مذكرات تعليمية مذكرات تعليمية
recent

آخر الأخبار

recent
random
جاري التحميل ...
random

شاهد..14 معلومة لا تعرفها عن "البوكيمون".. لعبة "هوست" العالم وكل المعلومات عنها

شاهد..14 معلومة لا تعرفها عن "البوكيمون".. لعبة "هوست" العالم وكل المعلومات عنها 


أثارت لعبة "البوكيمون" التي انتشرت مؤخرًا، جدلًا على مواقع التواصل الاجتماعي "فيسبوك"، ونشرت صفحة " خمسة بلس حاجات" 14 معلومة عن اللعبة.

وقالت الصفحة: "العالم حرفيا مقلوب بقاله يومين وكل الناس في الشوارع ماشية بتدور علي الـ Pokémon، اللي بيدور عند الجيران واللي دخل وراه قسم شرطة واللي اكتشف أماكن جديدة في بيته أو منطقته عمره ما كان يعرف عنها أي حاجة!". 

وعدت الصفحة 14 معلومة حول لعبة الـ"بوكيمون جو" : 
1-الـPokémon Go
باختصار عبارة عن لعبة معتمدة علي الـ Augmented reality اللي بتربط بين كاميرا موبايلك وحاجات في الواقع زي شجرة مثلا أو عمود نور بالـ GPS.

2- اللعبة بتحول العالم الحقيقي اللي انت فيه لعالم من البوكيمونز اللي انت مكلف بمطاردتهم في كل مكان بداية من درج مكتبك ، لابتوبك، سلم بيتكم، وبعدين تاخدك تمرمطك في الشوارع ترمي عليهم كور وتاخدهم أسري معاك 
فمتقلقش لما تصحي تلاقي بوكيمون تحت سريرك او تفتح الحمام تلاقيه قاعد بيلبي نداء الطبيعة

3- كل اللي عليك إنك تروح للمكان اللي بيحددهولك ال GPS وتفتح كاميرا موبايلك وتبدأ في اصطياد البوكيمون الموجود عن طريق رمي الكور عليه.

4- كل بوكيمون بتصطاده بيكون ليه خصائص معينة زي رقم الـCP اللي بيقيس طاقة البوكيمون، وكل ما زاد الرقم كل ما كانت البوكيمون بتاعة اقوي. وقوة البوكيمون بتزيد عن طريق الـ Stardust ودي أدوات معينة بتاخدها عن طريق إصطياد البوكيمونات جديدة و إصطياد نفس البوكيمون أكثر من مرة.

5- المسافات في اللعبة بتتحسب بالمشي الفعلي ومينفعش فيها استخدام العربية لان الأبلكيشن بستخدم جهاز قياس المشي الموجود في موبايلك.

6- عشان كده خلونا نتفق إن أحسن حاجة في Pokémon Go إنها بتخليك تتحرك وتنزل للشارع وتتمشي لمسافات بعيدة عشان توصل للـ Pokéstops فهي بردو بتصنف كلعبة رياضية.

7- موقع بوكيمون نشر تحذير من تشغيل اللعبة وانت سايق ولفت انتباه المستخدمين إن في أماكن ممكن يكون جواها بوكيمونز لكن الحصول عليها ممكن يعرضك للخطر زي بيوت الناس والمباني تحت الإنشاء.

8- وامبارح البوليس الأمريكي طلع بيان بيناشد فيه المواطنين إنهم يبطلوا يجوا يطاردو البوكيمونز في الأقسام عشان ميصحش كده.


9- اللعبة من تطوير شركة Niantic وهي إحدى الشركات التابعة لآلفابيت (الشركة الأم لجوجل).

10- اللعبة متاحة في أمريكا واستراليا ونيوزيلندا، أما باقي الدول ومنها مصر لسة موصلتش ليهم رسميا.

11- وعشان احنا شعب مبيغلبش فاللي بيستخدموا اندرويد حملوها من علي الأنترنت بيصيغة apk وثبتوها علي الموبايل زي اي برنامج تاني عادي.

12- أما بالنسبة لعملاء أبل اللي بيستخدموا نظام IOS فهتلاقوها علي App store ده بعد تغيير الدولة لأمريكا أو استراليا من الإعدادات بتاعة iCloud.

13- بالنسبة لجيل التسعينات فالـ “بوكيمون” فدي مش بداية علاقتهم بلعبة البوكيمون احنا أول جيل لعبها زمان الآتاري وبردو كانت حققت شعبية كبيرة واتحلولت لمسلسل أنمي حقق نسب مشاهدة عالية عالميا واتدبلج للعربي واتعرض لأول مرة في الوطن العربي على القناة الثانية المصرية وقناة MBC سنة 2000.

14 - ده لينك لفيديو بيشرح اللعبة وازاي بتتلعب. 
video
اضغط هنــــــــا لمشاهدة الفيديو


وتعد اللعبة الجديدة التي أطلقت، الأربعاء، في الولايات المتحدة الأكثر تحميلا ضمن التطبيقات المجانية للمتجر الإلكتروني لشركة آبل، كما تسببت في ارتفاع أسهم الشركة 10 في المئة لتسجل أعلى مستوى منذ أكثر من شهرين.
 
كما طرحت اللعبة في أستراليا ونيوزيلندا هذا الأسبوع ومن المتوقع أن ترى النور قريبا في اليابان.

واللعبة التي يبحث المشاركون فيها عن شخصيات البوكيمون ويقاتلون أخرى متاحة بالمجان، لكنها تعرض أيضا عمليات شراء ضمن التطبيق لزيادة الطاقة أو الحصول على إضافات.




التعليقات



لا تنسوا الإشتراك في موقعنا ليصلكم كل أعمالنا عبر البريد الالكتروني

إتصل بنا

مذكرات تعليمية

صفحتنا علي الفيسبوك

Blogger Tips and TricksLatest Tips For BloggersBlogger Tricks

احصاءات المدونة

جميع الحقوق محفوظة

مذكرات تعليمية

2016