تعرف على الكليات من الالف الى الياء بكل المعلومات عنها وشروط الالتحاق والوظائف المتاحة بعد التخرج منها

معلومات عن كليه صيدله 😍
السلام عليكم ورحمة الله وبركاته 😃 ناس كتير من ثانوي دلوقتى بتقارن بين الكليات و بتشوف مميزات و عيوب كل كلية منهم ، و احنا هنقدم مساعدة بسيطة عشان نعرفك على معلومات تفيدك باذن الله ، اهم حاجة تبص على سوق العمل مش على الدراسة سهلة و لا صعبة .. لا على سوق العمل و الشغل بعد كدة هترتاحله و لا لا ، و بعدها تستخير ربنا 😌
‫#‏كلية_صيدلة‬ ^__^✌✊
•• من مميزات الكلية دى ان سوق العمل بتاعها واسع و متعدد المجالات ، لان فيها كزا مجال ممكن تشتغل فيهم و صيدلة عموما بتنقسم في الشغل بتاعها ل كم حاجة كدة منهم :
~ الكلينيكال : و ده انت ممكن تشتغل في مستشفيات .. بتساعد الطبيب مثلا في تنظيم جرعات بعض الادوية اللى بيلتزم فيها بجرعات محددة و لازم تبقى مظبوطة زى مثلا جرعات ادوية علاج السرطان في مستشفى 57357 ...
فالمجال ده بتتابع فيه المريض بنفسك و الطبيب بيستشيرك في الجرعات اللى بياخدها المريض .
بس للاسف شغل الكلينيكال قليل في مصر .. لقلة المستشفيات اللى شغالة بالنظام ده .. فانا حبيت اقول للامانة العلمية .
~ التصنيع الدوائي : تقدر تدخل الشركات و المصانع و تشتغل فيها .. ممكن تحضر ادوية .. او تعبئها بصورتها النهائية في كبسولات مثلا او علب الادوية العادية اللى بتشوفها دى ... و ده بيكون وفق مواصفات محدده و كميات ثابتة و مدروسة .
~ الرقابة الدوائية : بعد ما الدواء اتصنع او اثناء تصنيه .. تحلل الدواء و تشوف هوه مظبوط و لا لا تبع المواصفات وكمية المادة الفعالة مظبوطة و لا لا .
~ الصيدلية : تفتح صيدلية و ‫#‏تبيع‬ ^^ الادوية 😅
~ معامل التحاليل : تشتغل دكتور تحاليل بعد ما تاخد دبلومة ...و بتقدر تحلل الدم و البول و الحمل و غيرها من اعمال التحاليل .
~ و طبعا الصيدلي هوه مصدر المعلومات الاول و الاكثر خبرة بالادوية عشان كدة الطبيب و المريض بيستشيروه مثلا في هل الدوا ده لو اخدته مع الدوا ده هيعمل مشكلة ؟؟😕
■اي حاجة ليها علاقة بالدوا المرضى يسالوا فيها الصيدلي .
•• بالنسبة للعيوب .. انا بصراحة مش شايف ليها عيوب يعنى .. الا ان الصيدلة في مصر مش زى ما انا كاتب فوق بالظبط .. هتلاقي المريض بيروح للصيدلي الاول قبل الدكتور .. مع ان برا مصر مفيش كدة ... الصيدلى بيصرف الدوا .. مش بيشخص الامراض .

حاولت اقول اللى اقدر عليه بالنسبة لصيدلة ... و يا رب تدخلوا اللى نفسكم فيه

---------------------------------------------------

‫#‏كليه‬ تجاره انجلش =D

نتكلم على تجارة انجلش علشان الناس اللى عايزة تعرف عنها =D

الكلية دى تعتبر اكتر كلية مجالاتها مفتوحه على اى حاجه ، نتكلم اولا عن التقديم فيها

1- التقديم فيها بيكون تنسيق داخلى ، يعنى لما حضرتك تقبل فى تجارة تقدم جوة الكلية فى تجارة انجلش و التنسيق بتاعها بيبقى عبارة عن مجموع اعتبارى اللى هو ( مجموعك الكلي + درجة الانجلش + المستوى الرفيع لو كان انجلش ) لكن لو المستوى الرفيع اى حاجه تانيه مش بيتضاف فى المجموع الاعتبارى .

2- اقسامها : زى اقسام تجارة عربي بالظبط مافيش فرق ( بس بالانجلش )

3- مجالات الشغل من تجارة :

- ممكن تشتغل فى المحاسبة فى اى بنك او شركة ( و ده اكتر شغل معروف لأى حد خريج تجارة و اى حد يعرف ان فلان فى تجارة يعنى محاسب على طول =D ) .

- ممكن تشتغل فى الإدارة 

لأن فيها قسم ادارة أعمال و القسم ده مفتوح على حاجات كتيرة ... ممكن تفتح مشروعك الخاص من خلال خبرتك فى ادارة الأعمال ، ممكن تشتغل فى التسويق ، ممكن فى المبيعات ( اللى هى مشهورة بإسم sales ) .

- ممكن تدخل فى حوار السلك الدبلوماسي و السفارة و الكلام ده لو دخلت قسم اقتصاد و تجارة خارجية 

ملحوظة : ( تجارة خارجية ده مش موجود غير فى جامعة حلوااااااان فقط ... و فى ناس واخده فكرة عن تجارة حلوان انها تجارة خاريجة .. أحب اوضحلهم ان تجارة خارجيه ده قسم فقط ليس أكتر :) ) .

بس عامة بالنسبة لشغل السلك الدبلوماسي من تجارة مش هيبقى متوفر معاك اوى كخريج تجارة ( نسيبنا من حوار الواسطة و الكلام ده =D) بس بالعقل كده فى كلية اسمها اقتصاد و علوم سياسية ، أكيد بتوع السفارة و السلك الدبلوماسي مش هيسيبوا بتوع سياسة و اقتصاد علشان ياخدوا بتوع تجاره 😄 ... فشغله يعتبر مش مضمون اوى .

ده الكلام اللى معروف جدا عن تجارة انجلش و اللى انا عرفت اغلبه بعد ما دخلت الكلية .

