-->

اعادة تدوير العلب الصفيح حاجة ابداع ولا ف الاحلام وببلاش وحاجات مفيدة جدا جدااااااااا لكل بيت مصري بدل ما ترميها فى الزبالة استفاد بيها

اعادة تدوير العلب الصفيح حاجة ابداع ولا ف الاحلام وببلاش وحاجات مفيدة جدا جدااااااااا لكل بيت مصري بدل ما ترميها فى الزبالة استفاد بيها

    اعادة تدوير العلب الصفيح
    كلنا بنشترى معلبات .. و بنرمى العلب .. مع ان ممكن يكون لها استعمالات مفيدة جدا .. بشوية مجهود بسيط و ممتع
    تعالوا نشوف ازاى :
    لينك الالبوم
    (1)
    المعلبات بتيجى فى علب صفيح باحجام مختلفة
    كلها ممكن نستفيد منها بدل ما نرميها



     (2)
    نبدأ بعلبة التونة
    (3)
    هنشيل الغلاف اللى عليها
    و ننضفها كويس من جوة و من برة
    (4)
    -1-
    ممكن نرص كذا علبة فى درج جنب بعض علشان نحط فيها الحاجات الصغيرة اللى ممكن تتوه فى الادراج
    زى مثلا :
    الادوات المكتبية : دبابيس رسم - استيكة - براية - استك فلوس ... الخ
    ادوات الخياطة : دبابيس ابرة - دبابيس مشبك - ابر - طباشير خياطة - زراير ... الخ
    و هكذا
    (5)
    -2-
    ممكن نستخدمها لخبز الكاب كيك

    (6)
    -3-
    ممكن نفتحها من تحت كمان فتبقا زى الحلقة
    و نستخدمها فى الآتى :
    1- تحديد حجم البيض العيون او البيض الاومليت
    2- لعمل قوالب للحلو او الحادق ؛
    زى مثلا :
    (أ)
    نحطها فى طبق و نحط جواها راق كيك + و فوقه فواكه متقطعة او كومبوت + و فوقهم كسترد او مهلبية ..
    و لما تجمد فى التلاجة نحطها فى طبق التقديم
    و بطرف السكينة نبعد العلبة عن اللى جواها ، و نرفع العلبة
    (ب)
    نحط شريحة عيش توست
    و فوقه خليط من التونة المهروسة فى الكبة مع مايونيز و زيتون - او مايونيز و طماطم و فلفل رومى - او بيض مسلوق ......
    ثم راق عيش ثم راق من خليط التونة
    و نبعد الحلقة عن اللى جواها بطرف السكين و نشيلها

    و الافكار كتير
    (7)
    ندخل بقا على الاعمال الفنية :
    بنجيب ورق هدايا و غرا ابيض
    (8)
    بنحدد بالقلم عرض العلبة
    و نعمل من عنده خط بالمسطرة

    (9)
    بنقص على الخط اللى رسمناه
    و نحط الغرا الابيض على الشريط اللى قصيناه
    (10)
    ممكن بدل ورق الهدايا نستخدم ورق الديكور
    و هو بشكل اخشاب او رخام او نقوش و رسومات اشكال و الوان
    فى خلفه ورق عليه مربعات ليسهل عملية القص بدل ما نستخدم القلم و المسطرة
    و بعد القص بنفصل الورقة اللى عليها مربعات من ورق الديكور ، و بيكون ورق الديكور نفسه فيه لاصق بيلزق على طول فى السطح اللى بنحطه عليه
    (11)
    بنحط الشريط اللى قصيناه (سواء من ورق الهدايا او ورق الديكور ) دايرن داير العلبة
    و نقص لو فيه زيادة فى الطول
    (12)
    بنحط غرا سريع فى ظهر العلبة و نلزقها على الحيطة
    و نحط جوة العلبة شمعة صغيرة
    بتعمل ديكور جميل و جو انيق للمكان
    (13)
    و ممكن (لو مش عايزين نثبتها على الحيطة ) نلف حوالين العلبة كوردون أو شريط
    علشان نعلقها فى السقف بالقرب من الحائط

    (14)
    و نحط بردو فيها الشمعة
    (15)
    و ممكن نزينها بشكل تانى :
    نغطى الجزء الاعلى من العلبة بشريط رفيع من الدانتيل
    نثبته بمسدس الشمع
    الجزء الاسفل من العلبة نحط فيه استك فلوس

    (16)
    ندخل جوة الاستك افرع صغيرة من الورد الصناعى دايرن داير العلبة 
    و نقص العيدان علشان تبقا بسوى العلبة

    (17)
    نلف شريط دانتيل آخر حوالين استك الفلوس 
    طبعا بنثبته بمسدس الشمع 
    و ممكن نربط شريط او نلزق فيونكا او وردة او فصوص ... الخ 
    و نحط جواها شمعة عريضة و عالية شوية بطول افرع الورد اللى حطيناها





    (18)
    هتبقا كدة

    (19)
    ممكن كمان نحط مشابك خشب دايرن داير العلبة



    (20)
    و نحط جوة العلبة كوبايا زجاج صغيرة و جواها شمعة





    (21)

    هتبقا كدة


    (22)
    مش لازم نسيب المشابك على شكلها :
    - ممكن نلون المشابك


    (23)
    - ممكن نرسم على المشابك 
    - او نلزق عليها استيكرز


    (24)
    - ممكن نزينها بالجليتر :
    ندهن المشبك بالغرا الابيض 
    و نرش عليه الجليتر 
    لما ينشف نثبته فى علبة التونة


