل بملاليم لو معندكش موهبه...✋😃
....................
نيجى لاطيب قلب ف هندسه...مدنى..القسم ده حقق المعادله الصعبه..ولا صعب زى ميكانيكا وكهربا ولا سهل زى عماره
ولا مجاله واسع زى كهربا وميكانيكا ولا ضيق زى عماره...ده للناس اللى بتحب الوسطيه فكل حاجه..😃
القسم دة مشكلتوا ان تسليم الشيتات بيكون تقريبا اسبوعى طول السنة😞
و المواد فية كلها بقى خرسانة و طبيعة مواد و سدود و سكك حديد و مساحة و هندسة انشائية....😃
الفرق بين المهندس المعماري و المدنى ان الاول بيرسم و التانى بينفذ .... يعنى الاثنين بيسلموا لبعض😃
مجال شغلة مش بطال بس فية سنة بهدلة شوية😉
واللى نفسة يبنى عمارات و سدود و كباري و انفاق يدخل مدنى على طوول...😉😃
ديه كدا كليه هندسه فى كل حته...✋😃
.................
فى اقسام بتبقى فى بعض الجامعات بس زى:
قسم الكيمياء ...ده فى القاهره والعاشر بس..ملهوش شغل ولا مستقبل فمصر خالص✋😞
مش هتستفاد غير ان المواد بقت طوييييييييييله جدااااا وتدرسها ف اربع سنين😞
قسم نوويه..ده فى جامعه اسكندريه بس..لما تتخرج شوف انت العالم واصل فين ف المجال ده وشغلك هيبقى عامل ازاى...😈😈بس مفيش غير مكان واحد فمصر تقدر تشتغل فيه هو المركز القومى للطاقه النوويه..وطبعا المرتب خياااااالى😈😈..خوالى 176 جنيه-ايوا زى ماقريت-😜😜
بس لو سافرت برا تحديدا امريكا انسى تشوف مصر تانى😈😃...مش هيسيبوك تنزل اصلا لو وقفت على ديلك وطبعا المرتب ضخم جدااااا-لا مش زى مصر..ضخم بجد-😃😜
قسم طيران ..موجود فى القاهره بس..مجال شغله جامد اوى وبرستيج عالى جدا وكله مواد ميكانيكا مع التركيز على الايرو ديناميك وممكن تخلص ميكانيكا وتعمل دبلومه فى الطيران وتبقى مهندس طيران-مبيعترفوش بالدبلومات فى مصر-🐸
قسم البترول والتعدين فى جامعه السويس بس وطبعا غنى عن التعريف✋...لو سافرت بره اقامه وشقه وعربيه وكل حاجه شاكب راكب بمواصلاتك ومرتبك كله ف البنك...😈😈
كده اقدر اقول ان مهمتى كملت ف أنى ضيعت حلم الجروب كله ف التعليم 😂😂👊
#عرفنى_كليتى
#كلية_الهندسه
*منشن صاحبك اللى نفسه فى هندسه وضيع حلمه😈😂👊...لو عندك اى استفسار او حاجه مش واضحه اكتب فى الكومنتات...ارفع البوست عشان يوصل لاكبر عدد وكله يستفيد*
*بكره أن شاء الله كليه ادبيه...كل واحد يقول عاوز كليه ايه واكتر كليه هتكون مطلوبه هكتب عنها أن شاء الله *
========================================================

كلية الفنون التطبيقية 


وبما أن ناس كتير طلبت الكليه ديه ف انا قولت اقضى على اخر امل فحياتكو😈😂👊
"فنون تطبيقيه"😃..*جامعه حلوان*
................
الكليه مكانها فى الاورمان فى الدقى جنب جامعه القاهره😃
الكليه 5سنين سنه اعدادى+4 سنين تخصص -زى هندسه- الكليه فيها 14 قسم...😃
الاقسام مبتتدخلش بالمزاج ده حسب درجتك فى السنه الاعدادى والتنسيق الداخلى للكليه😃
نخش بقى ع الاقسام نعرف هى عباره عن ايه😃
............
اقسامها:
--> قسم التصوير الفوتوغرافى والسينما والتليفزيون😊
--> قسم الطباعة والنشر والتغليف😊
--> قسم الإعلان😊
--> قسم التصميم الداخلي والأثاث😊
--> قسم التصميم الصناعي😊
--> قسم الأثاث والإنشاءات المعدنية والحديدية😊
--> قسم المنتجات المعدنية والحلى😊
--> قسم الخزف😊
--> قسم الزجاج😊
--> قسم الزخرفة😊
--> قسم النحت والتشكيل المعمارى والترميم😊
--> قسم الغزل والنسيج والتريكو😊
--> قسم طباعة المنسوجات والصباغة والتجهيز😊
--> قسم الملابس الجاهزه😊
..................
اعتقد الاقسام واضحه من اسمائها مش محتاجه شرح بس اللى فى حاجه مش واضحه بالنسباله يقول😃
كل الخريحين بينضمو لنقابه مصممى الفنون التطبيقيه😉😉..ماعدا قسم المنسوجات وطباعه المنسوجات بينضمو لنقابه المهندسين😉😉😉*مولعينها*😉😉
..................
طب ندخل الكليه ديه ازاى ياعم!! احنا سمعنا ان ليها طلبات وشروط...😞
اه ليها شروط..اولا تكون علمى لانها مبتاخدش طلبه ادبى عشان النقابه بعد كده..😞
ثانيا تعدى من امتحان القبول اللى بتعمله الكليه😞 و الكليه بتحدد معاد غالبا بيبقى بعد امتحانات الثانويه العامه علطول😃
كده تقريبا كل حاجه عن الكليه..اللى عاوز يستفسر عن حاجه معينه يتفضل ف الكومنتات😃
#عرفنى_كليتى
#كليه_الفنون_التطبيقيه
========================================================

كليه الصيدله faculty of pharmacy (علمى علوم بس)


عارف يعنى ايه تبقى صيدلى اد الدنيا وطلعان عين اهلك 6 سنين فحت وردم ف الكليه وييجى واحد يقولك يابياع؟؟😔 ولما ابنه يعيا بليل وينزل يجرى يقولك الحقنا يادكتور😜...بس يلا..الصيدله رساله وهدف قبل ماتبقى مهنه😆..#بياعين_ومكملين😆
قبل ما نخش بقى ف الموضوع اللى جايين عشانه انهارده عاوز اعتذر لكم عن التاخير امبارح بس كان غصب عني والله كنت مشغول جدا وطول النهار برا البيت ... ندخل بقى فالموضوع...بما ان اغلبنا ميعرفش ان كليه الصيدله فيها اقسام ف احنا هناخد صيدله القاهره عشان هى اللى فيها اهم قسم😉
صيدله كانت 5 سنين 😃بس دلوقتى بقت 6 سنين🐸 5دراسه+سنه تكليف لازمه فى القاهره بتحسب من اول سنه عادى فى عين شمس بيبقى فى سنه اعدادى +4سنين+تكليف...🐸🐸
الكليه عباره عن قسمين والتخصص فيهم من سنه اولى..يعنى انت بتدخل الكليه تختار تخصص علطول..😜
طب وانا اعرف الاقسام ديه منين ولا ادخل كده على عمايا؟؟😒😒 اومال انا جايلك انهارده ليه!! عشان اقولك قبل ماتلبس
ايه هم القسمين😜😄 فى قسم "جينيرال" وقسم "كلينيكال"
*مش هكتبلكم اسامى المواد بالانجليزى عشان ممكن تشتمونى وتخشو اداب ف الاخر بسببى*😂😂👊
*بس هنزلهالكم وامرى لله بالنطق بتاعها كمان😉..بس هى صعبه شويه😔 محتاجه سنه تدرس فيها الاسامى بس*😂👊
نبتدى ب جينيرال😃..اول سنه المواد فيها كالتاتى:😃
الترم الاول...:
( تاريخ صيدله+مدخل صيدله) وديه بيديها دكتور من قسم الصيدلانيات😃
(نباتات+نباتات طبيه )وديه بيديها دكتور من قسم العقاقير😃
(كيمياء عضويه 1) وديه بيديها دكتور من قسم الكيمياء العضويه😃
(رياضيات صيدليه) وديه بيديها دكتور اكسترنال-خارجى- من كليه هندسه😃
(كيمياء فيزيائيه+كيمياء عامه)
(كيمياء تحليليه 1) ... ودول بيديهم دكاتره من قسم الكيمياء التحليليه😃
الترم التانى...:
(مصطلحات طبيه) وديه بيديها دكتور من قسم الادويه والسموم😃
(الكيمياء العضويه2) وديه بيديها دكتور من قسم الكيمياء العضويه😃
(صيدله فيزيائيه )وديه بيديها دكتور من قسم الصيدلانيات😃
محاسبه واداره اعمال صيدليه وديه بيديها دكتور اكسترنال من كليه تجاره😃
(كيمياء تحليليه2 )وديه بيديها دكتور من قسم الكيمياء التحليليه😃
(عقاقير 1) وديه بيديها دكتور من قسم العقاقير😃
وخلصت سنه اولى يامعلم وخدلك اجازه شهرين انسى فيهم اللى حصلك ده كله
...................
عشان تيجى اقولك على مواد سنه تانيه😉😃
الترم الاول...:😃
(صيدلانيات) وديه بيديها دكتور من قسم الصيدلانيات😃
(عقاقير2 )وديه بيديها دكتور من قسم العقاقير😃
(علم الانسجه+تشريح+علم وظائف الاعضاء )ودول بيديهم دكاتره اكسترنال من كليه طب😉😃
(كيمياء تحليليه3) وديه بيديها دكتور من قسم الكمياء التحليليه😃
الترم التانى...:😃
(علم الامراض+علم الطفيليات) ودول بيديهم دكاتره من قسم المايكروبايولوجى والمناعه😃
(كيمياء عضويه 4) وديه بيديها دكتور من قسم الكيمياء العضويه😃
(صيدلانيات2) وديه بيديها دكتور من قسم الصيدلانيات😃
(عقاقير3) وديه بيديها دكتور من قسم العقاقير😃
(علم نفس) وده بيديه دكتور اكسترنال من كليه الطب😃
(تحليل آلى) وديه بيديها دكتور من قسم الكمياء التحليليه😃
*ايموشن بياخد نفسه عشان حلص سنه تانيه وبيستعد لتالته*😃😃.........................
اللى موادها 
ف الترم الاول...:
(صيدلانيات3) وديه بيديها دكتور من قسم الصيدلانيات😃
(كيمياء العقاقير1) وديه بيديها دكتور من قسم العقاقير😃
(علم الادويه1 )وديه بيديها دكتور من قسم الادويه والسموم😃
(ميكروبايولوجى+مناعه )ودول بيديهم دكاتره من قسم المايكروبايولجى والمناعه😃
(كيمياء حيويه1) وديه بيديها دكتور من قسم الكيمياء الحيويه😃
وفى الترم التانى...:😃
(كيمياء حيويه2 )وديه بيديها دكتور من قسم الكمياء الحيويه😃
(صيدله مستشفيات) وديه بيديها دكتور من قسم الصيدله الاكلينيكيه😃
(كيمياء عقاقير2 )وديه بيديها دكتور من قسم العقاقير😃
(علم الادويه2) وديه بيديها دكتور من قسم الادويه والسموم😃
(ميكروبايولوجى طبيه) وديه بيديها دكتور من قسم الميكروبايولوجى والمناعه😃
والله الله الله......الله عليييييك ياحبيب والديك ياللى حلصت سنه تالته وعايز تعرف مواد رابعه😉😉😃
اللى هى................................
ف الترم الاول...:😃
(التداوى بالعشاب )وديه بيديها دكتور من قسم العقاقير😃
(علم الادويه3+تفاعلات الادويه) ودول بيديهم دكاتره من قسم الادويه والسموم😃
(صيدله المجتمع) وديه بيديها دكتور من قسم الصيدله الاكلينيكيه😃
(ممارسه صيدليه) وديه بتنزلها تدريب فى مستشفى الجامعه😉
(كيمياء اكلينيكيه+بيولوجى جزئيه) ودول بيديهم دكاتره من قسم الكيمياء الحيويه😃
(صحه عامه )وديه بيديها دكتور اكسترنال من كليه طب😉😃
(كيمياء صيدليه1) وديه بيديها دكتور من قسم الكمياء الصيدليه😃
اما فى الترم التانى بقى...:😃
(صيدلانيات4 )وديه بيديها دكتور من قسم الصيدلانيات😃
(صيدله حيويه+حركه دوائيه )وديه بيديها دكتور من قسم الصيدلانيات😃
(احصاء+تقييم حيوى )وديه بيديها دكتور اكسترنال من كليه تجاره😃😃
(علم السموم) وديه بيديها دكتور من قسم الادويه والسموم😃 واحيانا بييجى دكتور اكسترنال من كليه علوم😉😃
(اسعافات اوليه )وديه بيديها دكتور اكسترنال من كليه تمريض😉😃
(كيمياء صيدليه2 )وديه بيديها دكتور من قسم الكمياء الصيدليه😃
انا مش مصدق انى وصلت لغايه هنا وانتو لسه مكملين قرايه معايا وكمان عاوزين تعرفو مواد سنه خامسه والاخيره(ف الدراسه بس)😄😄
....................
الترم الاول...:😃
(صيدله صناعيه1) وديه بيديها دكتور من قسم الصيدلانيات😃
(ميكروبايولوجى صيدليه )وديه بيديها دكتور من قسم الميكروبيولوجى والمناعه😃
(كيمياء صيدليه 3) وديه بيديها دكتور من قسم الكيمياء الصيدليه😃
(صيدله اكلينيكيه )وديه بيديها دكتور من قسم الصيدله الاكلينيكيه😃
(تسويق واعلام دوائى) وديه بيديها دكتور اكسترنال من كليه تجاره 😉😃
(ماده اختياريه1 )"بتختارها من المواد اللى درستها قبل كده"😃
الترم التانى بقى يادكاتره 😆(ايوا دكاتره المفروض بعد ده كله تاخدو لقب علماء)😄😄
(صيدله صناعيه 2) وديه بيديها دكتور من قسم الصيدلانيات😃
(مراقبه وتاكيد جوده) وديه بيديها دكتور من قسم الصيدلانيات😃
(نواتج طبيعيه ومراقبه جوده) وديه بيديها دكتور من قسم العقاقير😃
(معلومات دوائيه) وديه بيديها دكتور من قسم الصيدله الاكلينيكيه😃
(تقنيه حيويه) وديه بيديها دكتور من قسم الميكروبيولوجى والمناعه😃
(ماده اختياريه2)
.................
وبكده تاحد لقب طبيب صيدلى عن جداره😆😆 بس بعد الامتياز ياجميل☺☺
اللى لسه فيه حيل يكمل قرايه عشان مهم جدا😂👊 هقولكم حاجات كده عن طبيعه الدراسه بين الطلاب وكده والفرق بين الصيدلى العادى والصيدلى الاكلينيكى😉😉😃
........................
*متنساش تمنشن صحابك اللى نفسهم يدخلو صيدله عشان يتفرجو ع الكليه الاتيفه ديه 😂👊
اللى عنده اى استفسار عن حاجه او ماده معينه يتفضل ف الكومنتات وهرد عليكم كلكم أن شاء الله 😃
.........................
نيجى بقى ياسيدى لكلينيكال😃
هى عباره عن ١٠ تيرم وبتشتغل بنظام الساعات المعتمده (اللى شرحناها فبوست اعلام)😉
طب بما اننا شوفنا مواد جينيرال..نشوف مواد كلينيكال يمكن نلاقى فرق يستاهل فرق المصاريف اللى هتتدفع ديه 😃
بص بقى ياسيدى الترم الاول عندك ايه بقى!!!..:
(كيمياء فيزيائيه+كيمياء غير عضويه)😃
(كيمياء عضويه1)😃
(فيزياء حيويه)😃
(نبات ونباتات طبيه)😃
(بيولوجى الخليه)😃
(رياضيات واحصاء)😃
(انجليزى)😃
......................
كده اول ترم ياكبير...حلو!!؟ فى مواد فرقته عن جينيرال اهو..تعالى اوريك كمان😉
الترم التانى بقى عندك...:
(كيمياء عضويه2)😃
(كيمياء تحليليه1)😃
(عقاقير)😃
(علم الانسجه)😃
(صيدله فيزيائيه)😃
(مدخل الصيدله+تاريح الصيدله)😃
(حقوق انسان)😃بيديها دكتور اكسترنال-خارجى-من كليه الحقوق 😉*ماده نجاح وسقوط لكن مبتضافش للمجموع* زى الدين والوطنيه ف ثانوى كده
.........................
طب والله صيدله لذيذه اهى...ماتورينى الترم التالت كده ياعم!😃 تعالى احبيب ءلبى 😍😄
الترم التالت ماهو الا...:
(كيمياء عضويه3)😃
(كيمياء تحليليه2)😃
(عقاقير2)😃
(تشريح)😃
(علم وظائف الاعضاء)😃
(مصطلحات طبيه)😃
(علم نفس) *مضاف للمجموع ونجاح وسقوط😉*
........................
عدى علينا تلات ترمات اهو يازميلى..حسيت بحاجه!!😃
يلا بقى وانت سخن كده اوريك الترم الرابع 😃....:
(كيمياء حيويه1)😃
(كيمياء العقاقير1)😃
(تحليل الى)😃
(ميكروبيولوجى ومناعه عامه)😃
(علم الطفيليات)😃
(صيدلانيات)😃
(تشريعات صيدليه)😃
..........................
بيتهيالى انت كده اقتنعت خلاص بصيدله كلينيكال من غير ما تشوف الترم الخامس صح!!😃لا انا مصرى🐸لازم اشوف كل حاجه للاخر✋...خلاص ياعم براحه هوريك الترم الخامس..:
(فارما)😃
(ميكروبيولوجى اكلينيكيه)😃
(صيدلانيات2)😃
(كيمياء حيويه2)😃
(كيمياء العقاقير2)😃
(فسيولوجيا الامراض)😃
(اداره صيدلانيه)😃*ليها دكتور اكسترنال-خارجى-من تجاره😉*
...........................
هى مالها صيدله حلوه كده ليه!!! داكفايه بس اسامى المواد..حاجه تفتح النفس كده😒😒😒..ولوقولتلك اوريك اساميهم بالانجليزي تقول ايه؟؟؟😃 اقولك اشجينى ياسيدى يمكن تطلع حلوه واحب صيدله...طب تعالى نخش الترم السادس الاول......:
(صيدلانيات2)😃
(تكنولوجيا صيدلانيه)😃
(ممارسه صيدله مجتمعيه)😃
(صيدله حيويه ودوائيه)😃
(مراقبه جوده الادويه العشبيه)😃
(علم الامراض)😃
(صدمات واسعافات اوليه)😉*دكاتره من تمريض وهنخربها*
...........................
جميله صيدله...بس هو كل دكاترتها من بره كده!! نفسى اشوف دكتور من الكليه نفسها😔 ههههههههههههههه تعالى الترم السابع كلهم من الكليه😉😉
(كيمياء طبيه1)😃
(مواد مشعه)😃*احيانا بيجى دكتور من علوم*
(صيدله اكلينيكيه1)😃
(صيدله المستشفيات)😃
(انظمه مراقبه وتوصيل الدواء)😃*مش دليفري..توصيله للمنطقه المصابه ف الجسم😄😄*
(صحه عامه وطب وقائى)*دكاتره من طب وهتولع*😍😍
(التكنولوجيا الحيويه الصيدلانيه)😃
(علم الاحياء الدقيقه الصيدلانيه)😃
............................
اومال فين بقى اللى كلهم من الكليه ده😒😒..اه صحيح..طب ماتيجى نشوف الترم التامن يمكن يطلعو م الكليه؟؟؟ ورينى ياسيدى😆
الترم التامن...:
(كيمياء طبيه2)😃
(صيدله اكلينيكيه2)😃
(علم الاورام)😃
(تحاليل صيدلانيه ومراقبه جوده)😃
(كيمياء حيويه كلينيكيه)😃
(تسويق دوائى)😃*من تجاره😔*
(تفاعل الادويه)😃
(ماده اختياريه)😃*شهيص بقى ياعم😉😉*
.................................
يلا نشوف الترم التاسع كلها ترميم ونتخرج😆😆
الترم التاسع😍
(علم السموم والكيمياء الشرعيه)😍
(العلاج بالنباتات)😍
(التداوى)😍
(حركيه الدواء السريريه)😍
(تغذيه اكلينيكيه)😍
(كلينيكال فارما)😍
(علم اجتماع)😍*من اداب*
(ماده اختياريه)😉😉
............................
انا حبيت الترم التاسع اوى😂😂👊طب بتحب الطب؟؟😃
اكييد هو انا ايه اللى جابنى الكليه ديه غير المجموع!! منا كنت داخل طب😞😞 والله ماهزعلك..هخليك تدرس طب ياعم😃😍طب ايه ياعم احنا فصيدله..مفيش الكلام ده 😒😒 والله لاتدرس طب..شوفت بقى!!😃 جبتلك الطب لغايه عندك طالما معرفتش توصله😃😍
الترم العاشر والاخييييير😍😍😍😍...:
(التداوى2)
(علاج الامراض الجلديه والتناسليه)😃
(علاج امراض طب الاطفال)😉
(علاج الاكراض القلبيه الوعائيه)😍
(امراض الجهاز الهضمى)😆
(علاج امراض الحهاز التنفسى)😃
(معلومات دوائيه)😃
(ماده اختياريه)😉
طب ده ولا مش طب يمتعلم يابتاع صيدله😒اه صحيح والله طب...انا مش مصدق نفسي يالمبى...انا درست طب من غير ما ادخل الكليه😍😍😍...بقيت ضاقطووووووووور😍😍😍طب يلا ياعسل بقى ورينى همتك ف الشغل وانت ف الامتياز وبعدها تبقى دكتور قد الدنيا😆
والف مبروك علينا وعليكو يادكاتره😍 
أيه ده!!! استنى استنى...انا درست حاجات اصعب من جينيرال ايه بقى اللى يفرقنى عنه!!😒
اوووبس معلش..هقولك😃... دلوقتى بتاع جينيرال ليه حتت يشتغل فيها وانت ليك حتت تانيه خالص😃...زى ايه مثلا!!!😆
جينيرال ممكن يفتح صيدليه ويشتغل ميديكال ريب وممكن فشركات الادويه😃...لكن انت تقدر تفتح صيدله ومعمل تحاليل وشغلك كله فى اكبر المستشفيات زى 57357😍..طب مفهمتش..ايه الفرق بينى وبينه؟؟😒 هو ما عليه إلا أنه يعمل الدوا فى المصنع وخلاص😃...انت بتمسك مريض وبتقطع على بتاع طب فى شغله😃😉...بدل ما كان بيحتكر المريض من أوله لاخره😄...بقى فى وجودك انت يشخص الحاله بس ويكتبلك تقرير بيها😉😉....وانت اللى بتصنعلها الدوا مخصوص بجرعات ونسب محدد حسب حالته😃 وتكتب مواعيد الادويه وايه يتاخد الاول وايه ف الاخر وايه يتاخد مع ايه وهكذا😃...ويبقالك وضع كبير جدا فى المستشفيات الخاصه بالذات😃 لان لسه الحكومه بتبدء تقتنع بفكره الصيدلى الاكلينيكي فى مستشفياتها بس هيبقالك شغل برضو حتى ف المستشفيات الحكوميه...😍😍
طب دا كده انا بعمل كل حاجه وبتاع جينيرال لا😔....ماهو انا مقولتلكش 😉بتاع جينيرال يقدر يعمل دبلومه كلينيكال ويشتغل بيها زيك بالظبط... نااااعااااام 😒يعنى انا اتعب ده كله وادفع كل المصاريف ديه..عشان يعمل دبلومه ويبقى زيى!!؟ اه..بس ده ف الدول المحترمه بس..هنا مبنعترفش غير بالشهاده وبس😄😄😄*بس ممكن تيجى معاه ويشتغل احسن منك كمان*😜....
*بعتذرلكم جدا ياشباب ع الاطاله بس فى جزء صغير عاوز اقوله عن الكليه عشان ابقى خلصت ضميرى*😃
*فى الكليه انت هتمتحن اكتر ما هتستحمى+كل اسبوع او اتنين بالكتير لازم عندك سكشن عملى+اوعى فيوم تنسى كتاب الماده او تنسى البالطو او تدخل المعمل وهو مفتوح عشان الدكتور بيتجنن😂😂👊+منتكلمش وتهزر مع صحابك فى سكاشن التشريح بالذات عشان الدكتور بيبقى مركز وهو بيشرح وبيشرح فنفس الوقت وممكن يشيلك الماده كلها عادى جدا لو اتعصب😂+فى نشاطات كتير ف الكليه حلوه ممكن تشترك فيها هتعجبك جدا *بس هتضيع وقتك وكلها حك*+انسى انك ترجع من امتحان تنام...هترجع تذاكر الماده اللى بعدها+هتفضل تشترى ورق وملازم ومش هتفتحها ومعتقدش ديه حاجه جديده😂😂👊+بس كده لو افتكرت حاجه تانى هعدل البوست😉*
بالتوفيق للجميع ان شاء الله 😍😍ويارب تكونوا استفادتو 😃
بعتذرلكم جدا للمره التانيه ع الاطاله بس حبيت الم كل حاجه عنها+منشن صحابك وارفع البوست عشان يوصل لاكبر عدد وكله يستفيد😍 الدرجات واسامى المواد ونطقها وكل حاجه ف الصور اللى تحت👇👇👇
#عرفنى_كليتى
#كليه_الصيدله