بس ملحوظة بسيطة منى و فى رأيي أنا 

" ماتدخلش قسم علشان مجرد تطلع منه تشتغل الشغلانه الفلانيه ... ادخل القسم اللى انت شايف انك هتعرف تذاكره و بالبلدي كده تمشي فيه او تعدي فيه ، غير لو إنت اصلا عايزه علشان بتحبه ....

ناخد مثال ! : لو انت حابب مواد اقتصاد و عايز تدخل قسم اقتصاد بس شغله مش مضمون بالنسبالك ... او انت مثلا شايف ان مواده سهله اوى و هتعرف تذاكرها على طول ، يبقى ادخل اقتصاد و لما تتخرج اعمل دبلومة ادارة أعمال و اشتغل اى شغل freelance ( عمل حُر يعنى ) ... ده كمثال مش أكتر 

ده اللى انا شايفاه من وجهة نظرى "

فى طبعا حل تانى للشغل و هو انك تكون حابب الدراسة اصلا اوى و لما تخلص دراستك فى الكلية تحضّر masters و بكده انت ممكن تشتغل فى التدريس فى الجامعة

دى كده تعتبر كل حاجه عن تجارة انجلش 👌

يا رب اكون افدتكوا و ماطولتش عليكوا 😉

لايك و منشن و شير عشان ننزل باقي الكليات 😍

========================

كلية علوم

✔✔ كليه العلوم ✔✔

◄كلية العلوم تعد كلية العلوم من أهم كليات فهي تحتوى على أقسام تغطى كافة العلوم وهي قسم الكيمياء والفيزياء والحيوان والنبات والرياضيات والحشرات والجيوفيزياء والبيوفيزياء والفلك والجولوجيا والحاسب الالي و مدة الدراسة بالكلية أربع سنوات كما أن نظام الدراسة بها يتبع نظام الساعات العتمدة وتمنح درجة البكالوريوس في التخصصات المنفردة والمزدوجة كما تعد كلية العلوم الكلية الام لكليات الطب والصيدلة... ^_^

◄كما أنه تم افتتاح قسمين جديدين بها هما قسم علوم البترول وقسم التقنية الحيويةوهي مجهزة علي اعلي مستوي وترعاها مجموعة من الشركات العالمية .... :)

◄عندنا فيه 24 قسم عادي و بيتقسموا كالآتي

معلومات عن الاقسام :)

◄ فيه 7 اقسام بقي لعملي علوم بس و هما :-

1- كيميا / كيميا حيوي : افضل قسم لعلمي علوم قسم كويس جدا و ده بقي بيدرس العمليات الحيويه في جسم الانسان زي البروتين و الفيتامينات و الكربوهيدرات و الحاجات ديه و الاحماض النوويه و الانزيمات و الهرمونات و الاورام كمان شويه بسيطه كده في البيولوجي بتاع الخليه و علم الوراثه و المناعه و شغله بقي في معامل التحاليل بس لو عاوز يفتح معمل بأسمه لازم ياخد دبلومه تحاليل طبيه و طبعا شغله موجود في شركات كتير زي الادويه بقي و كده و هو قسم بجد رائع و سهل كمان :D

2- كيميا / كيميا ميكروبيولوجي : اعتبروه تاني افضل قسم لعلمي علوم و ده بقي بيدرس الفسيولوجي بتاعت الحاجات المعديه (بكتريا وفيروسات و....) وحياتها وكل حاجه و تأثير الميكروبيولوجي على الانسان والامراض اللي بيسببها و الانزيمات و السموم الميكروبيه و الهرمونات النباتيه و شغلها بقي موجود برضه في التحاليل و شركات الادويه و شركات الكيماويات

3- بيوفيزياء منفرد : و البيوفيزيا هي علم قائم بذاته و مختلف عن الفيزياء و الاحياء هو مثلا لو هنيجي نعرفه هنقول عنه ان هو تطبيق لمباديء الفيزياء وتقنياتها لدراسة تركيب ووظيفة الخلية الحية و دراسة للقوانين الفيزيائية التي تؤثر في الجزيئات الحيوية والعمليات الحيوية كما تهتم الفيزياء الحيوية بدراسة وظائف العين والاذن والاجزاء الاخرى من للجسم و كمان لها تطبيقات في الطب حيث توفر تفسيراً للعلاقات الوظيفية بين أجزاء الجسم و أيضا في دراسة نظام المناعة ضد الامراض و عندنا في علوم القاهره تم اعتماد أربع تخصصات رئيسية وهى : البيوفيزياء الجزيئية و البيوفيزياء الطبية و البيوفيزياء النظريه و البيوفيزياء البيئية وفي القسم مدرستين متخصصتين لهما النصيب الكبير من الاهتمام والتطور وهما البيوفيزياء الجزيئية والبيوفيزياء الطبيه و شغلها بره موجود في المعاهد الطبيه زي الاورام و كده و المستشفيات طبعا و معاهد علوم الليزر و بحوث الاشعاع و البحوث النوويه

4- جيولوجيا منفرد : ده بقي زي مانتو عارفين ان الجيولوجيا هي علم دراسه الارض و ده بقي شغله الموجود في شركات البترول و شركات المياه و جهاز شئون البيئه و قطاع الاثار و حاجات كده لقي قسم جميل كله بقي شغل صحرا و سفر وحاجات جميله و ممكن للاسف نشتغل جيولوجين في مكاتب :'( في ناس بتحب شغل المكاتب برضه لأنه كويس جدا بس المتعه في الصحرا :D

5- كيميا / حيوان : ده بقي بدرس فيه البيولوجي بتاع الحيوان و الفيسيولوجي و تشريح و الفقاريات و اللافقاريات و علم الوراثه و الانسجه و الاجنه و المناعه و ده بقي شغله في معامل التحاليل و شركات الادويه برضه و شركات كتير بقي احنا قولنا الكيميائين بيشتغلوا في كل حته و حشرات )

