مذكرات تعليمية مذكرات تعليمية
recent

آخر الأخبار

recent
random
جاري التحميل ...
random

لو عايز تتعلم اى لغة ف العالم او اكثر من لغة فى اقل وقت وجهد ماذا تفعل ؟ الخطوات من هنا

لو عايز تتعلم اى لغة ف العالم او اكثر من لغة فى اقل وقت وجهد ماذا تفعل ؟ الخطوات من هنا 



طيب ده شاب اسمه محمد عنده حوالي 26 سنه كان استضافه البني آدم اللي بعشقه اللي اسمه الشقيري ده في حلقه من حلقاته لانه كان بيتقن حوالي 17 لغه !! grin emoticon
امبارح انا كنت اعد قدام الشاب ده بحضرله سيشن بيشرح فيه ازاي اتعلم اللغات دي كلها في الوقت ده و قال حاجات كتير فادتني جدا بصراحه فانا حاولت الخصها في كام نقطه و اكتبها smile emoticon 
1- احفظ جمل مش كلمات . قال من الغلطات الفادحه في نظام تعليم اللغات في مصر هو ان الطفل بيدخل الفصل بيترص قدامه قائمه كلمات المفروض يحفظها و يعد يحفظ عشان يسمع و بعدين ينسي و ده غلط ، المفروض الواحد لو قابلته كلمه جديده لازم يتعامل معاها كجمله لازم يعني تحطها في قالب عشان متدلقش من مخك 

2- غرق البيئه المحيطه بيك باللغه . يعني لو هتتعلم انجلش يبقي حاول تغير كل حاجه حواليك للانجلش . التلفزيون الموبايل الفيس ، الاخبار ، الراديو ، اسمع اغاني انجلش ، و ضيف ناس عندك ع الفيس من بلاد اجنبيه و ارغي ، اقرا كتب بالانجلش ، الافلام اللي بتشوفها حاول تخلي ترجمتها بالانجلش و وقف الفيلم و حاول تقلد المشاهد اللي بتتقال و تنطق الجمل زيهم ، اتكلم مع صحابك حتي لو ساعتين كل يوم بالانجلش ، اكتب اي حاجه تيجي في دماغك بالانجلش ، خلي عينك تتعود تشوف حروف انجلش و ودانك تتعود تسمعها وايديك تعود تكتبها و لسانك يتعود ينطقها ، ده اللي خلي الاطفال تنطق اللغه من غير ما تدرسها و ده اللي كان بيعمله . 

3- متتكسفش اما تنطقها او تتكلمها. قال انه في امريكان اما كان بينطقوا كلمات غلط كان عادي الناس بتصلحها بكل بساطه انما عندنا لو قولنا كلمه غلط يتريقوا علينا و المصيبه لو قولنا كلمه بنطقها الصح يتريقوا علينا بردو ! فخلي عندك ثقه و اتكلم مع السياح مع صحابك مع اي حد و نفض للناس sunglasses emoticon 

4- اي لغه ديما بتبقي مرنه . متفكرش في الجراااامر كتير اما تيجي تتكلم و قال امثله عن كلمات كتير بينطقها الامريكان و ملهاش اي علاقه بالانجلش زي ما احنا بننطق كلمات كتير ملهاش علاقه بالعربي فهما كده بردو و اي لغه كده فحاول تاخد الموضوع ببساطه مش لو غلطت في اسبيلنج تتعقد او غلطت في جرامر تتكسف . 

5- خلي عندك روتين يومي . روتين لازم تنفذه كل يوم مثلا هتتكلم مع صحبك ساعه او تسمع فيديو انجلش لمده ربع ساعه و تحاول تفهمه و تعرف الكلمات الجديده و تحطها في جمل زي ما قولنا و تستخدمها متركنهاش . 

6- متبداش لغتين ع التوازي . و دي يعتبر اهم نقطه فادتني لاني كنت بفكر اعمل كده .. يعني مش الاسبوع او الشهر ده هركز ع الانجلش و الاسبوع الللي بعديه فرنساوي قال لا ده غلط حاول تركز علي لغه واحده بسسس و تغرق حياتك في اللغه دي لحد ما تتشبعها و ممكن بعد ما توصل للمستوي المتوسط في اللغه تبدا في basics لغه جديده . 

7- استغل الفرص . جالك فرصه تسافر متفكرش مرتين grin emoticon جارك بيتكلم لغه معينه اتصاحب عليه صحبك حسيت الاكسنت بتاعه حلو حاول تتكلم معاه كتير ، روحت مكان في سياح حاول تتكلم معاهم متتكسفش ، لاقيت بيدج اجنبيه حاول تدخل تعمل كومنتات و تشارك في اي نقاش فيها و يا سلام لو بعت ادد و اتكلمت مع حد فيهم شات ( انا عملت كده grin emoticon )

8- الكورسات دي fake . مش كورس اللي هيخيليك تتكلم اي لغه مهما كان الكورس معتمد من اي حته ... الكلام اللي فوق ده اللي هيخليك تتكلمها لبلب بس لو انت عايز و تعبت و حطيت الموضوع في دماغك grin emoticon 
بصراحه انا فكرت اكتب بوست مليان لينكات مواقع و كورسات انجلش من اللي مسيفهم عندي و بتاع بس حسيت ان الكلام ده مفيد اكتر اهم من البوستات دي اللي مش فالحين غير اننا نعملها bookmark وبس 
نحن كما وعدناكم فى المنشورات السابقة اننا ان شاء الله سننشر جميع امتحانات الشهادات والنقل لكل مراحل التعليم المصرية . صور اصلية سهلة الطباعة وطريقة التحميل كما شرحناها لكم . وهذة الطريقة ننشرها مرة اخرى .  اعضائنا الكرام يمكنك متابعتنا دوما على هذة المدونة وعلى الفيس الجروبات والصفحات المسماه بمذكرات تعليمية وكيف احمل من هذة المدونة اخى الكريم ؟ اولا ضغطة شمال على الصورة ستظهر الصورة بحجمها الكبير وحولها اسود اضغط فى اى جنب اسود ستظهر الصورة ثانية واسفلها باقى الصور اضغط على الصورة ضغطة يمين واختار احفظ الصورة هنا او عبارة save image as واختار المكان فى كمبيوترك واضغط حفظ اما لو اردت تحميل ملف فعليك بالضغط على كلمة حمل من هنا ((((((حمل من هنا )))) سيفتح لك صفحة جديدة سترى فى اولها من اعلى اسفل شريط العنواد سهم صغير اضغط عليه . وحمل او احفظ على كمبيوترك مباشرة





 #‏مذكرات_تعليمية‬

تابعونا باستمرار فهناك المزيد والجديد ان شاء الله
تابعونا على صفحتنا مذكرات تعليمية
وجروب مذكرات تعليمية
ومدونة مذكرات تعليمية
انضم لقائمة مذكرات تعليمية لتعرف وتحمل كل شئ فى التعليم







التعليقات



لا تنسوا الإشتراك في موقعنا ليصلكم كل أعمالنا عبر البريد الالكتروني

إتصل بنا

مذكرات تعليمية

صفحتنا علي الفيسبوك

Blogger Tips and TricksLatest Tips For BloggersBlogger Tricks

احصاءات المدونة

جميع الحقوق محفوظة

مذكرات تعليمية

2016