===============================================

كليه الحاسبات والمعلومات faculty of computers&information (كلها لعلمى رياضه وقسم مشترك)


السلام عليكم و رحمة الله و بركاته
في البداية ده موضوعنا عن كلية الحاسبات والمعلومات😃
هنقول باختصار ايه الموجود في كل قسم و المواد برضه باختصار ...
و مستقبل كل قسم ايه و لقبك ايه ...
كل ده هنقوله ان شاء الله ...😃
في البداية برضه لازم نعرف ان كلية الحاسبات و المعلومات دي كلية قمة – انا ك ابراهيم لا اؤمن بهذا المصطلح-
..............................
ملحوظة مهمه جدا:
لو ميولك برمجة و تصميم برامج .. يبقى مكانك هنا واقرا البوست ...
لو ميولك كمبيوتر كأداه ترفيهية للعب و الاغاني و كده ... انصحك بلاش تقرأ لانك مش هتستفيد حاجه ...😃
.............................
تعالوا نتكلم عن اقسام الكلية بتفصيل مختصر ...
أولاً : اقسام الكلية الموجودة في كل الجامعات :
أ - قسم علوم الحاسب Computer Sciences Department = CS :
القسم ده من اجمل الاقسام اللي في كلية الحاسبات و المعلومات ...😍
و ده لأنك هتاخد فيه معظم لغات البرمجة الموجودة في الكمبيوتر يعني مثلاً زي ( السي و السي بلس و السي بلس بلس و الجافا و الاسيمبلي و السي شارب ... الخ الخ ... ) ..
القسم ده الرياضه فيه مش كتير قد ما البرمجه فيه اكتر ..
المواد بتاعته بتختلف من جامعة لجامعة , لكن عموماً المواد باختصار بتعلمك ازاي تترجم لغات البرامج و ازاي تدرس البنية التحتية للبرمجيات , لانك هتبقى مصمم برمجيات او مبرمج , و المبرمج بيهتم بالبنية التحتية للبرنامج ..
كذلك بتاخد مقتطفات عن برمجة الشبكات و مواقع الانترنت ...
لكن دراستك في القسم ده بتنصب على برمجة الحاسب ...😃
التخصص في القسم ده من سنة تالتة في بعض الجامعات زي حلوان ... و في من سنة رابعة زي عين شمس ... و في حاسبات بنها مفيش غير القسم ده و بس ...😃
طبعاً لقبك في مصر بيبقى مبرمج او مطور و رسمياً اسمك اخصائي حاسب , في بره مصر : مهندس برمجيات ...
المستقبل في القسم ده مشرق جداً , و شغلك هيكون في شركات الكمبيوتر اللي في مصر ..
و يا سلام لو طلعت من العشرة الاوائل في الكلية , شركات زي مايكروسوفت و اوراكل بتاخدك تشغلك ...😉
- - - - - - - - - - - - - - - - - - -
ب - قسم نظم المعلومات Information Systems Department = IS :
قسم نظم المعلومات من اجمل اقسام الكلية فعلاً ...
و للعلم لا خريج من نظم معلومات الا و بيشتغل في شركات كبيرة و بمرتبات رائعة ...
طبعاً نظم المعلومات بتدرس برمجة و بعض من شبكات الانترنت و الاتصالات و بعض من مواد التسويق و ادارة الاعمال ...
طبعاً البرمجة هنا باقصد برمجة قواعد البيانات SQL ...
الا انه برضه بياخد بعض لغات البرمجة مش كلها ..
بس دراسته تنصب على قواعد البيانات ...😃
المواد باختصار بتتكلم عن التجارة الالكترونية , و برمجة قواعد البيانات و هندسة المعلومات , و كمان بتتكلم عن نظم المعلومات الادارية و الجغرافية , و تطوير العمل المكتبي ... بالبلدي , ازاي تتعلم تصمم برامج لادارة الشركات و البنوك ... و ازاي تخزن بيانات الشركة كلها على برنامج واحد او على موقع انترنت واحد ...😃
لقبك جوه مصر : اخصائي نظم او مطور او مبرمج برضه , بره مصر : مهندس معلومات , او مهندس معلوماتية ...
المستقبل هنا لا تعليق , كل الخريجين من القسم ده بيشتغلوا في البنوك و في الشركات الكبيرة , بل ان بعض كليات الحاسبات بتهتم بالقسم ده اكتر , لان الشغل هنا بيبقى احسن كمان ...
بس خد بالك , لو ليك في برمجة قواعد البيانات فعلاً , يبقى عليك و على القسم ده ...
==========================
ثانياً : اقسام الكلية اللي مش موجوده في كل الجامعات :
أ - قسم تكنولوجيا المعلومات Information Technology Department = IT:
قسم متميز جداً , و دراسته ممتعة جداً ...😍
و هنا هتلاقي اسم القسم بالانجليزي شيك ... و كمان هتلاقي دراسته شيك جدا😆
و باختصار , هنا بتتعلم ازاي تبرمج شبكات الانترنت و تعرف ايه هو الانترنت اساساً و ليه اتعمل و مين اللي عمله ... و تتعلم برضه ازاي تبرمج مواقع الانترنت الكبيرة و هتاخد لغات برمجة خاصة بالمجال ده زي الفي بي سكريبت و الروبي و البايثون و الجافا طبعاً ...
دراسته بجد ممتعة جداً , و القسم لا غنى عنه في اي شركة كبيرة .... 
المواد باختصار بتتعلم فيها ازاي تبرمج الشبكات , ازاي تبرمج مواقع الانترنت الكبيرة , و فيها مواد اتصالات ...
اسمك مبرمج او مطور , بره مصر : مهندس شبكات
شغلك مطلوب جدا في اي شركة كبيرة 
القسم ده طبعاً موجود في اغلبية كليات الحاسبات و المعلومات , بس مش كلها ...
________________________
ب - قسم نظم الحاسبات Computer Systems Department = CS :
هنا في القسم ده , يمكن هتلاقي تشابه بينه و بين قسم هندسة الحاسبات اللي في كلية هندسة ..
(ده اللى كنت ماجل الكلام عنه فى بوست هندسه)😃
لانك هنا ح تدرس ازاي تربط البرمجة بالهاردوير ... يعني ازاي تبرمج البروسيسور , ازاي تبرمج الهارد ...
الكلام ده بيتاخد في قسم هندسة حاسبات , الا ان قسم هندسة حاسبات نشاطه اكتر و اكتر على الهاردوير ... السوفتوير فيه قليل شوية ...
في قسم نظم الحاسبات , انت البرمجة ح تاخدها بشكل مكثف عن الهاردوير , مع العلم انك ح تاخد هاردوير لكن شوية برضه ..😃
المواد باختصار بتتكلم عن اساليب امان الاسبات , و البرمجة الهيكلية و المعماريات المتوازية .. الكلام ده مش هتعرفه الا لما تدخل الكلية بنفسك و تفهمها ...
لكن عموماً القسم يدرس ربط البرمجة بالهاردوير ...
و حقيقة معرفش اللقب هيبقى ايه , لكن المستقبل مشرق لانه قسم من امتع الاقسام ومطلوب برضو ...
القسم موجود في جامعة عين شمس و فقط ..
/////////////////////////////
جـ - قسم الحسابات العلمية Scientific Computing Department = SC :
القسم ده يمكن بيركز على الرياضيات اكتر ...
لانك هنا هتتعلم رسم الاشكال الهندسية المعقدة بالبرمجة ...
و فيه مواد نظري برضه ..😃
المواد باختصار بتتكلم عن نظرية الحسابات , و كيفية الرسم بالحاسب , و دراسة الاحصاء و الاحتمالات ...
هنا معرفش برضه هيبقى لقبك ايه
لكن ممكن تشتغل في مركز الحساب العلمي التابع للجامعة ...
و مركز الحساب العلمي ده من اهم مراكز اي جامعة في مصر ...
او ممكن تشتغل برا مصر ...
القسم بلا استثناء ممتع لان الرياضه فيه كتير ... لو بتحب الرياضة بجانب الكمبيوتر كعلم ... يبقى ادخل القسم ده ...
طبعاً القسم موجود في جامعة عين شمس و فقط ...
>>>>>>>>>>>>>>>>>
د - قسم العلوم الاساسية Basic Sciences Department = BS :
القسم ده بقى هتدرس فيه اساسيات الكمبيوتر ...
اساسيات الكمبيوتر من ناحية العلم ...
يعني رياضة و فيزيا .. بس كتييير ...
طبعاً بجانب المواد النظرية .....
القسم معلوماتى عنه قليله 😞
القسم موجود في جامعة عين شمس و فقط ...
<<<<<<<<<<<<<<<<<<<<
هـ - قسم نظم المعلومات الحيوية Bioinformatics Department :😍
طبعاً هنا القسم خاص ...
(لو لاقدر الله مجبتش صيدله هدخله أن شاء الله)😍
و معنى كلمة خاص انه بفلوس ... و فلوس كتير مش شوية ..😞
و هنتكلم عنه كتير شوية :
- أولاً القسم ده بيدخله علمي علوم , بس لازم بياخد رياضة 2 في اول سنة ..😞(اللى انا هربان من رياضه عشانها)😂
- ثانياً ممكن علمي رياضة برضه يدخله , بس هياخد احياء طول دراسته في القسم ده ..😜😜😜
- ثالثاً مصاريف القسم بتوصل لـ 12 الف جنيه في السنة و يُقال انه 18 الف جنيه في السنة ..😞
- رابعاً : التخصص فيه من اولى ...
هنا القسم ممتع و لذيذ في دراسته لانك بتاخد العلم الطبي و بتطبقه الكترونياً ...
هنا في القسم ده بتدرس ازاي تبرمج الشرايح الالكترونية اللي بتعالج الناس من اشد الامراض , ازاي بتدرسها و ازاي بتجربها ...
طبعاً الشرايح انواع و المواد كتيير في القسم ده ...
هنا القسم ده مش شبيه بالهندسة الطبية , لان الهندسة الطبية بتركز على صيانة المعدات الطبية .. اما هنا فانت بتتعلم ازاي تبرمج المعدات دي للتشغيل ...
يعنى تربط البرمجة بالطب او تقدر تسميها : البرمجة الطبية ...
القسم لذيذ جداً جداً ... فلو معاك فلوس و نفسك فيه , يبقى ادخله ...
معكش فلوس و نفسك فيه , يبقى هذا قضاء الله ...
و لو دخلته , يبقى لازم على الاقل تجيب جيد ... لانك لو شلت مادة بتدفع اكتر ...
اما عن المستقبل , فمقدرش اقول لك , كل اللي اقدر اقولهولك انك هتبقى اكبر من اي مهندس بترول ...
اسمك مهندس معلومات طبية و ده بره مصر 
للاسف شغلك هيتوقف هنا على المستشفيات و المستشفيات الخاصة بالذات ... و ممكن برا مصر في اكبر مستشفيات فيكي يا اوروبا ... و مرتباتك خيالية و فوق الوصف ...
القسم موجود في جامعة عين شمس بس ...
+++++++++++++++++
و - قسم نظم المعلومات الجغرافية Geographic Information Systems = GIS :
ده بقى قسم جميل و حلو لمحبي الاتصالات ...😃
هنا يمكن القسم مش شبيه بهندسة اتصالات , لان اتصالات بتركز على الكهرباء ...
هنا انت بتركز على الكمبيوتر ...
هنا بتتعلم دراسة الرادار و شاشات المراقبة و الاقمار الصناعية و الكلام الكبير ده ...
طبعاً الاهتمام هنا جغرافيا على كمبيوتر ...
و ده يعتبر دراسة للاتصالات ...
هنا هتبرمج الرادار و القمر الصناعي ...
القسم موجود في قلة قليلة من كليات الحاسبات و المعلومات , لكن عموماً انت هتاخده كمادة في سنة رابعة ضمن قسم نظم المعلومات ...
مستقبل القسم ممتاز عموماً ... و مرتباتك فوق الوصف برضه ...
يُذكر ان القسم او يُعتقد انه في جامعة القاهرة ...
لكن حقيقة معرفش الا انه موجود في بعض الجامعات ...
*******************
ز - قسم هندسة البرمجيات Software Engineering Department = SE
القسم ده جامد جدا وهنتكلم عليه كتير شويه
- أولاً : واضح من الاسم ان لقبك رسمياً جوه مصر او بره مصر مهندس برمجيات , لانك هتاخد بكالوريوس الحاسبات و المعلومات - قسم هندسة البرمجيات ..
- ثانياً : القسم ساعات معتمدة زيه زي القسم الجديد اللي في عين شمس ...
- ثالثاً : القسم موجود في جامعة حلوان و فقط ...
- رابعاً : مصاريف القسم اخفّ من مصاريف قسم عين شمس الجديد , السنة تعمل لها 7500 جنيه ...
- خامساً : التخصص فيه من اولى ..
هنا بقى الكلام هيختلف , لانك هنا هتاخد كل لغات البرمجة اللي في الدنيا ..
المواد هنا عبارة عن خليط من مواد علوم حاسب على نظم معلومات على بعض من تكنولوجيا المعلومات على مواد من هندسة البرمجيات اللي نازله جديد على مواد دعم و اتخاذ قرار ...
المواد كتييير , علشان كده التخصص بيبقى من اولى ...
طبعاً رغم انك هتاخد كل لغات البرمجة اللي في الدنيا , الا انك مش هتاخدها بكمية كبيرة , لان اهتمامك هنا هينصب فقط على البرمجيات ثقيلة المعيار او اللي بيسموها عالية الجودة .. بالبلدي , مش اي برامج هتصممها ... يعني هتعمل برامج كبيرة ..
طبعاً زائد انك مهندس , يعني لازم هتتعلم التسويق و اتخاذ القرار و التخطيط , لان الهندسة مش رسم زي ما انت فاكر و خلاص ... الهندسة رسم و تخطيط و اقناع و تصميم و تنفيذ و اشراف ..
هنا طبعاً المستقبل مفتوح مفتوح .... لان التخصص جديد و مش موجود حتى في اي كلية هندسة .. مش موجود حتى في اي جامعة خاصة ...
طبعاً مكانتك لن تقل عن مهندس البترول ... بل اعلى من مهندس البترول ... لان شركات الكمبيوتر محتاجة التخصص ده و بشده ...
القسم موجود في جامعة حلوان و فقط ...
................................
ح - قسم بحوث العمليات و دعم اتخاذ القرار Decision Support And Progresses Researches = DS-PR = DS :
و ده آخر قسم هنتكلم عليه ...
طبعاً هنا يمكن هتاخد مواد رياضية كتير و مواد فيها حفظ ... و برمجة مش كتيرة برضه ..
لكن هنا الدراسة ممتعة , لانك هتدرس ازاي تتخذ القرار في اي عملية الكترونية , و ازاي تناقشها باسلوب علمي بحت ...
طبعاً يُقال ان هذا القسم هو القسم الوحيد اللي محتاج واسطة , لان شغلك هيبقى في مراكز حساسه زي رئاسة الجمهورية و مجلس الوزراء و مراكز دعم اتخاذ القرار الحكومية التابعة للرئاسة ...
مراكز حساسة جداً جداً ...
لكن لو عاوز القسم ده , يبقى لازم اجتهادك في المقام الاول ... لان اجتهادك هو واسطتك بعد ربنا سبحانه و تعالى ...
القسم موجود في جامعة القاهرة و المنصورة ....
=========== الموضوع لسه ما انتهاش ===========
معلومات و نصايح مهمه جداً :
بعد ما عرفنا الاقسام الموجودة باختصار ..
نحب نزود كام حاجة كده :😃
1 - في بعض الجامعات التخصص بيكون من تالتة , و بعضها التخصص بيكون من رابعة ..
2 - التخصص بيكون من اولى للأقسام الخاصة و فقط ..
3 - حاسبات بنها هى الوحيدة اللي فيها قسم علوم حاسب و فقط ..
4 - شركة مايكروسوفت بتعمل كل سنة مسابقة على مستوى كليات الحاسبات اللي في الجمهورية كلها , المسابقة دي عبارة عن اختيار افضل مشروع تخرج و اسمها Imagine Cup ..
الفائز فيها بيضمن شغله في الشركة نفسها ..
5 - كل سنة بتتعمل حاجة اسمها : ملتقى التوظيف , الملتقى ده كان كل سنة بيتعمل في عين شمس و لكل طلبة حاسبات .. السنة دي هيبقى في في عين شمس و في حلوان ..
طبعاً الملتقى ده بيحضره اكابر القوم , المحافظ و الوزير و عميد الكلية و كل الاساتذة ... و الملتقى ده بتيجي كل شركات الكمبيوتر فيه علشان تعرض ايه الوظايف المتاحة و كيفية التقدم و القبول ليها و ممكن تقوم باختيار الطلبة المتميزين للعمل فى الشركات ديه ..
6 - اعرف ان في دراستك في الكلية , كل سنة لازم هتزود نفسك بكورسات .. الكورسات دي الكلية بتجبرها عليك علشان تاخدها و هى كورسات الحصول على شهادة icdl ...
اما بالنسبة لبعض الاقسام اللي مفيهاش برمجة كتير , فالكلية بتدي كورسات اجباري في البرمجة و دي اجباري على كل الطلبة اللي داخلين اقسام مفيهاش برمجة ... طبعاً بعض الجامعات هى اللي بتعمل كده ..
7 - الاولوية في الحاسبات للمتميز و المبتكر ... يعني لازم تجيب امتياز كل سنة او جيد جداً كل سنة , بجانب طبعاً كورساتك في اللغة و البرمجة اكتر و اكتر ... كل ده هيؤهلك للشغل بشكل اكبر .. على فكره الاولوية للمتميز في اي كلية مش حاسبات بس ...
8 - بالنسبة لمشكلة النقابة , فالنقابة جاري تنفيذها في اول خطواتها , و هى هتبقى نقطة التحول و هى اللي هتدي كيان للمبرمجين في مصر ... و حالياً , يمكن الانضمام للجمعية المصرية لمهندسي البرمجيات و الجمعية دي ليها انشطة كتيرة و مفيدة ..
9 - الدراسة في اي كلية حاسبات بالانجليزي ما عدا مواد الانسانيات ( حقوق الانسان ) .
10 - المناهج كلها عالمية , يعني مفيش دكتور في كلية الحاسبات مألف كتاب واحد , يعني زيك زي اي طالب في امريكا و المانيا و دول العالم الاول .
11 - مشكلة انك زيك زي خريج معهد , المشكلة ديه حلها بسيط جداً .. أولاً خريج المعهد بيحصل على شهادة معادلة لشهادة كلية التجارة , فبيطلع محاسب يادوبك اتعلم ازاي يشتغل على الاكسل و الورد و الباوربوينت و كده .. لكن مالوش لا في البرمجة و لا في اي حاجة ... و حتى لو اخد كورسات , فمش هيبقى بقوة خريج حاسبات و معلومات ...
12 - مشكلة الاولوية لهندسة الحاسبات .. طبعاً هندسة الحاسبات اكل عيشها نادر في مصر جداً , لان هندسة الحاسبات بيهتم بدراسة الهاردوير و تصنيع قطع الهاردوير ... و طبعاً مفيش مصنع في مصر بيصنع بلاستيك اصلاً .. و السعودية و الامارات قالوا نفس الكلام , قالوا ان قسم هندسة الحاسبات عندهم مش مطلوب زي قسم علوم الحاسب او قسم هندسة البرمجيات ...
فمن الناحية دي اتطمنوا , خريجي الحاسبات و المعلومات ليهم الاولوية , لان هما اصل الكمبيوتر من نحية السوفتوير , فبيدرسوا سوفتوير بتعمق اكتر من هندسة حاسبات , و مجال البرمجة مفتوح لن يغلق , و مجال البرمجة هو المطلوب في اي حته في الدنيا ..
و برضه , مهندس الحاسبات ح يبقى مكانته عالية و شغله عالي لو اشتغل في شركة محترمة جوه مصر او بره مصر ...
13 - للعلم , هندسة الحاسبات في السعودية و الامارات و دول الخليج العربي , القسم ده من ضمن اقسام كليات الحاسبات و المعلومات هناك ...
14 - كان اتعقد اجتماع في جامعة اسيوط لمناقشة تحويل تسمية قسم علوم حاسب الى قسم هندسة برمجيات مع تغيير المواد , الا ان المجلس موصلش لاتفاق لان كلية الهندسة رفضت الموضوع دا و قالت ان الهندسة للهندسة ...
لكن جامعة حلوان تغلبت على المشكلة دي , بدليل انها دخلت قسم جديد تحت مسمى هندسة البرمجيات في كلية الحاسبات و المعلومات !
15 - وزير التنمية الادارية قال انه لا بطالة في مهندسي البرمجيات ... و عميد كلية حاسبات حلوان قال : لا بطالة في خريجي الكلية لدينا ...
16 - في جامعات شغالة بنظام الساعات المعتمدة زي حلوان و القاهرة ... و في عادي زي عين شمس ..
17 - ميزة الساعات المعتمدة انك ممكن تخلصها في 3 سنين و ممكن تخلصها في 4 سنين , و ممكن تخلصها في 6 سنين ... و عموماً الكلية بتظبط عدد الساعات على اربع سنين ..
18 - برضه في ميزة انك بتختار القسم اللي يريحك في نظام الساعات المعتمدة , بس لازم تجيب جيد كأقل تقدير ... اما لو جبت مقبول , فاعتقد ان الكلية هتحكم عليك بانها هى اللي هتختار القسم الاقل في المجموع ... ...
19 - موضوع اللاب توب , انت هتلاقي ناس من سنة اولى جايبينه ... لكن الافضل ليك هاته من اول ما تتخصص ... لان معظم مواد الحاسبات نظرية ...
20 - ممكن تجيب اللاب توب في حالة واحدة , انك لو قاعد في المدينة الجامعية و المدينة دي مفيهاش قاعة كمبيوتر ... ساعتها تقدر تجيبه من اولى علشان تعرف تذاكر عليه بعد كده ..
21 - طبعاً في كل الجامعات في واي فاي و بسرعة عالية ... علشان لو حبيت تنزل محاضرات قديمة او امتحانات قديمة ...
22 - اياك و الحرج من سؤال الدكتور او المعيد , اسأل الدكتور عن اي حاجة ... لكن متسألوش عن حاجة تافهة ... و متبينلوش انك غبي للدرجة يعني , علشان لو حطك في دماغه , هتضيع ..
23 - كورسات البرمجة اللي بياخدها اي طالب من هندسة او حقوق او ... او .... , دي تعتبر ملخص للي بيدرسه طالب الحاسبات في 4 سنين ... او بمعنى آخر عبارة عن اساسيات و مصطلحات ... طالب الحاسبات بيدرس بالتفصيل الممل و بأدق المعايير ... فطبعاً , الفرق كبير ..
24 - كذلك طالب الحاسبات ممكن ياخد كورسات هاردوير , بس طبعاً مش بقوة مهندس الحاسبات ..
25 - فقط عليك في الكلية دي انك تتميز و تتفوق ... تكتر من كورساتك و تشد في مذاكرتك و تحضر على قد ما تقدر .. بإذن الله مش هتلاقي حاجة صعبة ...
#عرفنى_كليتى
#كليه_الحاسبات_والمعلومات
* * * * * * * * * *
وهنا انتهى موضوعنا واستنونا بكره مع السن أن شاء الله 😉
*منشن صحابك اللى نفسهم فى الكليه عشان يتعرفو عليها اكتر..او تقطع أملهم فيها😂😂 وارفع البوست عشان يوصل لاكبر عدد وكله يستفيد وبعتذرلكم ع الاطاله فى البوست*