6- كيميا / نبات : القسم ده بدرس فيه البيولوجي بتاع النبات و شويه فيسيولوجي للنبات و تصنيفاته و العوامل البيئيه اللي بتأثر فيه و التلوث و الانزيمات و الطحالب و تشريح النبات و شويه في علم الوراثه و شغله بقي في معامل الابحاث و التحاليل و شركات الادويه و الباقي بقي زي باقي اقسام الكيميا المزدوج

7- كيميا / حشرات : بدرس بقي في القسم ده البيولوجي بتاع الحشرات و تشريح انسجه الحشرات و المورفولوجي بتاع الحشرات و تصنيفات و تقسيمات الحشرات اكيد و علم بيئه الحشرات و علم الطفيليات و الوبائيات و التحاليل الطفيليه و الفيسيولوجي بتاع الحشرات و مكافحه الافات و السيطره عليها و المناعه و الميكروبيولوجي و الباثولوجي للحشرات و علم السموم و شغله بقي في معامل البحوث الزراعيه و معامل التحاليل و الشركات زي الادويه

◄ و فيه 8 اقسام مشتركه تنفع لعلمي رياضه و علمي علوم وهم :-

8- فيزيا / فلك : القسم ده برضه زي فلك منفرد و كده بس باخد شويه فيزيا بقي مع مواد الفلك و شغله زي ما قولنا في مرصد حلوان

9- فيزيا / علوم جويه : كوبي بيست من اللي فوقيه :D

10- فيزيا منفرد : ده بقي قسممن اقسام العباقره القسم ده عاوز واحد بيعشق فيزيا بطريقه بشعه المهم دراسته طبعا فيزيات بس كهربيه و حراريه و حدث ولا حرج اكيد انتو عارفين و شغله بقي في معامل الابحاث او دكتور في الجامعه او تاخد سنتين تربيه و تبقي مدرس و في مصانع الاجهزه الكهربيه و شركات بقي تانيه

11- فيزيا اتصالات : القسم ده مش موجود في مصر كلها غير في جامعه القاهره المفروض المفروض انه قسم رااااااااااااائع بس للاسف البكارليوس بتاعه ناقص و بيحتاج خريج القسم انه ياخد دبلومه فيزيا اتصالات و هي مش متوفره و صعب توفيرها كمان و شغله بقي هيبقي في معامل الابحاث و دكتور جامعي او مدرس بعد سنتين تربيه و شروطه اختار اي مقررين و اجيب تقدير عام جيد

12- جيوفيزيا منفرد : الجيوفيزيا هي تطبيق لقوانين الفيزيا علي الجيولوجيا اللي هي علوم الارض يعني و هي بقي في شغله تعتبر التنقيب اولي قبل ما احفر عشان اطلع الحاجه اللي انا عاوزها من تحت الارض ( بترول - مياه - معادن - ......... ) بشتغل شغل الجيوفيزيكس اللي هي زي الاستجابه الكهربيه او المغناطيسيه للارض و استخدم موجات السزميك و الجرافيتي و كده عشان اعرف فين المكان الغريب اللي في استجابه مختلفه عن اللي حوليه فاكيد المكان ده هو اللي فيه الحاجه الغريبه اللي انا عاوزها ( البترول و ....... ) و طبعا مطلوب في الشغل في شركات البترول و شركات المياه و تبع الاثار كمان بس البترول هو الاكثر شيوعا

13- كيميا / جيولوجيا : ده بقي من افضل الاقسام لعملي رياضه طبعا هو ينفع لعلمي علوم وكويس برضه بس علمي علوم ليه اقسام تانيه رائعه عموما ده بقي بيشتغل بالجيولوجيا زي ما قولنا فوق ان الجيولوجيا هي علم دراسه الارض و ده بقي شغله الموجود في شركات البترول و شركات المياه و جهاز شئون البيئه و قطاع الاثار و حاجات كده لقي قسم جميل كله بقي شغل صحرا و سفر وحاجات جميله كده و ممكن نشتغل اوبيريشن ( عمليات يعني ) في المكتب و ده بقي اللي بيعمل الخرايط مش الجغرافيه لأ خرايط تانيه هتعرفوها قدام شويه :D و مش كده بس ده كمان بيدرس كيميا و بيشتغل بيها و شغل الكيميا بقي في معامل التحاليل و شركات الادويه و الاسمده و ..... قولناها كتير بقي :D

14- كيميا منفرد : و ده برضه من افضل الاقسام لعلمي رياضه و اكيد برضه ينفع لعلوم زي ما قولنا و الكيميا بقي انتو عارفنها عضويه و حراريه و كهربيه و تحليليه و حاجات كتييييييييييير هتدرسوا كيميا لحد ما تحلموا بيها و انتو نايمين :D و شغل القسم ده بقي افي كل شركات مصر مافيششركه من غير كيميائي من ادويه و اسمده و مستحضرات التجميل و الشيبسي و البيبسي و كل حاجه لازم يخشفيها كيميائي و طبعا ليه معامل تحاليل برضه يشتغل فيها و شروط القسم اني اختار اي مادتين و اجيب جيد في الكيمتين و جيد تقدير عام و بيختار اعلي 60 طالب متوفره فيهم الشروط و كاتبين اول رغبه كيميا منفرد

15- كيميا / فيزيا : ده بقي قسم مخلط بين الكيميا و الفيزيا نص مواده كيميا و نصها فيزيا و شغله بقي زي اي قسم بيدرس كيميا بقي في معامل التحاليل و شركات الادويه و الاسمده و ..... و بيشغل بقي في الفيزيا في معامل الابحاث و شركات الالكترونيات و الحاجات ديه بقي :D و القسم مالهوش شروط اختار اي مادتين و اطلع تانيه و خشه علي طول

◄اقسام لعلمي رياضه فقط :-

1- رياضيات منفرد : ديه بقي رياضه باحته بحب الرياضه حب جنوني خشه يا كبير لكن انت كويس فيها مش بتحبها يبقي انساها خالص و شغلها في مصر للاسف قليل بس تشتغل في معامل الابحاث او دكتور في الجامعه او تاخد سنتين تربيه و تبقي مدرس و عشان تخشه لازم تاخد جير و احصا كمواد اختياريه

