مذكرات تعليمية مذكرات تعليمية
recent

آخر الأخبار

recent
random
جاري التحميل ...
random

كيف تحل اللغة العربية بطريقة صحيحة اتبع الخطوات الاتية تحصل على الدرجات النهائية

كيف تحل اللغة العربية بطريقة صحيحة اتبع الخطوات الاتية تحصل على الدرجات النهائية

كتب الدكتور : محمد عامر كامل
اللغة العربية ,,,,,,,,,,,,,,,,
من اسهل المواد (لو عرفت تتعامل معاها صح ,,, يعنى تذاكرها صح عشان تقدر تقفلها باذن الله
فى ناس كتير ذاكرت العربي وحلت بس اكتشفت انها مجابتش الدرجة المتوقعه فيه ليه
عشان فى الاجابة مكتبتش الاجابة المطلوبة ومكتوبة فى نموذج الاجابة
خصوصا فى النصوص والادب (طيب هتكون فين الاجابة الصح هتلاقيها فى كتاب الوزارة فى تعليقات النصوص )
سريعا كدا
التعبير : لازم تعرف قواعد كتابة موضوع التعبير ايوه فى قواعد لازم تتبعها فى كتابة موضوع التعبير عشان تكتب الموضوع بطريقة صحيحة
وحكم واشعار وامثال ومقدمة وخاتمة وفواصل وعلامات الترقيم
الحاجات دى لازم تكون عارفها ومدرب عليها
دى اغلب المدرسين بيبقبوا عاملين مذكرة خاصة بالتعبير
ودى مذكرة استاذى العزيز أ عبدالهادى سيد ونفس المذكرة اللى كنت بذاكر منها
فى حاجه تانى لازم تحاول يعنى تحفظ ابيات شعرية للموضوعات العامة اللى دايما متوقع انها تيجى
مثلا ممكن ييجى موضوع التعبير السنادى عن الجيش والشرطة
ممكن ييجى عن التسامح ف الاسلام
ممكن ييجى عن الارهاب
ف انت الموضوعات دى خلال الايام دى ممكن تجمع بعض الابيات الشعرية والايات القرانية عن الموضوعات
عارف ممكن ناس تقول مش مهم هوا احنا خلصنا المذاكرة لما نشوف التعبير اقولك اللى عايز التفوق والتميز لازم يتعب ويهتم بكل حاجه لان الدرجة هتفرق معاك
دا التعبير الابداعى
بالنسبة للتعبير الوظيفي (رسالة برقية ,,, ) دى لها قواعد وشكل ثابت بتحفظظه وكلمات بسيطه تحفظها وتكتبها
____________________________________
بعد التعبير القصة ,,,,,,,,,,,,,,
اعمل ايه ف القصة اعمل ايه ف القصة (حاول تقسم الفصول على الايام الجاية كل يوم 3 فصول الصبح وحفظ معانيهم
القصة تعتبر حاجه سهلة وممتعة الحل فيها القراءة وبس تقراها بفهم اكتر من مرة تفهم الاحداث وتحفظ المعانى وبس
لان سؤال القصة
طبعا انت عارف بيسأل الاسئلة العادية معنى مضاد جمع
والاسئلة المقالية بيكون فى سؤال اجابته فى القطعة
وسؤال تانى اجابته مش ف القطعة اللى بيجيبها ف الامتحان بيكون بعدها
وسؤال تالت بيتكلم عن الفهم العام للقصة
السر فى القصة زى م قولتلك تقراها
عايزك تتسلى فيها اقرها الصبح وانت مثلا راكب المواصلات
قبل م تنام
اقرأ واعرف ترتب الاحداث وبس هتلاقيها حاجه سهلة
طيب انت كنت بتذاكر القصة من ملخص ايه
عن نفسي كنت بفضل ملخص الاضواء فقط فى فرع القصة فقط
لان فيه معانى كثيرة جداااا (كنت اقرأ الفصل من الملخص واحفظ المعانى الكثيرة )
_________________________________________________________
النصوص
النصوص من الحاجات الجميلة جدااا ومذاكرتها ممتعة
بس تركز من فضلك تذاكر المظاهر الجمالية من كتاب الوزارة معلش هتتعب بس دا نصيحة من اخ ذاكر النصوص من اى مصدر بس متنساش كتاب الوزارة تذاكر منه
(ودا اللى بيفرق معاك وبينك وبين اى حد تانى اللى بيكتب اجابة النصوص زى كتاب الوزارة بياخد الدرجة كاملة
تذاكر التعليق من كتاب الوزارة التعليق من كتاب الوزراة التعليق من كتاب الوزارة )
بص انت عندك مذاكرات المدرس بتاعك تذاكر منها براحتك
انت طبعا هتحفظ المعانى كلها
لكن المحسنات اللى انت هتعملها بنفسك من كتاب الوزارة وهكررها عشان خاطرى لازم تبص لكتاب الوزارة وطلع المحسنات
وبكدا خلصنا من النصوص الشعرية
النصوص كنت بذاكرها من كتاب الوزارة دا الاساس
حل التمارين عليها من ملخص الامتحان