---====================================================

كليه الالسن faculty of Al-alsun (languages) (لكلووووووووو)


كليه الاسن..😊
الكليه موجوده فى 7 جامعات بس فى مصر😃
بالنسبالنا احنا هنا فى القاهره معندناش غير السن عين شمس والباقى كله فى محافظات الصعيد😃
الكليه بتدرس فيها لغه ام(عربى)+لغتين اجنبيتين (الاولى اساسى وهتتخصص فيها وليها تنسيق+التانيه بتبقى لغه تانيه وبتختارها بمزاجك عدا الكورى واليابانى)..طب ايه هى اقسام اللغات اللى موجوده؟؟؟🤔
الكليه فيها اقسام كتير زى قسم اللغات الشرقيه (عربى ,وصينى وفارسى,تركى,هندى ,اوردى)
فسم اللغات الافريقيه(سواحيلى,هوسا)
قسم اللغات الساميه (العبريه*لغه اسرائيل*,حبشيه*لسه القسم مشتغلش*)
قسم اللغات السلافيه(الروسى, والتشيكى,يابانى,كورى)
قسم اللغات الاوروبيه(انجليزى,فرنسى,ايطالى,المانى,اسبانى,بولندى,مجرى,برتغالى)
فسم اللغات النادره(الهيروغليفيه)
............................
مده الدراسه فى الكليه 4 سنين وبتدى الخريجين درجه الليسانس فى اللغات والترجمه😃
كل لغه بتدرسها بتدرسلها 9 مواد...(قواعد اللغه,النصوص والنقد,تاريخ الادب والحضاره,الترجمه من والى اللغه الام(العربي),مقرر لغه عربيه,مقرر لغه تانيه,....😃
فى قسم اللغات الشرقيه لما تدرس لغه بتاخد المقرر التانى من نفس القسم يعنى لو بتدرس تركى تاخد فارسى اجبارى😞 والعكس وبيتطبق الكلام ده على اللغه العبريه(ماده من اللغه بس مش تبقى اللغه التانيه)😉
التنسيق الداخلى بيتحدد حسب درجات الانجليزى واللغه التانيه....😊
وفى شروط فى بعض الاقسام...قسم الايطالى لازم تكون دارس اللغه التانيه ايطالى او فرنسى...قسم الاسبانى تكون واخد اسبانى او فرنسى..قسم الالمانى تكون واخد المانى بس اما قسم الفرنسى لازم تكون خريج مدارس فرنسيه اومدارس خاصه بتدرس فرنساوى من ابتدائى(وتجيب شهاده من المدرسه)...اما بقيت الاقسام بتتحدد بدرجه الانجليزى
قسم اللغات الشرقيه لو اتقبلت فيه مينفعش تاخد لغه تانيه من نفس القسم..خد من اى قسم تانى (وينطبق ع العبرى برضو)
..............................
اعلى سنه قبلت فيها الكليه السنه اللى فاتت خدت من 95% لكن المتوسط فيها من 92ل 95%
مجالات العمل طبعا مفيش مؤسسه او شركه او اى حته الا اما محتاجين مترجم بالذات انجلش بس مش اوى زى زمان عشان بيتطلب المانى وفرنسى كتير..طبعا لو مشتغلتش فى مكان تقدر تفتح مكتب ترجمه(شغله حلو جدا وبالذات لو كان جنب سفاره مثلا) وكذا مجال تشتغل فيه...وفى لغات بتتخطف خطف اول ماتتخرج ولو جبت تقدير عالى ليك فرصه تتعين معيد (زى العبرى مثلا)وممكن تشتغل فى أماكن حساسة جدا فى الدوله لو كنت برفكت فى اللغه بتاعتك😉(زى مابنشوف اى رئيس او وزير او سفير او اجتماع او اتفاق دولى لازم يكون فى ع الاقل ٣ مترجمين😆 )انا قولت تقريبا كل مجالات العمل وممكن يشتغلو مدرسين لغات فى مدارس خاصه بس يعملو دبلومه تربويه ويشتغلو ف الارشاد السياحي بس يعملو دبلومه فى سياحه وفنادق😃...فى اخر سنه بتتخصص ترجمه فوريه او تحريريه...لو دخلت فوريه احتمال 96% هتسقط اول مره 😃لانك هتلاقى ضرب نار..المفروض الدكتور قاعد قدامك بيتكلم زى الكمبيوتر او مشغلك كاست وبتسمع حد بيتكلم بسرعه الضوء 😃وانت لازم تترجم معاه فنفس اللحظه...تبقى عامل زى ناشيونال جيوجرافيك كده😃...بس احتمال كبير تنجح من تانى مره ان شاء الله...😊
..............................
طبعا الكلام ده كله بينطبق على كليه اللغات والترجمه بتاعت ازهر بس هم عندهم تخصصات اكتر فى الترجمه واكترها شرعيه...
..............................
اللى عنده اى استفسار يتفضل فى الكومنتات ومتنسوش تقولو عاوزين بكره فنون جميله ولا اقتصاد وعلوم سياسيه عشان هحدد بناء على كلامكم انتو....
#عرفنى_كليتى
#كليه_الالسن
*منشن صحابك اللى نفسهم فى السن وبيحبو اللغات..ومتنساش ترفع البوست عشان يوصل لاكبر عدد وكله يستفيد*
*مش عارف ليه حاسس أنى ناسى حاجه بس مسيرى هفتكرها*😂😂

==========================================================

كليه الاقتصاد والعلوم السياسيه faculty of economics&political science (كلووووو برضووو)


كليه الاقتصاد والعلوم السياسيه 😉
الكليه 4 سنين بتدى درجه البكالوريوس موجوده فى تلات جامعات بس(القاهره,اسكندريه,بنى سويف) 
التخصص بيكون من سنه تانيه لان السنه الاولى دراسه عامه ، التخصص بيكون بالرغبه بس برضو درجات سنه اولى مهمه ، سنه تالته بتدخل شعبه جوا القسم بتاعك الشعب الموجوده "الإدارة العامة، والحاسب الآلي، الاحصاء، الاقتصاد، العلوم السياسية"، الكليه فيها 3 اقسام....:
قسم الاقتصاد😃
القسم ده اكتر قسم بيدخله الطلبه، بيجمع بين الدراسة النظرية والعملية؛ لان فرص العمل فيه كتيره ...ممكن تشتغل ف البنوك، والبورصة، وشركات الاستثمار، أو شركات البترول، والوزارت زى وزارة المالية ووزراة التجارة.
قسم العلوم السياسية😃
القسم ده الجانب النظري فيه غالب على الجانب العملي، والتعمق في النظريات والأفكار السياسية القديمة والحديثة،بقى والحاجات الحلوه ديه وفيه كمان أنشطة وابحاث طول فترة الدراسة.
فرص العمل فيه بتكون في مراكز البحوث الحكومية أو الخاصة، أو السلك الدبلوماسي، أو السفارات، أو الأحزاب السياسية والعمل السياسي والميداني، أو المؤسسات التشريعية أو التنفيذية.
قسم الإحصاء😃
القسم ده موجود فى جامعة القاهرة بس، الطلبه فيه قليله ومبيدخلهوش عدد كبير كل سنه، ده بقى عكس قسم علوم سياسيه.. الجانب العملي هنا اكتر من النظرى والشغل بيكون فى اى شركه فيها قسم احصاء.
التلات اقسام ليهم فرص عمل مشتركه؛ زى التدريس ف الجامعة، أو مجال الإعلام، أو مراكز البحوث،....... كل سنه بتدرس 5 مواد ف الترم وبتكملهم ف الترم التانى ....فى سنه اولى بتدرس مواد عامه ونبذة عن كل علم عشان يساعدك تختار تخصصك فى سنه تانيه.😉
فى بقى شعب باللغات فى الكليه😃
فى 3 شعب؛ شعبة اللغة العربية، وشعبة اللغة الإنجليزية، وشعبة اللغة الفرنسية، انت بتختار اللغه قبل ماتدخل الكليه وبتفضل تدرس باللغه ديه طول ال4 سنين ف الكليه.😃
عشان تخش شعبة اللغة الإنجليزيةلازم تجيب ع الاقل 42 فى ثانويه عامه ...وفى اختبار قبل ماتخش الكليه.😃
وشعبة اللغة الفرنسية موجوده فقط في جامعة القاهرة، وخريجين اللغه الفرنسيه بياخدو البكالريوس المزدوج من جامعه القاهرة وجامعة بانتيون سوريون ف فرنسا، وعشان تدخل الشعبه الفرنسيه لازم يكون معاك شهادة DELF B2 و ده للى معهوش اى شهادة دراسية فرنسية، كمان لازم تجيب ٦٠٪‏ أو أكتر في الامتحان التحريري اللى بتعمله الكلية، وبياخدو ٧٠ طالب بس كل سنه فى شعبه فرنسى 
.......................
الكليه بتاخد من ادبى وعلمى رياضه وعلوم😃
السنه اللى فاتت واخده من ادبى 95.1%...ومن علمى علوم 96.5% ومن علمى رياضه 93% 😃
الكيه مفيهاش تحويل من جامعه لجامعه زى باقى الكليات...يعنى دخلت جامعه اسكندريه مينفعش تحول حتى بعد سنه وانت طالع الاول ع الجامعه كمان...😩
#عرفنى_كليتى
#كليه_الاقتصاد_والعلوم_السياسيه
*متنسوش تمنشنو صحابكو عشان يتعرفو ع الكليه... ارفع البوست عشان يوصل لاكبر عدد وكله يستفيد*
ولنا لقاء غدا إن شاء الله مع كليه طب الاسنان 😃

================================================

 طب بشرى نفسها..(عشان فلوسها حلوه😌)

الكليه الشيك اللطيفه الظريفه الخفيفه😎..يعنى نضافه دكتور السنان وايده اللى بتبقى حلوه ونضييفه اووى ديه😂 وتعقيم العياده 😍 الحشوات والتركيبات اللى بتعدى الافاات*ايمو بيحسد*
الكليه طبعا هى حلم الكتيير مننا لانها هى اللى بعد بشرى علطول..طبعا الكليه بتدى بكالوريوس فى طب وجراحه الفم والاسنان oral and dental medicine..مده الدراسه فيها 5 سنين دراسه اكاديميه وبعدهم سنه تكليف (امتياز) بتنزل فيها تدريب ف المستشفيات الجامعيه وبتقبض برضو ع الشغل ده زى الطب البشرى بالظبط..
الكليه مجموعها مبيقلش عن 97.5% السنه اللى فاتت واخده 98.7%😭😭

موجوده طبعا فى معظم الجامعات المصريه(الحكوميه والخاصه والازهريه)😉
فيها 11 قسم: قسم طب الفم وعلاج اللثة والأشعة،.. قسم الاستعاضة الصناعية،.. قسم العلاج التحفظي،.. وقسم التيجان والجسور،.. وقسم علاج الجذور،.. وطب أسنان الأطفال،.. وقسم التقويم...قسم المواد الحيوية،.. وقسم الجراحة،.. وقسم بيولوجيا الفم والأسنان،.. وقسم باثولوجيا الفم والأسنان..😃
السنة الأولى بتكون تمهيدية بتدرس فيها 6 مواد؛ الحيوان ( zoology)، والكيمياء، والفيزياء، والإحصاء، والنبات والوراثة، وانجليزى(جينيرال وترمينولوجى) عشان الدراسه فيها بالانجلش طبعا..😉
أما في السنة التانية بتدرس فيها تكنولوجيا الاستعاضة الصناعية، وتكنولوجيا العلاج التحفظي، وتكنولوجيا التيجان والجسور، والباثولوجيا العامة، وعلم الأدوية(الفارماكولوجى)، الميكروبيولوجيا والمناعة الطبيعية، ومادة غير أساسية زى"حقوق الإنسان" مثلا..ديه ماده بتدرسها كل الكليات العاليه بس حسب مجال الكليه (سواء كانت طب او صيدله او اسنان او هندسه.......الخ)😃
في سنه تالته بقى؛ مواد التشخيص، والجلدية والتناسلية، والأنف والأذن والحنجرة، والاستعاضة الصناعية، والعلاج التحفظي، بجانب التيجان والجسور، وعلاج الجذور، وجراحة الفم والتخدير الموضعي، وطب أسنان أطفال، وصحة الفم وطب أسنان وقائي، وتقويم الأسنان، وباثولوجيا الفم، والسنه التالته اللى بتبدأ فيها تنزل تدريب عملى فى عيادات الجامعه..😍
سنه رابعه بتدرس نفس المواد بس بتعمق اكتر بقى..كذلك فى سنه خامسه بتتعمق فى مواد التخصص اللى اختارته بقى..😃
طبعا مجالات الشغل لاسنان غنيه عن التعريف.😌.انت كطبيب اسنان تقدر تشتغل فى المستشفيات التعليمي والحكومي، و الخاصة والعيادات الخارجية، أو في مجال التدريس فى الكلية (بالنسبة للأوائل).او مدرس علوم فى مدرسه ابتدائى لو الدنيا ضاقت فى وشك😂
......................................................
كده اعتقد اتكلمنا على كل حاجه تبع #كليه_طب_الفم_والاسنان

===========================================

كليه الفنون الجميله faculty of fine arts (كلوووووووو عدا عماره لرياضه وديكور لرياضه وعلوم)


عندما يلتقى العلم بالفن😍فنتحدث عن #فنون_جميله❤️
الكليه من اجمل وامتع الكليات فى دراستها وبالذات بالنسبه للبنات😉الكليه ع الحقيقه غير اللى ف الفيلم خاالص..الدكاتره فيها محترمين مش زى اللى ف الفيلم ورفعو قضيه على الفيلم وكسبوها باستحقاق..وبرضو مش كليه قليله بتاخد من 50 ولا 60% الكليه بتاخد من علمى فوق ال 90% وادبى فوق ال 87%😃 ولا خريجينها بيشتغلو مدرسين رسم لا بيشتغلو فى اماكن جامده جداا وشغل محترم ومرتبات حلوه😉
الكليه موجوده عندنا فى مصر فى 5 جامعات بس منهم جامعه المنصوره لسه مفتتحينها من سنتين والباقى فى حلوان(الكليه الام وموجوده ف الزمالك) واليكس(كانت تابعه لحلوان وانفصلت) والمنيا والاقصر.😃
الكليه نظام الدراسه فيها 5 سنين منهم سنه اعدادى وبتدى درجه البكالوريوس
نشرح الاقسام وبعدها السنين..😃
الكليه فيها 5 اقسام (عماره,ديكور,جرافيك,نحت,تصوير)
>قسم العماره بياخد طلاب من علمى رياضه فقط.. بتدرس كل المواد الهندسية والفنية يعنى بتدرس 5 سنين منهم اعدادى كل حاجات هندسة وزايد عليها مواد فنية ودة اعلى قسم فى المجموع وتنسيقه خاص بيه وبيدرسوا كمان شغل ديكور وبيتقووا فى برامج الكومبيوتر اللى بيشتغلوا بيها زى اوتوكاد وثرى دى ماكس وفوتوشوب
غير طبعا بتاع هندسة عمارة اللى بيدرس 4 سنين بس عمارة ومبيدرسش اى ناحية فنية ف بيكون ضعيف بالنسبة لبتاع عمارة فى فنون جميلة والمواااااااد هندسية 200% وباضافة مواد فنية كمان الخريجين بينضمو لنقابه المهندسين عادى جدا زى بتوع هندسه وليهم نفس الامتيازات لانك بتبقى مهندس معمارى.😉
>قسم الديكور بيقبل طلاب علمي فقط بتدخل اعدادى ديكور وتدرس 4 سنين وتتخصص جواة على حسب اختيارك لعمارة داخلية وفنون تعبيرية والشهادة هى بكالريوس عمارة داخلية او بكالريوس فنون تعبيرية وبيخرج مهندسين ديكور ومعماريين من عمارة داخلية *ناحيه هندسيه اكتر* أو ديكور سينما ومسرح وتليفزيون ده تبع فنون تعبيريه*ناحيه فنيه اكتر*، ويتبع خريجين القسم لنقابة مهندسين الديكور😃*ملحوظه:قسم الديكور فى جامعه اسكندريه بيقبل ادبى عادى)
*ملحوظه:القسم دة ملوش علاقة بفنون بس بتدرس كل حاجة تتخيلها يعنى بتدرس مواد عمارة ومواد فنية بحيث تتعلم كل مبادئ التصميم من الابرة للصاروخ ومن الشقة للعمارة والمؤسسات
بتتخرج بتشتغل مهندس ديكور ومعمارى ومصمم وكل حاجة لان امكانياتك بتكون جامدة وبتاخد خبرة فى الالوان يعنى القسم دة اكتر من قسم عمارة وبتدرس كل مواد قسم العمارة واكتر كمان والناحية الفنية اكبر شوية ومشروع التخرج بيكون مثلا تصميم مدرسة بتصممها من ناحية معمارية وبتعمل البوستر بتاعها وبترسم كل جزء منها برسم هندسى وبتصمم الالوان وبتقسم الفصول لمساحات وبتعمل استخدام كامل وشامل للمبنى دة غير طبعا التقوية الشاملة لاستخدام برامج الكمبيوتر*
>قسم التصوير(يعنى الرسم مش التصوير بكاميرا) القسم فيه شعبتين (تصوير جدارى و تصوير تعبيرى)*يعنى ترسم ع الحيطان او ترسم لوح*😃
>قسم النحت جواه قسمين ( النحت الفراغي والميدالية والنحت البارز).بيشتغل الخريجين بتوعه فى مصانع العربيات او الموبايلات وتصميم المنتجات..😃
>قسم جرافيك قسمين برضو ( التصميمات والرسوم المتحركة و فن الكتاب) بتدرس فيه التصميم بشكل عام؛ زى الإعلانات والكارتون والتصميم عمومًا..😃 بتشتغل فى الانيماشن والكارتون وكله تمام يعنى بتصمم كل حاجة ثرى دى من افلام الكارتون لحد خدع السينما وشغل الافلام وشغل المراكز الثقافية .
وفى بقى قسم الفنون العام..ده بتدرس فيه (الرسم والاثاث والتصوير والفوتوغرافيا والنحت والمسرح والأوبرا والشعر والخزف والتصميمات المطبوعة)
اقسام النحت والجرافيك والتصوير والفنون العام بتاخد من الشعبتين(علمى وادبى) بس الاولويه للادبى وبتدخل نقابه الفنانين التشكيليين..😉ومرتباتهم حلوه اووى
نرجع بقى للسنين عشان نفهم الاعدادى..بتدخل اعدادى بتختار قسم..يا اما عماره..يا ديكور يا فنون*نحت وتصوير وجرافيك* وبعد كده تتخصص ف اولى.. وبتتخصص اووى فى تالته هارش؟!😃
ديه كده الاقسام..طب نقدم ازاى؟؟تعا اماقولك😃 هتروح مكتب التنسيق اللى انت تابع ليه (بالنسبالنا ف القاهره اكبر واحد بتاع جامعه القاهره)وقدم 4 صور شخصية وصورة رقم الجلوس واسحب استماره (ب حوالى 250ج) وتملاها وتقدمها فى كليه الفنون الجميله ف الجامعه اللى هتدخلها..
البعبع اللى قالق كل واحد/ه هدفه/ا الكليه ديه..الاختباااااااارااااات😃
بعد مابتقدم الاستماره ياسيدى بيعملو الاختبارات (بتبقى 8 ايام بالترتيب الابجدى)
امتحان القدرات بتاع قسم فنون بيبقى 3 اسأله سؤالين عملي (رسم، نحت)، سؤال واحد نظري حول تاريخ الفن وكده..*المده 4 ساعات* (نفس الكلام لديكور)
قسم عماره بقى بيبقى سؤالين بس منظور هندسي، بتعمل رسومات هندسية، (رسم بوابة مدرسة مثلا)، السؤال التاني نظري (ثقافة معمارية)، بيبقى عباره عن رسومات لعدد من المباني ويكون عليك كتابة اسم المبنى ومعلومات عنه، *المده 3 ساعات*😃
*العدد بيبقى قليل جداااا فى الكليه وده بيديك فرصه اكبر ف التعليم والتطبيق والممارسه ولان العدد قليل ف مفيش بطاله لخريجين الكليه*😃
طب اخد ايه معايا وانا رايح اشتغل بيه؟؟🤔
بالنسبه ياسيدى لفنون هتحتاج (اسكتش ربع فرخ، أقلام رصاص HB، 2B، استيكه، قلم فحم 6B، ألوان خشب، استيكة الفحم.(كذلك ديكور)
بالنسبه لعماره (اسكتش ربع فرخ، قلم رصاص HB، 2H، "استيكه"، مسطرة)
ينهرسود..طب وانا هعدى ف الاختبارات ديه ازاى؟؟والنظرى ده اعمل فيه ايه!!😱😱
اشترى منى الهديه ديه😉الكليه قبل الاختبارات بتعمل راوندات كده بتمرنك ع الاختبارات*لكل الاقسام*..(بتبقى ب حوالى 350ج شامله الكتب*عشان النظرى*)
الراوند بتتعمل اكترمن مرة في اليوم، من الساعة 9 ص ل 12 ظ، من 12 ظ ل 3 العصر، من 3 العصر ل 6 م، من 6 م ل 9 م، لمده يومين بس.. بتختار المعاد اللى يناسبك فى اليومين😃
...........................................................
نأسف على الاطاله ف البوست* اللى انا عارف ان محدش هيقراه😂😂* بس حبيت الملكم كل حاجه عن الكليه وارد على كل الاساله اللى ممكن تدور فى دماغكم من ناحيه الكليه..تابعو معاد البوست وهيبقى علوم ان شاء الله على هاش #عرفنى_كليتى..منشن لصحابك الفنانين يتعرفو ع الكليه😃واعمل اب عشان البوست يوصل لاكبر عدد وكله يستفاد..والسلام عليكم ورحمه الله وبركاته❤️
=======================================