2- علوم حاسب منفرد : بص يا سيدي القسم ده انت بتدرس لغات برمجه جافا و هي سوفت و ير و رغم ان حاسبات و معلومات فيها سوفت و ير و هارد وير لكنها احسن لأنها بتدي المواد التطبيقيه في الواقع لكن في علوم حاسب بتاخد نظري كتييييير صحيح دماغك بتبقي اعلي في علوم حاسب لكن المشكله في المواد نفسها لكن انت لو خدت كورسات بره بتبقي اعلي من بتاع حاسبات و معلومات بكتير و الشغل لو دورت هتلاقي طبعا

3- احصاء منفرد : نفس كلام رياضيات منفرد

4- رياضه / احصا : نفس الكلام بالظبط زي رياضه و احصاء

5- رياضه / علوم حاسب : ده بقي برضه نفس الكلام

6- رياضه / فلك : بدرس مواد رياضه و مواد فلك و شغله في مصر في مرصد حلوان بس و قليل جدا و عشان اخشه لازم اختار ( جبر – فلك ) و انجح في الجبر و الفلك

7- فلك منفرد : زي رياضه فلك بس مش هاخد رياضه الا قليل قوي و نفس المواد الاخياريه رياضه و فلك و نفس الشغل برضه و انجح في الفلك

8- علوم فضاء منفرد : هو هو فلك منفرد بالظبط و نفس الشروط و المواد الاختياريه بس الفرق ده فلك و ده علوم جويه ^___^

9- رياضه / فيزيا : قسم اعتبره للعباقره فقط و شغله دكتور اومدرس او في معامل الابحاث بس و شروطه اخد جبر و اختار ماده من ( احصا – فلك – جيولوجيا – جيوفيزيا ) و لازم انجح جبر

◄اقسام الجديده :-

1- قسم بيوتكنولوجي : ده قسم جديد و مش موجود في اي جامعه حكوميه في مصر غير القاهره و ممكن تلاقيه ممكن في الجامعات الخاصه بس نادر جدا وده لسه كانت اول دفعه اتخرجت منه كانت السنه اللي فاتت القسم ده لعلمي علوم و رياضه بس بنسبه 2 : 1 يعني بياخد عدد من علمي علوم ضعف عدد الطلاب من علمي رياضه , فرص شغله موجوده في الشركات زي الادويه والشركات الصناعيه زي الالبان و المؤكولات وكذلك في المستشفيات لعلاج الامراض الوراثيه وأيضا هناك استخدامات تطبيقات البيوتكنولوجي في الصناعه و الزراعه و التحاليل الطبيه و في تطبيقات كتير موجوده البيوتكنولوجي و داخل القسم ده هتتعرف علي التعامل اكثر مع العامل

الوراثي في النبات والحيوان والانسان وزي منت عارف إن ده مدخل مهم جدا لعلاج كثير من الامراض أهمها السرطان أما بالنسبه لنبات فأهميته إنه ممكن تتدخل لزياده الانتاج وكذلك الحيوان

طبعا القسم خاص المصاريف بتاعته 9 آلاف جنيه في السنه + 10% زياده كل سنه و لما تنسيقك يجيب علوم و عاوز تخش القسم ده و انت بتقدم بتقول للشئون و انت بتسلمهم ورق التقديم انك عاوز تخشه لأنك هتخشه من سنه اولي علي طول و بيبقي فيه انتر فيو كده بسيط.

2- قسم علوم البترول : ده برضه من الاقسام الجديده نوعا ما بس موجود في كذه كليه تانيه زي علوم ااسكندريه و السويس و كام كليه تانيه خريج القسم ده مش بيبقي مهندس بترول زي ما الناس فكره لأ بيبقي جيولوجي برضه و الفرق بينه و بين اقسام جيولوجيا العاديه الموجوده في الكليه ان قسم علوم بترول متخصص في دراسه علوم البترول بس لكن الجيولوجيا بترول و مياه و معادن و حاجات كتييييييييييييييير و كمان شركه شلمبر جير ( من اكبر شركات السيرفيس كومباني :D ) الشركه المفروض انها بترعاك و بتوفرلك رحلات ( بس الرحلات برضه بيطلعها اقسام جيولوجيا ) و بتوفرلك فرص تدريب كتير ( لأن اقسام جيولوجيا العاديه بتوفر فرص تدريب بس في تالته بس ) ده توفير منهم لكن لو اي حد يقدر يجيب فرص تدريب لنفسه في اي وقت عادي و الشركه كمان بتوفر فرص شغل للاوائل طبعا القسم خاص المصاريف بتاعته 8 آلاف جنيه في السنه + 10% زياده كل سنهو لما تنسيقك يجيب علوم و عاوز تخش القسم ده و انت بتقدم بتقول للشئون و انت بتسلمهم ورق التقديم انك عاوز تخشه لأنك هتخشه من سنه اولي علي طول .

◄تعبتوا عارف خد نفسك :D :D

◄

ملحوظات // مش كلي الجامعات فيها جميع الاقسام 

كل محافظه بيختلف درجه التنسيق بتاعها 

كل قسم ليه تنسيق داخلي الكليه بتحدده 

التخصص ف سنه تانيه 

:D اى خودمه :]

======================

كلية علاج طبيعى

✔✔معلومات عن كليه العلاج الطبيعي✔✔

◄العلاج الطبيعي هي مهنة طبيه تقدم خدمات للأفراد من أجل تطوير والحفاظ واعادة الحركة إلى الحد الأقصى والقدرة وظيفية في جميع مراحل الحياة. يشمل وهذا تقديم الخدمات في الظروف التي تكون فيها الحركة مهددة بسبب الشيخوخة، أو الإصابات أوالأمراض أو العوامل البيئية.