________________________-______
بالنسبة للنصوص النثرية دى بتذاكر الجزء الادبي بتاعها وتذاكرها من المصدر اللى انت بتذاكر منه براحتك والتعليق من كتاب الوزارة
___________________________________
ملحوظة بالنسبة للادب عشان الناس بتشتكى منه
اى حاجه حاسسها صعبة وان شاء الله مفيش صعب تعمل معاها ايه تجزئها
يعنى متجبش كل مذكرات الادب وتحطهم قدامك وتقول الادب صعب طيب ايه الحل
انك تذاكر كل جزء من الادب مع النص الخاص بيه
تذاكر الادب وبعدها النص اللى تبعه هتلاقى الموضوع سهل
وصعوبة الحفظ هنتكلم ف طرق الحفظ بطريقة سهله بس ابسط حاجه التكرار التكرار
وتحفظ بالورقة والقلم الحاجت اللى انت حاسس نفسك بتنساها
الادب من كتاب الوزارة
وكنت نشرت قبل كده الخرايط الذهنية للادب هرفعهالكم تانى
ان شاء الله
_________________________________________________
دروس القراءة
تتبع معاها نفس نظام القصة تقرأ الدرس مرتين بفهم
بعدين تذاكر الاسئلة اللى متجاوبة دا اغلب نظام مذكرات المدرسين بيعمل درس القراءة فى شكل اسئلة
انت لازم تقرأ الدرس بفهم اكتر من مرة عشان تبقي فاهم الاحداث من نفسك وبعد كدا تذاكر الاسئلة
القراءة كتاب الوزارة ,,, ملخص الامتحان
_______________________________
النحو والبلاغة
دول حضرتك لازم تعملهم حاجه ثوابت يوميا تحل قطعة نحو وقطعة بلاغة
وهتلاقي ف الصفحات دول كيفية التعامل مع اابلاغة
النحو ياجماعة السر فيه مش مذاكرة القواعد السر الحل الكتيييييييييييييير للقطع وكذلك البلاغة
خليها حاجه ثابته قطعة نحو وقطعة بلاغة كل يوم
هتشعر بالمتعة بجد والله ومرة على مرة هتلاقى نفسك بلا مبالغة بقيت استاذ فى النحو وممكن توصل تحل القطعة كدا وانت مغمض مش مبالغة بس فعلا دا اللى هيحصل ان شاء الله لو حليت اكتر من 20 قطعة نحو هتلاقى النحو بقي لعبتك
------------------------------------------------------------------------------
عايزك تتعامل مع اللغة العربية بحب وليس مجرد لامتحان
فعلا هتبدع فيها لانها تستحق ان تكون ام اللغات
شير لاصدقائك
اعمل تاج ل 10 منهم في التعليقات
ساعدنى اوصلهم ومتبخلش بنشر الخير تابعونا
















 تابعونا باستمرار فهناك المزيد والجديد ان شاء الله

تابعونا على صفحتنا مذكرات تعليمية
وجروب مذكرات تعليمية
ومدونة مذكرات تعليمية

التعليقات



لا تنسوا الإشتراك في موقعنا ليصلكم كل أعمالنا عبر البريد الالكتروني

إتصل بنا

مذكرات تعليمية

صفحتنا علي الفيسبوك

Blogger Tips and TricksLatest Tips For BloggersBlogger Tricks

احصاءات المدونة

جميع الحقوق محفوظة

مذكرات تعليمية

2016