كليه العلوم faculty of science (اقسام لرياضه واقسام لعلوم واقسام مشتركه)

معانا ومعاكم انهارده بوستنا عن #كليه_العلوم😃
(والنبى الناس اللى مبتحبش القرايه وبتزهق ت سكرول داون علطول محدش ييجى يقولى مش هقرا كل ده راعو شعورنا بقى😂..الكليه كبييره جداااااااا والكلام فيها كتيرومعلوماتها كتيره)😃
لما نتكلم عن علوم لازم نعرف انها هى الام..هى الاصل لكليات الطب والصيدله والعلاج والهندسه والزراعه والحاسبات...............الخ..كل الكليات ديه اتفرعت منها عشان كده لو حصل فيها اى اكتشاف او تطور او اى حاجه باقى الكليات اللى اتبنت عليها بتتقلب😃
.....................................................
الكليه بتدى درجه البكالوريوس ومده دراستها 4 سنين وفى معظم الجامعات بتشتغل بنظام الساعات المعتمده *اللى شرحناه فى اعلام وصيدله*...طبعا الكليه لعلمى بس😃
...................................................
الدراسه عموما فى سنه اولى بتبقى عامه وبتتخصص ف تانيه..بتدرس 5 مواد اساسيه منهم 3 اجبارى (كميا وفزيا ورياضه) ومادتين اختيارى يأهلوك للتخصص ف سنه تانيه 😃
............................................
اقسام الكليه بقى..اقسام لعلمى علوم بس واقسام لعلمى رياضه بس واقسام مشتركه بين الاتنين..وفى اقسام بتتخصص فيها من سنه اولى وبتبقى اقسام خاصه..
زى البايوتكنولوجى (ده قسم فى كليه العلوم فى جامعه القاهره وكليه لوحده ف الجامعات الخاصه) ..بيدخله علوم ورياضه مع بعض بس بنسبه 2:1..يعنى لو القسم محتاج 150 طالب هياخد 100 علوم و50 رياضه تماام؟😃 مصاريف القسم بتعدى ال 10.000ج دا فى الحكومى انما ف الخاص اغلى كتييير.. خريج القسم شغله بيكون في شركات الأدوية والشركات الصناعية، و في المستشفيات لعلاج الأمراض الوراثية.والسرطان وكده...
وقسم علوم البترول: واضح من اسمه ده بتدرس فيه ايه😃بس فى شركات خاصه كمان بترعى القسم ده وبتعمل زيارات ميدانيه للطلاب للمواقع وكده وبتوفر فرص عمل كتير مصاريفه بتعدى ال 10.000 برضو.
...........................................................
اقسام التخصص من سنه تانيه بقى..
اولا اقسام تخص علمى رياضه بس:
قسم رياضيات..طبعا القسم بيتعمق جداااااااااااا فى دراسه الرياضيات والناس اللى بتعشق الرياضه ومتميزين فيها هيكونو مبسوطين فيه جدا طول ال3سنين😃بس للاسف ملهوش مجالات عمل كتير غير التدريس ومراكز الابحاث.🙁
وقسم الاحصاء:ده شبه قسم رياضه بالظبط فى كل حاجه بس باختلاف المواد طبعا
قسم الرياضيات والاحصاء: قسم جامع بين الاتنين اللى قبله وليه نفس فرص العمل
وقسم علوم الحاسب: وده بيدرس الكمبيوتر ولغات البرمجه والتطبيقات العمليه وكل حاجه..😃
وقسم رياضه وحاسب: ده ميكس بين مواد رياضه وحاسب الى
وفى قسم فلك:ده بيدرس العلوم الفلكيه وكل حاجه بتعمق عن الفلك وكده
وقسم رياضه وفلك: وده برضو ميكس بين الاتنين ومبيتعمقش اوى زى الاقسام
المتخصصه بس القسمين شغلهم بيبقى فى مرصد حلوان بس🙂
وقسم علوم الفضاء : هو شبه قسم فلك شويه بس بيهتم بعلوم فضائيه اكتر مش موجوده ف فلك
وقسم رياضيات وفيزياء: ده بيدرس الرياضه والفزيا ومجالات عمله هى التدريس ومراكز الابحاث برضو
وكده نبقى خلصنا اقسام خاصه بعلمى رياضه فقط😃
.......................................................
ندخل على اقسام خاصه بعلوم فقط😍
ومنها قسم البايوفيزياء: هو قسم متخصص في تطبيق مبادئ الفيزيا وتقنياتها لدراسة تركيب ووظيفة الخلية الحية، ودراسة للقوانين الفيزيائية اللى بتأثر في الجزيئات الحيوية والعمليات الحيوية، و بتهتم الفيزيا الحيوية بدراسة وظائف العين والأذن والأجزاء التانيه من الجسم و ليها تطبيقات في الطب لانها بتوفر تفسير للعلاقات الوظيفية بين أجزاء الجسم و في دراسة نظام المناعة ضد الأمراض، ومجال العمل المتاح ليه في المعاهد الطبية، و المستشفيات، معاهد علوم الليزر، بحوث الإشعاع، و البحوث النووية.😃
قسم الجيولوجيا: قسم متخصص في دراسة علوم الأرض، ومجالات عمله المتاحة في شركات البترول، شركات المياه، و جهاز شؤون البيئة، وقطاع الآثار.😃
اقسام الكيميا بقى(لعلمى علوم)😍 مفيش قسم للكميا بس..بتدرس كيميا وحاجه تانى معاها زى ماهنشوف دلوقتى..
قسم كيميا / كيميا حيويه: ده قسم بيهتم بدراسة العمليات الحيوية في جسم الإنسان زى البروتين، الفيتامينات، الكربوهيدرات، الأحماض النووية، الأنزيمات، الهرمونات، الأورام، علم الوراثة، والمناعة... ومجال عمله في معامل التحاليل وشركات الأدوية.😃
وقسم كيميا / كيميا ميكروبيولوجي: ده بيدرس الفسيولوجي الخاصة بالبكتيريا والفيروسات وغيرها، وتأثير الميكروبيولوجي على الإنسان والأمراض اللى بتسببها، بجانب الأنزيمات والسموم الميكروبية والهرمونات النباتية.. ومجالات العمل بتكون في معامل التحاليل، وشركات الأدوية، وشركات الكيماويات.😃
قسم كيميا / حيوان: ده بيدرس بيولوجي الحيوان، الفيسيولوجي، تشريح، الفقاريات واللافقاريات، وعلم الوراثة، الأنسجة، الأجنه، والمناعة... ومجال عمله في معامل التحاليل و شركات الأدوية.😃
وقسم كيميا / نبات: بيدرس بيولوجي النبات، الفسيولوجي وتصنيفاته، العوامل البيئية اللى بتأثر فيه والتلوث، الأنزيمات، الطحالب، تشريح النبات وعلم الوراثة.. ومجال العمل المتاح ليه في معامل ومراكز الأبحاث و التحاليل وشركات الأدوية.😃
قسم كيميا / حشرات: وبيدرس بيولوجي الحشرات، وتشريح أنسجة الحشرات، ومورفولوجي الحشرات وتصنيفات وتقسيمات الحشرات، وعلم بيئة الحشرات، وعلم الطفيليات والوبائيات والتحاليل الطفيلية، ومكافحة الآفات والسيطرة عليها، والمناعة والميكروبيولوجي و الباثولوجي للحشرات وعلم السموم، ومجال عمله في معامل ومراكز البحوث الزراعية، و معامل التحاليل، والشركات.😃
................................................................
واخيراً وليس اخراً..الاقسام المشتركه بين علوم ورياضه😍
قسم فيزيا /فلك: ده قسم يشبه قسم الفلك وييزيد اليه التركيز على مواد الفيزياء، ومجال عمله في مرصد حلوان..😃
قسم فيزيا / علوم جوية: وهو بيتشابه مع القسم اللى فات، بجانب قسم فيزيا منفرد؛ وهو مناسب لمحبين الفيزيا والمتميزين فيها وبيدرس الفيزيا الكهربية والحرارية.......الخ ومجال العمل في معامل ومراكز الأبحاث، وفي مصانع الأجهزة الكهربية والتدريس.😃
وقسم فيزيا إتصالات: القسم في جامعة القاهرة فقط، ويحتاج خريج القسم أنه ياخد دبلومه فيزيا إتصالات، ومجال العمل المتاح في معامل الأبحاث والتدريس.😃
وقسم كيميا منفرد: بيدرس الكيمياء العضوية والحرارية والكهربية والتحليلية.......الخ ومجال العمل لخريجين القسم كتيره تقدر تشتغل في أغلب الشركات لأن اغلبها تحتاج إلى كيميائي زى شركات الأدوية، الأسمدة، مستحضرات التجميل، المتنجات الغذائية، ومعامل التحاليل.😉
قسم جيوفيزيا منفرد: وهي تطبيق لقوانين الفيزيا علي الجيولوجيا،عشان كده هو قسم بيدرس عملية التنقيب قبل الحفر، وهو قسم مطلوب في شركات البترول و شركات المياه وفي الآثار.😃
وقسم كيميا / جيولوجيا: وهو قسم يمزج بين مواد الجولوجيا والكيمياء، ومجال عمله في شركات البترول، شركات المياه، جهاز شؤون البيئة، و قطاع الآثار.😃
*ينفع اه لعلمى رياضه عشان قسم مشترك مش منفرد*
وقسم كيميا / فيزيا: بيجمع بين مواد الكيمياء والفيزياء.. ومجال العمل فيه في معامل التحاليل، شركات الأدوية، الأسمدة، معامل الأبحاث، وشركات الإلكترونيات.😃
..............................................
معلش والله عارف انى طولت جامد بس مبحبش افوت معلومه على اى حد🙂.. و كليه العلوم مش كليه سهله ولا صغيره..شكرا لانك وصلت لغايه هنا ومزهقتش😃
تابع الكليات اللى جايه وشوف القديمه على هاش #عرفنى_كليتى ومنشن لصحابك يستفادو ويتعرفو ع الكليه اكتر..وارفعو البوست عشان يوصل لاكبر عدد ويستفادو من البوست..😍
والسلام ختام❤️
================================================

 كليه العلاج الطبيعى faculty of physical therapy (علمى علوم)


طب المستقبل❤️
(متنساش تدفع حق البوست قبل ماتقرا..*دعوه*) :D
طب المستقبل هو العلاج الطبيعى.. 
العلاج الطبيعى هو المعادله الناجحه لتحقيق حلم الكتير مننا..لانك بتدخل المجال الطبى وفنفس الوقت مبتدرسش7 سنين ولا حاجه والتخصص ف الاول مش بعد التخرج زى طب😉والمعالج الطبيعى مش مدلكاتى ولا حاجه وهتعرف ده اما تكمل البوست😃
طب عشان نبقى متفقين كده.. علاج طبيعى موجوده فى 4 جامعات حكوميه فقط(القاهرة، وبني سويف، وكفر الشيخ، وجامعة جنوب الوادي) و3 جامعات خاصه (جامعة 6 اكتوبر وجامعه مصر وجامعه فاروس)😃
الكليه 5 سنين بتدى درجه البكالوريوس..بتاخد طلبه علمى علوم فقط واللى يعادلها من الشهادات الاجنبيه وطبعا الدراسه بالانجلش😃
سنه اولى وتانيه بتبقى دراسه اكاديميه (بتدرس فيهم مواد قسمين العلوم الأساسية والميكانيكا الحيوية)...
سنه تالته ورابعه*السنه فيهم 3 تيرمات مش 2 بس* بيقو دراسه اكلينيكيه (بتدرس مواد باقى الاقسام ال6)
سنه خامسه بتبقى الامتياز زى كليه الطب كده😃
السنه اللى فاتت واخده 97.1% مرحله اولى واللى قبلها 96.3% مرحله تانيه
نعرف بقى ايه اقسام الكليه؟؟
يلا بينا بس كمل البوست للاخر عشان فى مفاجات كتير😍 
الكليه فيها 8 اقسام :
> قسم العلوم الأساسية للعلاج الطبيعي
القسم بيهتم بدراسه أساسيات العلوم الطبية؛ زى التشريح(Anatomy)، وظائف الأعضاء(Physiology)، وعلم الأنسجة(Histology)، وعلم الأمراض(Pathology)، ومن ناحية تانيه بيوضح للطالب أساسيات وسائل العلاج الطبيعي، زى التمارين العلاجية، والعلاج الكهربي، والعلاج المائي.
و توضيح أساسيات العلاج الطبيعي من خلال دراسة مواد؛ التشريح، وعلم الأنسجة، وعلم وظائف الأعضاء، والكيمياء الحيوية، وعلم الأمراض والأدوية.😃
>قسم الميكانيكا الحيوية
القسم ده بيهتم بميكانيكية جسم الإنسان والأجهزة المختلفة؛ وده بتطبيق قوانين الميكانيكا وتحليل الحركة، + دراسة علم الإرجونوميكس، ده علم جديد بيدرس العلاقه بين الإنسان والآلات اللى بيستخدمها ف الشغل😃
>قسم العلاج الطبيعي لأمراض الباطنة والمسنين
القسم ده بيهتم بحاجتين اولهم أمراض القلب والأوعية الدموية والصدر وأمراض نقص الدورة الدموية، ومن ناحية تانيه بيهتم بتأهيل المسنين ومرضى السكر.😃
>قسم العلاج الطبيعي لأمراض النساء و التوليد وجراحتها
القسم بيهتم بالامراض اللى بتصيب المرأة في فترة الحمل وبعد الولاده، بالإضافة إلى 
انه بيأهل الأم للحمل وانها تحافظ على صحتها أثناء الحمل، وإعادة تأهيلها بعد الولادة وتسهيل عملية الولادة.😃
>قسم العلاج الطبيعي للأمراض العصبية وجراحتها
القسم بيهتم بعلاج الإضطرابات والأمراض العصبية زى الشلل النصفي، وكمان تأهيل المرضى ذوي الاضطرابات النفسية.😃
>قسم العلاج الطبيعي للجراحة والحروق والتجميل 
والقسم بيدريس كيفية تجهيز المرضى بدنيًا ونفسيًا للعمليات الجراحية، وإعادة التأهيل بعد العمليات، + تحسين عملية التئام الجروح والحروق وتخفيف الآلام، ومنع تيبس المفاصل، وتكون الندوب والانكماشات الجلدية.😃
>قسم العلاج الطبيعي لاضطرابات الجهاز العضلي والحركي
وده بيهتم بالأمراض اللى بتصيب العظام والعضلات؛ زى خشونة المفاصل، وآلام الظهر، والانزلاق الغضروفي، وكمان تأهيل المرضى بعد الكسور والجراحات.😃
>قسم العلاج الطبيعي لأمراض الأطفال وجراحتها
ف القسم ده هتدرس اضطرابات مراحل النمو والتطور عند الأطفال؛ زى الشلل الدماغي، و عيوب النطق والكلام "وده في الفترة من بعد الولادة، ولغايه سن ال18😃*ده غير قسم التخاطب بتاع كليه طب*
وفى بقى اقسام بتنفرد بيها جامعة كفر الشيخ؛ زى قسم العلاج الطبيعي لصحة المرأة؛ وده قسم بيهتم بدراسة المشاكل الصحية للمرأة فى سن المراهقة وفترة الإنجاب وبعد انقطاع الطمث*مش هقدر اوضح*😂
وده عشان يقدم الرعاية المناسبة للمرأة فى مراحل الحياة المختلفة، وبرضو بيهتم بكيفية استخدام المعدات التدريبية اللى ليها صلة مع حالات التوليد وأمراض النساء، وفى قسم العلاج الطبيعي للجلد والأغشية.😃 
.....................................................
طب انا سمعت ان اول سنتين بلبس لبس عملى وشورت وحركات وبتاع!!😉
بص انت هتبقى دكتور بس مش هينفع من اول سنة تتدرب على مريض فبيفصلوا فى السكاشن بين الولاد والبنات علشان تتدربوا على بعض 😃
طب سمعت عن حاجه اسمها ال DPT وانا مش فاهم اية دى؟🤔
دى هتخلى علاج طبيعى تبقى 6 سنين وسنة امتياز علشان هتاخد مواد زيادة علشان المريض يجيلك مباشرة ودة بيحصل فى مصر عادى بس دة قانونى اكتر😃
انت بتتخرج ممارس علاج طبيعى او تعمل ماستر وتبقى اخصائى وتقدر تفتح بعدها عيادة او تفتحها تحت اشراف دكتور علاج طبيعى اكبر لحد متكمل 5 سنين او تاخد ماجستير ان شاء الله .😃
نفجر بقى المفاجات اللى معانا😍 💖 
تقدر تنزل تدريب عملى ف اى مستشفى من سنه اولى براحتك😍
العلاج الطبيعى فى مصر ليه وضعه جاااامد جدااا اى مستشفى فيها قسم بدور كامل للعلاج الطبيعى😍
+بتقدر تفتح عيادتين او مركزين😍
+ليك نقابتك الخاصة بيك "النقابة العامة للعلاج الطبيعى"😍 
خد التقيل بقى..مصر مصنفه ال3 ع العالم فى العلاج الطبيعى بعد امريكا وكندا😍
خد ديه كمان..اما بتسافر امريكا مبتحتاجش تعادل شهادتك ولا حاجه وبتشتغل علطول من غير اى سنين دراسه زياده😃 +اول مابتتخرج بيجيلك عقود من كل حته ف الدنيا و 60% من الطلبه بتسافر امريكا بعد التخرج تشتغل هناك ويعملو ماستر لو حابين😃
.....................................................