◄ مميزات الكليه :-

◄مدة الدراسة بالكلية 5 سنين 4 سنوات دراسة اكاديمية وسنة امتياز

◄ الكلية الحمد لله مستقبلها اكثر من رائع لانك ليك تكليف بعد التخرج ان شاء الله وفى ناس كتير بتشتغل من وهيا بتدر س هو يعنى اذا كمجال عمل هو اكثر من رائع ومربح واولا واخير الله مقسم الارزاق

◄ اولا مميزات كلية العلاج الطبيعى عن طب بشرى

طب بشرى عدد الخرجيين كتيييييييييييييير لدرجة ان بقوا فى التكليف بتاعهم يودوهم اماكن بعيدة من كثرة دكاترة بشرى فى المدن وطبعا انا ليا قريبتى بتصوت ودوها شمال سيناء يعنى غربة ومواصلات ومصاريف وهيا خريجة جامعة اسكندرية ده طبعا غير المرتب المهول اللى بتقبضه واللى ميتجوزش300 جنيه

◄ بالنسبة للولاد طب بشرى معاناة كبيرة لانك بتدرس سبع سنين بعدها 3 سنين جيش بعدها تكليف ولازم تعمل ماجستير عشان تتخصص ودوخينى يا لمونة يعنى عشان توصل للى المرحلة اللى تقدر تقول فيها انا هبدا اكون متسقبلى يا جماعة يكون عندك 28 سنة

◄كلية علاج طبيعى بقى عدد الخرجيين قليل وتكليفك بيبقى فى بلدك بس برضه لازم يكون تقديرك كويس ده يساعدك كتير

◄ عدد سنين الدراسة خمسة فقط وبتبدا شغل من بعد رابعة على طول وبتبدا تاخد مرتب من وانتا فى امتياز سواء من الحكومة او من الشغل الخاص اللى يببقى فى عيادات وزى ما قلت والله يا جماعة فى ناس كتيرة فى امتياز بتطلع بمرتب محترم من الشغل الخاص

يعنى تخيلوا وانتو فى امتياز بتاخدوا فى الشهر 200 جنيه من الحكومة +مرتب الشغل الخاص

◄يعنى مبلغ محترم جدا بالمقارنة ببتاع بشرى اللى لسه طالب فى سنة خامسه

◄ تتكون الكلية من الأقسام العلمية الآتية:

1· العلوم الأساسية للعلاج الطبيعى

2· العلاج الطبيعى لإضطرابات الجهاز الدورى والتنفسى والمسنين

3· العلاج الطبيعى لإضطرابات الجهاز العصبى العضلى وجراحتها

4· العلاج الطبيعى لإضطرابات مراحل النمو والتطور وجراحتها عند الأطفال

5· العلاج الطبيعى لإضطرابات الجهاز العضلى والحركى وجراحتها

6· العلاج الطبيعى للجراحة

7· الميكانيكا الحيوية

8· العلاج الطبيعى لأمراض النساء والتوليد وجراحتها

◄ بالنسبه لتنسيق الكليه السنه قبل اللى فاتت علمي علوم 96.3

منشن و شير بقه 

=============================

كلية اعلام

✔✔كليه الاعلام✔✔

تنقسم الكلية لثلاثة أقسام هي:

إعلام عربي

إعلام إنجليزي

صحافة إلكترونية

وينقسم كل من قسمي إعلام عربي وإعلام إنجليزي إلى:

إذاعة وتليفزيون

صحافة

العلاقات العامة

ويبدأ التخصص في فرع من الفروع ابتداءً من السنة الثانية للطالب في القسم العربي و السنة الثالثة للطالب في القسم الإنجليزي.

تم افتتاح قسم للتعليم المفتوح بالكلية عام 2009 وهو من ارقى اقسام الكلية ويدرس فية قسم عام اى تكون على ادراك تام بكل الاقسام مما يوفر فرص عمل

لابد من دراسة 132 ساعة بمقدار 33 ساعة فى خلال الفصل الدراسى الواحد، على مدى 8 فصول دراسية (أربع سنوات)، ولكل مادة 3 ساعات إسبوعيًّا

كل مواد إعلام من 100 درجة موزعة كالتالى:

50 درجة امتحان أخر الترم

20 درجة أعمال فصلية وأبحاث

20 درجة ميد تيرم (امتحان نص الترم)

10 درجات غياب

ولابد للطالب أن تكون نسبة حضوره للمحاضرات تتعدى ال75%، وإلا وجه إنذارين ولو وصل لغياب قدره 25% يعتبر راسب فى المادة

المواد التى تدرس فى الفرقة الأولى للعربى

------------------------------------------------

الإجبارية:

- عربى (1)

- عربى (2)

- لغة أجنبية (1)

- لغة أجنبية (2)

- مدخل إلى الصحافة

- مدخل إلى الإذاعة والتليفزيون

- مدخل إلى الإعلان

- مدخل إلى العلاقات العامة

الاختيارية:

المدخل النفسى للإعلام

مبادئ علم السياسة

- المدخل الاجتماعى للإعلام

- تاريخ مصر الحديث والمعاصر

- تاريخ العالم الحديث

- الجغرافيا السياسة

- مبدائ الاقتصاد

- القانون الدولى

- أسس الإدارة

- الإعلام العلمى

ويختار الطالب ما يناسب ميوله واتجاهاته، وبناء على رغبته وليس بناء على نصائح من زملاء أكبر منه، لأن مسئلة جمال المادة أو سهولتها نسبية حسب الارتياح

ويختار الطالب فى كل ترم من الاثتنين مادتين من ال10 الاختيارى بجانب أربعة من الإجبارى

المواد التى يتم دراستها فى الفرقة الأولى للشعبة الإنجليزية

------------------------------------------------------------------

الإجبارية:

- لغة عربية (1)

- لغة عربية (2)

- لغة أجنبية (1)

- لغة أجنبية (2)

الاختيارية:

- مقدمة فى الحساب الآلى

- الإعلام التجارى

- قضايا سياسية معاصرة

- مبادئ الاقتصاد

- المدخل الاجتماعى للإعلام

- المدخل النفسى للإعلام

- مبادئ التحليل الإحصائى

علمًا بأن هذه المواد باللغة الإنجليزية

المواد التى يتم دراستها فى الفرقة الأولى لشعبة الصحافة الإلكترونية

-----------------------------------------------------------------------------

الإجبارية:

- لغة عربية

- لغة إنجليزية

- تطبيقات الحاسب الإلكترونى فى الإعلام

- أساسيات التصميم

- ترجمة إعلامية

- مدخل إلى وسائل الاتصال

- الاتصال المستعين بالحاسبات الإلكترونية

- التغطية الإخبارية (1)

- تدريب عملى (1)

الاختيارية:

- علم النفس الإعلامى

- نظرية الترجمة

- التذوق الفنى وتاريخ الفنون

- الاتصال السياسى

يختار الطالب منهم مادتين

-----------------------------------------------------------

كل طالب يأخذ 6 مواد فى الترم الواحد ويأخذ لكل مادة محاضرة واحدة تكون 3 ساعات فى الأسبوع

ملخص هام لطلاب الفرقة الأولى (عربى) للمواد الاختيارية العشرة الذين سيقومون باختيار اثنين منهم فى كل ترم

1- المدخل النفسى للإعلام

-------------------------

يهدف هذا المقرر إلى التعريف بعلم النفس الإعلامى والمداخل المختلفة لدراسته، وتحليل العملية الاتصالية من الناحية النفسية وربطها بمكونات الشخصية وتتنوع أساليب تدريس هذا المقرر ما بين المحاضرة والمناقشات المتعمقة وجماعات النقاش المركزة.

ويتم تقييم الطلاب فى هذه المادة من خلال الامتحان التحريرى والتكليفات الدورية والمناقشات لتقييم قدرة الطلاب على الاستيعاب.

2- المدخل الاجتماعى للإعلام

----------------------------

يتناول هذا المقرر مجموعة من الموضوعات الأساسية والمهمة لدارسى الإعلام، تتمثل فى السياق الاجتماعى لنشأة وسائل الإعلام كوسيلة اتصال جماهيرى، ووظائف وسائل الإعلام والأطر النظرية المفسرة لعلاقة وسائل الإعلام بالمجتمع، ويهدف هذا المقرر إلى إكساب الطلاب بعض المعارف والمهارات التى تمكنهم من القدرة على تحليل وفهم الرسائل الإعلامية والقدرة على اكتشاف سمات وعناصر السياسات الإعلامية، وغيرها.

وتتنوع أساليب تدريس هذا المقرر ما بين أسلوب المحاضرة وعروض الشرائح باستخدام برنامج (البور بوينت) إضافة إلى أسلوب المناقشات حول القضايا.

3- مبادئ علم السياسة

---------------------

يهدف هذا المقرر إلى إعطاء الطلاب فكرة شاملة عن العلوم السياسية وفروعها، وتعريفهم بخصائص المجتمعات الديمقراطية ومفاهيم الإصلاح السياسى والرقابة على الإعلام فى الدول المختلفة.

وتتنوع أساليب تدريس هذا المقرر ما بين المحاضرة وإشراك الطلاب فى المناقشات، كما يتم تكليف الطلاب بإجراء بحوث حول الموضوعات المختلفة بالمقرر.

4- مبادئ الاقتصاد

------------------

ويدور هذا المقرر حول تعليم الطلاب مبادئ الاقتصاد السياسي، من خلال تدريب الطلاب على فهم ومحاولة حل المشكلات الاقتصادية المعاصرة، والتعرف على مبادئ الاقتصاد وتفريعاته وأهم قضاياه ومداخل دراسته وفهم تطبيقاته العملية، إضافة إلى الربط بين الاقتصاد والإعلام كمجالين متكاملين ومؤثرين فى المجتمع المعاصر.

وتتنوع طرق تدريس هذا المقرر ما بين استخدام أسلوب المحاضرة، وأساليب العرض الفعالة باستخدام الـ(داتا شو) وغيرها.

5- تاريخ مصر الحديث والمعاصر

--------------------------------

يهدف هذا المقرر إلى تعريف الطلاب بالخطوط العريضة لتطور المجتمع المصرى فى العصر الحديث والمعاصر، وربط الماضى بالحاضر لقراءة ما يحدث فى مصر حاليا مع إمكانية التنبؤ بالمستقبل القريب. وتتنوع أساليب تدريس هذا المقرر ما بين المحاضرات وطرح الأسئلة واستثارة أفكار الطلاب.

ويتم تقييم الطلاب من خلال أجراء أبحاث فى الموضوعات المختلفة التى يتضمنها المقرر وطرح الأسئلة لتقييم مدى قدرتهم على الفهم والتركيز.

6- تاريخ العالم الحديث

----------------------

يهدف هذا المقرر إلى تعريف الطلاب بخريطة العالم السياسية فى العصر الحديث وملامح هذه الخريطة خلال (عصر النهضة الأوروبية- الاستعمار- الثورة الصناعية- التحالفات الدولية).

وتتنوع أساليب تدريس هذا المقرر ما بين المحاضرات والمناقشات داخل المحاضرة.

ويتم تقييم الطلاب فى هذا المقرر من خلال لامتحانات والأبحاث حول مختلف الموضوعات التى يناقشها المقرر.

7- الجغرافيا السياسية

--------------------

ويدور هذا المقرر حول ماهية علم الجغرافيا السياسية والفروق النوعية بينه وبين علوم الجغرافيا الأخرى، من خلال التركيز على إبراز دور المقومات الجغرافية (طبيعية وبشرية) فى قوة الدولة، وإبراز أهم قضايا الحدود السياسية والخريطة السياسية العالمية المعاصرة.

وتتنوع طريقة تدريس هذا المقرر بين استخدام أسلوب المحاضرة، وأسلوب إعداد أوراق بحثية فى أحد الموضوعات التى يطرحها المقرر.

8- القانون الدولى

----------------

يهدف هذا المقرر إلى تعريف الطالب مفهوم القانون الدولى ومصادره وتنمية قدرات الطلاب على كيفية التعامل مع المشكلات الدولية، ويتم تدريس هذا المقرر من خلال كتب القانون الدولى والمجلات ومواقع الانترنت.

9- أسس الإدارة

---------------

يهدف هذا المقرر إلى تعريف الطلاب بالمفاهيم الأساسية للإدارة، وإبراز ضرورة الإدارة لكل من الفرد والمنظمة والمجتمع ككل، وكذلك إتفان فنون ومهارات الإدارة، وفهم الوظائف الإدارية المختلفة، ويتم تدريس هذا المقرر من خلال المحاضرات وورش العمل وتمثيل الأدوار.

