مذكرات تعليمية مذكرات تعليمية
recent

آخر الأخبار

recent
random
جاري التحميل ...
random

اشاعات بتسمعها ومصدقينها عن الـ #Linux !!


اشاعات بتسمعها ومصدقينها عن الـ #Linux !!

1- لينكس هو نظام تشغيل
فى الواقع لا، لينكس مش نظام تشغيل .. يخلط الكثير ما بين نواة نظام التشغيل [Kernel] وما بين نظام التشغيل نفسه - الكيرنل ده النواة أو القلب اللي بيتبني حواليها نظام التشغيل وطبعا كفاءة نظام التشغيل بتعتمد علي كفاءة النواة. اما انظمة التشغيل اللي بتستخدم Linux بيطلق عليها GNU/Linux لأن بدون رخصة الـ GNU ومشروع الـ Open Source مكنش حد استخدم نواة الـ Linux لتكوين نظام تشغيل - لكن الشائع اننا بنستخدم كلمة لينكس للدلالة علي اي نظام تشغيل مبني عليه

2- لينكس نظام يعتمد فقط على سطر الاوامر
اللي بيتفرجوا علي أفلام أجنبي كثير واخدين فكرة غلط عن اللينكس - لأن أول ما بيتقال الكلمة دي قدامهم بينط لتفكيرهم شاشة سودا فيها أوامر كثيرة وواحد بنظارة كعب كوباية قاعد دامها ! كلا البتة ~
ده غير صحيح تماما انظمة التشغيل اللي بتعتمد علي اللينكس بيبئي ليها GUI بتقدر تتعمل فيها مع الـ desktop بتاعك وشوية برامج روشة كدة / كمان فيه واجهات كثيرة أوي انت مش مجبر انك تشتغل علي واجهة واحدة لأنك ممكن تنقي براحتك بين أكثر من نظام تشغيل وأكثر من واجهة في نفس الوقت

3- لا يستخدم اللينكس الا مهاوويس التكنولوجيا
لا يا ابو لسان طويل ! الكلام ده كان ممكن يتقال في الأول لما كان لسة اللينكس كنواة بيتعامل مع المبرمجين -لكن دلوقتي وبفضل ملايين المطورين حولين العالم بئة عندك نظام تشغيل ونواة تقدر تتعامل معاهم لو قعدت ساعتين مع اي حد يفهمك الاساسـ .. - استني كدة ! لأ انت مش محتاج حد أصلا / هما هما الساعتين اقراهم علي النت وهيبئي كله في التمام

4- اللينكس غير متوافق مع تطبيقات الويندوز
كل تطبيق عند طنط ويندوز ليه بديل عند أونكل لينكس - بكل سهولة هتقدر تلاقي مليون بديل للبرامج اللي انت شغال بيها وكمان أغلبها مجانية - خد الكبيرة بئة / تقدر تعدل عليها وتغير في الكود بتاعها وتخليها باسمك - يعني لو ضربت في دماغك الصبح تعمل 7azal2om Office اشطة محدش هيمنعك
لو ضاربة في دماغك بئة وقفلت ولازم تستخدم برنامج بامتداد exe - ماشي عادي هتلاقي برنامج اسمه Wine هيشغلهالك برضه عادي - #ملكش_حجة

5- لا أستخدم لينكس لأن لا احد يستخدمة
اعتقاد خاطئ تماما - أغلب الشركات الكبيرة والسيرفرات بتستخدم اللينكس لأمانها واستقرارها الداخلي اللي بيخلي حكومات ومؤسسات ضخمة ومايكروسوفت ذات نفسها زمان اشتغلت بيه قبل الـ windows server ده غير ان اغلبها مجانية أو رخيصة

6- لا يوجد دعم فنى لأنظمة اللينكس
انت مصدق دي ! اللينكس يتبع سياسة المصادر المفتوحة (Open Sources) والمجتمع الخاص بيه بيكبر كل يوم أضعاف أضعاف اللي قبليه لأن من حق أي حد يتطلع علي الكود ويعدل عليه ويبعت تقارير أو نصائح بالتغيير فيه - ده اللي هيخلي ان اللي فاهمين فيه كثير جدا وتقدر تتواصل معاهم / أو حتي تقدر تطلب دعم فني مدفوع من اي شركة من الشركات المتخصصة فيه

7- اللينكس غير ممتع
كان زمان فعلا عايز ألعاب متفكرش في لينكس - لكن دلوقتي الوضع اختلف تماما أصلا أنظمة التشغيل بئت تنزل بألعاب مثبتة مسبقا وكمان شركات الألعاب لما لقت شعبية اللينكس ارتفعت اضطرت انها تعمل نسخة للويندوز ونسخة للينكس من أغلب ألعابها

8- لا يمكن أستخدام لينكس مع اى نظام اخر
ليه لأ !! تقدر بكل سهولة تشغل اي نظامين مع بعض - اللينكس كمان بييجي بحاجة اسمها Live CD ممكن تشتغل بيها علي النظام من غير ما تسطبه - تجربه وتستمع بيه ولو عايز تسطبه اشطة - دي بتاعتك
أم بئة لو عايز تسطبه بس متستغناش عن الويندوز (وده أنا وزمايل كثير ليا عاملينه) فعادي جدا هتختار برتيشن تاني في أسهل الاختيارات وتسطب عليه - خلصت متعملهاش مشكلة

سيبك بئة من ده كله ! يكفي ان شعاره بطريق - he's so cute

التعليقات



لا تنسوا الإشتراك في موقعنا ليصلكم كل أعمالنا عبر البريد الالكتروني

إتصل بنا

مذكرات تعليمية

صفحتنا علي الفيسبوك

Blogger Tips and TricksLatest Tips For BloggersBlogger Tricks

احصاءات المدونة

جميع الحقوق محفوظة

مذكرات تعليمية

2016