===============================================

كليه الطب البيطرى faculty of veterinary medicine (علمى علوم)



 #كليه_الطب_البيطرى..اول حاجه هتقولها "دكتور البهايم هاهاها"...لا يابولسان طويييل😠انهارده هتعرف بجد يعنى ايه الطب البيطرى😉
(متنساش تدفع حق البوست قبل ماتقرا..*دعوه*) :D
اولا الكليه موجوده فى معظم الجامعات الحكوميه..تماام!😌
مش كليه سهله ولا مجموعها قليل..لانها بتاخد من علمى علوم والسنه اللى فاتت واخده 96.3% واللى قبلها 95.3%😃 مده الدراسه فيها خمس سنين مفيش تخصص خلالهم انت بتدرس كل حاجه😂 التخصص فيها زى ماوضحنا فى بوست #كليه_الطب ان التخصص ف الماستر بعد التخرج😃 بعض الجامعات شغاله بنظام الساعات المعتمده (اللى وضحناها فى بوست #كليه_الاعلام) زى جامعه القاهره والمنصوره..
تعالى بقى احبيب ئلبى افصصلك الخمس سنين بالمواد بتاعتهم (اللى طبعا بالانجلش😌)😉😃 .................................................................
فى سنه اولى الترم الاول هتاخد تشريح وأجنه "عام"، هيستولوجي "الحيوان"، الوراثة والهندسة الوراثية، الكيميا الحيوية، انجلش وترمينولوجى، وإرشاد بيطري،...
الترم التانى تشريح وأجنة "خاص"، هيستولوجيى "الدواجن والأسماك"، الأيض وكيمياء التغذية، الفيزياء الحيوية، اقتصاد وإدارة مزارع، وكمبيوتر.😃
تانيه بقى الترم الاول عندك تشريح "عام"، فسيولوجي "عام"، تربية وإنتاج حيواني، إدارة الحيوان والدواجن، كمبيوتر "الجزء التانى"، 
الترم التانى فيه تشريح "خاص"، ومادة فسيولوجي "خاص"، تربية وإنتاج دواجن، وسلوكيات الحيوان والدواجن.😃
سنه تالته..العصب😄 مادة باثولوجي"عام"، ميكروبيولوجي "عام"، وطفيليات "عام"، وأدوية بيطرية "عام"، الرقابة الصحية على الألبان، وتغذية الحيوان والدواجن والأسماك، وفي الترم التانى باثولوجي "خاص"، ميكروبيولوجي "خاص"، طفيليات "خاص"، أدوية بيطرية "خاص"، الرقابة الصحية على الألبان والزيوت والدهون والبيض، والتغذية الإكلينيكية.😃
رابعه الترم الاول عندك مواد جراحة عامة وتخدير، أمراض باطنة "جزء أول"، وأمراض معدية "جزء أول"، والرقابة الصحية على اللحوم، وطب شرعي وسموم، وباثولوجي إكلينيكية، اما ف الترم التانى هتدرس جراحة "عامة"، والولادة "تناسليات"، وأمراض معدية "جزء تانى"، والرقابة الصحية على لحوم الدواجن والأسماك، وأمراض أسماك، وتشخيص معملي إكلينيكي.😃
يلا بقى خامسه الترم الاول ف السخان كده 😃 جراحة خاصة "جزء أول"، ولادة "تلقيح صناعي"، وأمراض باطنة "جزء تانى"، وأمراض الطيور والأرانب "جزء أول"، وصحة الحيوان والدواجن، وأمراض مشتركة، وفي الترم الثاني؛ جراحة خاصة "جزء تانى"، ولادة "توليد"، أمراض باطنة "حيوانات برية"، وأمراض طيور وأرانب "جزء تانى"، الصحة البيئية والتلوث.😃
..................................................................
وهووباا بقيت دكتور😄 تعا اما اقولك بقى هتعمل ايه بعد التخرج..
الماستر بتاعك هيبقى ف اى حاجه من اللى درستهم دول زى التوليد والتناسل والتلقيح الصناعي، الباثولوجي الإكلينيكية، الفسيولوجي، وأمراض الباطنة والأمراض المعدية، والأمراض المشتركة، الفيروسات، الرقابة الصحية على الأغذية، التشريح والأجنة، الباثولوجي.
بجانب طبعا أمراض الأسماك ورعايتها، أمراض الدواجن، الطفيليات، الجراحة والتخدير والأشعة، الميكروبيولوجي، الأدوية، الصحة والرعاية البيطرية، التغذية، الخلية والأنسجة، الكيمياء الحيوية وكيمياء الأغذية، والسموم والطب الشرعي.😉ولعاااانه😉
................................................................
تعا نمزمز بقى ف مجالات شغلك كده واحده واحده..ورقه وقلم واكتبى ورايا ياست الكل😄
اولا كده قبل اى كلام..بالنسبة لقسم الميكروبيولوجي، وفسيولوجي، والكلينيكال باثولوجي؛ متاح ليهم العمل فى معامل التحاليل البيطرية والبشرية.😉
اما المتخصصين في الباطنة والجراحة والولادة في العيادات البيطرية، و المتخصصين في الرقابة الغذائية فيبيشتغلو فى وزارتين الصحة والزراعة، وكتير من خؤيجين طب بيطري بيشتغلو في شركات الأدوية والصيدليات البيطرية والبشرية، وفي مجال الطب الشرعي، ومزارع الدواجن والأسماك واللحوم، ومراكز الأبحاث.😃
مجالات واماكن شغلك بقى هتبقى كتالى..😃
اولا :مجــــال الرعايه الصحيه للحيوان..
1-مجال الرعايه الصحيه و البيطريه للحيوان بالعيادات البيطريه
2-الصيدليات البيطريه
3-شركات و مراكز بيع الادويه كميديكال ريب
4-المعامل البيطريه الكيميائيه و البايولوجي و الباثولوجي
5-مجال تربيه الخيول و مراكز الهجن و نوادى الفروسيه
ثانيا: مجـــال الانتاج الحيوانى و الداجنى و السمكى
1-مزارع انتاج و تربيه الدواجن و انتاج البيض
2-مزارع التسمين زى البقر و الجمال
3-مزارع الانتاج المكثف للحليب
4-مزارع انتاج و تربيه الاسماك
5-مزارع تربيه و اكثار النعام (زى اللى راحها محمد هنيدى ف فيلم صاحب صاحبه😂)
6-مجال الرعايه التناسليه و نقل الاجنه
ثالثا :مجال المراقبه الصحيه على الاغذيه
1-الكشف على اللحوم فى مسالخ الحيوانات و الدواجن
2-فى المستشفيات البشريه للمراقبه على الاطعمه و الماكولات
3-فى الفنادق الكبرى لمراقبه الاطعمه و الماكولات
4-فى صحه البيئه ف القرى و المدن
رابعا :مجال حمايه البلاد من الامراض الوافده و مكافحه الاوبئه
1-الحجر البيطرى فى المطارات و الموانى و الحدود و المنافذ
2-اداره مكافحه و تقصى الاوبئه
3-فحص الحيوانات المستورده الحيه و المذبوحه و الاسماك و الالبان
خامسا :مجال الصناعات الغذائيه
1-مصانع و شركات انتاج اللحوم
2-مصانع الالبان و منتجاتها
سادسا :مجال صناعات الادويه و مجال الاعلاف
1-مصانع انتاج الدواء البشرى و البيطرى
2-مجال الدعايا و التسويق للدواء البشرى و البيطرى
3-مجال تصنيع الامصال و اللقاحات
4-مجال تقنيات الجوده بالمصانع و الشركات
5-مصانع تجهيز و انتاج الاعلاف
سابعا:ادارات الاحوال المدنيه و القضاء و القوات المسلحه
1-قسم الطب الشرعى و الادله الجنائيه لكتابه التقارير الجنائيه عن الجرائم(و سسبنس بقى وشغل افلام اجنبى😂)
2-مشاريع الامن الغذائى فى القوات المسلحه
3-فى هيئه الشرطه لرعايه الخيول و كلاب الامن و الحراسه
طبعا مش هتصدقنى لو قولتلك ان لسه فى مجالات تانى كتير مذكرتهاش زى حدائق الحيوانات(زى احمد السقا فى فيلم افريكانوا😄) و المحميات الطبيعيه لرعايه الحيوان و الحفاظ عليها من الانقراض وكده😃 دا غير مجال التدريس ف الجامعه او تبقى مدرس علوم ابتدائى اد الدنيا😄(زى بتاع اسنان)😃 بس كفايه عليكو كده لان محدش هيكمل قرايه اصلا😄
................................................

================================================

كليه دار العلوم faculty of Dar Aluloum (كللللللللللللللله)


بس الكليه اللى هنتكلم عنها هى مفاجأه بجد لان يمكن كتير مسمعوش عنها وميعرفوهاش اصلا..او استنتجو من اسمها انها كليه تبع علمى😂 بس الحقيقه هى غير كل التوقعات ديه😉
انهارده معانا #كليه_دار_العلوم❤️( لو اخر كليه ع الكوكب مش هدخلها😂)
نقول نبذه عنها..الكليه اصلا لأدبى بس طبعا علمى راشق ف اى حاجه😄 الكليه بتدرس اللغه العربيه(عشان كده مش هدخلها😄) والعلوم الاسلاميه والشرعيه..*اعتقد الطلاب المسيحيين مش بيدخلوها عشان لازم الطلبه بيعربو القران الكريم كاملاً خلال سنوات الدراسه بس مش متأكد الصراحه*
نخش ف الموضوع علطول..الكليه موجوده ف 3 جامعات بس😞(القاهره,الفيوم,المنيا) وفى واحده ف جامعه اسوان المفروض تكون اشتغلت السنادى حسب قرار مجلس الوزرا..بس ماعلينا..
----------------------------------
الكليه مجموعها قليل وفيها نظام الانتساب(حاجه زى المنازل عندنا كده ف المدارس..بس بيحضرو محاضرات وكل حاجه) السنه اللى قبل اللى فاتت واخده 61.8% انتظام و56.5% انتساب والسنه اللى فاتت واخده 72.9% انتظام و68.9% انتساب (ده بالنسبه لجامعه القاهره)..كمان بتقبل طلبه الازهر بحد ادنى 75% والطلبه المكفوفين بحد ادنى 50%...(ومفيش توزيع جغرافى) (كل ده للعلمى..الادبى بيبقى اقل كمان)😃
.........................................
الكليه بتدى درجه الليسانس فى اللغه العربيه وادابها والعلوم الاسلاميه بعد دراسه 4 سنين (كل كليات اللغات بتدى ليسانس)
ملهاش تخصصات لكن فيها اقسام عادى..يعنى انت بتدرس كل الاقسام ومبتتخصصش ف قسم معين..الاقسام اللى فيها 7:
1- قسم النحو والصرف والعروض..
2- قسم الدراسات الأدبية..
3- قسم البلاغة والنقد الأدبى والأدب المقارن..
4- قسم علم اللغة والدراسات السامية والشرقية..
5- قسم الشريعة الإسلامية..
6- قسم الفلسفة (العقيدة) الإسلامية..
7- قسم التاريخ الإسلامى والحضارة الإسلامية..
ــــــــــــــــــــــــــــــــــــــــــــــــــ
المواد بقى اللى بتتدرس ف الكليه:
سنه اولى الترم الاول النحو، وقرآن كريم وعبادات، وترجمة تخصصية في اللغة، وفلسفة عامة وأخلاق، وانجلش، وتاريخ أدب جاهلي، ومقدمة بلاغة ونقد...
الترم التانى صرف وعروض، ومدخل إلى اللغة وعلومها، وتاريخ التشريع، ونصوص أدب جاهلي، وترجمة تخصصية في علم النحو، والبلاغة العربية، والتاريخ الإسلامي😃
سنه تانيه الترم الاول فيها صرف وعروض (2)، وعلم اللغة عند العرب، وترجمة تخصصية في الأدب، ونقد أدبي قديم، وتاريخ إسلامي، ومنطق وعلم الكلام، وتاريخ أدب إسلامي وأموي...
الترم التانى بقى فيه النحو، والقرآن الكريم، وترجمة تخصصية في النقد، ونصوص أدب أموي، وبلاغة حديثة، وانجلش، وعبرى وفارسى.😃
اما سنه تالته الترم الاول هتدرس النقد الأدبي الحديث، وترجمة تخصصية في التاريخ الإسلامي، وتاريخ مصر الإسلامية، وتاريخ أدب عباسي وأندلسي، وصرف، وعلم الدلالة...
لكن الترم التانى هتلاقى النحو، والتفسير، والترجمة التخصصية في الشريعة الإسلامية، ونصوص أدب عباسي وأندلسي، وفلسفة إسلامية، وعبرى وفارسى.😃
واخييييراااا سنه رابعه😍 الترم الاول الصرف، والحضارة الإسلامية والتاريخ الإسلامي، وتاريخ أدب حديث، ودراسات سامية وشرقية، وعلم الحديث...
اما الترم التانى والاخييير هتاخد النحو، وتصوف وفكر إسلامي، وأدب مقارن، ونصوص أدب، وعلم اللغة الحديث.😃
*اسامى المواد ممكن تتغير من جامعه لجامعه لكن يظل نفس المحتوى والمضمون😉*
ــــــــــــــــــــــــــــــــــــــــــــــــــــــــــــــــــ
مجالات العمل بقى ياسيدى حاجات كتير..اهمهاا هى التدريس..اكتريه مدرسين اللغه العربيه خريجين دار علوم عشان كده بيخلوهم يدولنا دين كمان😃 وتقدر بعد كده تعمل دراسات عليا ف اللغه وتدرسها لغير الناطقين بها..وبتسافر تشتغل برا بقى ف اى دوله اجنبيه سواء اوروبيه او اسيويه بالذات الدول الاسلاميه (زى باكستان فى اسيا وارمينيا وتركيا ف اوروبا).😉😃.مش بس كده كتير من خريجين الكليه بيتجهوو للاذاعه والتلفزيون بيشتغل مراجع ومصحح ومدقق لغوى فى الجرايد والمجلات والبرامج التلفزيزنيه وبتاعت الراديو وكده😃..وكمان بيشتغلو ف وزاره الثقافه😉😃 
ــــــــــــــــــــــــــــــــــــــــــ
حاجه اخيره بقى..المكتبه بتاعت الكليه ف جامعه القاهره ضخمه جداا فوق ماتتخيل😍 وتقدر تدخلها عادى جداا وبيهتمو بيها جداا وكل سنه بيزودوها ب 10.000 كتاب ع الاقل😃 ومليانه مراجع عربيه قديمه ونسخ كتب نادره وابحاث ومحاضرات قديمه على ورق و MP3 تقدر ترجعلهم ف اى وقت عادى جداا وتستعين بيهم ف اى وقت.😍.
والدكاتره فيها متعاونين جدا مع طلبه الكليه وغيرهم وتقدر تستعين بيهم ف اى حاجه سواء دراستك ليها علاقه بالعربى ولا لا😉 كمان اغلبيه اعلامنا المصريه ف اللغه العربيه خريجين الكليه ديه زى (حسن البنا, وفاروق شوشه, وفاروق جويده,.........الخ) وبيعملو ندوات ومؤتمرات كتيير جدا ف الكليه لالقاء الشعر وغيره من النشاطات😃 
ــــــــــــــــــــــــــــــــــــــــــــــــــ
====================================

كليه الزراعه faculty of Agreculture (علمى علوم بس وقسم لرياضه بس)



#كليه_الزراعه❤
كلية زراعة
مش علشان هي كليتي وفاضل سنه واتخرج فبقول عليها كده الكلية من اجمل الكليات عارف ليه
لأنك بتكون عارف كل حاجة عن اي حاجه 
ازاي
بيكون عندك مادة علمية تقدر تتكلم بيها مع اي طالب من طب او صيدله او تمريض او علوم او اي كلية علمية تاني والكلية فيها اقسام كتير زي ايه
قسم التكنولوجيا الحيوية
قسم الانتاج الحيواني
قسم المحاصيل 
قسم وقاية النبات
قسم امراض النبات
قسم البساتين
قسم الاقتصاد
وغيرها
عرفت ليه انا اخترت زراعة
اللى هيقرا عشان مستنى اتكلم عن قسم دره عويجه او تخريم قلل ولا قسم لف ورق عنب ميكملش😂😂
نسمى الله ونبدأ..
الكليه موجوده فى معظم الجامعات تقريبا+ الازهر كمان😉
ــــــ
الكليه بتدى درجة البكالوريوس بعد دراسة ٤ سنين وفى بعض الجامعات شغاله بنظام الساعات المعتمده زى جامعه القاهره 😃
ــــــ
الكليه فيها اقسام كتير (مفيهومش قسم خراطيم لاء😄)من ضمنهم قسم الهندسه الزراعيه ده لعلمى رياضه فقط😉 وليه تنسيق خاص بيه غير تنسيق الكليه..حتى ف التنسيق بيكتبو زراعه القاهره مثلا هتاخد كذا..زراعه القاهره/رياضه كذا..زى ماهنشوف دلوقتى..السنه اللى فاتت الكليه كان تنسيقها كتالى😃
زراعه القاهره 83%...زراعه القاهره/رياضة81.7%
زراعه عين شمس77.2%..زراعه عين شمس/رياضة 80.4%
اما اقل حاجه كانت زراعه فرع الوادي الجديد53.3%
السنه اللى قبلها كانت جامعة القاهرة هي الأعلى من حيث المجموع، فكانت بتاخد 84.4% زراعه القاهره/رياضه 84.02% ، وبعدها عين شمس بنسبة 75.61%، زراعه عين شمس/رياضه 82.93%، أما أقل كلية كانت زراعة الزقازيق بنسبة 50%. زراعة قناة السويس/رياضه 69.15%.
ـــــــــــــــــــــــــــــــــــــــــــــــــــــــــــــــــــــــــ
التخصص بيبقى ف سنه تالته عموما😃ً، الطلبه بتدرس ف اول سنتين مواد تعريفية وتأسيسية للتخصصات المختلفة، عدا قسم الهندسة الزراعية بتختاره من سنه اولى، وكذلك برامج الدراسة بالانجلش تبدأ تخصصاتها من سنه اولى برضو😃...نسمى الله بقى ونتفرج ع الاقسام ومجالات شغلها..
1- قسم حلب نحل..قصدى قسم الإنتاج الحيواني😂😂
يركز القسم على تدريس العلوم المتعلقة بالإنتاج الحيواني والثروة الحيوانية، بجانب دراسة فسيولوجي الحيوان، وكذلك دراسة بعض جوانب الإنتاج السمكي، ومن مواد التخصص ده: فسيولوجي الحيوان، وتغذية الحيوان، وفسيولوجي الدواجن، ونظم إنتاج الحيوان والدواجن، وفسيولوجي الأسماك، والاتجاهات الحديثة في الإنتاج الحيواني.
ومجالات العمل لخريجي القسم ده بتكون غالبا مهندس زراعي في مزارع الدواجن، أو الأسماك، أو الماشية، أو في مصانع الأعلاف، أو أنك تبدأ مشروعك الخاص بتكلفةً أقل مقارنةً بالاقسام التانيه.😃
2-قسم تقوير كوسه.. قصدى قسم الإنتاج النباتي😂😂
القسم ده بيدرس انواع كتير من الدراسات النباتية، بدايةً من أمراض النبات، إلى دراسة بساتين الزينة، وبساتين الفاكهة، والمحاصيل الزراعية، وبيولوجي علوم النبات، ومن القسم ده: ديناميكية مقاومة النبات للأمراض، وتنسيق الحدائق، وإنتاج المحاصيل البستانية، وفسيولوجي الخضار، وإحصاء حيوي، وزراعة الخلايا والأنسجة.
ومجالات العمل بتبقى مهندس زراعى برضو بس في مزارع الفاكهة والخضار والمحاصيل، أو مصمم حدائق، أو العمل في مشاتل الفاكهة والخضار والزينة، أو العمل في شركات إنتاج التقاوي(البذور)، أو مصانع الفاكهة والخضار، بجانب إمكانية انك تشتغل في وزارة الزاعة، أو مراكز البحوث.😃
3-قسم العلوم الاقتصادية والاجتماعية الزراعية
باختصار القسم ده بيدرس المجتمع الريفي، وكيفية التعامل معه من أجل التنمية الزراعية، بجانب مواد من قسم الاقتصاد الزراعي اللى بيركز على إدارة المشروعات الزراعية بوصفها مشروعات ربحية، ومن مواد القسم ده: نظم الإرشاد الزراعي، ومنظمات ومؤسسات ريفية، ونظم المعلومات للتنمية الريفية، واقتصاد زراعي، وإدارة مشروعات زراعية، ومحاسبة زراعية.
ومجالات العمل انك بتكون مرشد زراعى، أو تشتغل في مجالين التسويق والإدارة في الشركات الزراعية، أو في إدارة وتخطيط المشاريع الزراعية، أو في منظمات المجتمع المدني.😃
4-قسم فلاحه اللى هو قسم الأراضي والمياه😄
القسم ده بيهتم بدراسة العلوم المتعلقة بالأرض والتربة، والمياه والموارد المائية، والريّ والصرف الزراعي، ومن مواد القسم ده: طبيعة الأراضي والعلاقات المائية، والأسمدة وإدارة التسميد، وميكروبيولوجي الأراضي، وكيمياء ومعادن الأراضي.
ومجالات العمل هي مجالات استصلاح الأراضي الزراعية، وتحليل مياه الري والتربة، ومعالجة مياه الري، وتدوير المخلفات الزراعية، وإنتاج الأسمدة.😃
5-قسم تسييح سمنه (قسم الصناعات الغذائية)😄😄
فى القسم ده بتدرس التصنيع الغذائي بوصفه صناعة وتجارة، وكذلك علوم الأغذية المختلفة، ومن مواد القسم ده: هندسة تصنيع أغذية، وكيمياء وتحليل الأغذية، وتكنولوجيا حفظ الأغذية، وإدارة وتسويق الأغذية، وكيمياء وتكنولوجيا الحبوب، وتقييم أغذية ومواصفات.
ومجالات العمل بتتركز في العمل ك مراقب جودة أو مهندس إنتاج في مصانع الألبان والصناعات الغذائية خاصةً.😃
6-قسم تشطيف نباتات..قصدى قسم وقاية النبات😂😄
بتدرس ف القسم ده علوم النبات، والأمراض النباتية، والآفات الزراعية، وكيفية معالجتها والوقاية منها، بجانب مواد عن علوم الحشرات، ومن مواد القسم ده: أمراض النبات، وآفات وأمراض ما بعد الحصاد، وإدارة مناحل، وتحليل مبيدات، والمكافحة البيولوجية، وبيئة وفسيولوجي الحشرات.
ومجالات العمل هي العمل ك مهندس مكافحة في مزارع الإنتاج النباتي، وفي شركات المبيدات والأسمدة في تحليل المبيدات وتركيبها، أو في أقسام التكنولوجيا الحيوية، أو في مجال التسويق في الشركات ديه، وبرضو الشغل ك مهندس في مناحل العسل.😃
7-تخصص التكنولوجيا الحيوية (زى بايوتكنولوجى اللى شرحناها ف علوم😉)
القسم بيركز ف دراسته على دراسة التكنولوجيا الحيوية، ومن مواد القسم ده: كيمياء الإتزيمات والتمثيل الغذائي، والتحليل الكيميائي لمكونات الأغذية، وكيمياء البروتينات والأحماض النووية، وكيمياء البيولوجي الجزيئية والمناعة.
ومجالات العمل هي العمل كيميائي في معامل التربة والنبات، ومعامل التحاليل الطبية، وشركات الأدوية، وفي مجال تصنيع المبيدات والأسمدة، والخمائر والدهون، وفي مجال المقاومة الحيوية للآفات.😃
8- واخيرااااا قسم الهندسة الزراعية 😍
القسم هنا بيدرس علوم الهندسة الزراعية، بما فيها من تخطيط للمنشآت والمساحات الزراعية، وهندسة نظم الري، وتصنيع المنتجات الزراعية، وتكنولوجيا الزراعة، ومن مواد القسم ده: المساحة للأغراض الزراعية، وتخطيط المجمعات الزراعية الصناعية، وهيدرولوجي المياه الجوفية، ونظم الري الحقلي، وهندسة ري المسطحات الخضراء، وميكنة زراعية.
ومجالات العمل هنا هي العمل ك مهندس زراعي في المزارع، وكمان في صيانة شبكات الري والآبار، وصيانة المعدات الزراعية.😃
ــــــــــ😉لسه كلامنا مخلصش😉 ــــــــــــــ
برامج الدراسه بالانجلش بقى..😍
برامج الانجلش في كلية الزراعة مش منتشرة في الجامعات كلها، ولكنها موجوده في الكلية ف جامعات القاهرة، وعين شمس، والإسكندرية، وليها مصاريفها الدراسية الخاصة، وبيكون التخصص فيها من سنه اولى، ومن المفترض أن يكون طلابها ليهم فرص أكبر للتدريب العملي برا الجامعة.😃
وبيقبل القسم الطلاب ب انك تقدم فيها بعد القبول في الكلية، بشرط حد أدنى في مجموع الانجليزى في الثانوية العامة (غالبًا يكون 70% أو 80%)😃، وبيبقى فى انترفيو للمتقدمين (غالبًا بيكون هدفه انه يقيس القدرة على الspeaking)،😃 وإن كان عدد المتقدمين كتير، بتكون الأفضلية لأصحاب المجاميع الاعتبارية الأعلى😉، واللي بتتكون من مجموع درجات الطالب في مواد الانجلش في الثانوية العامة، +درجات الكيمياء والأحياء، مع إضافة درجة الانترفيو.😃
كلية الزراعة ف جامعة القاهرة 3 اقسام بالانجلش، وهم:
1-التكنولوجيا الحيوية، وهي زى التخصص العادي، ولكن بدراسة المواد بالانجلش، ومن مالمواد: بيولوجي جزيئية، والهندسة الوراثية في تحسين الإنتاج الحيواني، والبيوتكنولوجي الصيدلانية.
وطبعا مصاريفه خاصة التي بتحددها الكلية كل سنه، ولكنها مبتقلش عن 5000ج ف السنه.😃
2-زراعة دولية، وده جواه 3 تخصصات فرعية، وهي زراعة عضوية، وتنمية مجتمع ريفي، وإدارة أعمال زراعية، ومن مواد القسم: نظم المعلومات الجغرافية GIS، وسلوك تنظيمي، وإرشاد زراعي مقارن.
وبرضو ليه مصاريفه الخاصة اللي بتحددها الكلية كل سنه، ومبتقلش عن 5000ج ف السنه برضو..😃
3-تكنولوجيا تصنيع الأغذية، وبيدرس فيه الطلبه التصنيعات الغذائية، واقصادياتها، وتطوير الغذاء، ومن مواد القسم: كيمياء وتحليل الأغذية ومنتجاتها، وتخطيط وإنشاء مصانع الأغذية، والإنزيمات في التصنيع الغذائي.
وبرضو القسم ليه مصاريفه الخاصة اللي بتحددها الكلية كل سنه، ولكنها مبتقلش عن 10.000ج ف السنه😃