10- مقرر الإعلام العلمى

------------------------

يتناول هذا المقرر مجموعة من القضايا والموضوعات بالغة الأهمية لدارسى الإعلام منها التفكير العلمى: خصائصه وخطواته، المنهج العلمى فى البحث، مفهوم الإعلام العلمى وجوانبه، وسائل الإعلام العلمى المطبوعة والمسموعة والمرئية، والكتابة العلمية لوسائل الاتصال، وأوضاع الإعلام العلمى فى مصر، بهدف تدريب الطلاب على التمييز بين أنماط التفكير المختلفة، وإدراك الخصائص المميزة للإعلام العلمى، واستيعاب الدور الذى يقوم به الاتصال العلمى فى نشر المعرفة العلمية والفكر العلمى.

وتتنوع طرق تدريس هذا المقرر بين أسلوب التعليم التعاونى، التعليم الذاتى، التعليم بالنمذجة والتعلم التنافسى.

الاستوديوهات :-

توجد في كلية الاعلام استديوهات للإذاعة والتلفزيون. صممت الأستديوهات المصممة بطريقة علمية تتناسب مع الاحتياجات الفنية للإنتاج التلفزيوني، ومنها عزل جدران الاستديوهات وأرضياتها ضد الصوت والحرارة بالصوف الزجاجي و

تضم الاستوديوهات:

استديو الراديو

غرفة التحكم في استوديو الراديو

الاستديو التلفزيوني

غرفة التحكم في الاستديو التليفزيوني

تضم منطقة الأستديوهات غرفتان للمونتاج التلفزيوني إحداهما وحدة مونتاج لا خطي NON LINEAR تدار بالكمبيوتر، وتعد أحدث وحدة مونتاج من نوعها، وتماثل ما هو مستخدم من وحدات المونتاج الرقمية الحديثة في التلفزيون المصري. وحدة المونتاج الأخرى تعتمد على خاصية المونتاج المباشر مزودة بالأجهزة الرقمية والمؤثرات البصرية.

وحدات المونتاج بالاستوديو هي :$

غرفة المونتاج الخطى.

الجدير بالذكر أن المواد التلفزيونية المنتجة من الأستديو صنفت على أنها مواد مستوفية (من الناحية الهندسية) لشروط البث التلفزيوني.

المعامل

تهدف المعامل بالكلية إلى خدمة الاحتياجات العملية والتعليمية للدارسين بكلية الإعلام بأقسامها الثلاث: الإذاعة والتليفزيون - الصحافة - العلاقات العامة والإعلان.تضم الكلية المعامل الآتية :

معمل الكمبيوتر الرئيسى

معمل نادى تكنولوجيا المعلومات

معمل صوت الجامعة

معمل العلاقات العامة والإعلان

معمل اللغات

=================================

‫#‏كليه‬ تجاره انجلش =D

نتكلم على تجارة انجلش علشان الناس اللى عايزة تعرف عنها =D

الكلية دى تعتبر اكتر كلية مجالاتها مفتوحه على اى حاجه ، نتكلم اولا عن التقديم فيها

1- التقديم فيها بيكون تنسيق داخلى ، يعنى لما حضرتك تقبل فى تجارة تقدم جوة الكلية فى تجارة انجلش و التنسيق بتاعها بيبقى عبارة عن مجموع اعتبارى اللى هو ( مجموعك الكلي + درجة الانجلش + المستوى الرفيع لو كان انجلش ) لكن لو المستوى الرفيع اى حاجه تانيه مش بيتضاف فى المجموع الاعتبارى .

2- اقسامها : زى اقسام تجارة عربي بالظبط مافيش فرق ( بس بالانجلش )

3- مجالات الشغل من تجارة :

- ممكن تشتغل فى المحاسبة فى اى بنك او شركة ( و ده اكتر شغل معروف لأى حد خريج تجارة و اى حد يعرف ان فلان فى تجارة يعنى محاسب على طول =D ) .

- ممكن تشتغل فى الإدارة 

لأن فيها قسم ادارة أعمال و القسم ده مفتوح على حاجات كتيرة ... ممكن تفتح مشروعك الخاص من خلال خبرتك فى ادارة الأعمال ، ممكن تشتغل فى التسويق ، ممكن فى المبيعات ( اللى هى مشهورة بإسم sales ) .

- ممكن تدخل فى حوار السلك الدبلوماسي و السفارة و الكلام ده لو دخلت قسم اقتصاد و تجارة خارجية 

ملحوظة : ( تجارة خارجية ده مش موجود غير فى جامعة حلوااااااان فقط ... و فى ناس واخده فكرة عن تجارة حلوان انها تجارة خاريجة .. أحب اوضحلهم ان تجارة خارجيه ده قسم فقط ليس أكتر :) ) .

بس عامة بالنسبة لشغل السلك الدبلوماسي من تجارة مش هيبقى متوفر معاك اوى كخريج تجارة ( نسيبنا من حوار الواسطة و الكلام ده =D) بس بالعقل كده فى كلية اسمها اقتصاد و علوم سياسية ، أكيد بتوع السفارة و السلك الدبلوماسي مش هيسيبوا بتوع سياسة و اقتصاد علشان ياخدوا بتوع تجاره 😄 ... فشغله يعتبر مش مضمون اوى .

ده الكلام اللى معروف جدا عن تجارة انجلش و اللى انا عرفت اغلبه بعد ما دخلت الكلية .

بس ملحوظة بسيطة منى و فى رأيي أنا 

" ماتدخلش قسم علشان مجرد تطلع منه تشتغل الشغلانه الفلانيه ... ادخل القسم اللى انت شايف انك هتعرف تذاكره و بالبلدي كده تمشي فيه او تعدي فيه ، غير لو إنت اصلا عايزه علشان بتحبه ....