    (25)
    - ممكن نلزق على المشابك بالصمغ (الاوهو - او مسدس الشمع ) زراير .. فصوص .. ورود .. فيونكات .. ترتر ...... الخ


    (26)
    مش شرط يكون الشكل دة شمعدان .. ينفع بردو يكون فازة



    (27)
    و دة استخدام كمان لعلبة التونة ينفع للجنينة او البلاكونة :
    هنحتاج الى :
    - الوان دهان بخاخ (دوكو العربيات مثلا)
    - عصاية مقشة خشب
    - مسمار طويل الاووظ 
    - ماصورة مياه صغيرة قد 10سم. مثلا


    (28)
    - و زجاج بتاع لمبة جاز او اللى بيتركب فى النجف



    (29)
    عصاية المقشة هنعمل فيها خرم بالشنيور



    (30)
    بأى حديدة مدببة أو مسمار ندق عليها فى نص العلبة لعمل خرم



    (31)
    هنحط المسمار فى العلبة 
    نركب الماسورة فى عصاية المقشة 
    و العلبة فوق الماسورة 
    و نثبت المسمار فى الخرم اللى كنا عملناه فى المقشة 
    كما هو موضح فى الصور



    (32)
    هكذا



    (33)
    ندهن الكل بالدوكو 
    و نثبته فى الارض فى الجنينة 
    او فى قصرية زرع فى البلاكونة




    (34)
    نحط شمعة فى العلبة و نغطيها بالوحدة الزجاجية


    (35)
    فيه استخدام آخر 
    هنقص دايرة من أى قماشة بحج اكبر من علبة التونة بحوالى 3 - 4 سم. 
    و نخيط سراجة دايرن داير القماشة على الطرف 
    ما نقطعش الخيط .....





    (36)
    هنجيب قطن أو سفنج و نحطه وسط القماشة 
    نشد الخيط ، و هيتقفل على القطن أو السفنج 
    نعقد الفتلة و نقطعها

    (37)
    نحط شمع بمسدس شمع دايرن داير طرف العلبة من الداخل




    (38)
    نلزق الكورة اللى عملناها بالشكل دة


    (39)
    و نستخدمها للدبابيس 
    و ممكن بقا نزين العلبة بالشكل اللى نحبه


    (40)
    نيجى للعلب الأكبر =
    طبعا بنشيل الأغلفة 
    و ننضفها كويس من الداخل و الخارج 
    و نلون الداخل بألوان بخاخة ( الدوكو )


    (41)
    أما الخارج فزى ما عملنا مع علبة التونة :
    - اما بندهن العلبة غرا ابيض و نغلف العلبة بورق الهدايا



    (42)
    هكذا


    (43)
    - اما بنستخدم ورق الديكور زى سبق و شرحنا
    (44)
    هكذا

    (45)
    ممكن نغلف العلب بورق سادة و اضافات للتحول للأشكال اللى ظاهرة فى الصورة هنا



    (46)
    ممكن ندهن خارج العلبة ايضا 
    و نزينه بالدانتيل 
    الورود 
    اللولى و الفصوص 
    ..... الخ


    (47)
    بنستخدم العلب دى فى حفظ الآدوات المكتبية :
    الافلام 
    الالوان 
    المسطرة 
    فرش الرسم .... الخ


    (48)
    و ممكن نستخدمها فى المطبخ للمغارف

    (49)
    ممكن نستخدمها لادوات الخياطة 
    او لادوات الاعمال الفنية

    (50)
    ممكن نستخدمها لأدوات الماكياج


    (51)
    طبعا مش لازم نسيب كل علبة لوحدها 
    ممكن نعمل وحدات من كذا علبة 
    -1-
    نعمل خط بالشمع بمسدس الشمع

    (52)
    و نلزق علبتين فى بعض



    (53)
    لغاية ما نلزق 6 علب فى بعض



    (54)
    نجيب حبل عريض

    (55)
    نحط طرفه عند فاعدة العلب 
    و نلزقه فى اول علبتين من الداخل



    (56)
    نطلع الحبل و ننزله عند آخر علبتين و نلزقه فيهم 
    و نقص


    (57)
    ندهن كله بالدوكو


    (58)
    ممكن نزين العلب بالخامات اللى عندنا زى ما نحب

    (59)
    بردو بمسدس الشمع ممكن بردو نلزق العلب على عامود خشب 
    و العامود نثبته فى ارض الجنينة ، او فى قصرية زرع فى البلاكونة 
    و تتعمل فى كل علبة زرعة ( ريحان - نعناع - بقدونس ... الخ )

    (60)
    ممكن نجيب علبة صفيحة كبيرة 
    و مجموعة اصغر 
    و نغلفهم كلهم

    (61)
    نعمل فى كل علبة خرمين


    (62)
    و ندخل سلك فى الخرمين بالشكل الموضح فى الثورة


    (63)
    و نعمل خرمين فى العلبة الكبيرة .. و نمرر طرفين السلك اللى فى العلبة الاخرى فيهم .. و نثبت السلك جامد 
    و نعمل نفس الشئ مع باقى العلب


    (64)
    هيبقا الشكل كدة


    (65)


    (66)
    و دة نفس الطريقة بس بشكل تانى










    إرسال تعليق