=============================================

* كلية الصيدلة* " كلية طب أسنان " 

فهي من أعلى الكليات من حيث المجموع، كما أن لخريجيها مجالات عمل مفتوحة ومتنوّعة نسبيًّا.
وفي هذا التقرير، نعرض لك أهم المعلومات الأساسية التي قد تحتاج إلى معرفتها قبل مرحلة التنسيق للثانوية العامة.
أصل الكلية في مصر
ترجع بداية دراسة علوم الصيدلة في مصر إلى عشرينيات القرن 19، حين كانت جزءً من دراسة العلوم الطبية، وحين أنشئت كلية الطب في جامعة فؤاد الأول عام 1925 (جامعة القاهرة حاليًا)، كانت علوم الصيدلة ملحقة بها، ثم صدر قرار تأسيس كلية مستقلة لها عام 1955 في جامعة القاهرة، ومنذ ذلك الحين وحتى الآن، يتوالى إنشاء كليات الصيدلة في الجامعات المصرية المختلفة.
-
جامعات تضم كلية الصيدلة: 

توجد كليات الصيدلة في جامعة، القاهرة، وعين شمس، والإسكندرية، والمنصورة، وكفر الشيخ، وأسيوط، وسوهاج، والزقازيق، وقناة السويس، وبورسعيد، والفيوم، وحلوان، ودمنهور، وبني سويف، وطنطا، وجنوب الوادي، بالإضافة إلى جامعة الأزهر، وعدد من الجامعات الخاصة.
-
مدة الدراسة بكلية الصيدلة :

مدة الدراسة في كلية الصيدلة في أي جامعة؛ هي 6 أعوام، تنقسم في بعضها عامًا إعداديًّا في البداية، يدرس فيه الطالب المواد الأولية في العلوم، ثم يدخل المستوى الأول في عامه الدراسي الثاني مثل كلية الصيدلة بجامعة كفر الشيخ.
بينما تبدأ الدراسة بالمستوى الأول مباشرة من دون عام إعدادي في كليات جامعات أخرى مثل كلية الصيدلة بجامعة القاهرة، وفي كل الأحوال، يكون العام النهائي هو سنة الامتياز التي تعتمد على التدريب العملي، طبقًا لقرار مجلس الوزراء الذي بدأ تطبيقه بدايةً من دفعة عام 2014/ 2015.
برنامج الصيدلة الإكلينيكية
هذا البرنامج يعتبر جديدًا نسبيًّا في الجامعات المصرية؛ فهو يمنح درجة البكالوريوس في الصيدلة الإكلينية، وهي فرع من فروع الصيدلة التي تمد الصيدلي بالمعرفة والصلاحية لتحديد الأدوية للمريض، وجرعاتها المناسبة، بناءً على التشخيص الطبي، بجانب متابعة الحالة المرضية وتأثير الدواء على المريض، بالتنسيق مع الأطباء، فغالبًا ما يعمل الصيدلي الإكلينيكي داخل المستشفيات.
وكليات الصيدلة التي توفر برنامج الصيدلة الإكلينيكية؛ بجامعات القاهرة، والمنصورة، والزقازيق، وعين شمس، وبني سويف، والإسكندرية، وأسيوط، وغالبًا ما تكون بنظام الساعات المعتمدة، وبمصروفات دراسية خاصة، تختلف بحسب كل جامعة.
-
فرص العمل:

للصيدلي الإكلينيكي فرص عمل إضافية داخل المستشفيات لا يستطيع أن يؤديها الصيدلي العادي، ولكن بعيدًا عن وظائف الصيدلي الإكلينيكي، فلخريجي كليات الصيدلة عامةً مجالات عمل متوفّرة ومتنوّعة نسبيًّا.
فعلى رأس فرص العمل المعروفة، هو العمل بالصيدليات، بالإضافة إلى العمل في شركات الأدوية، بوصفه مندوب دعاية في مجال التسويق الدوائي، أو وظائف أخرى، كما توجد فرص للعمل بمصانع الأدوية، أو العمل في القطاع الحكومي بوصفه موظفًا في وزارة الصحة.
كما يتوجه بعض خريجي كليات الصيدلة إلى مجال الإدارة الطبية وغير الطبية، مثل تولي مناصب إدارة موارد بشرية في المؤسسات الصحية وشركات الأدوية، أو تولي إدارة المستشفيات، بعد اجتياز دورات دراسية في علوم الإدارة.
كما يستطيع الصيدلي العمل في مجالات الصناعات الكيميائية في الشركات المختلفة، مثل شركات البترول، ومحطات تنقية المياه، بجانب إمكانية العمل في مجال التحاليل الطبية.
وتمتد قائمة الفرص إلى العمل في مراكز خدمة العملاء الطبية لسلاسل الصيدليات الكبرى والمستشفيات، التي توفر الاستشارات الطبية للمرضى، بجانب بيع الأدوية، بل إن بعض الخريجين يتوجهون لمجال التدريس لمواد العلوم في المدارس الخاصة داخل مصر وخارجها، أو تدريس دورات تخصصية مهنية في مجالات الصحة العامة والصيدلة.
تنسيق كلية الصيدلة خلال الأعوام السابقة
وكما هو معلوم، فيختلف المجاميع المؤهلة لدخول الكليات من عام إلى آخر، لكن مجاميع كليات الصيدلة لم تشهد إلا تغيرات طفيفة خلال الأعوام الثلاثة الماضية، وكانت تتأرجح حول 97% تقريبًا، هبوطًا وصعودًا.
-
فكانت أعلى نسبة للمجموع المؤهل خلال الأعوام الثلاثة الماضية لكليتي الصيدلة بجامعتي سوهاج والفيوم، بنسبة 97.57% مع التقريب، أما أدنى نسبة فكانت لكلية الصيدلة بجامعة حلوان عام 2014/ 2015، وكانت 96.34%.
وكذلك كانت نسبة صيدلة جامعة القاهرة 96.83% في عام 2013/ 2014، و96.34% في عام 2014/ 2015، ثم ارتفعت لتكون 97.195% في العام الماضي.
أما كلية الصيدلة بجامعة عين شمس فكان يتطلب دخولها نسبة 97.32% عام 2013/ 2014، وانخفضت في العام التالي لتكون 96.83%، ثم ارتفعت مجددًّا في عام 2015/ 2016 لتكون 97.44%.


=============================================

معلومات عن ألسن وسياسة وأقتصاد












=========================================

كلية تربية رياضية او بدنية
نصيحه لوجه الله لكل عيل متخلف شوفته بيقلل من تربيه رياضيه
دي بعض #مجالات العمل ف الكليه
حضرتك انا لسه طالب ف سنه تالته
بشتغل ف اكاديميه
بشتغل مدرب قدم
بشتغل مدرب ملاكمه
وقريب مدرب سباحه
وقريب جدا أخصائي علاج طبيعي واصابات ملاعب
ده غير أني بإذن الله هقدم ع اكاديميه حربيه بعد الكليه ضباط تخصص
قلي بقا حضرتك من باقي الكليات ممكن تبقى ايه وعلي أرض الواقع انا لسه طالب وعندي مصدر دخلي ومش مدرس العاب مش زنبي انك غبي
تربيه رياضيه مش هتطلع تقعد ع القهوه زي باقي الكليات غير لو كنت غبي



=============================================

كلية أداب 

بتقبل من كام سواء علمي أو أدبي حد أدني 60% وحد أقصي 92% والناس اللي بتجيب 92% أو أزيد بتدخل أداب عشان مثلا أعلام بتقبل من 94% أعلام القاهرة فبيتضروا يدخلوا أداب عشان يلحقوا أداب أعلام والنسب ديه أكيدة بنسبة 80% علي مؤشرات السنة اللي فاتت اللي أعلي في نسبة النجاح من السنة ديه فبالتالي التنسيق هينزل حاجات بسيطة وكمان اداب بتنزل مرحلة تلته والناس اللي جايبة ملاحق بتدخل مع المرحلة التالتة
أداب بتيجي في الرغبات أنت بتكب أداب القاهرة أو حلوان أو عين شمس او غيره ....
لما نتيجة التنسيق بتظهر وجتلك أداب بيبقا في تنسيق داخلي حسب الجامعة بتاعتك وبتختار 11 قسم من الأعلي لل الأقل وحسب مجموعك وشروط القسم هتدخل الكلية
والأقسام اللغات مش بياخد بدرجة اللغة اللي أنته عايز تدخل فيها بس بياخد بمجموع المواد النظري التلاته عربي واللغة التانية بتاعتك والانجليزي
ونفترض أداب جغرافيا حد أدني ليها 75% الناس العلمي ليه حد أدني لحد 70%
اللغات بس هيا اللي ليها شروط غير كده مفيش رغم انهم بيبقا كاتبين لازم تقفل المادة بتاعت القسم اللي مثلا لو اداب فلسفة لازم تقفل فلسفة مش بيتنفذ الكلام ده عشان الناس بتوع علمي
واللي عنده أي سؤال تحت أمركم
#تعديل
بالنسبة للصيني والياباني والاسباني الاقسام ديه بيبقا العدد فيها قليل بمعني ان مثلا قسم الصيني جامعة حلوان حوالي 20 واحد بس ونفس الكلام الاسباني والايطالي ونفترض خمسين اتقدموا للاقسام ديه بياخدوا اعلي 20 في المجموع كله
اداب كل قسم وليه عدد معين والاولوية للمجموع الاعلي بين المتقدمين
لما تيجي تكتب التنسيق الداخلي متحطش املك علي قسم واحد ركز علي كذا قسم
بحيث لما تكتب الرغبات هيبقا كالتالي انا عايز اداب جغرافيا
هكتب رغبة اولي اداب جغرافيا وبعدها ادب علم نفس مثلا وبعدها اداب تاريخ مثلا
بحيث لو الشروط او المجموع مجاش في اداب جغرافيا الرغبة الاولي هتنزل للرغبة اللي بعدها ومجاش في اللي بعدها هيبقا اللي بعده وهكذا هما حوالي 11 رغبة في التنسيق الداخلي للكلية بتاعتك
التنسيق هيظهر السبت او الحد والتسجيل هيبدء من الاتنين لمدة خمس ايام واللي هيجي ليه حاجة مش حاببها هيبقا ليه احقية ان ينقل من كلية لكلية تانية
هنزل علي صفحتي طريقة كتابة الرغبات وترتبيها والحد الادني لكل قسم لجميع الكليات اول لما يظهر التنسيق بحيث ترتب رغباتك في ورقة خارجية قبل التسجيل

















=========================================

تجارة_انجلش_القاهرة 

بسم الله الرحمن الرحيم ،، أولاً مبرووك لكل طلبة الثانوية العامة علي نجاحهم وخروجهم من المرحلة المهمة دي
البوست ده مخصص لاي حد حابب يقدم في تجارة إنجليزي جامعة القاهرة
أولاً وانت بتملأ الرغبات الخاصة بيك هتختار كلية التجارة كرغبة اولي ليك في حالة انك مصر علي دخول " تجارة انجلش " طب ليه ما اختارش تجارة انجلش علطول ؟ السبب بسيط مفيش كلية تحت مسمي تجارة انجلش مدرجه بالرغبات لان تجارة انجلش في الاساس جزء مصغر من تجارة عربي تقدروا تقولوا انها الشقيق الاصغر لتجارة عربي
بعد ما نتيجة التنسيق تظهر هتجيلك ورقة التنسيق - بطاقة الترشيح - هتطبعها وبعدين تروح بيها جامعة القاهرة ، هتقدم في كلية التجارة (عربي) الاول في المعاد اللي هيتحدد فيه فتح باب التقديم والتقديم لشعبة اللغة الإنجليزية هيبدأ في نفس المعاد ده وغالباً بيستمروا لمدة 21 يوم ، معاد بدأ التقديم في تجارة عربي هيكون في الاسبوع الجاي باذن الله
- في شرطين أساسيين عشان تقدم لتجارة انجلش ، ايه هما ؟
1- الاول لازم يجيلك في بطاقة الترشيح تجارة القاهرة انتظام 
2- التاني مجموعك في درجة الانجلش نفسها يكون أعلي من 79% من درجة المادة نفسها يعني من 80% كدرجات لازم تكون جايب من 40 لـ 50
أول خطوة بتعملها انك هتقدم في كلية التجارة في شئون الطلاب (عربي) في مبني مدرج "(ج) و (د)" و الأوراق المطلوبة هي :
1- شهادة الميلاد الاصل + 10 صور منها .
2- شهادة الثانوية العامة الاصل + 10 صور منها . 
3- بطاقة الترشيح + 10 صور منها .
4- 10 صور شخصية مكتوب عليها اسمك من الخلف .
5- صورة البطاقة الشخصية
أهم حاجه و انت بتقدم ورقك في شئون تجارة عربي تبلغهم انك هتقدم شعبة لغة انجليزية عشان يديلك صورة من شهادة الثانوية العامة مختومة بختم الكلية ، هتستخدم صورة الشهادة دي وأنت بتقدم في مبني تجارة إنجليزي
- أقدم في تجارة انجليزي ازاي ؟
هتروح فرع الشعبة هناك ومعاك أوراق التقديم في انجليزي وهي عبارة عن بطاقة الترشيح وصورة شهادة الثانوية المختومة من شئون عربي و بتسحب استمارة الالتحاق بشعبة اللغة مقابل مبلغ 250 جنية وبعدين تملأ الاستمارة في مدرج الشعبة ، بعدين هتروح تقعد في بيتك في انتظار نتيجة القبول ، اول اما بتظهر بيتم الاعلان عنها علي بيدج اتحاد الطلبة و بتتعلق كشوف الأسامي في مبني الشعبة
- القبول في الكلية بيتم علي اساس ايه ؟ علي اساس حاجة اسمها المجموع الإعتباري
- طب ايه هو المجموع الإعتباري ده !؟
المجموع الاعتباري = مجموع في الثانوية شامل درجة اللغة الإنجليزية " بالدرجات " + درجة الانجليزي نفسه
مثلاً انا جايب مجموع 390 ودرجة انجلش 45 يبقي مجموعي الاعتباري 435 وهكذا
المجموع الاعتباري لاخر دفعة ( دفعة 2016 ) فرع الجيزة
أدبي حد أدني :: 425 
علمي علوم حد أدني :: 420.5 
عملي رياضة حد أدني :: 411
المجموع الاعتباري لاخر دفعة ( دفعة 2016 ) فرع الشيخ زايد
أدبي حد أدني :: 400 
علمي علوم حد أدني :: 393 
علمي رياضة حد أدني :: 390
- طب المجموع الاعتباري ده هيظهر امتا ؟
غالبا بعد إغلاق باب التقديم بأسبوع أو أسبوعين ، بيتم ترتيب المجماميع الإعتبارية من الأعلي للأقل علي حسب الأعداد المطلوبة السنة دي و بيتم إلحاق الطلاب الحاصلين على المجموع الإعتباري الأعلي بالمقر الرئيسي للكلية ( الجيزة ) و باقي الطلاب المقبولين بفرع الشيخ زايد .
* نصيحة *
احسب مجموعك الاعتباري قبل ما تقدم في الكلية لقيته زي الدفعة اللي فاتت أو أعلي منهم قدم وسيبها علي الله ، اما لو مجموعك أقل فبلاش تاخد الريسك وقدم في جامعة تانية غير القاهرة عشان في حالة انك تقدم في القاهرة ومجموعك ميحصلش المجموع الإعتباري هتتحول تلقائي علي تجارة عربي ومش هينفع تحول لكليات شعب تانية في اي جامعة تانية وده للاسف حصل مع ناس كتيرة في السنين السابقة
الملحوظ في تنسيق السنين السابقة انها في معدل تنازلي يعني ممكن جداً تنسيق السنة دي يكون أقل من السنة اللي فاتت
-مصاريف الكلية كام ؟
الموضوع ده بيفضل غامض زي المجموع الاعتباري كده ومش بيبان غير لما يبان عدد الطلبة اللي اتقبلوا , بس اخر دفعتين " 2015 .. 2016 " كان المبلغ فيهم ثابت 10000 جنية السنة دي في توقع لزيادة بس توقعنا انها لو زادت ممكن توصل لـ 12000 أو تفضل 10000 لكن صعب توصل لـ 15000 زي ما البعض بيدعي 
مصاريف الكلية في أول سنة هتفضل ثابتة معاك لحد أخر سنة ليك في الكلية يعني لو بدأت بـ 10 هتنهي بـ 10 ، حتي لو زادت أو قلت علي باقي الدفعات الجاية أنت هتفضل ثابت
- طب عدد اللي هيتقبلوا كام ؟
في الغالب بيكون من 1500 لـ 2000 طالب بالجيزة والشيخ زايد
- طب ايه الفرق بين فرع الجيزة وفرع الشيخ زايد ؟
الحقيقة ان الفرق مش شاشع بينهم زايد مثلاً اوسع وانضف لان البنية التحتية الخاصة بيها حديثة جداً ، الجيزة ليها ميزة انها موجودة في وسط الحرم الجامعي نفسه بس ليها عيب في الزحمة بسبب وجودها وسط اكثر من 15 كلية هناك وكذلك هي اقرب لعدد كبير من الطلبة عكس زايد اللي بتكون ابعد شوية
مفيش فرق في المناهج الدراسية بين زايد والجيزة لان الاتنين بيدرسوا نفس المنهج بنفس الدكاترة والمعيدين وممكن تحضر في اي مكان يعجبك ِ، والامتحانات برضو بتكون موحده بين الفرعين وبتكون في الجيزة بس مش في زايد
نتمني اننا نكون قدرنا نفيدكم في البوست وان شاء الله كلكم تتقبلوا 👍
منقول
منشن لكل اصحابك ❤

====================================

كلية تربية






==============================

كلية الحقوق


===================

تابعونا هنا لباقى الكليات 


تحديث


> معلومات عم معهد بصريات
معلومات عن المعهد الفني للبصريات ف صورة س و ج:ok_hand:🏻:point_down:🏻:point_down:🏻:point_down:🏻


#س :هل سالت نفسك وانت ماشى قدام محل النظارات الراجل اللى شغال جوه ده اتخرج منين او خد الصنعه دى على ايد مين وهل اى حد ينفع يفتح محل نظارات وخلاص ولا لازم ياخد ترخيص الاول

الاجابه : انه مش اى حد يقدر يفتح محل بصريات بدون رخصة ولازم علشان ياخد الرخصه انه يكون درس فى معهد البصريات وايه هو معهد البصريات اولا مفيش معهد بصريات حكومى فى مصر كلها الا معهد واحد بس موجود حاليا فى المطريه 
ثانيا فيه معاهد خاصة تانيه للبصريات بمصروفات بس انا هتكلم دلوقتى عن معهد البصريات الحكومى اللى حاليا فى المطريه بيقبل من: 1- ثانوى عام بشرط انه يكون علمى علوم اورياضه عادة بمجموع اعلى من 50% 2-من ثانوى فنى بمجموع حوالى 81% او82%او 83% على حسب تنسيق سنتك لكن اللى اعرفه انه قبل من حوالى 82 %فى تنسيق 2013 

#س :المعهد ده ينفع اكمل منه وادخل هندسه

ج :ايوه ينفع عادى جدا حتى لو جايب 50%فى ثانوى عام ودخلت المعهد ده وممكن تدخل كمان هندسة بترول السويس ويكون متاح ليك اى قسم فى هندسه تدخله زيه زى اى معهد مساحه او اى معهد فنى صناعى ولو مش مصدق روح المعهد واسال المدرسين او المهندسين هناك وعلى فكره دخول هندسه معتمد على مجموع سنه تانيه فقط لان سنه اولى اصبحت نقل بدايه من العام 2013/2014 ولو مجبتش مجموع هندسه بتعمل معادله ومنها تدخل هندسه وفيه مراكز بتدرسلك مواد المعادله ولوحبيت تعرف ايه نظام المعادله وموادها ايه؟؟ المراكز دى ليها صفحات على الفيس 

#س :لو دخلت هندسه ينفع اخد رخصة محل واشتغل وانا بدرس 

ج :. ينفع عادى تدخل هندسه وتفتح المحل وممكن يأجر الرخصه بس اى حد علشان ياخد الرخصة لازم يتدرب 6 شهور بعد مايخلص سنه تانيه 

#س :اعمل ايه لو عايز ادخل هندسه

اولا لازم طاعه الله والبعد عن الجنس الاخر بقدر الامكان ولو عايز تعرف او تعرفى احلى اصحاب ممكن تقابلهم او تقابليهم فى المعهد او حتى خارج المعهد اكيد هتلاقيم فى المسجد بتاع المعهد هتلاقى صاحبك او صاحبتك الشاطر(ه) اللى ممكن يشرحلك او تشرحلك الحاجات اللى واقفه قدامك او تصور منه محاضرات ناقصاك ثانيا لازم الحضور فى المعهدعلشان الغياب بينقص فى الدرجات وعلشان تحضرالورش( العملى ) وطبعا لازم المذاكره الــجـــــــاده وتنظيم الوقت

#س : ايه الكليات اللى ممكن ادخلها لو ملحقتش هندسه

ج :ممكن تدخل كلية تعليم صناعى او تربيه نوعيه 

#س :وايه المواد اللى هندرسها فى السنتين

اولا فى سنه اولى الترم الاول 1-هنسه وصفيه 2- عدسات طبيه 3 – رياضيات 4- انجليزى 5-فيزياء 6 ورش (عملى )7- رسم هندسى لكن الرسم بنمتحنه فى اخر السنه هو والورش لانها مواد ممتده وكلها مواد تافهه بتاخدها على الديق عن ثانوى عام وبيكون فيه بعض الزيادات فى بعض المواد 
سنه اولى الترم الثانى 1- بصريات 2- زجاج 3- حاسب الى 4 – مقايسات 5- تشريح6- ورش 7- رسم هندسى ثانيا سنه تانيه ترم اول 1-زجاج 2-بصريات 3-علم نفس 4-امراض عيون 5-ورش 6- رسم سنه تانيه تيرم ثان 1 – عدسات 2-فيزياء 3-تنظيم صناعى 4- صحه مهنيه 5- كاب 6-رسم 7- ورش 