ناخد مثال ! : لو انت حابب مواد اقتصاد و عايز تدخل قسم اقتصاد بس شغله مش مضمون بالنسبالك ... او انت مثلا شايف ان مواده سهله اوى و هتعرف تذاكرها على طول ، يبقى ادخل اقتصاد و لما تتخرج اعمل دبلومة ادارة أعمال و اشتغل اى شغل freelance ( عمل حُر يعنى ) ... ده كمثال مش أكتر 

ده اللى انا شايفاه من وجهة نظرى "

فى طبعا حل تانى للشغل و هو انك تكون حابب الدراسة اصلا اوى و لما تخلص دراستك فى الكلية تحضّر masters و بكده انت ممكن تشتغل فى التدريس فى الجامعة

دى كده تعتبر كل حاجه عن تجارة انجلش 👌

يا رب اكون افدتكوا و ماطولتش عليكوا 😉

لايك و منشن و شير عشان ننزل باقي الكليات

=======================

✔✔معلومات عن طب بيطري✔✔

◄هي فرع من فروع العلوم الطبية التي تعنى بالوقاية والعلاج أو تخفيف الألم من أمراض وإصابات الحيوانات خاصة الأليفة منها، وهو يشمل علم التشريح المجهري والتشريح والكيمياء الحيوية وعلم الأنسجة والوراثة وعلم الجراثيم وعلم الطفيليات وعلم الأمراض وعلم العقاقير وعلم وظائف الأعضاء (التشريح) والطب الباطني والجراحة والطب الشرعي والسموم وعلم الأمراض المشتركة وعلم الأمراض المعدية والوبائية وعلم أمراض الدواجن وغيرها من العلوم الطبية في الحيوان.

◄اقسام كليه طب بيطرى

قسم الادوية

قسم الطفيليات

قسم الباثولوجيا

قسم الامراض الباطنة والمعديه

قسم الميكروبيولوجيا

قسم الفيرولوجيا

قسم الصحة والرعايه البيطريه

قسم التشريح والاجنة

قسم الفسيولوجيا

قسم الخليه والانسجه

قسم السموم والطب الشرعى 

قسم امراض الاسماك

قسم امراض الدواجن

قسم التوليد والتناسل والتلقيح الاصطناعى

قسم الجراحة والاشعه

قسم الباثولوجى الاكلينيكى

قسم الامراض المشتركه

قسم الرقابه الصحيه على الاغذيه

قسم التغذيه والتغذيه الاكلينيكيه

قسم الكيمياء الحيويه

◄التعامل مع الحيوانات ف رابعه و خامسه

◄الكليه مستقبلها كويس ليها فرص عمل كتيره اصلا مفيش دكتور بيتخرج مش بيلاقي شغل :D

◄صعبه جدا جدا عايزه مذاكره جامده

◄مش لازم اما تتخرج تشتغل ف البيطري ممكن معمل تحاليل او حاجات خاصه بالطب عموما

◄اغلب المواد العلمية اللى بتاخديها بتبقى كلها خاصة بالادوية والتحاليل والامراض المعدية والتشريح والانسجة والكيمياء والفيزياء وحاجات كتييييييييييييييييييييييييييييييييييييييييير

◄يعتبر خريجى الطب البيطرى من المحظوظين لما يمثلوه من قيمه علميه تؤهله لمجالات كبيره فى اسواق العمل المختلفه

اولا :مجــــال الرعايه الصحيه للحيوان !

1-مجال الرعايه الصحيه و البيطريه للحيوان بالعيادات البيطريه

2-الصيدليات البيطريه

3-شركات و مراكز بيع الادويه كمندوب

4-المعامل البيطريه الكيميائيه و البيولوجيا و الباثولوجيا

5-مجال تربيه الخيول و مراكز الهجن و نوادى الفروسيه

ثانيا: مجـــال الانتاج الحيوانى و الداجنى و السمكى

1-مزارع انتاج و تربيه الدواجن و انتاج البيض

2-مزارع التسمين كالبقار و الجمال

3-مزارع الانتاج المكثف للحليب

4-مزارع انتاج و تربيه الاسماك

5-مزارع تربيه و اكثار النعام 

6-مجال الرعايه التناسليه و نقل الاجنه

ثالثا :مجال المراقبه الصحيه على الاغذيه

1-الكشف على اللحوم فى مسالخ الحيوان و الدواجن

2-فى المستشفيات البشريه للمراقبه على الاطعمه و الماكولات

3-فى الفنادق الكبرى لمراقبه الاطعمه و الماكولات

4-فى صحه البيئه بالقرى و المدن

رابعا :مجال حمايه البلاد من الامراض الوافده و مكافحه الاوبئه

1-الحجر البيطرى فى المطارات و الموانى و الحدود و المنافذ

2-اداره مكافحه و تقصى الاوبئه

3-فحص الحيوانات المستورده الحيه و المذبوحه و الاسماك و الالبان

خامسا :مجال صناعات الغذائيه

1-مصانع و شركات انتاج اللحوم

2-مصانع الالبان و منتجاتها

سادسا :مجال صناعات الادويه و مجال الاعلاف

1-مصانع انتاج الدواء البشرى و البيطرى

2-مجال الدعايا و التسويق للدواء البشرى و البيطرى

3-مجال تصنيع الامصال و اللقاحات

4-مجال تقنيات الجوده بالمصانع و الشركات

5-مصانع تجهيز و انتاج الاعلاف

سابعا:ادارات الاحوال المدنيه و القضاء و القوات المسلحه

1-قسم الطب الشرعى و الادله الجنائيه لكتابه التقارير الجنائيه عن الجرائم

2-مشاريع الامن الغذائى فى القوات المسلحه

3-فى هيئه الشرطه لرعايه الخيول و كلاب الامن و الحراسه

◄فى طبعا مجالات تانيه كتيره مش ذكرتها زى العمل فى حدائق الحيوان و المحميات الطبيعيه لرعايه الحيوان و الحفاظ عليها من الانقراض زى احمد السقا فى فيلم افريكانوا

و ممكن تبقى معيد او تعمل فى هيئه التدريس و بالمناسبه اللى بيحطوا منهج الاحياء و امتحانات الاحياء دول خريجى طب بيطرى او دكتور تحاليل و حاجات تانيه

=====================