#س هل المعهد له سكن او مدينه جامعيه لا. ممكن تسكن مع كام واحد من اصحابك تشوفوا سمسار يشوف لكم شقه قريبه من المعهد او عند حد قريبك من القاهره او ممكن تشوف دار المغتربين او دار المغتربات والدور دى منها فى المطريه او عين شمس او الجيزه واماكن كتير فى القاهره والمحافظات ولو عايز تعرف سماسره ممكن تسال البواب بتاع المعهد او تسال الموظفين فى شئون الطلاب او الامن 

#س :هل المدرسين فى المعهد بيشرحوا وهل بيدوا كورسات 

ج:المدرسين فى المعهد متعاونين مع الطلبه وبيشرحوا فى المدرج ولومفهمتش حاجه فى المحاضرة ممكن تروح للمدرس ويشرحها لك ولكن فيه مدرسين بيدو كورسات وممكن الكورس فى بعض المواد يصل الى 250 او 300 للماده الواحده وفيه برضو مجموعات تقويه فى المعهد الماده ب100 جنيه للتيرم الواحد والمجموعات دى تحت اشراف المعهد وبتبقى بعد انتهاء اليوم الدراسى والشرح بيكون فى المعهد 

#س :هل الدراسه فى المعهد صعبه

ج الصراحه انك لو دخلت اسهل معهد فى مصر ومذاكرتش فيه اكيد هتسقط وكذلك المعهد ده تطيع ربك +تطيع والديك +تنظم وقتك +تذاكر =تنجح ولو عايز تنجح بمجموع عالى وتدخل هندسه زود فى طاعة ربك وتنظيم وقتك ومذاكرتك ولو عايز تعرف هو صعب ولا لأ نصيحه منى شوف المناهج اللى فى الكتب وصور الامتحانات وشوف الاسئله عباره عن ايه 

#س :الاصعب معهد بصريات ولا فنى صناعى ولا مساحه 

ج :علشان تعرف مين اصعب يبقى لازم تسال ناس درست او بتدرس فى المعاهد ديه ولو انت تعرف حد في المعاهد دى هات منه الكتب واطلع على كتب المعاهد الثلاثة وقرر اما لو متعرفش حد اخل على صفحات وجروبات المعاهد على الفيس وضيف الناس اللى جايبه مجموع عندك وكلمهم واسالهم 

#س :طيب اروح المعهد ازاى

ج: هتركب المترو(خط حلوان المرج) وتنزل محطة متروالمطريه وبعد ماتخرج من المحطه اسال على السيرفيسات اللى بتروح الالف مسكن وقول للسواق نزلنى عند معهد البصريات ولو السواق معرفش قوله نزلنى عند معهد المطريه(اللى هو المعهد الفنى الصناعى)ولما تنزل هناك اسال عن معهد البصريات هتلاقيه فى ضهره ولو حبيت تتمشاها مش بعيد بعد ما تخرج من محطة المترو امشى يمين على الرصيف اللى جمب سور المترو هياقبلك كوبرى مشاه معدى فوق المترو اطلعه وانزل منه وبعد ماتنزل من عليه اسال عن المعهد هتمشى فى شارع على طول متحودش شمال ولا يمين لحد ما تصل للمعهد الشارع ده اسمه شارع متحف المطريه وعندك عنوان المعهد اهو: المطريه - ميدان النعام شارع متحف المطريه

#س ايه الورق المطلوب للتقديم 

ج : 6صور شخصيه 4*6 وأصل شهادة الثانويه و اصل شهادة الميلاد واستماره 2جند واستماره 6 جند للذكور وصوره البطاقه الشخصية وبطاقة ولى الامر والرسوم عادة لاتصل الى110جنيه 

#المعهد_الفني_للبصريات

====================================

#تنسيق المرحلة التانية لأبرز الكليات للعام الماضي وتوقعوا هبوطه عن العام الماضي 

#كليات الزراعة:
توقف الحد الأدنى لكليات الزراعة عند 320.5 درجة بنسبة 78.2% بكلية زراعة عين شمس، فيما جاء الحد الأدنى لزراعة القاهرة رياضة 329 بنسبة 80.2%، وزراعة القاهرة علوم 338.5 بنسبة 82.5 %.
#كليات التجارة:
الحد الأدنى للتجارة بتجارة انتساب المنصورة 320.5 بنسبة 78.2% وتجارة سوهاج 322.5 وتجارة جامعة السويس 322.5 بنسبة 78.6%، وتجارة أسيوط 323 بنسبة 78.5%، وتجارة جامعة السادات 324.5 بنسبة 79.1%، تجارة بنى سويف 325.5 بنسبة 79.4%، تجارة شبين الكوم 327.5 بنسبة 79.9% تجارة العريش 332 بنسبة 81%، تجارة بنها 333 بنسبة 81.2%، تجارة عين شمس 335.5 بنسبة 81.8%، تجارة بورسعيد 336 بنسبة 81.9%، تجارة الإسماعيلية جامعة قناة السويس 337 بنسبة 82.2%، وتجارة طنطا 337.5 بنسبة 82.3%، تجارة القاهرة 340.5 بنسبة 83%، تجارة كفر الشيخ 345 بنسبة 84.1% تجارة الزقازيق 352.5 بنسبة 86%، تجارة الإسكندرية 354 بنسبة 86.3%.
#كليات العلوم:
الحد الأدنى للعلوم بعلوم رياضة قنا بجنوب الوادى 327 درجة بنسبة 79.7%، علوم رياضة سوهاج 329 بنسبة 80.2%، علوم رياضة أسوان 330 بنسبة 80.4%، علوم رياضة أسيوط 331 بنسبة 80.7%، علوم رياضة دمياط 333.5 بنسبة 81..3%، علوم رياضة المنيا 336.5 بنسبة 82%، وعلوم رياضة الفيوم 336 بنسبة 81.9%، علوم رياضة بنى سويف 338 بنسبة 82.4%، علوم رياضة بنى سويف 338 بنسبة 82.4%، وعلوم بنى سويف علوم 340.5 بنسبة 83 %، علوم العريش رياضة 340 بنسبة 82.9%، علوم رياضة جامعة السويس 340.5 بنسبة 83%، علوم رياضة الإسماعيلية 341.5 بنسبة 83.2%، علوم رياضة الزقازيق 343 بنسبة 83.6%، وعلوم رياضة الفيوم 345.5 بنسبة 84.3%، علوم رياضة بنها 349 بنسبة 85.1% علوم رياضة المنصورة 355.5 بنسبة 86.7%، علوم القاهرة رياضة 361.5 بنسبة 88.2 %. 
#التمريض:
الحد الأدنى للتمريض بكلية تمريض بورسعيد 337 بنسبة 82.2%، تمريض فرع مطروح 360 بنسبة 87.8%، تمريض الفيوم 359 بنسبة 78.5%، المعهد الفنى للتمريض بالإسكندرية 359 بنسبة 87.5%، تمريض أسوان 366 بنسبة 89.3%، تمريض حلوان 366.5 بنسبة 89.4% تمريض القاهرة وتمريض بنى سويف 370.5 بنسبة 90.3 % تمريض عين شمس وتمريض الإسكندرية 373.5 بنسبة 91.1% تمريض كفر الشيخ 375 بنسبة 91.5 %.
#الألسن:
الحد الأدنى لكليات الألسن بكلية الألسن جامعة أسوان "رياضة" 359 بنسبة 87.6% ألسن سوهاج رياضة 360 بنسبة 87.8% ألسن المنيا 361.5 بنسبة 88.2% ألسن رياضة بنى سويف 363 بنسبة 88.5% ألسن عين شمس رياضة 364 بنسبة 88.8 % ألسن رياضة قناة السويس بالإسماعيلية 364.5 بنسبة 88.9% ألسن رياضة كفر الشيخ 369.5 90.1%.
#الحاسبات والمعلومات:
حاسبات ومعلومات بنى سويف 370 بنسبة 90.2%، حاسبات ومعلومات أسيوط 370 بنسبة 90.2 % حاسبات المنيا 370.5 بنسبة 90.4%، حاسبات الفيوم 371 بنسبة 90.5%، حاسبات ومعلومات الإسماعيلية قناة السويس 371 بنسبة 90.5 %، حاسبات الزقازيق 372.5 بنسبة 90.9 %، حاسبات ومعلومات شبين الكوم 373 بنسبة 91 % حاسبات المنصورة 375 بنسبة 91.5% وحاسبات عين شمس 376 بنسبة 91.7 %.
#السياسة والاقتصاد:
الدراسات الاقتصادية والعلوم السياسية جامعة بنى سويف رياضة 369 بنسبة 90%، سياسة واقتصاد رياضة جامعة السويس 371 بنسبة 90.5%، الدراسات الاقتصادية والعلوم السياسية جامعة الإسكندرية رياضة 373.5 بنسبة 91.1%، اقتصاد وعلوم سياسية القاهرة رياضة 378 بنسبة 92.2 .%
#الإعلام والآثار والسياحة والفنادق:
إعلام جنوب الوادى رياضة 364.5 بنسبة 88.9%، إعلام القاهرة رياضة 370.5 بنسبة 90.4%، آثار جامعة أسوان 364.5 بنسبة 88.9% آثار سوهاج 365.5 بنسبة 89.1% آثار قنا جنوب الوادى 366.5 بنسبة 89.1%، وتوقف الحد الأدنى لسياحة وفنادق عند سياحة وفنادق إسكندرية 328 بنسبة 80%.
#الفنون الجميلة والتطبيقية:
فنون جميلة فنون الأقصر 370.5 بنسبة 90.4 %، فنون جميلة فنون المنيا 371.5 بنسبة 90.6%، فنون جميلة فنون حلوان 376.5 بنسبة 91.8%، فنون جميلة عمارة أسيو 377.5 بنسبة 91.9 % فنون تطبيقية بنى سويق 377 بنسبة 91.9 % فنون جميلة المنصورة فنون 377.5 بنسبة 92% فنون جميلة عمارة المنصورة 379.5 بنسبة 92.6 %.
#كليات التربية:
وتوقف الحد الأدنى لكليات التربية عند كلية تربية حلوان 361.5 بنسبة 88.2%، تربية طنطا 375 بنسبة 91.5% تربية عين شمس 373 بنسبة 91% تربية شبين الكوم 373 بنسبة 91%، تربية المنيا 372 بنسبة 90.7%، تربية بنها 371.5 بنسبة 92.9%، تربية السادات 367 بنسبة 89.5 %.

#تنسيق_مرحلة_تانية :ok_hand:🏻

========================================


كليات التجارة للعام الماضي

نقدم لحضراتكم اليوم تنسيق كليات التجارة للعام الماضي التي دائما تتشابه مع جميع السنوات السابقة والتي سوف تتطبق ايضا مع تنسيق هذا العام
تفضلوا تنسيق كليات التجارة علي مستوي الجمهورية لجميع الجامعات بمصر

اقتباس ::point_down:🏻

تجاره المنصوره 364
تجاره جامعة دمياط 358
تجاره الزقازيق 354
تجاره القاهره 353.5
تجارة قنا ج جنوب الوادي 353.5
تجاره الاسكندريه 353
تجاره عين شمس 349.5
تجاره كفر الشيخ 348
كلية تجارة ج أسوان 347.5
تجاره دمنهور 344.5
تجاره الاسماعيليه ج قناة السويس 343.5
تجاره طنطا 340.5
تجاره وإدارة أعمال ج حلوان 339.5
تجاره بور سعيد 339
تجاره بنها 337
تجاره بنى سويف 335
تجاره شبين الكوم ج المنوفية 332
تجاره جامعة السويس 328.5
تجارة جامعة السادات 328
تجاره انتساب موجه المنصوره 328
تجاره انتساب موجه الاسكندريه 328
تجاره انتساب موجه جامعة دمياط 323.5
تجاره انتساب موجه الزقازيق 323
تجاره اسيوط 322.5
تجاره انتساب موجه دمنهور 318.5
مصر العالي بالمنصورة تجارة وحاسبات شعبة علوم الحاسب 318
تجاره انتساب موجه قاهره 316.5
تجاره انتساب موجه كفر الشيخ 316
تجاره انتساب موجه عين شمس 315
تجاره انتساب موجه طنطا 311.5
تجاره سوهاج 306.5
تجاره انتساب موجه جامعة بور سعيد 306
تجاره انتساب م. بنها 305.5
تجاره انتساب موجه اسماعيليه ج قناة السويس 305
تجاره انتساب موجه حلوان 304.5
تجاره انتساب موجه شبين كوم ج المنوفية 301.5
تجاره انتساب موجة جامعة السويس 298.5
تجارة انتساب موجة جامعة السادات 297.5
تجارة انتساب موجه اسوان 297.5
تجارة انتساب موجه بقنا جامعة جنوب الوادي 297
تجاره انتساب موجه بنى سويف 293.5
تجاره انتساب موجه اسيوط 290
تجاره انتساب موجه سوهاج 280.5
مصر العالي بالمنصورة تجارة وحاسبات ش إدارة ومحاسبة 218.2
عالي طيبة تسويق وتجارة إلكترونية بالمعادي 205
عالي دراسات متطورة بالقطامية شعبة تجارة ومحاسبة 205
العالي للعلوم الادارية والتجارة الخارجية نظم تجمع خامس 205
الجزيرة العالي شعبة تجارة المقطم 205
العالي دراسات متطوره بالهرم ش تجارة ومحاسبة 205

========================

كلية التمريض


#فروع الكلية

لكلية التمريض فرع واحد فقط للطالبات ويقع في مبنى مستشفى الأزهر التخصصي بمدينة نصر، وللمعهد الفني للتمريض فرعين فقط الأول بمستشفى الأزهر التخصصي بمدينة نصر، والثاني بمقر مستشفى الأزهر الجامعي التابعة لكلية الطب بجامعة الأزهر بأسيوط.



#نظام الدراسة بالكلية

تدرس الطالبات بالكلية لمدة 5 سنوات تكون الـ 4 الأولى منها دراسة أكاديمية بينما تكون السنة الخامسة "امتياز"، وهي تدريب عملي بمستشفيات جامعة الأزهر الجامعية، وتحصل الطالبات على راتب 250 جنيه شهريًا خلال هذا العام.



أما بالمعهد الفني للتمريض فتدرس الطالبات بالمعهد لمدة سنتين فقط لنيل دبلوم فوق متوسط في التمريض، ودراسة مواد التمريض بصفة عامة كما يتدربن عمليًا خلال مدة الدراسة بمستشفيات الأزهر الجامعية، وبعد التخرج يمكن للطالبات العمل كفنيات تمريض بالمستشفيات التابعة للجامعة، بينما تحظي الطالبات المتفوقات بفرصة للالتحاق بكلية التمريض.



#أقسام الكلية

الدراسة بالكلية تكون عامة خلال السنوات الأكاديمية حيث تدرس الطالبات 4 مواد طبية بجانب مادة تمريضية في جميع تخصصات الكلية، وبعد التخرج يمكن للطالبات الأوائل استكمال الدراسة في الكلية عن طريق تحضير الماجستير ويكون ذلك على نفقة الكلية.



بينما الطالبات التي يتم تكليفهم في مستشفيات وزارة الصحة يمكنهن التسجيل في نظام الزمالة للتخصص في إحدى التخصصات الأتية وهي تمريض الأمراض النفسية، وتمريض الأمومة والطفولة، وتمريض الصحة النفسية، وتمريض صحة المجتمع، وتمريض إدارة خدمات المريض.



#شروط التحاق طالبات المعهد الفني بكلية التمريض

يشترط للالتحاق بالكلية حصول الطالبة على 80% من المجموع التراكمي بسنة التخرج من المعهد بالإضافة إلى أن تكون الطالبات المتقدمات غير متزوجات مع تعهد ولي أمر الطالبة بألا تتزوج خلال فترة الدراسة، واجتياز الطالبات لاختبار القبول الذي سيعقد قبل بدء الدراسة بمقر الكلية، ويشمل امتحان لغة إنجليزية شفوي وتحريري، وامتحان لقياس القدرات النفسية شفوي وتحريري، بالإضافة لامتحان قدرات يشمل المقابلة الشخصية والسمات.



#الدرجة العلمية التي تمنحها الكلية

تمنح الكلية لخريجتها درجة الإجازة العليا"البكالوريوس" في التمريض، كما يمنح المعهد دبلوم فوق متوسط "فني تمريض"، ويتاح لخريجاته العمل بمستشفيات جامعة الأزهر والمستشفيات الخاصة.



#تنسيق الكلية

تعتبر الكلية ضمن كليات القمة لذا تنسيقها مرتفع نسبيًا فيتراوح  ما بين 93 و94 في المتوسط بحسب الأعداد المتقدمة للالتحاق بالكلية، أما تنسيق المعهد الفني للمريض هو 85.4% لفرع القاهرة، و84.1% لفرع أسيوط.



#فرص العمل بعد التخرج

تحظى خريجات الكلية بفرص جيدة في العمل حيث يتم تكليفهن خلال مدة قصيرة للعمل بمستشفيات جامعة الأزهر التعليمية الموجودة، كما يمكنهن العمل في المستشفيات الخاصة أيضًا.

========================

 تنسيق كليات بالبنات بالازهر

عدد 26 كلية على مستوى القطر المصرى من الاسكندرية إلى أسوان حسب التوزيع الجغرافى وكانت كالتى: كلية طب البنات بالقاهرة، كلية طب الاسنان بالقاهرة، وكلية الصيدلة بالقاهرة، وشعبة الهندسة بنات القاهرة، وكلية العلوم بالقاهرة، وكلية التمريض بالقاهرة، وكلية التجارة بالقاهرة، وكلية التجارة بتفهنا الاشراف، وكلية الدراسات الأسلامية والعربية بالقاهرة، وكليه الدراسات الاسلاميه والعربيه بالقاهرة فصول الخانكة، وكلية الدراسات الإسلامية والعربية بالإسكندرية، وكلية الدراسات الإسلامية والعربية بالإسكندرية فرع دمنهور، وكلية الدراسات الإسلامية والعربية بالمنصورة، وكلية الدراسات الإسلامية والعربية بالمنصورة فرع السادات، وكلية الدراسات الإسلامية والعربية بالمنصورة فرع بورسعيد، وكليه الدراسات الإسلامية والعربية بكفر الشيخ.


ويشمل تنسيق كليات البنات، كلية الدراسات الإسلامية والعربية بالزقازيق، وكلية الدراسات الإسلاميه والعربية بالزقازيق فصول القرين، وكلية الدراسات الإسلامية والعربية بنى سويف، وكلية الدراسات الإسلامية والعربية بسوهاج، وكلية الدراسات الإسلامية والعربية أسيوط، وكلية الدراسات الإنسانية بالقاهرة، وكلية الدراسات الإنسانية بتفهنا الأشراف، وكلية البنات الأزهرية بالعاشر من رمضان، وكلية البنات الأزهرية بطيبة، وكلية الاقتصاد المنزلى بطنطا.

ويتضمن دليل تنسيق جامعة الأزهر 7 معاهد فنية متوسطة واحد للبنات و6 للبنين وكانت كالتالى.. معهد التحاليل بكلية العلوم بنين القاهرة، ومعهد قواعد البيانات بكلية العلوم بنين القاهرة، ومعهد فنى مختبارات بكلية العلوم بنين القاهرة، ومعهد صيانة المعدات بكلية الهندسة بنين القاهرة، ومعهد التركيبات، والكهربائية بكلية الهندسة بنين القاهرة، وللبنات المعهد الفنى للتمريض بمستشفى جامعة الأزهر التخصصى، وجميعها بالقاهرة ومفتوحة فى التوزيع الجغرافى للجميع حسب معطيات المجموع والاقبال عليها بالتنسيق والعدد المطلوب.

========================

اعرف  كليتك فيديو كلية هندسة


https://youtu.be/n8vW8Y79B1U

كلية الصيدلة 
بنكمل معاكم فقرة ا(عرف كليتك) وف الفيديو دا بنلخص اهم المعلومات عن كلية الصيدلة للاشتراك في القناة اضغط علي كلمة (اشتراك) او (subscribe) الموجوده اسفل الفيدي...
https://youtu.be/mHc-Y7vMcLE

مؤتمر #اعرف_كليتك كااااامل لازم تشوفه بجد لانه هيفيدك جدا
 من هنا
http://webcast.bibalex.org/home/List.aspx?Conference=b6uTgdQIheWeiPzJya6fPA==


كلية الصيدلة 

السلام عليكم ورحمة الله وبركاته :smiley: ناس كتير من ثانوي دلوقتى بتقارن بين الكليات و بتشوف مميزات و عيوب كل كلية منهم ، و احنا هنقدم مساعدة بسيطة عشان نعرفك على معلومات تفيدك باذن الله ، اهم حاجة تبص على سوق العمل مش على الدراسة سهلة و لا صعبة .. لا على سوق العمل و الشغل بعد كدة هترتاحله و لا لا ، و لازم تستخير ربنا :relieved:
#كلية_صيدلة ^__^:v::fist:
•• من مميزات الكلية دى ان سوق العمل بتاعها واسع و متعدد المجالات ، لان فيها كزا مجال ممكن تشتغل فيهم و صيدلة عموما بتنقسم في الشغل بتاعها ل كم حاجة كدة منهم :
~ الكلينيكال ( شغل في مصر قليل لو عايز برا البلد تاخد "فارما D " او البورد الامريكي ):
و ده انت ممكن تشتغل في مستشفيات .. بتساعد الطبيب مثلا في تنظيم جرعات بعض الادوية اللى بيلتزم فيها بجرعات محددة و لازم تبقى مظبوطة زى مثلا جرعات ادوية علاج السرطان في مستشفى 57357 ...
فالمجال ده بتتابع فيه المريض بنفسك و الطبيب بيستشيرك في الجرعات اللى بياخدها المريض .
بس للاسف شغل الكلينيكال قليل في مصر .. لقلة المستشفيات اللى شغالة بالنظام ده .. فانا حبيت اقول للامانة العلمية .
~ التصنيع الدوائي ( في الشركة المحترمة =واسطة ) : تقدر تدخل الشركات و المصانع و تشتغل فيها .. ممكن تحضر ادوية .. او تعبئها بصورتها النهائية في كبسولات مثلا او علب الادوية العادية اللى بتشوفها دى ... و ده بيكون وفق مواصفات محدده و كميات ثابتة و مدروسة .
~ التسويق والميديكال ريب ( كتير من الناس بتروح فيها ) : انك تسوق الدوابتاع الشركة اللى انت شغال فيها وتخليه يتباع اكتر من باقي الادوية التانية اللى في السوق .. حتى لو هم الاتنين نفس التكريبة ..
انت بتكون حلقة الوصل بين المريض والصيدلية اللى هتبيع الدوا والدكتور ..
تروح للدكتور .. وتتفق معاه على انه يكتب الدوا في الروشتة للمريض مقابل عروض الشركة هتديها للطبيب .. وتعمل نفس الحركة مع معظم الدكاترة للى في المنطقة بتاعتك ..
وكل ما تحقق ربح اكتر في منطقتك .. كل ما تاخد حوافز من الشركة .
~ ال Quality control : بعد ما الدواء اتصنع او اثناء تصنيه .. تحلل الدواء و تشوف هوه مظبوط و لا لا تبع المواصفات وكمية المادة الفعالة مظبوطة و لا لا .
~ الصيدلية : تفتح صيدلية و #تبيع ^^ الادوية :sweat_smile:
~ معامل التحاليل : تشتغل دكتور تحاليل بعد ما تاخد دبلومة ...و بتقدر تحلل الدم و البول و الحمل و غيرها من اعمال التحاليل .
~ تشتغل في حاجة تبع الحكومة ( الله اعلم بوسطة ولا لا ) : زي الرقابة الدوائية مركز البحوث .. او التكليف في صيدلية .
~ ظابط متخصص في الجيش او الشرطة : بتقدم في الاختبارات بعد تخرجك .
~ و طبعا الصيدلي هوه مصدر المعلومات الاول و الاكثر خبرة بالادوية عشان كدة الطبيب و المريض بيستشيروه مثلا في هل الدوا ده لو اخدته مع الدوا ده هيعمل مشكلة ؟؟:confused:
■اي حاجة ليها علاقة بالدوا المرضى يسالوا فيها الصيدلي .
•• بالنسبة للعيوب .. انا بصراحة مش شايف ليها عيوب يعنى .. الا ان الصيدلة في مصر مش زى ما انا كاتب فوق بالظبط .. هتلاقي المريض بيروح للصيدلي الاول قبل الدكتور .. مع ان برا مصر مفيش كدة ... الصيدلى بيصرف الدوا .. مش بيشخص الامراض .
حاولت اقول اللى اقدر عليه بالنسبة لصيدلة ... و يا رب تدخلوا اللى نفسكم فيه :relieved:
:point_left::point_left: متنسوش تصلوا استخارة

=======================================

كلية هندسة البترول و التعدين فى السويس 


.. الكلام اللى فى البوست منقول من بوستات متنوعة من أيفنت تعريفى بالكلية .. أول كومنت مهم جدا عشان في تفاصيل أكتر عن الكلية بلينكات من داخل الأيفنت ..
الكلية واخدة صيت عالى أوى فمتتأثرش بالصيت دا ... الكلية أخدت الصيت دا نظرا لإن من فترة كان شغل البترول كويس فعلا بس الكلام دا معدش موجود دلوئتى دى حقيقة محدش بينكرها من الاخر مفيش معلقة دهب هتتحط فى بؤء خريج الكلية
_ _  _ _  _ _ _ _ _  _ _ _  _
*الكلية فيها 5 أقسام حفر وتكرير وفلزات ومناجم وجيولوجيا .... لو حابب تدرس أى حاجة منهم أدخل الكلية بس تبئى حاطط فى دماغك إنك بدأت رحلة من التعب والمصاعب .... الكلية فى السويس والعيشة فى السويس مش سهلة لناس كتير ..... المدينة أوضاعها مش كويسة الكلام دا لحد ما اتخرجت معرفش اتطورت ولا لسة على حالها
_ _  _ _  _ _ _ _ _  _ _ _  _
*مشكلة فرص الشغل بتاعتنا فى الكلية إن تخصصاتنا بتأهلك للشغل فى قطاع معين والقطاع دا الشغل فيه مش سهل فى حين إن أقسام كليات هندسة بيكون قدامك أى قطاع تقدر تشتغل فيه بما فيهم قطاع البترول ..... بيتعمل للخريحين امتحانات تبع الهيئة العامة للبترول كل فترة حسب احتياجات السوق وبما إن سوق البترول الفترة اللى فات مش كويس خالص فالحالة نقدر نسميها ركود للأسف
_ _  _ _  _ _ _ _ _  _ _ _  _
*مجال شغل التكرير باعتبارى خريج القسم .... انت بتدرس تكرير بترول وبتروكيماويات ومعالجة غاز فانت بالتالى تقدر تشتغل فى مصانع التكرير أو فى مصانع البتروكيميا أو فى شركات الأونر فى الصحرا فى معالجة الغاز .... ال 3 طرق دول المعروفين والسكة الطبيعية بس الفكرة إن الشغل مرتبط بامتحانات الهيئة العامة فى الشركات التابعة ليها
_ _  _ _  _ _ _ _ _  _ _ _  _
*الكلية نفسها بئى انت تقدر تخليها حاجة بالنسبالك أو تخليها فترة من عمرك وعدت .... بمعنى لو كنت حابب تشارك فى أنشطة فكليتنا الحمد لله الفترة ما بعد ثورة يناير مستوى النشاط فيها كويس جدا .... لو حابب تقضى وقتك وخلاص هتبئى الكلية بالنسبالك فترة وعدت وخلاص على كدا
_ _  _ _  _ _ _ _ _  _ _ _  _
الموضوع باختصار لو حابب تخصص تانى فى هندسة ادخله لو حابب تدرس حاجة فى بترول ادخل بترول بس لازم تبئى فاهم انك مش داخل جنة انت داخل على مدعكة ومتخليش الصيت بتاع الكلية أو رأى الأهل والقرايب والصحاب يأثر فى قرارك ...... اسمع من ناس كتير لإنه اختيار مش سهل وكل واحد بيعبر عن وجهة نظره هو الشخصية بناء عن تجربته هو الشخصية فى الكلية وإحنا بشر وكمان مصريين فنقطة تأثير العواطف على الأراء دى طاغية بشكل غبى ..... اسأل واستخير ربنا ولما تاخد قرارك متتراجعش فيه سواء إنك تدخل بترول السويس أو تخصص فى هندسة ....ربنا يوفقكم جميعا للخير
بترول وتعدين السويس ....
الكلية الحلم لناس كتيير جدا علي مدار السنين ...
هكلم حضراتكم عنها باختصار شديد في تلات نقط بس ...
_ _ _ _ _ _ _  _ _ _  _ _ _
أولا هي الكلية الوحيدة ف مجالها علي مستوي مصر كلها وعشان كده ما بيتطبقش عليها التوزيع الجغرافي ....
وفي الكلية دي بجد والله بتقابل فعلا أحسن طلبة ف مصر ف ثقافتهم ودماغهم وبتتعلم حاجات كتيير أوي منهم وخصوصا إنهم من كل محافظات مصر ...
بس لازم الكل يعرف حاجه عنها ...
مش معني إن هي بقي بتقبل طلبة من مجموع 99 مثلا يبقي دي كلية خيالية بقي وأكيد تحفة وكده ...ﻷ هي الحكاية عرض وطلب ...الكلية عاوزة عدد قليل من الطلبة فبتعلي تنسيقها أوي عشان تاخد عددها مش أكتر ولا أقل ...
_ _ _ _ _ _ _  _ _ _  _ _ _
ثانيا أقسام الكلية ...6 أقسام
أقسام الكلية كلها أحسن من بعض وكلها ليها مجال شغل إن شاء الله (بس مش هتقبض بالدولار)
أولهم وأعلاهم هو حفر ( إنتاج) وده المسؤل عن الموقع اللي منه بتستخرج البترول ...وده شغله دايما أو معظمه ف مواقع إنتاج ...
القسم التاني هو تكرير وده من اسمه مسؤول عن فصل مكونات الزيت الخام ده عن بعض ...
والأقسام اللي بعد كده بالترتيب هي فلزات وجيولوجيا ومناجم ...وكل قسم منهم من اسمه واضح هو مختص بإيه ...كده يبقوا 5 أقسام ...
السادس بقي ده credit يعني بفلوسك وده الحقيقة أفضلهم ف الدراسة والتعليم ...بس خلونا واقعين ﻷن مابيدخلهوش إلا اللي مالحقش قسم كويس غالبا أو اللي مالحقش حفر وكان نفسه فيه ...فبيدخل credit..
أهم حاجه تعرفوا إن مافيش حاجه اسمها القسم ده أعلي وده أقل ..كل الحكاية هي انت حابب مجال الشغل ده أكتر من ده وبس ...وتنسيق الاقسام ده بردو علي حسب عرض وطلب السوق ....
_ _ _ _ _ _ _  _ _ _  _ _ _ __
تالت حاجه هي أهم حاجه بصراحه...
الكلية كدراسة وكحياة غربة ف السويس سواء قعدتوا ف مدينة أو كل مجموعه خدت شقة مع بعضها كده ...فلازم تعرفوا إنها وبلا فخر أسهل كلية هندسة ف مصر :-D
وأأقلهم ف جودة التعليم بصراحه :-)
الجامعة والخدمات
 اللي بتوفرهالك حاجه ممكن تحطم أمال كل طالب رايح ...فانتوا لازم تتأقلموا كويس علي الأجواء دي ولازم اللي يدخل الكلية دي يكون حاببها ومش هيهون عليك ف الكلية دي بصراحة غير حاجتين ... اصحابك اللي هتعرفهم واللي مش هتعرف ف حياتك زيهم ...و تاني حاجة شغل الكلية دي كويس جدا بجد ومجالها واسع وفلوسها حلوه ;-) ;-)
_ _ _ _ _ _ _  _ _ _  _ _ _ __
خلاصة القول هتتكدر وهتتمرمط وهتتضغط .. بس هتتقدر من كل الناس... من صحابك واهلك والمجتمع كله ... بالنسبة للعلم هتتعلم وفكك من اللي هيقولك الامتحانات بتتكرر والهري ده ... انت في الاخر بتاخد معلومة كويسة (مش من الدكاترة)
أنت هتدخل أحسن كلية في مصر بس استحمل واسترجل عشان تكمل... وهتلاقي فيها طلبة مش موجودين في اي حتة تانية و علي كل لون... وهتلاقي نشاط طلابي مش موجود في اي كلية في مصر او برا مصر وهتعرف ده لما تدخل
لو جبت مجموعها وحاببها ادخلها من غير تفكير ...بس لو داخلها عشان الفلوس اقعد في بلدك احسنلك مييييت مرة اقسم بالله
وانا أسف لو كنت قلت أي حاجه ممكن تزعل أو تحبط حد بس والله هو مجرد نقل للواقع اللي هناك ... وهو من باب التهيأة مش أكتر لدخولكم الكلية دي ...وأسف علي طول البوست :-D :-D
اعقلها وتوكل
بترول فيها حاجة حلوة
#من_الثانوية_للكلية
#بكرة_أجازة

================================

كلية الالسن .. ؟!!

دي كليه فيها 13 قسم  بحيث يختار الطلاب لغة أولى، ولغة ثانية أثناء دراستهم..
طب الكليه دي في جامعات ايه ؟!!
في 7 جامعات مصرية... هم جامعة عين شمس، والمنيا، وأسوان، ودخلت 4 كليات جديدة وهم جامعة جنوب الوادي بالأقصر، وبني سويف، جامعة كفر الشيخ، بجانب جامعة قناة السويس...
                                طب أيه اقسامها ؟؟
لو هنقول بالنسبه لكلية الالسن جامعه عين شمس .. فيها 13 قسم ويُدرس فيها  19 لغة منهم 15 لغة كلغة أولى؛ هم العربية، والإنجليزية، والإسبانية، والإيطالية، والألمانية، والفرنسية، العبرية، الصينية، السواحيلية الإفريقية، اليابانية، الكورية، والروسية والتشيكية بقسم اللغات السلافية، والتركية والفارسية بقسم اللغات الشرقية.
وأربعة لغات كلغة ثانية فقط، هم البرتغالية، والمجرية، والبولندية، بجانب الهيروغليفية
. أما كلية الألسن بجامعة المنيا تتكون من 6 أقسام هم الإنجليزية، الفرنسية، والصينية، الإسبانية، بجانب اللغة الألمانية، والإيطالية.
وكلية الألسن بجامعة أسوان فتتكون من 11 قسمًا، هم الإنجليزية، والفرنسية، والبرتغالية، والإسبانية، والصينية، واليابانية، والروسية، واللغات الشرقية متضمنًا شعب التركي، والفارسي، العبري، والأردو، وقسم اللغة الكورية، واليابانية، ومن المقرر أن يضاف قسم للغات الأفريقية قريبًا، ولا يوجد تنسيق داخلي بالكلية.
             طيب ايه نظام الدراسه .. يعني عباره عن ايه ؟!!
نظام الدراسة بكلية الألسن 4 سنوات، فيدرس الطالب لغتين، لغة أولى تُحدد بتنسيق داخلي، ولغة ثانية يختارها الطالب ما عدا اليابانية والكورية.
كما يدرس الطلاب 9 مقررات بالكلية؛ وهي قواعد اللغة، والنصوص والنقد، وتاريخ الأدب والحضارة، بجانب الترجمة من وإلى العربية، والمقال، والاستماع والمحادثات، بالإضافة إلى مقرر للغة العربية، ومقرر للغة الثانية.
ويُدرس الطلاب في قسم اللغات الشرقية مادة إضافية وهي اللغة الشرقية الأخرى، فمثلا يدرس طالب الشعبة التركية مقرر للغة الفارسية والعكس.
يحدد التنسيق الداخلي للكلية تبعًا لمجموع درجات اللغة الإنجليزية واللغة الثانية، ولكن توجد شروط في بعض الأقسام، فقسم اللغة الإيطالية يتحدد قبول الطالب بأن تكون اللغة الثانية هي الإيطالية أو الفرنسية.
وقسم اللغة الأسبانية يشترط أن تكون اللغة الثانية هي الإسبانية أو الفرنسية، أما قسم اللغة الألمانية يشترط أن تكون اللغة الثانية هي الألمانية، وقسم اللغة الفرنسية فيشترط أن تكون اللغة الفرنسية هي اللغة الأولى في الدراسة، أما بقية الأقسام فتحدد حسب درجات اللغة الإنجليزية، ويختلف التنسيق كل عام في مجموع درجات كل قسم.
وتشترط الكلية عدم اختيار الطالب بقسم اللغات الشرقية للغة الثانية من نفس القسم، فمثلًا إذا قُبل الطالب باللغة التركية فمتاح له اللغات الإنجليزية، الفرنسية، الإيطالية، الإسبانية، الألمانية، الروسية، والتشيكية فقط.
#السن

========================

بوست مجمع فيه كل ما يخص الكليات وحتي المنح الدراسية جوا وبرا مصر 


#منشن

- دليل مواقع الجامعات المصرية
https://goo.gl/XbcxdI

- دليل الجامعات الخاصة فى مصر

https://goo.gl/Lec5qj

- قائمة جامعات مصر
https://goo.gl/F4H6dF

- تنسيق-الجامعات بتاع السنه الي فات
https://goo.gl/Em6TwB

- دليل مكتب تنسيق الثانوية العامة 2018/2017 اختيار الكليات
https://goo.gl/2s7Rcz

- كليات وجامعات تقبل طلاب الادبي والعلمي في مكتب التنسيق
https://goo.gl/iFq0hY

- دي شرح التنسيق بالخطوات
https://goo.gl/ANssPV

- كيفية أختيار الكلية المناسبة لك - القواعد الـ5 لأختيار الكلية
https://goo.gl/EpfQ3

- انا لسه عايز اعرف معلومات عن الكليه الي عايز ادخلها يا سيدي ادخل علي قناه دي وهتلاقي شرح كل كليه بالتخصصات
https://goo.gl/BJxBoq

- دة بوست شامل عن موضوع المنح عايز منحة دراسية لـ دولة معينة أو مرحلة تعليمية ما زى البكالوريوس أو الماجستير او الدكتوراة
https://goo.gl/5XFKD9


===========================


تحديث

دول اهم كام منحه موجودين حاليا:

- جامعة ويستمنستر Westminster University بتقدم منح لطلاب البلاد النامية (اللي احنا منهم يعني) اللي عايزين يدرسوا الماجستير هناك
اللينك ده فيه كل التفاصيل اللي هتحتاجها والتقديم...آخر معاد يوم 13 أكتوبر https://goo.gl/eSV1fq
- منحة جامعة Glasgow في بريطانيا ودي منحة متاحة في مجالات متعددة بس لازم يتوفر فيك الشروط المطلوبة, أعرف الشروط دي من هنا https://goo.gl/h4jssn و التخصصات المتاحة هنا https://goo.gl/b1adwS
- جامعة West London بتقدم مجوعة منح كويسة جدا
ده لينك تقدر تعرف منه كل التفاصيل وتقدم https://goo.gl/Dsep7Z
- اللينك ده فيه خلاصة منح بريطانيا... أكتر من 25 منحة بكل تفاصيلهم منظمين جدا و متطلباتهم واضحة .. تقدر توصل للينكات التقديم فيهم بطريقة سهلة
معظمهم مفتوحين للتقديم الفترة دي والمواعيد النهائية قربت جدا ف ماتضيعش وقت https://goo.gl/KZFFXa
في بقي رسايل كتير جدا عباره عن " اجيب المنح منين :D "
دي اهم اللينكات اللي لو تابعتوهم ممكن تلاقوا منح كويسه تناسبكم !
min7a: أحد أبرز المواقع العربية المتخصصة في المنح
http://mina7.com/
for9a: موقع فرصة بيعلن عن منح ومسابقات وممكن تستغله عن طريق انشاء حساب
http://www.for9a.com/
mn7a: موقع منح ومفيد جدااااا
http://www.mn7a.com/
heysuccess: ده عباره عن موقع انت بس بتكتب جنسينك وهو بيعرض عليك كذا فرصه سفر
http://www.heysuccess.com/
fastweb: موقع تاني متخصص في المنح
http://www.fastweb.com/
Scholarships: موقع البحث عن المنح المتوفرة
https://www.scholarships.com/
scholars4dev : موقع متخصص بنشر المنح المتاحة
http://www.scholars4dev.com/
cappex : موقع بيعرض المنح ومعلومات عن السفرعموما
https://www.cappex.com/
studyandscholarships: موقع البحث عن المنح وفلترتها بحسب التاريخ والبلد ومستوى الدراسة
http://www.studyandscholarships.com/
collegescholarships: موقع يهتم بشتى الشؤون المالية المتعلقة بالطلاب والمنح الدراسية
http://www.collegescholarships.com/
finaid: الموقع متعلق بالمنح برضو
http://www.finaid.org/
Topuniversities: اخبار عن المنح وعن السفر والدراسه بالخارج
http://www.topuniversities.com/
scholarship-positions: الموقع متقسم عن طريق الدول اكتب الجنسيه وهو هايعرض كل حاجه
http://scholarship-positions.com/
studentscholarships: اكتر موجوده هنا
https://www.studentscholarships.org/scholarship.php
supercollege: معلومات الحصول علي المنحه
http://www.supercollege.com/
scholarshipexperts: ده اسهل مكان ممكن تبدا منه
https://www.unigo.com/scholarships
bigfuture: اكتر من 2200 برنامج منحة
https://bigfuture.collegeboard.org/scholarship-search
Educationusa: برامج المنح اللي بتمولها حكومة الولايات المتحدة الأمريكية
https://educationusa.state.gov/
Programmes europa وهنا برامج المنح اللي بيقدمها الاتحاد الأوروبي
http://ec.europa.eu/programmes/erasmus-plus/
campusfrance: كل منح الحكومة الفرنسية
http://www.campusfrance.org/…/campusbourses-grant-search-en…
HSF: المنح المتاحة
https://hsf.net/
studyinholland: عايز تدرس فى هولندا تقدر تعرف كل المنح المتوفر والمناسبة لك من الموقع ده
https://www.studyinholland.nl/scholarshi…/find-a-scholarship
educationuk: عايز تدرس فى بريطانيا يبقى فرصتك على الموقع ده
http://www.educationuk.org/global/
وده موقع السفارة فى القاهرة وبيتم عرض منح مهمة عليه
https://www.gov.uk/…/world/organis…/british-embassy-cairo.ar
studyinaustralia: محتاج تبعد عن أوروبا وتدرس فى قارة تانية وبثقافة مختلفة يبقى شوف الدراسة فى أستراليا
https://www.studyinaustralia.gov.au/
emb-japan: محتاج دولة وثقافة مختلفة عنهم كلهم يبقى شوف منحتك مع موقع سفارة اليابان فى القاهرة
http://www.eg.emb-japan.go.jp/
studyincanada
الدراسة فى كندا
http://www.studyincanada.com/
usembassy
تشوف موقع السفارة الأمريكية فى القاهرة
https://egypt.usembassy.gov/
#شير_في_الخير بقي :D
========================================
الجامعات الخاصة فى مصر للى حابب يعرف معلومة عنهم                 1- الجامعة الألمانية فى مصر

العنوان : مدينة نصر بالقاهرة-التجمع الخامس-المنطقة السادسة

تليفون : 2759349

الموقع على الانترنت : http://www.guc.edu.eg

2- الجامعة الفرنسية فى مصر

العنوان : مدينة الشروق الكيلو37 طريق الإسماعيلية-القاهرة

تليفون : 7853555

الموقع على الانترنت :http://www.ufe.edu.eg.

3- جامعة 6 أكتوبر

العنوان : المحور المركزي-خلف جهاز مدينة 6 أكتوبر

تليفون : 8362498 ف : 8362498

الموقع على الانترنت : http://www.o6u.edu.eg

4- جامعة الاهرام الكندية

العنوان: المحور المركزى - المنطقة الصناعية الرابعة - 6 اكتوبر

تليفون : 8333078 ف: 8334379

الموقع على الانترنت :http://www.acu.edu.eg

5-الجامعة العربية المفتوحة

العنوان : تقاطع ش مكرم عبيد مع عبدا لرازق السنهوري-مدينة نصر

تليفون : 7611862 -7611870-7611868

الموقع على الانترنت : http://www.arabou.org

6-جامعة أكتوبر للعلوم الحديثة والآداب

العنوان : 14 ش عامر بالمساحة-الدقي

تليفون : 7606324-7603811

الموقع على الانترنت : http://www.msa.eun.eg

7-جامعة مصر للعلوم والتكنولوجيا

العنوان : طريق 26يوليو-الحي المتميز-مدينة 6 أكتوبر

تليفون : 8354685 ف : 8354699

الموقع على الانترنت : http://www.must.edu

8- الجامعةالحديثة للتكنولوجيا والعلوم

العنوان : المقطم-الحي الخامس-أمام كار فور الطريق الدائري -القاهرة

تليفون : 727184-7272187 ف : 7272185

الموقع على الانترنت : http://www.mti.edu.eg

9-الجامعة البريطانية فى مصر

العنوان : مدينة الشروق - طريق مصر الاسماعلية

تليفون : 2688995 ف:2688996

الموقع على الانترنت :http://www.bue-egypt.com


التعليقات